阿木台灣麵 (廣華街) (已結業)

呢間據說係台灣人開既牛肉麵餐廳。一於等小妹一試究竟吧。門口招呼既姐姐講普通話，應該就係台灣老闆娘。好有禮貌。牛肉麵似牛𦟌面多啲。湯底濃郁，麵條彈牙。唔錯唔錯。有好多酸菜鋪面，唔知係咪我孤陋寡聞，但我第一次見會放酸菜？古早味排骨便當。又係唔似排骨，似酥炸豬排？呢個炸豬排又幾好食，雖然可以再厚啲。滷肉飯唔夠多滷肉，唔夠油香，太dry。只滷蛋都幾硬，同埋唔夠滷水味。飯品跟餐半價，但無試到，睇落幾吸引。總結：可以一試但未必會encore。

🍜 蕃茄牛肉麵 $65﹟超有份量既牛肉麵, 足足有成4大舊牛肉, 都夠入味, 舊舊都厚切, 目測有1cm厚🤩重點係佢整得超級超級軟腍, 入口即溶咁濟🥰🥰而d麵呢, 粗幼度適中, 個人認為軟硬度都岩岩好,有d咬口🤔加上個蕃茄湯好夠味👍欣賞佢個湯底係水得黎但又有香濃既茄味🍅令到d麵都吸收到個湯底既精華😋依個價錢食到咁有水準既食物, 直頭物超所值呀🤟🐔 鹽酥雞 $38﹟熱辣辣既炸雞雞, 炸到外層鬆脆, 又唔會話食到刮嘴仔🤗入面既雞肉亦保持住鮮嫩, 唔會鞋颯颯, 啖啖肉👍仲有神奇既野係佢張吸油紙係既油漬只有好少好少, 所以食落唔會食到膩既感覺🙆🏻‍♀️🙆🏻‍♀️🍳 肉鬆蛋餅 $39﹟肉鬆味就夠曬, 但略嫌覺得蛋味唔夠出同埋有d咸🤔🤔但塊蛋餅都算有d煙韌感☺️

呢間好低調 但老闆一定係黃 同好好人😭事緣有晚好夜食飯 傾工會嘅事 附近餐廳全關 又得翻自己一枱3個人 仲要點小食炸😢老闆都同我地講 唔急住走 反正住附近叫我地繼續傾 同加油😭😭.🧀肉鬆芝士蛋餅$42🧀都算大舊肉鬆係好食帶甜味 好碎個款 唔會又咸又痴牙😍蛋餅煎得幾香 幾彈牙芝士再濃啲就無敵·🐮滷牛展$46🐮雖然得4舊 但厚身同埋好好好好好食👍🏻非常軟淋同入味 仲有不少膠質部分 好難忘🥰🥰🥰·🍖鹽酥肉$39🍖份量唔多 但同樣有記憶點個醃料好味亦特別 唔太咸肉雖然扎實 但會越嚼越香🍜麻醬拌麵$37🍜麻醬特別 唔係普通撈沙律個款呢個溫和啲 甜少少 更適合拌麵麵條亦夠韌度同滑溜 簡單又好食·🍠梅粉地瓜條$36🍠炸皮好香脆 蕃薯夠粉夠淋但本身麻麻蕃薯 所以ok la

身處台灣的味道！/一直很喜歡台灣菜嘅我，今日去旺角試咗「阿木台灣麵」，入到餐廳感覺乾乾淨淨十分光猛，感覺坐得很舒服。💕原來老闆娘是台灣人，態度非常非常之友善！好好人呢~我地點左紅燒牛肉麵，小食就點左鹽酥雞同埋炸甜不辣，飲品就叫咗仙草奶茶同粒粒鳳梨紅茶。/佢哋嘅紅燒牛肉麵大大碗，牛肉好厚身好淋好好味，絕對係推介，配上濃郁嘅湯，簡直係想再來一碗！至於鹽酥雞，炸得剛剛好，唔油同埋好脆，一啲都唔覺得油膩❤️而炸甜不辣，口感好得意，我第一次食已經好喜歡，味道剛剛好！至於鍾意台式飲品嘅我，少不免叫咗杯仙草奶茶，仙草好香，同埋充滿濃郁嘅奶茶味， 十分好飲！仲有要一提就係佢哋出咗自家製嘅辣椒醬，真係超超超好味，試咗用佢哋嘅辣椒醬配合碗紅燒牛肉麵， 味道十分夾，好香口。鍾意麻辣嘅你哋絕對要一試！

同女朋友黎Mongkok呢個地方都係all day shopping day la路過呢個叫阿木嘅台灣嘢唔知係咪新嘅咁我地就入咗去試個座位好迫坐得好唔舒服鹽酥雞 $38得幾件嘅鹽酥雞味道ok嘅炸嘅鹽酥雞都好難唔好味嘅香口脆口嘅算唔錯嘅紅燒牛肉麵 $65都係一般般個麵唔算大碗個紅燒牛肉好一般般 味道ok啦唔算咩嘢特別好味但佢都唔算難食嘅個牛有少少靭啲叫咗兩杯嘢飲枝茶幾得意用枝樽仔裝住整體黎講味道唔算有咩特別但價錢覺得係唔抵嘅同埋個位真係好迫

平日2點鐘去到，成間舖都仲係坐滿曬人！一入到去台灣老闆娘就俾左個餐牌我，我就揀左紅燒牛肉牛筋麵（加左$3轉粗麵），碗麵好大份，男仔都覺到好飽😹個牛展同牛筋都燜得好入味，啱啱好，又唔會太淋，牛筋食落好有膠質，好正。至於個湯底幾清，飲完都唔會口渴，唔味精！而個粗麵就不過不失，聽講幼麵先係餐廳主打，加上餐廳大部分人都係叫幼麵，我估幼麵應該會好食啲。另外，仲叫左個蕃薯葉，上面有啲蠔油，甜甜鹹鹹嘅，幾好食。而餐廳有好多飲品嘅選擇，見到有話梅紅茶，好似好得意，就叫左黎試下啦。成杯飲品好大話梅味，蓋過左紅茶嘅味道，但係唔會好甜，鍾意食話梅嘅人應該會好鍾意😹😆

這間位於旺角的台灣麵見過報導十分吸引，所以今日決定收工過去，都差不多十點都有不少人食，來到台灣麵當然就叫了一個紅燒牛肉牛筋麵，湯底可以，牛肉幾淋身但沒有味道，麵質都不錯，份量都幾大碗可以。而我就叫了一個鹽酥雞便當，雞都幾嫩，微脆，前菜都幾好味，份量感覺少了點。小食選擇不太多但都可以，最後要了炸花枝丸炸得都香入面的墨魚都幾彈口味道不錯油份可以。叫了便當同麵可以以半價飲黑糖珍珠奶茶，黑糖味不太重，奶茶味淡左少少，珍珠口感可以。甜品原價要了冰糖雪耳芋圓，龍眼完全沒有味道，芋圓太淋身，但本身的味道是不錯，不甜，雪耳多點更好。

叫咗個番茄牛肉牛筋麵。首先個湯底勁濃番茄味🍅，仲有啲番茄粒，而且唔會太咸，感覺用好多番茄整個湯底😍。 啲麵係幼麵，軟硬適中，幾有口感，同埋都可以吸收到番茄湯。個牛展同牛筋勁淋，近乎入口即化，同都幾有牛味😝。食到中段，加咗店入面嘅自家製麻辣醬落個麵，個醬勁香，而家唔太辣，少少麻，就算食唔到辣都可以加少少。之後仲有個鹽酥雞，份量十足，而且個皮都唔係太厚，啖啖肉，口感不錯。最後有個鹽味奶蓋四季春，我叫咗微甜，個奶蓋都有芝士味🧀，但唔係好濃果一隻，所以無咁「留」。個茶就普通，唔會太甜，加埋奶蓋都幾好飲😋。

呢間 #黃店 開業無耐已大排長龍😱 餐廳面積不大🤔 要有心理準備會坐得比較迫🤭#紅燒牛肉牛筋麵 🍜 ($69)牛肉幾厚身😛 牛肉牛筋質感軟淋👍🏻 不過湯底同麵條就十分普通🤔 湯底望落深色但其實味道欠奉😅#鹽酥雞便當 🍱 ($54)鹽酥雞同魯肉份量不多😎 鹽酥雞外層算香脆👌🏻 魯肉就比較瘦🤔 整體來講普普通通😏📍旺角廣華街8號地舖🚇 油麻地站A2出口

好掛住台灣嘅食物😍牛肉麵 肉燥飯 蛋餅 鹹酥雞 珍珠奶茶💙全部都係我最愛但係係香港想食番台灣嘅味道並唔係一件容易嘅事大部分台式料理味道都有啲唔係好正宗😣不過近期我終於搵到熟悉嘅台式風味🇹🇼-紅燒牛肉麵 $65湯底好濃郁🥳熬製左好耐嘅牛湯底牛肉很鮮嫩 肉質好鬆軟有少少入口即溶嘅口感麵條係粗麵但係唔會話好硬好難咬軟硬度適中 但稍微淋左少少而且煙煙韌韌 有咬口配埋特製嘅辣椒醬一齊食🌶️味道多一份辣味更加有層次📶-芝士玉米蛋餅 $40濃郁嘅芝士味🧀️蛋餅皮薄香濃蛋味芝士味玉米新鮮多汁-鹹酥雞$38調味同台灣嘅差唔多但係比較無咁鹹雞塊炸得啱啱好🐣金黃色嘅外皮外脆內軟肉質鎖緊 可以保持雞肉juicy多汁-綜合芋圓仙草 ($38)點嘅時候我都無諗咁多見到有芋圓就即刻點🙈芋圓煙煙韌韌好有咬口而且有好多唔同嘅配料有芋泥珍珠仙草等等感覺好大份 好足料💥味道唔會太甜 而且有少少花奶變得更加好食☺️-評分: 8.3/10-🍽: 阿木台灣麵📍: 旺角廣華街8號‎✧✦✧✦✧

今日同朋友去開旺角買模型，見到附近有間台式餐廳，入到去發現原來老闆娘係台灣人，老闆娘好Nice同我地推介食物，最後我哋揀咗幾樣嘢食！紅燒牛肉麵湯底咸中帶酸菜味，牛肉好厚身、肉質好林，好正宗嘅台式味道！推介👍🏻魯肉飯呢間鋪都幾好，有得揀肉燥飯或者魯肉飯，我哋最後揀咗魯肉飯，一嚟到見到碗飯份量好多，啲肉整得好林，入口即溶！芝士肉鬆蛋餅呢個蛋餅不得了呀，真係好足料，超多肉鬆，幾種配料加埋真係絕配！台式炸大腸炸大腸真係唔係度度都整得好食，呢間做到外脆內軟之餘，我哋食到尾，大概半個鐘後，都仲可以keep住脆皮！勁👍🏻奶蓋烏龍茶&奶蓋四季春茶食台灣野點少得飲奶蓋茶，奶蓋好滑茶味好濃！原來餐廳嘅麻辣醬係自家製，牛肉麵加咗麻辣醬後即時野味好多！最後我哋都買咗支麻辣醬返屋企煮麵食。老闆娘話開咗放雪櫃，可以放一年架！

今日約左朋友係旺角拎野，拎完野好肚餓，凍冰冰好想食湯麵，所以就選擇入去阿木台灣麵到食。座低睇餐牌時覺得佢地落單方法唔錯，佢地將菜單過膠，人客用筆係上面圈出想叫的食物就可以，落完單用毛巾一 抹走就可以，咁樣真係好環保唔洗浪費紙張。我叫左杯黑糖珍珠鮮奶少冰~ 個珍珠煮得夠淋岩哂我。 小食~台式炸大腸，炸得夠香脆配上台裡自家製的麻辣醬，好香好麻好辣，正到暈 。睇到原來可以獨立買麻辣醬，即入返一罐比我媽咪，煮麵和炒野時用。我最期待的紅燒牛肉牛筋麵，一來我便急急飲幾口湯保暖，湯入喉好舒服，牛筋煮得好淋， 牛展好厚身好入味，成件事好滿足。呢間店最加分係，一路食全程係聽緊80年代的台灣歌，每首都耳熟能詳，差d 忍唔住唱返兩句。

今日見完客，終於有時間食lunch 啦，又係孤獨食，一定係食麵啦，經過見到台灣麵試業中，就試試佢。好，坐底睇下有咩好食先。紅燒牛肉牛筋麵，個麵好香，牛肉厚切，夠腍身，牛筋好粗，好似花膠甘款，食完感受到無限骨膠原，哈哈！麵底彈牙，個湯底又夠濃郁，店員有介紹呢個自家製麻辣醬，好香麻味，食落唔太辣，所以唔食得辣既都可以試。台灣小香腸，最特別係要夾住個蒜黎食，個蒜係乾身，食落係脆架，冇平時蒜頭又濕又搶喉既味，真係超好食，我怕口臭都要食晒佢！芝士岩鹽奶蓋炭燒烏龍茶，奶蓋咸咸地，芝士味濃，烏龍茶香，唔錯！

下午茶餐甚有彈性, 可從ABC三部份各自選擇喜歡的食物, 小吃部份更可選3款, 超讚。下午茶餐 A + B + C = $36 + 轉飲品 $10A (麵) 選1: 肉燥飯 (小)B (小吃) 選3: 鹽酥雞 x 2 + 炸甜不辣 + 台灣香腸 x 1C (飲料) 選1: 珍珠奶茶 (凍, 去冰, 微糖)肉燥飯份量一點也不小, 唯肉燥較乾身, 醬汁略少, 飯較黏口。鹽酥雞外表酥脆, 雞肉偏乾, 味道不濃, 不會過鹹, 蠻不錯的。炸甜不辣外表炸得脆脆, 內裡QQ, 味道有種說不出的熟悉, 原來是魚糕, 感覺特別。香腸原條上, 咬了一口, 蠻有肉汁的, 感覺香口。唯沒有伴上蒜片, 少了點風味。珍珠奶茶要了走冰少甜, 味道有點淡。珍珠彈牙, 有少少爽口。來自台灣的老闆娘, 親切和善, 與之交談, 感覺置身台灣。邊吃邊聽著餐廳播著熟悉的台灣音樂, 很是享受, 這餐廳是encore-able.

有真羌片子的茶夠薑！老友帶我去广華街上我看着食记选了阿木台湾這個店一般都是好评我要一个紅燒牛肉面加5先有熱珍珠奶茶友人只要一个薑母茶一片片的令人感到意外地熱心這個牛肉面是不是真的？牛肉厚实多筋林味道精緻4大塊神來之家永远是清晰的湯和充分體現台湾省力度的面條自家制Home made feel好吃不貴58$午飯時間加5$珍珠奶茶算大杯估计不想太贵做番街坊生意12：30幾乎全部位都有人客因為野精巧好食我坐坐卡位原來如此舒服