隨心 (已搬遷) 新店位置

今日跟住Boss又再去太古坊開會，傍晚在附近食街食飯，有一間叫做隨心的，做星馬菜，於是我們就點了海南雞飯、肉骨茶及白胡椒蝦。隨心海南雞飯賣相很傳統，有三款醬汁、油飯及湯，雞肉處理得好，入口很滑。肉骨茶非常專業，原來有兩款選擇，可以揀星加坡或馬來西亞口味，分別就是有冇藥材，我選了有用藥材的馬來西亞肉骨茶，顏色很深，藥材味不過份，配油炸鬼很正宗，裡面的一字骨很鬆軟。白胡椒蝦沒有想像中咁好，唔知道這個做法是不是正宗，或者邊度鄉下的，反正大蝦夠大隻又好食就已經足夠。10分滿意的一餐。

呢到既海南雞飯係招牌菜，緊係要試下!每日供應數量有限，好彩早黎食到!隨心海南雞飯無骨＄85。海南雞飯配搭既3種醬料，除左薑蓉之外其餘2種醬料都唔太肯定，一種係甜鹹既應該係老抽，一種係酸帶極少既辣真係唔太知，點上雞件幾滋味幾夾，而雞件本身都幾嫩滑!而講到海南雞飯，油飯係另一個賣點，呢到既油飯帶有微微既雞香味，似乎雞油飯撈雞油同雞水撈得幾平均。另外仲有個雞湯，雞湯飲得出熬左好耐，雞既鮮味真係出左黎!沙嗲串燒六串＄68，串燒燒得幾香，而佢既醬係花生醬，個醬係幾新奇!串燒既鹹配上花生醬既甜鹹，係特別既味道，夾唔夾因人而異，而我覺得ok架。而另外我哋重點左一份上素喇沙 $78，話明係上訴，配料有冬菇、秋葵、粟米仔和雞蛋半隻。秋葵非常爽口，跟粟米製的口感非常相似。冬菇索晒喇沙嘅湯汁，變得非常之好食，又平淡變得平淡。通常係街外食嘅喇沙都係米線，而呢間用嘅係米粉溝奶粉，口感非常爽滑，頗為特別。飲品方面，我們點了凍檸檬薏米水低糖和純真他們都是新加坡的特飲，必定要一試。凍檸檬薏米水低糖＄28非常清新，飲落去發覺真係落咗好少糖，非常清淡。唔飲得甜野嘅人好適合，味道方面，杯底有很多薏米粒，口感非常綿密又好食，

住喺東區最正嘅就係搵好野食一d都唔難，高質素小店非常集中，我同老公經常去筲箕灣東大街、鰂魚涌海光街、濱海街等地方覓食，總會遇到驚喜！隨心，我地都幫襯過好幾次，次次食都有驚喜味道！次次黎到必食無骨海南雞飯，基本上個個食客黎呢度都必點，連埋杯鮮味雞湯，雞湯唔會好油，飲落好舒服。最正一定係雞肉，起哂骨，啖啖肉之餘，仲皮爽肉嫩。我平時係唔會食雞皮，一黎怕街食到d雞拔唔乾淨雞毛，二來怕油膩口感，呢度嘅海南雞係會好食到令我放心食埋雞皮，仲食得好過癮😂雞油飯夠香，連伴菜嘅涼拌雲耳絲都好爽脆，好好食。另一個亮點係呢個亞參鳳梨咕嚕肉，賣相已經好吸引，咕嚕肉份量唔少，食極都仲有。味道似加左咖喱嘅咕嚕肉，比起平時食嘅中式咕嚕肉當然更惹味，非常適合拌飯。加埋菠蘿酸酸甜甜，仲好開胃添！我地上次食過麥皮蝦，非常喜歡，今次想試下其他煮法嘅蝦，老公又怕辣，侍應就推介我地試白胡椒虎蝦，果然不錯！香而不辣，蝦又大隻，肉又紮實爽口，老公非常滿意。百味啫啫芥蘭煲，炒得好香，菜都好靚好嫩，無渣。仲試左杯生薑茶，好夠薑，微辣，飲完喉嚨好舒服。侍應都好nice，見我地食蝦食到成碟都係蝦殼仲主動幫我地換碟，小店就係有種溫暖！

Went to try this restaurant tonight with my wife as we heard a lot of good comments about the Malaysian food here.The restaurant isn’t too big, can served about 20 people or so. We didn’t have to wait to be seated as the restaurant was only 70% full.Overall I’ll rate the restaurant 4/5 and will recommend for Malaysian food lovers.Malaysian Bak Kut Teh: 3/5-Nice ribs, but i personally prefer stronger taste for this soup Hainan Chicken & rice: 5/5-Chicken was tender, served with delicious chicken

今晚放工後突然想食喇沙，講起喇沙都起碼成年冇食過於是就同個同事行黎公司附近嘅隨心。之前食lunch都食過一次，覺得唔錯，今晚再encore!入到黎感覺唔錯，見到其他食客碗喇沙就流口水我就叫左碗魚片頭喇沙，咁少湯嘅唔係，係因為我今日喉嚨麻麻地唔想食咁辣，所以師傅特登比少D喇沙湯我，而另上了一碗雞湯，夠貼心同事就叫咗碗海鮮喇沙，佢表示喇沙湯好濃郁而且啲海鮮好新鮮，食到佢舔舔脷除咗兩碗喇沙我地仲叫咗碟串燒，非常鐘意，好欣賞佢個沙嗲醬，值得推介食咗啲咁濃味嘅嘢食，我哋就叫咗碗豆腐秋葵沖一沖佢都唔錯喎，好多料好抵食同事叫咗杯凍檸檬薏米水，佢話好入味，超檸檬香茅花茶超香，又唔會甜，飲咗成個人都好舒服值得推介臨走時我哋發現呢度有魚尾獅噴水，好3D嘅藝術總結: $383賣單其實都唔平，唔緊要啦耐不耐一次，不過啲嘢食同野飲真係好掂，會再幫襯

港島區從來都不是我熟迫地方，但在鰂魚涌附近返工嘅朋友總會找到好野食，今次就去食新加坡菜! 其實除左肉骨茶，我分晤出咩食物系馬來西亞來的，咩食物系新加坡來的。藥材味濃的系馬來西亞肉骨茶，胡椒味的系新加坡肉骨茶。我比較中意馬來西亞肉骨茶，我老公中意新加坡肉骨茶，好在人夠多可以叫曬兩款。鐘意重藥材味嘅肉骨茶，呢間真係好好飲！因為真係真材實料，而且紅棗杞子都好甜！全鍋都比我清曬！正！胡椒味好處系驅風，對我地成日坐office的打工仔來講都系恩物。呢間味道剛剛好，晤會太辣!我對呢碗喇沙簡直愛不釋手，個湯底未免太犯規了！香濃而不膩，仲食到淡淡蝦香，而且有米粉米線兩種粉，好好食！仲要有蝦,魚蛋等等配料，好豐富阿!之前見到海南雞上面層啫喱係骨膠原，今次食時候特別注意，補下都好! 雞好食又夠嫩滑，醬料都OK…不過我中意更濃味道。呢個小食拼盤好健康，好多水果，又番石榴..青蘋果…波蘿…而且個豆腐好好食，個麻醬用得好好啊!整體而言，呢度坐得舒服，食物好食，飲品種類多又好味道，最適合朋友gathering，難怪星期日晚都人頭湧湧！

朋友在附近返工, 告訴我這邊有間不錯的新加坡餐廳, 還有我喜歡的馬拉版肉骨茶, 當然要來試一下! 她說平日人多, 我們就周末來喇, 果然周末夜晚人流不多, 我們walk-in也馬上有位.↑首先當然是馬來西亞版的肉骨茶, 一打開蓋子, 看到深深的湯色就覺得很愉快. 用湯勺攪一下, 果然看到湯料十足! 藥材味濃郁之餘杞子也很甜, 排骨大大一塊, 還有冬菇. 這個湯份量十足, 足夠4個人分享.↑其中一位朋友很喜歡冬蔭公, 便點了個海鮮冬蔭公. 賣相十分吸引, 有趣的是裡面有2種不用粗度的粉 (像是米粉和瀨粉). 雖然我本身不吃辣, 但也試了一小口, 這個湯其實不是很辣或很酸, 而且香料味道很豐富, 愛酸愛辣的朋友可能會略嫌它不夠「重口味」.↑說到新加坡菜, 怎能沒有海南雞呢? 我們點了半隻share, 雞肉很嫩呢, 沾一點上餐廳提供的醬油和薑蓉也不錯!↑小食拼盤對我個人來說很新觧, 有加了梅子粉的石榴, 還有甜甜的青蘋果沙津! 另外小小的三角形豆腐炸得外脆內嫩, 配上濃濃的麻醬, 會讓人吃個不停呢!↑炒菜也不錯總的來說是物有所值的，只是平時不常來這邊，還好它近地鐵站，很容易找到～

今日約咗朋友食間星州菜 見到屋企附近有間叫「隨心」嘅餐廳 都覺得幾特別我仲諗係唔係個廚師煮野食係隨心定係其他到d食物嚟到先知原來食物都幾認真🥢海鮮喇沙有蝦 有帶子 有魚片 有蟹柳 有豆卜 有半隻蛋蝦係原隻上 都大隻帶子大大粒 好正豆卜索哂個湯仲正雖然見到個湯好似好油好濃咁但對於食開重口味嘅我嚟講又淡咗d辣味係接受到嘅 但就係唔夠濃個豆卜同d麵未索唔哂個湯底佢個麵係米粉加瀨粉 見到都覺肥 但偏偏好正米粉本身平平無奇 埋埋後者就提高個口感🥢隨心海南雞飯(無骨)附送雞湯 唔係濃縮湯已經好開心 仲要飲落清甜個油飯粒粒分明架🤤海南雞都幾滑 但係就有d啫哩嘅透明膏狀就差d啦同埋個木耳好好食 好爽口 多d就好啦佢仲有呢三隻醬 應該係豉油 蒜蓉同辣椒醬？我自己就覺得無乜味但係正係海南雞都好好食🥢芥蘭炒豬頸肉呢個就差dd啦豬頸肉略肥 食肥膏多過食肉而芥蘭都偏苦 同埋油 所以都有食剩🥢沙嗲串燒串燒有豬牛雞各2串 真係好香 不過我都係鐘意雞多d 同埋個醬同泰式唔同有d似麻醬溝花生醬😹 都幾特別不得不贊 姐姐嘅服務態度好好一入到去就示意坐邊同遞水見到就飲完仲會自動加水好親切👍🏿👍🏿我地個日係6點左右食 餐廳都

新加坡菜不嬲係我最愛，惹味又多款式！今日係鰂魚涌試咗哩間新加坡菜，即刻想推薦俾大家！我同朋友兩個人放工餓到飛起，諗住黎哩間野大食一餐！我叫咗佢哩度嘅招版海南雞飯，做得招牌菜果然一流！啲雞份量幾多，而且好滑，雞皮更加係肥瘦適中，入口即融咁！沾埋佢自家嘅醬汁更加惹味！雞油飯都做到幾岀色，香口得黎又唔會太油！推薦！佢仲送埋雞湯！夠曬火候！抵食！除咗海南雞飯係必試，喇沙都唔可以錯過！我朋友就叫咗碗海鮮喇沙，一上到黎我地都「嘩」咗聲，好大碗，而且海鮮都超多！尤其係蝦，好鮮甜，正！喇沙味好岀，味道幾正宗！成間餐廳味道算係唔錯，而且個格局都幾好，四四正正，整體而言係算幾好！港島朋友有福了！

今晚約了朋友小聚，經過鰂魚涌，我倆見到一小店，標榜是吃星加坡和馬來西亞食物，就勾起我倆去年到星馬旅遊的回憶，於是就決定在此吃晚餐 。進入餐廳，平實的裝修，就已經感覺到一股很濃烈的星馬食肆的味道，牆上掛著星加坡魚尾獅噴水畫，另一邊又貼有馬來西亞雙子塔的海報，就讓我好像進入了去年的旅程。吃飯前先下單要了飲品，再慢慢揀選食物。檸檬薏米水 應該是這餐廳特製的飲品，微甜，帶陣陣檸檬果香，QQ的薏米，為飲品帶來雙重享受。打開餐牌，滿滿是我喜愛的星馬食物，於是隨便下單要了幾款來試試。新加坡炒貴刁材料豐富，有大蝦、魚片、臘腸…… 等，麵底用上油麵和河粉，加上濃醬油來炒，熱辣辣、香噴噴想不到有數隻巨型大蝦藏在炒貴刁下面，意外驚喜海鮮喇沙除了帆立貝、大蝦、蟹棒、魚片外，還有我最愛的炸豆腐。炸豆腐吸滿了香濃、帶微辣和咖哩味道的喇沙汁，在口腔裡噴射出來的感覺，非常刺激。喇沙用上了鴛鴦粉 ~ 瀨粉和米粉，有粗有幼，爽滑兼而有之。串燒沙嗲豬肉和雞肉各三串，燒得非常香口但仍帶肉汁，沾上香濃花生味的醬汁，好惹味。豬頸肉炒芥蘭夠鑊氣，豬頸肉很爽口，加上炒得脆口的芥蘭這餐廳雖然是小店，但吃得出是用心烹調的傳統星馬味道，非

在香港想要食到新加坡菜式的機會不太多，特別是愛吃肉骨茶的人，想要找一個正宗的吃非常不易。近來在港島區找到了這家，可以食到新加坡兩種口味的肉骨茶~(藥材味及胡椒味)我個人兩款都非常喜歡~不過近來身子虛，所以點了個藥材味的來補補~~XD上桌一煲頗多，可幾個人分享~~內容都好豐富，非常足料。每人附一份油炸鬼和醬油。原本打算提早吃晚飯後去看電影，所以去的時間是下午茶時間，但這家餐牌中原來很多東西都是下午茶時段不提供點選的，所以除了以上的肉骨茶，只能點下午茶餐牌內的食物~兩個人要了一電新加坡必食喇沙~有蝦子、魚片、豆卜等，麵是粗幼兩種結合，吃起來口感特別~另外，還有海南雞~附有雞湯~~這個很好喝。雞肉嫩滑，這個很不錯~另外要了兩個小食。分別是沙嗲串燒~有雞肉和牛肉。烤得不錯，不會太乾，帶點點焦香。還有最後一個是煎墨魚餅~~!!這個好好味道~~~非常喜歡~!!飲品方面，選了檸檬薏米水和生薑茶。兩杯味道正常。要數這家最讚的地方一定是下午茶真心不貴，最便宜25元已有，還送熱飲。很划算~!!

根據一本沒有科學根據 , 但卻極具權威性的星座書所指 , 白羊星座的人士 , 當天要吃 星加坡、馬來西亞 食品 , 就能增強運勢 .... 我不太相信這些星座之說但我又即管照做 , 試試看 ~當晚 , 我們吃 星、馬菜的餐廳就在 鰂魚湧 - 海光街 的 " 隨心 " , 這一間 " 隨心 " 已開業數年 , 我們曾經多次到此用餐 , 水準有保證 ~Menu ~ 馬來西亞肉骨茶 $ 98 /窩 湯的顏色呈深啡色 , 藥材味道濃厚但不會覺得苦澀 ; 材料有 冬菇、玉竹、黨參、當歸、紅棗、甘草、胡椒粒、排骨 ; 排骨十分入味而且肉質嫩滑 , 能夠一咬肉便離骨 , 配上油炸鬼來吃 , 就是夠風味 ~ 魚片頭喇沙 $ 70 : 喇沙湯底的味道充滿了椰汁和海鮮味 , 算是十分對辦 , 麵就是兩溝的用上了兩種麵 , 魚片頭很鮮味而且爽口彈牙 ~ 亞參鳳梨咕嚕肉 $ 108 : 同樣哋叫咕嚕肉 , 但就是跟廣東式的有極大的分別 , 這個亞參咕嚕肉的味道酸酸甜甜又帶點微辣 , 咕嚕肉煮得外層脆口 , 肉質爽嫩入味 , 沒有絲毫的油膩感 , 有夠好吃 ~本篇完 ~

鰂魚涌主打星馬菜嘅餐廳唔多, 今日就試下呢間位於鰂魚涌地鐵站附近嘅 - 隨心。下午茶去到成6點, 重趕得切。呢度嘅下午茶相當抵食, 比正價平一大截, 但份量不減, 跟餐重送熱飲海鮮份量十足, 兩隻大蝦新鮮爽口, 仲有大大隻原隻帆立貝。色澤亮麗嘅湯底, 係以十幾種配料淆製再加入椰漿而成, 椰香撲鼻, 鮮濃惹味, 係成個喇沙嘅精髓。 濃湯同麵一同入口, 係真正嘅色香味享受。驚喜之作!!! 原隻大蝦炸得好透, 外殼一咬裂開, 聲音清脆, 細細咀嚼重可以連殼都食埋, 輕盈碎薄嘅燕麥炸至金黃酥香, 帶濃郁牛油香氣, 伴大蝦一齊食, 帶出驚人嘅美味口感, 好食到清曬碟。雞肉質嫩滑, 鹹香美味, 油飯飯粒挺身, 有嚼感, 係我鐘意嘅口感, 旁邊伴酸木耳清新開胃, 加分!!

今日媽媽去鰂漁涌上興趣班, 收工順路去接佢, 見到間食星馬菜既餐廳, 即刻掛住肉骨茶, 接左媽媽後就去左試下~店面裝修簡潔, 望落幾舒服同乾淨, 待應招呼我地坐低後就俾餐牌我地慢慢睇, 商量左一陣, 就諗好食乜..... 新加坡肉骨茶- 就因為佢先入黎, 一定要嗌, 胡椒味非常香, 啖湯飲落肉味好濃, 而火喉亦控制得好好啲肉唔會韌, 食肉骨茶好怕鞋口 麥皮蝦- 一碟4隻, 係用虎蝦黎整所以都幾大隻而且新鮮爽口, 食落甜甜地好啲似咸蛋黃魚皮既味道, 而蝦上灑左d麥皮, 放入口好香脆又有甜甜地既味道 新加坡炒貴刁- 同我平時食開既泰式炒貴刁好大分別, 貴刁配料有臘腸, 蛋花, 蝦同魚片等等, 加上特獨既調味料, 食落去醬油味好濃好惹味! 熱檸檬薏米水 &凍檸檬薏米水- 食新加坡菜當然要整返杯薏米水, 加埋檸檬, 既清新又清熱, 微甜的! 

要不是陪身邊那位要到鰂魚涌, 最少應該有十年八載未到過太古坊這邊了。記得以前在這兒吃個LUNCH 真是難度超高, 無論是平或貴, 每間餐廳都是坐得滿滿, 就算買外賣都是大排長龍。今次在晚餐時間遊走, 很多餐廳都轉換了, 人也相對的比其他住宅區同時間為少。於是我們真的很隨心下找到這間主打新加坡的東南菜餐廳找吃個晚飯。餐廳外表普通, 有點像茶餐廳, 但內裏充滿東南亞風情。一看到餐廳內的這魚尾獅畫, 就知道可以找到不少新加坡美食。雖然餐牌上有很多選擇, 但還是想簡單一點叫了一個海鮮叻沙。看上去濃濃的湯底十分吸引, 忍不住先呷一口。除了椰香外, 還有配合多種香料及以海鮮的湯頭, 十分搶口。而且更很正宗的用上兩種麵種, 米粉及瀨粉組成的滲滲口感更佳。亦同時把湯頭吸收, 更為美味。雖然不算有很多海鮮, 但蝦肉爽甜, 魚片軟滑, 加上吸收了正碗叻沙味道精華的豆腐卜, 整體也是水準以上的。另一款很出名的新加坡菜便是海南雞飯, 這兒的去骨雞飯最適合像我這種懶人。雞肉不會過肥, 煮得頗嫩滑。加上薑茸和豉油已經很美味, 絶對可以令人吃清整碟飯。而這兒的油飯雞油和蒜香味不重, 反而多帶了椰香, 又與泰式那些不