阿久根和牛立燒店 (已結業)

兩個人去旺角諗唔到食咩醒起之前食過隔離嗰間安東雞所以今次想食下其他 上次嚟到門庭若市好多人 今次嚟到 8點鐘到，未坐滿，但都等成5分中先有人安排座位兩個人點咗個和牛二人盛問過waitress佢話有兩碗白飯跟同有一碟特選蔬菜，加多左牛舌同牛肩肉這一盤就是二人盛的特選蔬菜上碟是乾冰墊底好似好霸氣咁如你所見全盤都係一啲西冷肉眼牛舌 三角肋肉要是你like facebook店送一串 雞肉免費的個雞味真係唔同燒既過程唔耐因為 建議燒 只係燒十零秒就可以食 全個餐大致上係咁配埋啤酒一流整体牛肉油分好香每個部位嘅牛肉味道都唔同埋單約650份量較少，要細味品嚐

Monday Blue | 6:10pm | 下雨天約了朋友 6:30pm 後家樂坊交收點東西，未收到她說已旅工，心想她又 OT，饑腸轆轆又下大雨，經過這條街見這小店燈光火著但冇客人喎，唔通未開始營業？正在猶豫之際，店門打開，店員問我幾位，我說只想吃點飯前的「下午茶」，這裡有沒有 min charge 呢？他很友善地招呼我坐在近廚房的一個位、介紹了「是日推介」和怎樣「立食」後，我只點了四款串燒來做我的下午茶。隨後師傅拿了四款同的海鹽介紹給我，他說若我吃牛肉便落海鹽，比預伴醬汁更美味。店員又介紹飲品，雖然只我一人，吃串燒真的要飲啤酒的 短短半小時的「下午茶」，認識了這店主打是和牛、但菜牌也有其他選擇和 set，豐儉由人，要吃的須於下午六時後到訪啊！

後備 阿久 Bforbeauty之後就上咗一碟上下胸腹肉同埋牛舌。胸腹肉嘅雪花分佈得好平均好靚，而且燒完俾勁重牛嘅香味，口感偏腍身。而牛舌做到爽口之於牛味仲好濃郁，好好咬，而且大大塊好有滿足感！食到唔夠喉，再追加咗一碟前後胸腹肉，真係睇完餐牌先知原來有咁多種牛肉種類。前後胸腹就再韌少少，但一樣牛味濃郁，入口好有滿足感！佢仲有好多調味料比客人自己調味，我自己就鍾意點蒜蓉汁，更帶岀牛嘅鮮味！而且枱下面有位置俾人擺袋，仲有圍巾仔帶住食，唔驚整污糟件衫。整體而言感覺唔錯，做到有日本風味！

夜晚突然間想食燒肉，喺旺角呢間立食店，係唔錯嘅選擇，因為佢可以開到好夜。同埋可以平平哋食一、兩塊 之前幫襯過一次，質素都唔錯入門口照舊飲品要去旁邊汽水機買，嘢食劃紙嗌～都係一啲裝飾，大約兩個人一個爐🔥劃完紙之後嘢食好快就會到每件和牛嗌左塊～ A4/A5 分別唔大價錢上都唔係爭好遠 可以清晰見到佢哋啲油脂好靚而且已經溶哂雪唔會有雪味我比較鍾意就咁食，唔加任何醬料。可以好清楚食出牛味 雖然呢兩塊冇入口即溶嘅感覺，但係食得出佢係真和牛只係比上次光顧細塊咗少少～～呢三款就普普通通冇特別驚喜，不過都好食～ 不過同樣嘅係份量都細塊咗 最平好似$12有一塊 最後五花腩係都唔錯嘅係有層次、有質素雖然份量有啲小，當係輕盈宵夜都有啲油膩😂⋯⋯ 兩個人輕輕鬆鬆就食咗$300，都唔屬於平 因為出邊啲放題都唔貴～ 但係佢呢個已經溶哂雪質素又唔錯～ 最重要係開得夜佢份量係細塊咗～但係深夜冇得揀嘅時候，我念我都係會再嚟過幫襯🤣題外話，店主？ 服務有笑容😊 比人感覺溫馨

因為買左飛係旺角睇復仇者4，突然好想食日式燒肉，見旺角食評最好係呢間就黎試下！見到個名立食店有d怕，企係到燒肉咪好攰，好彩去到，原來係有位坐既！兩個人一個爐，我叫左個套餐$148，有稻庭烏冬，配菜、金菇、粉絲等，仲有張相右手邊碟牛肉，佢有張紙教你唔同牛部位要燒幾耐，同埋各部位既特色，另外我同朋友散叫左幾款牛肉、雞串、雞皮、飯。兩個人埋單先$420，食到飽，燒肉黎講真係好抵食，仲要質素好好，牛肉好香好新鮮，最正係A5和牛肉眼，$38一塊、好香牛味，仲真係入口即融！推薦👍🏻間鋪既裝修都幾有日本風味，會再返黎食😋

本身打算去黑布街食甜品行行下變左食燒肉因為行到去一半有勁香燒肉味同埋佢係立食感覺好日本其實都好返香港 又省時同親民 重緊要係毒食都唔會尷尬餐廳位置不大感覺可以應付二十多個客人 見佢燒肉既價錢都好經濟同埋驚燒肉搞到一身都係既朋友都唔驚 佢地店內有有抽屜放袋想食set或者逐樣唔同部位既牛都可以自己選擇主打日本國產和牛 見佢係單張都寫到明有不同部份可以試牛既每一個部位都有好詳細既解釋我同朋友就叫左一份西冷A4係比起平時既牛貴少少 但係你試完真係返唔到轉頭入口真係好有牛味同油脂豐富 即時再追加飲品就要係售賣機買 有日本啤酒配燒肉爽到爆最深刻係佢既調味料好多選擇生果汁同黑椒汁重有不同辣度既味粉重有五款鹽 抵讚

行街路過，見到燒肉店，個樣好吸引。食咗 “風味和牛定食” 套餐有胸腹肉兩片，A4級肉眼兩片，肩胛一片白米飯，沙律，麵鼓湯呢個套餐售價$98，連埋加一$108。燒肉配上白飯，當然好味啦，牛肉充滿脂肪，放上火爐後，立刻引來火光四起。餐廳有幾款伴肉醬汁，及調味粉讓客人自助點配。白米飯上面有紫菜絲及芝麻粒，使白米飯更有咬口。沙律菜清新，配上沙律醬汁，可以消減油膩。麵豉湯內有蜆肉，非常有驚喜，而且湯不太鹹，適合港人口味。肉的份量未有滿足我的肚子，所以追加了菠蘿，雞肉，鰻魚，甜薯，還有牛骨髓。要數比較突出的是菠蘿，本身就是喜愛鳳菠蘿，甜甜的果肉，有菠蘿香氣，是最好的飯後水果。店內有自助售買機，可以自行購買飲料。

阿久根和牛立燒初初開店前人流非常多每次去都怕等位太耐，所以打消主意經過一段時間 再加上早點去（六點）終於都可以唔洗等位就食到la*留意：店舖並無訂枱服務之前未去時一直以前立燒店係企起度食入到去 原來係有位坐只係張櫈係高身少少既櫈店面細細 兩邊放有坐位外 ，中間都有張枱店內不提供水，如要飲品係門口位就有部飲品機最期待既食物黎la風味和牛定食 $98 抵有沙津，面䜴湯，牛肉，一碗加有飯素既飯沙津淋有麻醬， 蔬菜新鮮爽口面䜴湯內有蜆肉 提升湯味道牛肉方面有四塊 每款牛肉旁都放有牛肉名稱前胸腹肉一片，中胸腹肉一片， 肩胛一片，肉眼A4一片當中我鐘意食肩胛 食落有口感枱上仲有醬料比你調味查實三雙醬料比我感覺差不多當中選最好最襯應該係生果汁哇 牛肉油脂分佈平均

今次去左由鼎爺個仔, 藝人李泳豪喺旺角開嘅立食店食燒肉, 兩個人叫左個豐和牛二人盛, 有肉眼, 西冷, 牛舌,牛肚同菜等等西冷有少少筋, 食落幾彈牙, 不過就無肉眼就入口即溶, 可能係因為我地燒左太耐><另外牛肚都好推介, 因為好爽口, 連唔太鐘意食內臟嘅我都好鐘意!牛舌嘅牛味好重, 建議唔洗燒太耐, 因為太熟的話會好靭!除左牛之外我地仲叫左牛胸爽, 雞, 黑豚肉, 鰻魚同燒菠蘿雞肉: 唔會太靭或”霉”, 好易咬啖啖肉, 唯一就係燒嘅時間比牛長好多XD要食的話記住要先放左雞串上去燒先!黑豚肉: 雖然呢間係食和牛店, 但係豚肉都一樣有驚喜, 薄得來都幾有豚味飲品方面,係要自己喺店入面嘅飲品機用八達通買, 選擇唔算太多, 但普通嘅日本啤酒, 汽水綠茶都有!!

香港好少立食嘅燒肉店反而日本就隨處可見, 方便大家燒好就食, 流動率高D, 感覺上都無咁迫。我地叫左豐和牛二人盛, 個set 包肉眼A4,肉眼A5, 西冷A4, 西冷A5, 牛舌, 三角肋肉, 牛肚同埋特選蔬菜, 仲有2碗飯…推介嘅有肉眼, 肥膏嘅分佈好平均, 火起左之後燒大約10秒左右就可以食, 入口即溶, 好易咬, 味道亦好鮮!三角肋肉: 比肉眼薄D, 但係牛味重D, 油脂都多D, 雖然薄但幾有口感!牛肚: 顏色同口感都有D似牛柏葉, 不過就厚身好多, 食落好爽亦好易咬,唔會太靭!牛胸爽: 係每隻牛只得一少部分嘅”下巴”位, 係白色的, 好爽口, 同食其他部為嘅口感好唔一樣.燒菠蘿: 我地叫左2次, 因為食完一串之後實在唔夠喉XD 雖然燒菠蘿好難會失敗, 不過呢度嘅菠蘿好juicy,食完燒肉咁重口味再食返串菠蘿真係最好不過!每枱都有3支醬汁,分別係生果汁, 黑椒汁同蒜蓉汁, 我最鐘意蒜蓉汁, 唔會太咸又有少少蒜味幾惹味!

朋友知道我喜歡吃和牛，亦知道我喜歡新穎的事情，便相約我去吃。立食對我來說既是陌生既是熟悉。為何這樣說：我知道立食是日本盛行的文化，但我從來沒有體驗過。我太早到了餐廳，人流還不算多，但到了食晚飯時間，便陸續多人起來，幸好朋友事前有預約。職員頗細心，會提供圍巾給我們使用，怕我們弄髒衣服，還教我們如何配帶。👍🏻餐廳門外有和風情懷，而且還美美的。餐廳內有LED顯示器是作點飲品，可用支付寶、微訊及八達通付款，太方便了。醬汁都有3款：黑椒汁、水果汁及蒜蓉汁。辣粉都有3種：海鮮辣，10萬辣及蒜味辣。而調味鹽有5種：竹炭黑鹽、柚子鹽、伯方燒鹽、沖繩鹽及白松岩鹽。這裡是主打食和牛🐮，當然不可以錯過。我們點了A4西冷、A5西冷、A4肉眼、A5肉眼、上中下前後胸腹肉、黑豚肉、牛胸爽，和牛牛丸，墨魚咀，菠蘿🍍及白飯🍚。雖然我們點得不算太多，但對於我來說已經足夠。所有和牛的油脂分佈均勻，色澤分明，入口即溶，而且沒有筋。即使燒耐一點，都能用筷子輕輕一撕就能分開。可見肉質是非常嫩滑。不用加配任何醬汁及調味料來吃，都非常好味。墨魚咀口感Q彈煙韌，好味。黑豚肉油脂分佈均勻，呈淡淡的粉紅色。雖然肉質不能跟和牛媲美，但是在

最近係旺角搵到間唔錯的和牛立燒店，原來係鼎爺既仔- 藝人李泳豪開的日式燒肉店😮 呢到的和牛係九州直送，主要係A4/A5級，有好多唔同部份可供選擇，竟然$12/片起已經有交易！難得黎到一於決定慰勞下自己，點了豐和牛二人盛 ($388)😌 有齊A4、A5肉眼/西冷、牛舌、三角肋肉、牛肚同特選蔬菜，仲包2碗撒上味素的日本米飯。我最愛係A5肉眼，牛味幾出，入口即溶😍油花分佈都好平均👍🏻 忍唔住再最後點多一次😋另外點了牛胸爽($16/pc)，覺得幾特別同爽口，係白肉，原來每隻牛只得一少部份，相當珍貴嫁！店內有圖介紹牛的不同部位，仲有建議每面燒的時間，不過因為個爐火力唔太夠，個時間真係只供參考😂 大家記得就返自己食開的生熟度黎燒😉餐廳供應的肉係未經調味的，店內有不同的風味醬汁、3款不同辣度的辣椒粉，有個十萬度辣😂 食得辣的朋友可以試下😂 仲有幾款不同我鹽，因為d牛質素唔錯，都唔洗點調味，我就只加了少許的岩鹽，更帶出和牛的牛香味已足夠☺️ 整體係香港黎講算係比較高質的日本和牛，仲可以單片點，豐儉由人，幾吸引👍🏻 掛住日式和牛味道的朋友，唔洗飛到去日本，絕對可以一試😆

近排旺角開左間新既日式燒和牛餐廳，咁中意食日本菜既我地，梗係唔好執輸走去試下先啦😎 一去到鋪頭細細，大概坐到十幾個人到，餐廳係用自助形式燒烤，用料係九洲直送和牛，價錢相對合理，套餐都幾抵食，仲有散叫都係12蚊起~😍😍😌黎到梗係要食下和牛先啦，首先就叫左個和牛二人套餐，當中已經包括7款牛，菜同加左味素既飯，食落都幾飽。👍🏻仲好細心有齊A4同A5既西冷同肉眼，比我地感受下唔同既肉質有咩分別，正🤩🤩我地就覺得A5肉眼就最好味，油脂分配平均又不失牛味，如果係再厚切d 咁就真係一流😋😋店員仲推介牛胸爽同三角肋肉，兩樣前者會比較爽口，有d似食軟骨的感覺，後者就會肉質較有咬口，牛味特出d，不妨一試架XD🔹豐和牛二人盛 ($388) 🔸牛胸爽 ($16/片) 🔹三角肋肉 ($25/片) 🔴更多食評，Follow Instagram: Foodmarker.hk

旺角立燒和牛！4月4，兒童節，慶祝我仲係兒童，緊係要去食好西！立食燒和牛，朋友介紹既，不嬲都係牛魔王，今次就食下呢個，聽名以為只有企位，去到原來係有得坐既😎我地7點幾到，都未算多人，所以有位坐。二個人用一個燒爐，爐上有吸煙管，所以燒肉味可能接受。聽店員推介既點，簡單點左定食，推介既牛同菜。風味和牛定食呢個定食好掂當！有沙律，蜆湯，飯，蛋，同4款牛。肉眼a5 單點 $38肩胛 單點 $22中胸腹肉 $36 有3件 （單點 $12）後胸腹肉 $51 有3件 （單點 $17）淨係飲都$147🤭所以呢個定食$98抵呀！另外都叫左牛舌$15，牛胸爽$16，上胸$20，下胸$20，前胸$17，冬菇$15，菠蘿$10同翠肉瓜$10。牛肉！全部都係牛肉！好正！基本上全部既牛肉都好有肉味🤪，吾會似出面果d韓式燒肉，一式一樣嘅燒汁味！我自己就鐘意食肥美d既，啖啖肉充滿油脂，所以肉眼a5真係食過返唔到轉頭！一塊$38抵佢貴d～其他胸肉嘅部份就少啲油脂，但口感都好，配合佢唔同嘅汁同鹽，食落都有唔同嘅風味。中間白色嗰件係牛胸爽，第一次食！睇佢金帛以為佢係好肥膩，但係吾係，燒完油脂冇晒，食落係爽口，似雞軟骨，豬頸

阿久根和牛立燒鐘意食牛肉的我，其實對於牛都幾有研究，見旺角白布街開左立食和牛店，價錢以件計，牛類最平$12已經試到，最貴都是$35左右，就黎試吓。呢間受歡迎程度同食物照片都吾錯，於是就同女朋友去呢間我地兩個人就點了一份風味和牛定食，定食有蜆湯、沙律菜、白飯配上3個部位，有肉眼A4、後胸腹肉、肩胛。這裏還有三款不同辣度的辣椒粉，由一萬至十萬度不等，由於我吾食辣的關係所以我無去試。而且當然我始終覺得食靚和牛其實不用太重調味，基本上輕輕灑上點點岩鹽已很足夠，這樣才能細味品嚐到和牛的濃厚肉味和甘香，縱觀這店的和牛質素不俗，脂香滿滿，有些更是入口即溶，直逼貴價燒肉店的品質，以這個彈性價格能享用到正宗日本國產A4/A5和牛，份量隨意，豐儉由人，其實亦合理吸引，算是日式燒肉的另類選擇。