阿木台灣麵 (廣華街) (已結業)

🍜 旺角廣華街「阿木台灣麵對」食評喺旺角搵平靚正嘅台灣味，試咗「阿木台灣麵對」，主打親民價錢同地道風味。今次嗌咗紅燒牛肉麵同冬瓜茶， $79，性價比相當高。🥩 紅燒牛肉麵• 牛肉：出奇地腍滑，唔會咬唔開，入口即化，絕對唔係「鞋」嘅那種。• 湯底：偏清甜，唔係重口味嗰種紅燒，飲落唔會飲完口乾， 冇味精。• 麵質：冇咁彈牙但勝在吸湯，食落有台灣街頭麵店嘅感覺。• 整體：以 $79 嚟講，牛肉份量唔少，湯底有誠意，麵亦唔馬虎，絕對係一碗令人滿意嘅台灣牛肉麵。🧊 冬瓜茶• 味道唔算特別突出，但勝在夠冰夠甜，喺炎炎夏日飲落去都幾清爽。• 唔會太膩，配牛肉麵啱啱好，解膩又解渴。💬 總結「阿木台灣麵對」係一間值得回頭嘅小店，價錢親民，味道有驚喜。紅燒牛肉麵以呢個價位嚟講絕對係超值之選，冬瓜茶雖然唔算出眾，但都係一杯舒服嘅夏日飲品。

#旺角黃店💛 第一次幫襯 久仰大名！好彩今次(星期日)排左15分鐘就有位😆提提大家原來可以用GULU拎飛台灣人主理 大推牛肉面同蛋餅！佢地既牛肉面加左酸菜 原來口感層次更豐富！芝士肉鬆蛋餅有蛋香同蔥香 同其他本地台灣店好唔同 好正宗！飲品就一般 唔使特登試都OK！Ordered: 鹽酥雞便當 $54芝士肉鬆蛋餅 $42紅燒牛肉麵 $65 +芝士奶蓋炭燒烏龍茶 $38 #旺角美食 #黃店 #旺角好西 #黃色經濟圈 #soho #hongkongfood #hkfood #台灣面 #台灣菜 #hongkong #香港

紅燒牛肉麵湯底一流～麵彈牙～有蔥花、牛肉好淋好入味鹽酥雞便當分開裝～鹽酥雞夠鹹唔會乾～炸粉唔會太厚～一啖一舊好味肉操飯配以半隻滷蛋、豆卜、菜甫～拌飯一流芝士玉米蛋餅好香芝士味配以煎蛋～薄皮上面有D秘製汁食落好夾魯肉飯有半隻鹵蛋、肉燥同五花腩魯肉～好入味撈飯一流比起鹽酥雞鹽酥肉嘅炸粉厚好多～比較乾咬落去好硬～不過醃得幾好味～一盒有好多條啖啖肉整體上都算正宗～好有台式風味不過外賣費實在太貴～外賣盒$7膠袋$1

今日就去左呢間最近好紅既台灣菜食飯 聽人講呢到既台灣牛肉麵好好食紅燒牛肉麵都做得幾正宗 紅燒既味道都有 又唔會耐辣咁 而麵質都比較有咬口 就算浸得耐左都唔會話淋曬唔好食 牛肉咬落唔韌 筋同肉都有 索左湯之後幾好食! 但成碗麵黎講唔算話好大碗 如果肚餓既話就可能要叫多個小食店鋪環境都幾光猛同乾淨 店舖亦有其他台灣既產品賣 大家唔單止可以剩係去食野 亦可以去買啲台灣既產品番屋企!整體黎講 呢間係間唔錯既台灣菜餐廳 經過旺角可以去食!

外賣最好嘅地方就係可以同一時間食好多間餐廳嘅美食, 前段時間大食妹同朋友去咗郊遊, 自己準備嘢食太麻煩, 頭先去咗旺角嘅阿木買外賣<肉鬆蛋餅>雖然堂食點樣都係好食過外賣, 但阿木嘅外賣質素都唔差肉鬆蛋餅非常足料, 肉鬆多得黎又唔會好實同油膩, 一啖一舊啱啱好, 更加方便食用<炸甜不辣>炸甜不辣雖然唔係好大份, 但魚味十足, 而且咬落煙煙韌韌<梅子地瓜條>個人覺得梅子地瓜條好特別, 炸粉好厚, 但厚到帶有煙韌口感, 外表仲要好似炸魷魚咁嘅地瓜條大食妹真係第一次見, 配搭酸酸嘅梅子粉, 創意滿分

疫情緣故, 5pm 食 early dinner仲趕得切叫下午茶，order咗份tea set，再叫個招牌牛肉麵，加多份小食Tea Set麻醬伴麵 + 3款小食 (鹽酥雞、台式香腸、滷牛肚絲）+ (凍)檸檬四季春青茶Tea set 抵食：鹽酥雞香脆；台式香腸正常；滷牛肚絲夠腍檸檬四季春青茶嘅茶味淡淡，啱我口味～麻辣牛肉牛筋麵麵質煙靭，牛肉牛筋肉質軟嫩食得辣嘅朋友可能覺得湯底嘅麻辣味不足我就鍾意佢呢個辣度夠大眾化 😄Order 呢個麵有得半價order 飲品，試咗杯芝士奶蓋炭燒烏龍，芝士奶蓋味夠濃郁 😋但飲品份量偏少芝士肉鬆蛋餅新鮮熱辣，即叫即整即上枱，小心辣親咀👄🔥～屋企人覺得芝士同蛋味唔夠濃但係我就覺得呢個蛋餅有淡淡嘅芝士同蛋味，配埋大量肉鬆，味道啱啱好，而且又唔覺油膩～阿木嘅牛肉麵好食，不過份量比較少，建議除咗order 牛肉麵，仲要叫埋小食先夠飽

話說間野係朋友推薦所以一齊去食，去到見到唔洗等位，所以大家都好開心咁入去。我就嗌咗碗紅燒牛肉麵，食落去第一啖啲湯酸酸地，可能係酸菜問題，但唔至於入味到咁。然後我食麵。啲麵就硬既，一條條口感乾到好似食緊麵粉咁，不過都唔緊要，咁我食佢啲牛肉。啲牛肉煮到好冧，軟綿綿緊食到落口其實冇咩味。Overall成碗野雖然算係可以入到口但完全稱唔上好食。最後我想講既可能係個環境問題，我就建議一下如非必要或者可以關個門。因為出面對到正係停車場果啲，汽車個啲汽油味飄哂入黎，再配碗酸既麵，唔太開胃。

阿木台灣麵的紅燒牛肉麵湯底濃郁，麵條彈牙，牛肉份量慷慨，半筋半肉煮得軟而不爛。加上一點秘製的麻辣醬，令整碗麵多了一份辣香和海鮮香，難怪即使已經開設分店，依然大排長龍。

之前朋友食過話好好食，搞到我一直都想試吓🥸🥸。朋友見我係咁提起話想食呢一間，就開始覺得我煩就帶咗我去食😙😙。------------------------------我同我朋友分別嗌咗一碗紅燒牛肉麵同埋蕃茄牛肉麵。朋友上次食咗紅燒牛肉麵覺得幾好食，所以今次想試吓蕃茄牛肉麵會唔會都係咁好食。🥸🥸啲牛肉份量都幾多，一啲都唔孤寒🥰🥰！牛肉亦都好入味，好淋😋😋。而我同朋友覺得番茄好食過紅燒😗😗。------------------------------我自己覺得呢一間嘅牛肉麵份量幾多，差啲食唔晒，食到好飽🤣🤣。好難搵到一間份量又多又好食嘅間餐廳，所以我會再嚟食！！🥳🥳

見耐冇食台灣野，就去左試呢間好多人都話正既台灣餐廳，晚餐時間去到等位，等左10零分鐘就有位，都算快。店內座位比較逼同窄，好易就撞到人。店內有好多唁同既台灣產品賣到食物啦，朋友叫左個鹽酥雞便當，落單果時可以揀多肉燥，所以我地就加左，個飯都唔錯，都似係台灣食果種味😂 個鹽酥雞就爭啲啦，咬落口好似得炸粉咁。至於我就叫左個麻辣肉燥拌麵，唔知點解呢個等左勁耐，我朋友個鹽酥雞便當食曬，我個拌麵都未到，正打算追單先到。質素方面更加麻麻地，首先麵質一般，因為我印象中喺台灣食嘅拌麵係刀削麵咁嘅樣，但呢到唔係。同埋成個麵有啲濕，我覺得呢啲拌麵要夠乾身先好食🥺🥺🥺我哋另外仲叫咗個芝士玉米蛋餅同埋牛肚絲，牛肚絲幾好食，切到一條條好薄，食落唔會好韌，辣度岩岩好。蛋餅係成餐入面我會比最高分，因為真係做到有台灣既感覺，個皮好煙韌入面啲芝士溶得岩岩好🥳😍😍以下係menu 同單據

之前黎過見勁多人無食到今次下午4點幾黎 都係要等位🙈 等左一陣就有位 終於食到 🤤🤤🤩🤩 🍲 紅燒牛肉麵 $67好大碗 好多肉 份量十足 兩個人不停食 都仲有牛肉😂😂 牛肉厚切 筋肉及脂肪比例合適 好鮮嫩 好入味😋😋 湯底味道香濃適中 唔會太咸太淡 👍🏻 麵條是自家製 亦相當煙韌 能沾到湯汁🤩 我地食到一半 專登試埋 餐廳自家製的辣椒醬🌶🌶 混埋湯麵食 更加惹味🤩 辣椒醬 帶有麻辣香味 令牛肉更加香味我食完都買左罐返屋企🙈😂 -🧀 芝士肉鬆蛋餅 $44 爆多肉鬆 好足料🤩🤩 肉鬆味帶咸香 而且夠脆 夠新鮮 😋 雞蛋能完全鋪滿在餅皮 每啖都食到雞蛋同餅皮餅皮質感岩岩好 軟糯糯 厚度適中 🤤🤤 一啖食一舊 加埋醬汁 口感好豐富 味道好鮮味芝士份量唔多 但反而能突出肉鬆的香味👍🏻👍🏻 讚 -🍴🍽 總結 🍽🍴餐廳食物質素 高質😋😋🤤 而且份量十足 難怪咁多人排隊/慕名而來 餐廳的環境較迫狹 座位之間好近 空間感較小 另外 餐廳位於地鋪 附近亦多車輛經過 當車輛噴出的廢氣 當餐廳門一開 幾乎全餐廳靠門口坐的食客 都聞到刺鼻的機油味🙃🙃 有啲影響食慾🙌🏻 不過餐廳的食物款式接近台灣口味 都值得再來

一個人最好就係食台灣菜,每次唔知食咩就會去阿木,因為選擇多而且一定飽.lunch最好就係食牛肉麵(半筋半肉),佢個湯底實在係濃郁又甜,隱約會飲到D藥材味,咁先係到位嘛.D牛肉大大舊又夠淋,重點都係好好o趙o既筋,食曬都唔會覺得太heavy,上面有一大片酸菜可以減膩,少少鹹酸剛剛好.仲有酸蘿蔔做前菜,細胃口o既我已經好滿足.佢D面有一定厚度,所以浸落湯都唔會咁快變粉狀,keep住咁彈牙,麵餅都好足添 個人推薦可以叫個蛋餅,不過因為太大份,一個人食唔曬咁多野,haha

📍 阿木牛肉麵旺角豉油街98-100號鴻都大廈地下3-4號鋪🌃環境：店鋪麻雀雖小，五臟俱全，除左有賣整好左嘅野食之外，仲有賣啲自家製嘅台灣食品，例如鳳梨酥之類，睇到都流曬口水！背景會播啲台灣歌手嘅歌，筆者去嗰日咁啱係小鬼專場，幾有氣氛！🥘食物：♥️紅燒牛肉麵 $65之前已經耳聞呢間牛肉麵嘅牛肉份量係誇張嘅，所以特登嗌左少麵，點知上黎嘅時候都係被震撼到，好多肉！食肉獸表示大喜。個牛肉一入口係軟嫩到一個點，食得出係高質牛肉嘅，而個麵嘅口感都幾好，口感有啲似上海麵，個湯底更加係濃淡適中，唔會令人覺得太重口味負擔太重個種，飲左幾啖都冇頸渴。評分：👍🏻👍🏻👍🏻👍🏻♥️麻辣牛肉牛筋麵 $69呢個係我朋友嗌嘅，就多左個牛筋位，原本以為會好難咬，但係唔會，個種煙韌嘅口感同牛肉有個對比，令到成碗多左一種口感，正嘅！而個湯底話係話麻辣，但係其實唔係好辣，純粹係小小辣味，令到成碗麵香啲，唔食得辣嘅朋友都可以試下㗎！評分：👍🏻👍🏻👍🏻另外我地仲嗌左兩款小食🍗同一杯嘢飲🫖♥️台灣小香腸 $29呢隻同我地平時食到嘅台灣香腸有啲唔同，係更加甜嘅，而入面嗰啲肉係肥瘦相間嘅，所以一食落去會feel到油分嘅香氣爆曬出黎，並且個

呢間台灣嘢可以話係旺角其中一間長龍店，今次我假日12：00一個人去嘅時候都要等大約20分鐘到，相信其他時間要等得更耐。所以如果想試嘅可以喺app 攞定飛排隊，唔係嘅話就會係耐性嘅考驗。————————————————🍜 半筋半肉紅燒牛肉麵, $69（3.5/5）成碗嘢有2-3塊牛腱同幾嚿牛筋，上面再加左酸菜絲同葱花。個麵食落同上海麵有啲似，食嘅時候索滿左湯嘅味道，但比較淋身，個人冇咁鐘意。而湯有好濃嘅豆瓣醬味，就咁飲會有啲重口味。主角牛腱同牛筋大部份都炆到淋身，不過略嫌湯頭有啲搶左主角嘅味道。🍳芝士肉鬆蛋餅, $42（2/5）蛋餅裏面有好多肉鬆，令到芝士嘅味道唔突出，亦令到蛋餅偏乾，冇飲品嘅情況下食得有啲辛苦。而且餅皮唔算好有咬口，自己未算係好鐘意，不過相信肉鬆fans一定會勁like。————————————————

次次經過都好多人排隊，今日都唔例外，等咗好耐，終於可以一試呢間好多人推薦嘅台灣店！呢度除咗係間特色台灣餐廳，仲有賣台灣食品，款式都好多吓。我地叫咗兩款唔同湯底嘅牛肉麵，兩款湯底都好好食！！😍😍紅燒牛肉湯底好香牛肉味，而番茄湯底味十分濃郁，入面仲有新鮮番茄😋麵相當有彈性，有驚喜最吸引係呢度嘅牛肉，份量驚人！！有四大塊，而且每塊都好厚，煮得好軟😍😍芝士肉鬆蛋餅好好食，蛋餅好香蛋味之餘仲好軟，配埋肉鬆同芝士簡直係完美配搭。如果叫指定食品，可以半價叫飲品😍奶蓋香濃，烏龍茶味不太出，飲到底啲糖好似未撈勻咁，有啲失望...如果用透明杯賣相會吸引啲！整體嚟講，呢度嘅食物質素唔錯，回頭率高，食完終於明點解咁多排隊，唯獨是環境有啲擠逼，未必適合座好耐。