隨心 (已搬遷) 新店位置

荒廢左一輪無打到食評 我要多謝佢 令我再次執筆 寫返 既然係咁我都決定一定寫多幾個我呢排食過之好西同伏野先講左伏野先太古坊 附近都多野食 Office都多 毅然見到間食新加坡野 今日咁凍 都要暖暖胃下午茶無肉骨茶 咁我散叫啦所謂的胡椒 新加坡肉骨茶 細碗到呢 性價比極低 食完唔想試第二d野 真心唔好食 舊肉又鞋又老又乾....食完都唔知食左乜 好散 我以為係浸爛左的蘿白 完全食唔到味 原來係冬瓜呢舊蘿白生到呢 我都唔想講 睇圖啦油炸鬼 已變成乾可能 其他野有機會好食 但唔會係肉骨茶食完唯一好處係一肚火 個人熱返

係香港地，要食好味嘅喇沙其實唔多選擇。連鎖新加坡店嘅係好味，但係真係勁少料。鰂魚涌呢間隨心就係喇沙fans 嘅新選擇，價錢唔算平，海鮮喇沙都要$80一碗。但係佢就比返足料你，蝦有兩大隻，帆立貝，魚片蟹柳等，上枱嘅喇沙比d 餸蓋過晒。喇沙湯底最緊要，我個人最愛椰味夠香，最怕湯底係水加咖哩嗰d (香港地真係有🙈)，隨心呢方面做得幾balance 。 椰香同咖哩香都夠，又唔會太希。另外我地叫左個炒新加坡炒貴刁，甜甜地，都幾好味

呢間隨心開咗好一段時間，主要係食東南亞嘢，lunch永遠好多人，夜晚嚟就唔使等位，都唔少人食，夜晚仲有雞煲食。呢度有樣嘢係我最鍾意，就係海南雞配喇沙！平時我好想食海南雞飯d雞，又想食喇沙個湯底同麵，呢度可以一次滿足到晒，又唔使加錢，真係好正！今晚飽飽哋，只叫咗2樣嘢1）海鮮喇沙 $80 - 湯底幾香濃，辣度適中，麵係2溝嘅，米粉溝幼籟粉，唔係油麵，有2隻鮮蝦，2片魚片，2條蟹柳，帆立賬貝，蛋，豆卜同芽菜2）新加坡炒貴刁 $75 - 炒得幾好，碟底唔會好多油，同一般嘅貴刁好唔同，有2隻麵底，分別係河粉同麵，基本上都係落豉油炒，微辣，有蠟腸，蝦，魚片，炒蛋，韮菜，芽菜，味道都Ok

星期六冇野做，過黎呢邊睇下有咩lunch食。其實呢邊有好多餐廳，我有想過食周月，但好似黎呢邊試下唔同既野啦。呢間睇落好似好authentic咁。公衆假期（重陽）黎講呢樹都多人！應該冇揀錯！海南雞飯$70 加$10淨髀個湯正常，有杞子，唔覺得有味精，ok！海南雞好滑，但個飯稍為乾咗D；蘿蔔雲耳絲醃過酸酸的，幾開胃架海鮮喇沙$80湯底夠濃，但唔太搶。我喜歡！份量好足，同Mr. C 分都好夠（張相係已經分咗）。不過聽到隔離叫海南雞喇沙，入定個腦先！全餐2個人200蚊有找，午餐來講講真就唔算平，不過份量同食材係一分錢一分貨，下次試試海南雞laksa

周日去到鰂魚涌，晚餐唔知食咩，隨心係openrice找找，發現呢間評語不俗就去一試一行四人叫了一鍋肉骨茶，胡椒味偏重，本人是喜愛的，而且真的是熱騰騰的...湯最重要是滾熱，渴後極滿足海南雞飯雞很嫩，不過略嫌雞味不夠重..而且飯也不夠雞油..相對平日吃的水準真的很普通再來叻沙海鮮湯粉，湯底濃郁，好味最後這個像糖醋骨的....味道太濃太稠....配白飯是一流的..但不可能只叫一碗白飯吧整體還不錯，人數少建議單點比share好

話說之前在午餐時試過隨心的咖喱牛肋條飯, 覺得唔錯! 但臨走時, 卻俾我發現左另一樣野, 原來牆上寫左野好吸引的菜式, 就係"黑松露炒飯"!! 所以個一刻, 我已經很怪責自己點解淨係識得望餐牌, 而唔識得舉高頭, 望下四圍牆上面的特色食品?!過左兩日, 已決定再返隨心試下個炒飯, 睇下佢有幾黑松露。今次我係門口等左唔駛10分鐘, 算ok啦！一坐低, 即刻同侍應落單。約5分鐘左右, 黑松露炒飯已送到我面前。首先, 它的樣子很吸引, 好似好好食, 但聞落又唔覺好香黑松露味。試左一啖, ok好味, 無預期既咁喊, 味道很易入口, 而且熱辣辣, 唔駛一陣我已經成碟食哂!呢餐都算幾滿足, 但$70唔算太平, 間中黎再食下都可以。

中了openrice嘅獎，要到鰂魚涌攞獎！去埋附近午餐！海光街好多餐廳！新加坡菜比較少食，去到唔使等位！店內裝修幾型格！西餐廳格局加好多色彩繽紛嘅食物相片！剛好要坐面壁位！下午茶餐選擇幾多！海鮮喇沙（$58）唔算大碗，配料都幾多，魚片彈牙，豆卜索湯，連殻蝦正常，蟹柳正常，米粉彈牙，掛湯唔錯！湯底濃椰奶味！係唔夠辣！爭啲！海南雞飯（$55）肥髀食，油飯乾身，索晒啲雞油湯嘅味！煙韌好味！無骨雞肉雖然唔多！唔嚡無雪味！拌碟嘅醃酸蔬菜爽脆，酸酸好味！好食！跟飯嘅雞湯用杯上，夠熱，味道香濃！冰雪梨茶（跟餐）茶清甜，帶啲粒粒雪梨肉！好味珍多條涼粉（$18）賣相幾靚！闊口玻璃杯，加七彩珍多條，涼粉彈牙，椰奶汁唔會太甜，好味食物幾好味，服務又唔錯！因為拖住個旅行箱，店員比咗個位置放旅行箱，肥髀初時叫雪碧，上晒飲品之後佢飲咗我個雪梨茶覺得好味，問店員姨姨改飲品都無問題！（雪碧未開罐嘅）上喇沙比埋碟盛蝦殻，細心好nice!好味又舒服嘅新加坡菜

今日因工作關係要到鰂魚涌做d野，同行仲有两位同事，出到鰂魚涌接近12點多d，因為時間吾太夠，要快快食個午餐，就咁就近入左呢間餐廳海南雞喇沙湯頭偏辣😝但總算惹味，個麵底系由米線同米粉，两種口感。豆卜索曬湯汁，海南雞肉偏腍，食吾到咩雞味海鮮喇沙，同事都覺得偏辣，見到佢食到流曬汗😅配料都算豐富

早前, 有馬來西亞籍同事對隨心讚口不絕, 聲稱很有水準, 尤其是它的喇沙, 可以比美在馬來西亞能吃到的水準。因此, 我一直也想到隨心試一試食。在午飯時段, 隨心店外滿佈人群, 非常擠迫, 有的在等位, 有的在等外賣。幸好, 我只是一個人, 所以很快便有位可以坐下。看看四周, 大部份食客也是點了海南雞飯, 或者喇沙湯河。心知這兩道菜水準一定好, 但我卻想試其他菜式, 於是點了娘惹咖哩牛肋條飯, 味道當然沒有令我失望, 牛肋條煮得很淋, 咖啡味道很好。下次一定要試試它的海南雞或喇沙, 相信一定更出色!

午飯時間人潮不斷天氣熱辣辣，好多上班族在門外等位或等人真係嚇親我好在！唔介意坐吧台既我，很快就入座點了海南雞喇沙麵點既時候考慮左好耐，總覺得海鮮喇沙會唔會正宗d呢？海南雞會唔會浸埋落碗喇沙入面呢？還好上菜時鬆了一口氣雞和喇沙是分開上的，還配有3款雞醬食物上台後濃郁既椰香蝦香撲鼻 湯底真的很香濃，材料豐富，微辣開胃，麵底係粗幼混合十分難得好吃到停唔到口而配角海南雞呢係好滑溜既！ 可以見到有皮下啫喱（不過雞配濃烈而味道複雜既喇沙吃，係嚐不出夠唔夠雞味既！）$78 連冰茶值得回頭再來

地膽同事話有間好好食既叻沙，所以lunch time 帶左我地去！一到舖頭門口🤐好多人ahhhh 。天氣好熱，熱到我就快溶🤦🏻‍♀️🤦🏻‍♀️🤦🏻‍♀️排左大約15-20分鐘，好彩老闆幫我地落左單先，入到去就好快可以食🤤🤤🤤海鮮咖哩叻沙($88)賣相已經好吸引，豐富既海鮮料，有2隻帆立貝，2隻蝦，魚片，蟹柳......🤤🤤🤤飲一啖先😳😳😳重椰奶香味，湯底好濃，放左蝦同雞塊去煮，足料去熬製👍🏻👍🏻👍🏻叻沙粉底有3種唔同粗幼既麵，食落有豐富既口感😋😋😋推介:🌕🌕🌕🌕🌗 其實，叻沙(Laksa)係馬來西亞和新加坡的代表性美食，唔同地方有唔同既煮法同口味。馬來西亞既叻沙主要為咖哩叻沙，味道會重椰奶香味🤤🤤🤤要搵間食到正宗叻沙真係唔容易！

新加坡式肉骨茶真係好麻麻... 有胡椒味無其他味，又無蒜頭，油炸鬼似放左幾日，塊一字排3-4啖食晒, 真係少得可憐. 如果兩個人分share嘅話一人只得1-2啖. 我寧願俾多十幾蚊佢俾塊大塊d嘅肉. 真係好懷念新加坡嘅肉骨茶 (是旦一間都好食過呢度)馬來西亞式肉骨茶就都算ok嘅

墨汁墨魚丸喇沙：是瀨粉和油麵的組合，雖然有頗多辣油在湯上面，但是椰奶中和了麻辣的感覺。喇沙的麵和墨丸是合格的，要更上一層樓的話應該湯要增加層次感吧！依我看喇沙就好像日本的拉麵，不同餐廳，不同地方都有對喇沙不同的詮釋，就像這一家就是蝦茸喇沙，湯仔細嚼就有顆粒的口感，但是蝦味如果重一點就好了！跟餐還有薏米水，但是糖加的太多，味道過甜，建議不要叫。餐牌上面還有魚蛋魚片喇沙，海南雞飯，娘惹雞飯，福建麵等，味道是合格的啦。

隨心的肉骨茶實在抵！舒服嘅位置。一盅肉骨茶內有我最愛的一字排。更有滑嘟嘟的冬菇。有黑與白選擇、黑色湯正宗藥材味、濃而香！必食之選！大大條黨參與玉竹杞子混合著、細細盅多麼足料。白色湯胡椒味、清而辣! 留待下次再試。

鰂魚涌e+好旺，開咗好多食店，今晚特登同屋企人出黎搵食。一條海光街，餐廳種類包羅萬有：日本、泰國、印度、韓國、夏威夷...今次先試新加坡菜，因為要食我最愛的喇沙！首先上菜係「牛肋條喇沙」，我要求肉和面分開上，唔想混濁我個湯底。賣相OK，即刻試喇沙湯，入口先係油，然後都係油！睇落去似辣油，但一D都唔辣，只有油"益"味！於是"片"咗D油再試，淨係食到椰漿味，原本應該好重的香料味係無的。內容方面，成碗都係米粉，冇咩味，因為太多油，入唔到粉入面.牛肋條味道正常，唔算好淋。第二樣上菜係：「娘惹咖哩牛腩飯」。原本我係要試海南雞，因為喇沙已揀牛，但佢落錯單....份量中等，有6舊牛腩，咖哩汁味道幾香，好重香料。第三樣上菜係：「話梅豬腩煲」，嘩，賣相一D都唔吸引。一咬，勁韌，要好用力咬，一絲絲咁食，好似食緊豬肉乾。另外，味道超級鹹，含耐D會食到微酸的話梅味。結果，成煲放棄，真係食唔到！orz豬腩竟然可以煮成豬肉乾，韌到咬唔到，利害！第四樣上菜係：「新加坡黑胡椒虎蝦」，有4隻。虎蝦又係煮過火，D肉好"鞋"，蝦頭無晒膏。比較好D的係，個汁正常，平時食扒果D黑椒汁...加幾粒辣椒...第五樣上菜係：「馬拉盞