阿久根和牛立燒店 (已結業)

朋友突然間打嚟，話今晚喺旺角放工，問我有冇約人食飯，佢話要同我慶祝兒童節🤣 咁啱又真係冇，所以就約咗食飯。朋友話想食燒肉，係OpenRice揀左陣，因為其他都食過，見呢間咁特別話立食又未試過，所以一放工，我地就衝左去搵位。大約7:00pm去到，已經要等位。不過等左大約2x分鐘，我地就有位坐喇！（我估因為要切合返香港人，所以加咗櫈比人坐。）menu上有介紹不同牛嘅部位。我哋樣樣都想食，見做promote所以叫左個「豐和牛二人前」，叫住試吓先，好食再加其他嘢🤣飲品要自己出去撳飛買。第一次見所以忍唔住影咗張相🙈不同嘅調味料，我淨係加咗鹽，不過唔記得影相😅「豐和牛二人前」👇🏻 入口即溶嘅牛肉，又有牛味，樣樣都好好食。實在太好食所以我哋加咗以下嘅嘢，一路食一路繼續吹水🤣雞軟骨串👇🏻 好味😋Encore 嘅牛肉 燒肉吹水點會冇啤酒呢😬

依家係咪興立食🤣上次試過立食壽司🍣 今次就試埋立食燒肉-▫️和牛胸腹肉(5pcs)定食 ($98)依個定食個人覺得好抵食 包埋芝麻醬沙律 麵豉湯 飯和牛胸腹肉油花細膩 肉質淋嫰 叫個定食再散叫幾件其他就岩岩好啦🤤-▫️西冷A5 ($35) 西冷A4 ($28)油脂分佈平均 重牛味 特別A5真係好好食☺️-另外牛胸爽($16) 三角肋肉($20) 前胸部($22)同埋胸腹肉($12-18)都係推介之選‼️ -整體d肉既質素真係好唔錯 價錢亦唔貴 只要你唔mind無位坐 要企住食 係值得試下🔻評分: 8.5/10————————阿久根和牛立燒店旺角白布街2-24號藝興大廈8號舖

知道呢間來頭唔細就來一試究竟，立食燒肉第一次食，感覺幾得意。每款肉都會列明個名，等食客知道自己食咩。呢度係每塊肉咁計價錢，自己就覺得其實立食嚟講都有啲貴，但係食物質素真係唔錯。枱面會有各式各樣嘅醬汁同辣椒粉，辣椒粉好辣！每款肉都叫咗1－2件試下，肉味香濃，值得讚嘅地方係油脂唔會話好多，唔會食落成口油，但又會食到肉嘅香味。飲品方面有自助售賣機，飲品種類都算多元化，平時餐廳少見嘅薑味可樂呢度都有！餐廳面積唔大，淨係容納到10幾人，但每人嘅企位都算闊落，抽油煙都幾強，食完都唔會有好大陣味～

我們家族人丁單薄，做冬就是跟母親大人兩口子，吃什麼也可以～～簡單又講究，可以這樣說吧‼️ 燒肉，和牛，但是站著的，現在多了很多立食壽司，這間立食燒烤，我想老媽會太累，不合老友記～～ 結果她出去門口排隊等候的位置上坐了一會兒～～‼️ 突然間覺得自己不孝‼️ 不過吃到不錯的牛肉，逐片計算，大胃口的都可能失預算每片牛肉都有名牌，很講究‼️除非我是牛，否則怎會知道什麼部位店舖很小，不會太吵，站著的不覺擠迫，好像很自由的周圍走～～～

係旺角行完街見肚餓，去左位於白布街既阿久根立食燒肉入到餐廳已經見到有牛部位既介紹好貼心睇完menu 我就叫左12款既牛而我就最鍾意呢四款牛牛舌切嘅厚度適中食落爽口牛胸爽食落有一浸浸嘅油香值得encore最後講講主角兩款必食既牛就係西冷A4同埋肉眼你食入口即溶 牛香重牛油味會留係你個口入面總括嚟講$453呢個價錢兩個人食但係可以食到唔同部位嘅牛真係好抵而當中包括左一個扺食嘅set個麵豉湯 勁好飲最後原來我係一直都冇用過餐廳提供嘅醬汁因為我覺得如果五點醬汁已經好好食👍🏼👍🏼👍🏼

放工同男朋友去左旺角食晚餐發現左一間好特別嘅燒肉舖雖然地方細細但好有風味因為呢度燒肉係立食架!我地兩個人一個爐，爐下面仲有櫃擺袋，食完唔怕一陣味！講左調味料先，阿久根有好多款調味料。首先有黑椒汁同生果汁，生果汁幾特別，仲可以配唔同辣度既辣粉 。仲有3款鹽！嘢食就緊係主角和牛啦。佢有和牛唔同嘅部位，我最中意就係食三角肋肉，脂肪分佈夠平均。其次就係肉眼啦，好濃嘅牛味。我地怕唔夠飽所以叫左個定食，有包飯，湯同沙律佢地仲有其他串燒，好似粟米同翠玉瓜可以嗌整體嚟講都係一間唔錯嘅餐廳，會有下次！

速食文化除了快餐店，仲可以諗起日本既立食。喺日本立食立飲隨處可見，由於立食流動性快可以增加人流，餐廳成本相對降低亦反映在食物上。你可能會問立食會累嗎?  之前試過喺日本立飲，反而覺得幾輕鬆自在～見旺角白布街開左立食和牛店，價錢以件計，牛類最平$12已經試到，就黎試吓。雖說立食做賣點，但現場見到部分有椅提供，而我地都係選擇立食比較有風味。檯既高度比例好好，檯下有抽屜放袋。點了一份風味和牛定食，定食有蜆湯、沙律菜、白飯配上3個部位，有肉眼A4、後胸腹肉、肩胛。先嘗最愛既肉眼A4，紋路分佈平均，肉質鬆化入口即溶，充滿油香～肩胛：油花都比較多口感帶嚼勁~ 都係唔錯既選擇　後胸腹肉：肉味較濃另外再點其他部位前胸腹肉：帶油脂，肉質綿滑，風味濃厚餐廳提供左好多調味醬汁有生果汁、黑椒汁、燒汁，辣椒粉都有幾款，仲有沖繩鹽、竹炭黑鹽、白松岩鹽、伯方燒鹽、柚子鹽。不過我個人認為，靚既牛肉都係食返原味或者輕點調味已經足夠。除左肉類，亦點了些野菜平衡一下。是次立食用餐只係用左1小時，試左11個牛肉部位，每片肉燒既時間都不用半分鐘，所以都好快食完，唔會覺得攰~汽水飲品由自動售賣機購買～

立食呢種飲食文化好快已經由日本傳到黎香港，由食壽司開始，到而家開埋立食燒烤店，唔知遲D仲會有咩食物會做立食呢雖然話係立食，但迎合番香港人餐廳都有提供坐倚俾有需要客人，我就入鄉隨族，企係度食有番D風味嘛有兩個位我覺得幾貼心，就係餐廳有提供圍裙防止客人整污糟件靚衫，另外每次食BBQ我都有一個煩惱，就係好討厭食完之後成件褸同袋都係燒烤味，而呢度就有個櫃可以密封住客人個人物品，唔洗整臭晒有幾款鹽、辣椒、醬汁俾大家整色整水餐廳用上100%和牛，仲清楚寫明唔同部位燒的時間都會唔同，就唔怕OVERCOOK啦我就試左10萬辣，食得辣既勇士記得要試試呀，都無我想像中咁辣呀網燒無咁易痴底，燒都燒得輕鬆D易控制好多叫左好多款唔同食物，每樣試少少，由於大部份都係和牛，所以入口好嫩滑，另外叫左生菜包住燒肉食，咁就無咁熱氣啦風味和牛定食 ($98)由於每次食燒肉我都覺得有碗日本白飯一齊食會襯好多，所以就叫左呢個定食，$98有和牛食好抵呀食左咁多野都只係每人$200多少少，肉類質素高，值得一試

見佢立食幾有GIMMICK野就去試試，吾洗排隊。如果想坐都可以REQUEST坐位，但企係到食又吾會好迫。餐廳抽風系統都做得幾好，食完無食陣燒牛味。餐廳係主要主打日本的和牛，牛既不同部位都有得比你食，仲有介紹寫係紙上面，教你每塊要燒幾耐，價錢相對實惠。每人一個燒牛肉的爐，自助形式，環境乾淨整潔。我們試了不同部位的燒牛，因為佢每一部位都只係比兩塊，咁我地就可以叫多D試哂成隻牛。牛舌，薄薄地，口感不錯。A5牛係我最愛，入口即溶，脂肪味好重，好香。肩胛味道非常濃，口感一流。呢兩款係我重點推介。我地仲叫左D蔬菜燒下，想清清口感。朋友叫多個定食來吃，有飯有湯。

之前去完日本，試過立食壽司，甚至立食燒肉都開始興起！今日經過旺角竟然俾我見到有立食燒肉，即刻想試下。哩間阿久根成個格局同日本個啲都幾相似，都幾有style，而且環境都闊落，企喺度食唔會覺得好逼。一開始上咗一碟蔬菜類做頭盤，番茄仔好fresh!燒完之後嘅菠蘿更加甜，超級開胃！我同朋友叫咗一人一份和牛胸腹肉定食，有前菜、麵豉湯同米飯，而牛肉就由廚師發板，會random 係胸腹肉中切其中一款肉。牛肉脂肪比例啱啱好，有口感之於仲有牛嘅油香，幾岀色。

和牛燒肉動輒要數百元至千元埋單，而旺角這間開業一段時間的餐廳卻以平價和牛作招來，每片計算，客人可以選擇自己喜歡的部位任配任搭。基本上價錢越貴應該就越好味，當然部位不同都是價錢不同的原因，所以每個部位都點了一片試一試。試了多款不同部份的牛肉，個人較喜歡A4肉眼及西冷，叫得A4當然有返咁上下，一眼望落去油脂紋理最豐富及清晰，肉的比例略少，脂肪跟肉比例各佔一半，牛肉入口充滿油份，超級田爆油，基本上唔需要咬，牛油香味濃郁，是多款牛肉中最好味。其次是牛舌，薄薄一片爽口彈牙。其他牛肉就相對無A4吸引，但味道都不俗，反而是牛胸爽，平時打邊爐碌一碌就食得，非常有咬口，但燒的做法令其更硬更難咬，不適合作燒烤做法。

今晚去了這間食和牛的日本燒肉店阿久根，本來見網上說要企係度燒，但原來餐廳都有些Bar枱及座椅，未至於要企足全程。風味和牛定食套餐有四款不同部位的牛肉，還有一個芝麻醬沙律、醃蒜、蜆肉麵豉湯及白飯。蜆肉湯鮮甜無沙，麵豉湯不會過咸。沙律新鮮爽脆，配麻醬汁清新健康。牛肉方面，上胸腹肉、下胸腹肉、肩胛及A4肉眼中，上下胸腹肉比較有咬口，肉味較一般，肩胛有油脂甘香但都比不上A4肉眼，雪花紋理清晰，入口溶化，油脂香味滲入口腔，要配白飯去中和口內油脂。最後加了點蔬菜去吸收口肉油膩感，日本番薯仔味道香甜，番茄仔燒至表面微焦帶出甜香。

慶祝老公生日佢話想食燒肉，咁岩掃到里間都好多好評見d 評語話可以用平價食到勁高質既牛又盛wo咁咪試下lor！打去book 8:30 里d 最多人食dinner 既時段竟然有位，提早左半個鐘去到都即時有位，突然間有種伏味飄出嚟，不過既然嚟到就食啦！ 2個人叫左個$388 既set (藤籃果兜）有2碗飯跟埋，再散叫多2塊肩胛肉同埋胸腹肉，上菜好快，服務都好好，嚟齊就開始燒啦！點解食極都冇牛味既？ 逐個逐個部位去試，由A4 試到A5 ，可以一丁點牛味都冇架wo ! 神奇呀！我都開始懷疑自己係咪冇左味覺，食乜八物八果d 都好食過里間多多聲lor ! 全場最好食係乜？ 咪就係兜免費既生菜lor ! 爽甜既，仲免費添！ 食唔飽都可以狂叫生菜塞飽自己架埋單連加一 $519，拎左5舊水出嚟食左一堆完全冇牛味既牛！絕對冇下次！

不嬲都5中2寫食評既琴晚去食個夜晚，未夠8點，見到都full左半拉，見到咁多人食，應該冇問題拉，我又勁好牛既，諗住每樣黎1件先拉，點知晌睇梗食咩好戈時，晌我隔離對情侶勁快食完走人喎，心諗都係試試先再叫，咁就叫左個1人定食$98，包湯同飯仲有沙律同前菜，再叫左雞皮$15，墨魚咀$20，鰻魚$20，牛胸爽$16，同2件刺身a5和牛$38蚊件，點完單，好快就拎件圍裙黎，同好快上菜燒牛胸爽先拉，係人都知牛味1定有，點知咩味都冇既，即刻點佢既蒜汁拉，得蒜味，牛味都冇既，唉，心知不妙喇，之後戈d就全部落佢擺出黎既辣粉再燒拉，見佢有海鮮辣同蒜味辣，點知，又係冇味既，得個辣字，我即刻心諗5係丫嘛，墨魚咀燒完細粒過1毫子，仲要完全落咩都冇味，雞皮燒到脆卜卜，又係咩味都冇，得個鰻魚係正常有味既好喇好喇，黎正餐食佢個set喇，先飲個湯，咦，又係冇味既，我味覺冇左咩，咁多蜆都可以冇味既，玩野咩，再燒佢個牛，有西冷a4，肩胛，上下胸腹肉，西冷同肩胛燒完都好夠油花，心諗冇死拉，1啖咬落去，咩事丫，又係冇牛味既，咁細塊連口感都冇🤦‍♀️唉，最衰係點解胸腹肉係鞋既呢，咪玩拉，咩事會鞋既先，唉，完全冇心情食落去，食完咁滯

近年香港興起了日本傳來的立食文化，意指沒有舒適的座位，店家只提供有限位置供客人享用美食，以節省成本從而讓客人享受到更優惠的價格。而繼立食壽司之後，最近本地立食界又多了新的一員進駐，今次是較別開生面的立食燒肉專門店！小店位於旺角白布街這個近年的覓食熱點，店內裝潢簡約整潔，吧枱上放有迷你燒爐，每個可供1-2人享用，全店約可容納18人左右。雖然說立食燒肉店屬别開生面，但其實在日本那邊已不是什麼新鮮事，這類小店勝在一人一爐，自己點自私食，快靚正不會尷尬。這店主打日本國產和牛，店主本身是經營日本進口和牛生意，所以入貨自然比一般的燒肉店便宜，質素亦相對有保證。和牛主要來自九州鹿兒島的A4/A5級數，有齊不同的部位可供選擇，由大路的西冷肉眼到平時較少見的上中下前後胸腹肉共17款之多，分得仔細專業；而這裏採用逐片計算的點菜形式，最平$12已有交易，最貴都是$35左右，豐儉由人，饞嘴的筆者當然不會放過機會，全部部位都先點一轉，實行一次過試匀當中區別。據店員介紹，不同的和牛部位，肉味及質感都會有所區別，就像是肩胛位置，肉味較濃脂肪較少，而胸腹肉則雪花較平均，油香會較重，近乎入口即化。當中較特別的可算是日式