阿木台灣麵 (廣華街) (已結業)

呢間據說係台灣人開既牛肉麵餐廳。一於等小妹一試究竟吧。門口招呼既姐姐講普通話，應該就係台灣老闆娘。好有禮貌。牛肉麵似牛𦟌面多啲。湯底濃郁，麵條彈牙。唔錯唔錯。有好多酸菜鋪面，唔知係咪我孤陋寡聞，但我第一次見會放酸菜？古早味排骨便當。又係唔似排骨，似酥炸豬排？呢個炸豬排又幾好食，雖然可以再厚啲。滷肉飯唔夠多滷肉，唔夠油香，太dry。只滷蛋都幾硬，同埋唔夠滷水味。飯品跟餐半價，但無試到，睇落幾吸引。總結：可以一試但未必會encore。