333
23
5
港鐵油麻地站 A2 出口, 步行約6分鐘 繼續閱讀
所有分店 (2)
電話號碼
23119922
開飯介紹
餐廳由台灣人主理,主打正宗台灣菜式,提供各式各樣的台灣菜,麵條沿用老店配方,以高根麵粉每日手工製作;麻辣醬亦為自家炒製, 無味精無添加。 繼續閱讀
附加資料
外賣加$1/盒; $1/膠袋
營業時間
今日營業
11:30 - 22:30
星期一至日
11:30 - 22:30
公眾假期
11:30 - 22:30
公眾假期前夕
11:30 - 22:30
*最後點餐時間: 22:45
付款方式
現金
其他資料
Wi-Fi
食評 (408)
等級4 2020-11-28
2253 瀏覽
台式炸大腸🍢($39)係我地叫既咁多樣野入面, 我覺得炸大腸已經係最出色, 因為佢真係炸到個外皮勁脆, 入面就煙煙韌韌幾有口感炸地瓜條配梅子粉🍠($38)去到門口見到寫左張紙寫住炸地瓜條賣曬有啲失望😕 後尾諗諗試下問店員睇下會唔會有機會有, 點知佢話幫我地睇睇, 結果有呀🤩 黎到見到佢既外型同平日食開果啲都幾大出入, 因為佢既炸粉比較厚, 面頭灑左大量既梅子粉, 甜甜酸酸幾好食既, 但係啲炸粉薄返啲會更好😄芝士肉鬆蛋餅🧀($42)食得台灣野又點可以唔食蛋餅呀💁🏾‍♀️ 呢間既蛋餅皮比較腍身同埋卷得冇咁好, 一夾就散開曬咁濟🧐 味道方面都ok 既, 食到蛋香同埋肉鬆都幾多, 不過我都係覺得大角嘴果間最好食鹽酥雞滷肉飯便當🍱($54)基本上滷肉飯都算係我食台灣野必食既item📝 我發覺而家啲滷肉飯普遍都係比較大碗, 呢間都唔例外😉 可惜滷肉飯同埋鹽酥雞都係普普通通冇咩特別芝士奶蓋炭燒烏龍茶🥤($19)呢款茶得凍既選擇, 咁我唯有揀少冰少甜啦🧊 呢個茶清清地, 芝士奶蓋濃度啱啱好同個烏龍茶底好夾, 飲完都唔會覺得”漏”👍🏽呢間餐廳我覺得如果要我企係度排一個鐘我就覺得冇咁既必要🙈 除左價錢算唔錯之外, 食物既質素偏普通, 出面有更多更好既選擇💁🏾‍♀️ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-11
2680 瀏覽
成日聽同事講阿木,終於搵個星期六試左,睇左阿木facebook十月頭開始可以用手機應用程式theguluhk攞籌等位,好彩預早download左,實測過大約早半個鐘攞籌,去到等冇幾耐就有位。阿木除左台灣麵,仲有便當、拌麵、小食同台式飲料,全部幾十蚊有交易,定價非常貼地親民。另一樣要讚嘅係枱上面嘅湯匙同竹筷都有用膠袋密封,食得更放心。紅燒牛肉牛筋麵($69) - 牛肉麵價錢貼地,但份量比一般台灣麵足料,裡面牛筋同牛肉各兩大舊。阿木嘅牛肉面積一塊已經等於人地兩塊,仲要厚差唔多一倍,目測接近1cm厚,肉質亦好軟腍。牛筋彈牙得黎唔會太韌。麵質唔會太腍,我特別鍾意佢地個湯底,好濃郁惹味。芝士玉鬆蛋餅($42) - 蛋餅質地軟薄,裡面有好多肉鬆,不過芝士就唔多。芝士岩鹽奶蓋炭燒烏龍茶(半價後$19) - 凡點牛肉麵式者台式便當都可以有飲品半價。烏龍茶上面有白色嘅奶蓋,但入口奶味比較淡,芝士同岩鹽味亦唔太突出,比起野食黎講,野飲就較為普通。總結,野食唔差,雖然未至於驚艷,但確係抵食嘅,而家可以喺apps攞籌真係方便好多,唔使早成個鐘去排隊。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-11
663 瀏覽
每次路過都見到呢間台灣菜好多人排隊,宜家先知原來可以用Gulu app上網攞飛先,所以今日終於可以試到啦。台灣菜當中我最鍾意就係紅燒牛肉麵同埋蛋餅,所以今次都有叫到呢兩樣。🍜紅燒牛肉麵(走蔥)$65份量好多,食到好飽。牛肉有四塊,好大塊好厚,煮得好軟淋,都幾有牛味,好食。有大量酸菜,唔錯。麵幾掛汁,口感彈牙。🍳芝士肉鬆蛋餅(走蔥)$42比起平時喺其他台灣菜嘅餐廳食到嘅蛋餅大份,可以切開六大件,又厚,抵。肉鬆好多,好重肉鬆味,仲有啲酥脆。但如果可以見到流心嘅芝士應該會再開心啲。🌶自家麻辣醬(含蝦成分) $0每張檯都有自家麻辣醬,鍾意食辣嘅我梗係點都拎少少試吓啦。少少都好夠味,係我會鍾意嘅麻辣味,又唔會太油,都幾香。我加咗少少落啲麵,又加左少少落蛋餅,都幾夾。🍹芝士岩鹽奶蓋炭燒烏龍茶(微糖走冰)$38因為跟餐飲品有半價,所以其實只係$19。可惜冇得走甜,只可以微糖。店員話如果走甜會無味,所以佢覺得微糖會好味啲。但其實微糖對我黎講都係有啲甜,其實我覺得如果無糖都應該會有茶味嘅。個奶蓋都幾正,好有奶味。但如果個奶蓋厚啲會再開心啲。雖然佢係比飲管我,不過我會直接拎起隻杯,斜斜地45度角咁飲,咁就可以同時飲到奶蓋同埋茶啦。明明食完嗰陣先五點幾,但門口已經排滿晒人。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-29
2447 瀏覽
終於食到「阿木台灣麵」,話說上次到達時先取票排隊,超多人,應該等不到。今次預先早一小時用app取票,去到剛好可入座。全晚都爆滿,氣氛幾好,係坐得迫少少,但樓底算高,感覺唔焗。有10款套餐,牛肉麵及鹽酥雞/肉便當……價錢$52-69,仲有拌麵及多款小食飲品,花光眼亂,但好似去左台灣旅行咁,咩都想叫哂來食。鹽酥肉便當 $59肉燥好正好入味,還可以免費增量(加飯加肉燥)。鹽酥肉超有驚喜,好香脆又惹味,肉質非常彈,仲好多肉汁,超讚。跟餐的是日三款配菜也好味,鹵蛋入味,花生炆豆根超軟糯入味,菜脯很爽脆微辣很開胃。紅燒牛肉牛筋麵 $69牛極厚身,一件等於人地3至4塊,所以好有口感,肉感豐富,牛筋炆得好軟腍有膠質,湯底充滿藥材香味,很滋補美味。台式炸大腸 $39好肥好香口,大腸肥美又乾淨,炸得熱辣辣,外皮脆卜卜,入口爆脂香,易咬好軟有彈性,邪惡但味道好。芝士肉鬆蛋餅 $42蛋餅包著極多肉鬆,加上芝士,咸香惹味,兩個味都好濃郁,蛋餅做得夠薄。金鑽鳳梨四季春 $34 (跟餐半價 $17)有鳳梨清甜,也有四季春甘甜,甜度剛好微甜,好解膩又有果香。玫瑰花烏龍 $28 (跟餐半價 $14)好重玫瑰花味,有烏龍的清香,茶味幾重,無甜飲完唔膩。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-28
1671 瀏覽
每次經過旺角或油麻地,都會想去阿木食台式菜,但真的等太久,所以有好幾次中途放棄😖前排終於知道可以網上拎位,可以省卻很多時間啦😍😍——————————🔹紅燒牛肉麵 $65今次朋友叫了紅燒牛肉麵,分量和味道仍保持水準,當中有牛𦟌和牛筋,每舊都勁大勁厚❤️ 充分吸收了紅燒湯底汁,很入味!麵質是我喜歡的質地,不軟不硬,果然好吃🤤🔸麻辣肉燥拌麵 $43不少客人叫了拌麵,所以我也叫了麻辣肉操拌麵試試😋一上菜就看到麵底下有些湯汁,麵上也有不少肉燥和辣醬,輕輕一撈已經聞到好香麻辣味,以為顏色這麼橙紅會很辣😣但食過一啖就會想再食,因為這個辣醬主要是麻麻的,辣味不太重,應該很多人都可以接受到~ 很惹味😚🔹鹽酥雞 $38上次食過鹽酥肉後,真的念念不忘❤️但朋友反而想食鹽酥雞,就叫了一個share🤪平時好怕食到太乾或太油的炸雞,但這個鹽酥雞令我喜出望外!外面的炸粉很薄,咬開裏面裏會看到少少肉汁,所以完全不會有口渴或很膩的感覺👍🏼🔸黑糖珍珠鮮奶 $17來到台式餐廳,沒理由不喝黑糖珍珠鮮奶,這個珍珠很煙韌😍鮮奶味很香,整體甜度剛好😋 繼續閱讀
(以上食評乃用戶個人意見 , 並不代表OpenRice之觀點。)