鍋霸吃到飽台式養生火鍋 (莊士倫敦廣場)

營業中

休息中

好久沒見朋友,選了這間可以不限時間暢所欲言,用餐環境乾淨舒適,食物質數亦不錯,種類款式亦多元化,牛肉的油花分布均勻,正常水準,新鮮又美味，麻辣湯底就比較偏咸不夠麻香,但可以又食又飲已經大大滿足

打邊爐宗旨呢，係咩呀？ 熟得快！香港人四季咩節日都可以打邊爐💦咁緊係要搵間坐得舒服，又好食既，仲要冇限時，舒舒服服咁傾住計食🌞朋友唔食牛，所以都會四圍去搵啲豬黎食介紹返呢間啲豬同牛一樣咁正🥰信我，去食，有驚喜🤩啲豬好雪花🤤肥瘦好平均，我係牛魔王都掉低啲牛， 同朋友搶豬食😌牛更加唔使講係必食 ！ 必須Encore好幾轉😍豆腐係蜂巢豆腐， 一定唔會夾爛，個蕃茄雜菌湯底好濃郁，索晒啲湯，好好味🍅🍅魚雲雖然細細舊，但打邊爐啱啱好🥰唔使烚好耐，仲好鮮味✨✨仲有啲丸類 ，海鮮都響鈴全部都係我至愛炸魚皮真係新鮮炸起，比哂四隻味我試最鍾意梅味，其次係辣味，紫菜味，芝士味🙇🏻‍♀️好like個調味bar🥄因為平時啲餐廳隻匙羹都好細🤏呢間隻匙羹好大😆，我真係會攞好多辣椒🌶️，一下就達到我想要既份量，加埋陳醋好開胃。最後食埋個雪糕真係好滿足職員服務態度都好台灣，好熱情❤️‍🔥頭先見到十幾二十人慶祝生日，好開心🥳，好小見到人係任食火鍋店慶祝生日🍻因為好多餐廳任食同限時掛鉤左🥲約朋友收工時間唔一樣🤟🏻又冇得打邊爐🥲所以呢間係幾好既選擇黎👍🏻

我咁中意食野！當然唔會係第一次嚟食😆😆平時一約咗朋友，就會帶朋友嚟呢到，因為佢無限時😄仲可以任食🤪食飯之餘，仲可以傾餐飽嘅🗣🗣🗣🗣今次唔飲椰子雞湯，試果個養生什菌湯底，而麻辣湯底一定唔會缺少啦！😋依家肉類分咗兩個級別，雖然普通嘅我都已經覺得好好，不過今日就試下高級d果隻，睇下有咩分別😁肉類呢高級d嘅牛肉同豬肉都係比香口同彈牙，普通嘅就都唔知，不過油脂分怖果d就無咁靚。佢地個湯底真係真材實料，每次飲十碗都覺得唔夠😆飲太多又會飽，好彩無限時，可以慢慢食😆你地都快d同親朋好友過嚟啦！

如果只在乎同friend喺油尖旺區搵間坐得舒服嘅食肆慢吹水，閒時夾舊邊爐嘢嚼吓過口癮，呢間養生邊爐就真係啱去。放低位位三百幾，晚市6點入座，可以食住坐到凌晨12點打烊。期間侍應亦冇擾人嘅收碟舉動俾壓力食客要過主。除飲品、加湯湯jar、醬料自取外，鍋底叫職員下單，其餘火鍋配料手機落單，大部分配料按每枱人數已俾相對件數。「鹹蛋黃魚皮」埋位係每枱奉上，唔會過份鹹而有咸蛋味。揀嘅「蕃茄濃湯豆腐雜菌涮涮鍋底」都係藥膳成份，有條中指咁粗嘅黨參、去核紅棗，蕃茄7成切粒、3成切件，寫豆腐但實物係長形豆卜，三菇包括雞髀菇、秀珍菇、鮮冬菇。要注意可能濃湯呈茄膏狀嘅湯底，相當易黐底，平均半小時就自行添番jar杞子湯底落去調勻。此消彼長，既然俾食客長時間任點任食，食物就唔係平時放題燒肉中式火鍋大魚大肉嗰類，反而啱想食「清」啲嘅邊爐，菇、菜、不得不提手工肉丸，輕巧的骰有肉味。豬肉片係燈影咁薄，勝在豬味也濃。是日海鮮精選之沙白蜆每次點均有一隻灼咗都閉口，差啲。雞髀肉好大大舊，食完一舊已有脹胃感。飲品比較推介「桂花烏龍冷泡茶」，樽內細心地套咗茶隔，另外「黑糖冬瓜檸檬茶」低糖口感清爽；「烏梅山楂茶」比較多渣濃酸梅味。

係就係聲稱可以任坐十幾粒鐘 食到飽但係員工嘅態度係非常差劣👎🏻👎🏻👎🏻見你坐得耐每次經過張枱都會黑你面仲要唔係得一個員工係咁 問多少少關於個套餐同湯底 就勁唔耐煩咁答你本身成班friend諗住聚下舊坐耐啲吹吓水得閒食吓嘢咁 都比佢哋啲態度搞到冇晒興致🤦🏻‍♀️其實如果你唔想啲客坐咁耐咁你不如唔好搞任食10幾個鐘嘅promo 又要搞又要西人面🥹做生意搞promo前諗清楚你哋自己嘅能力範圍先啦 入嚟消費仲要受你哋氣😞以後唔會再幫襯

📸鍋霸大半年有朋友介紹過不過當時好難訂位就無試到前幾日一時興起 仲成功訂到位食😍餐廳主打無限時任食養生火鍋鍋底有16款可選🤩 睇到花多眼亂最後揀咗 麻辣牛肉涮涮鍋鍋底本身已經有牛肋條 豆卜牛肋條大大舊又夠入味🤤辣度分為3級為食妹平日食開3小辣揀咗中辣黎試都唔會話辣到食唔到✨🍴套餐有2款1️⃣ 安格斯肥牛 + 西班牙豬肉 $3082️⃣ 安格斯肥牛 + 西班牙豬肉 + 安格斯牛頸脊 + 西班牙黑毛豬 $408✨ 7:30前8折 9點後85折為食妹揀咗1️⃣試一試雖然係任食 但質素完全無減同平時其他單點既火鍋店質素差唔多又唔會切到薄過紙咁(圖2）配料選擇非常多丸類 蔬菜 海鮮應有盡有仲有滷水雞腎🤣🤣🤣 要煮陣先食得飲品方面有常見既汽水之外 仲有唔同既自家製飲品 有無糖茶 冬瓜茶 洛神花茶 烏梅汁等最吸引係一入座餐廳會送咸蛋黃魚皮🤩 咸香十足 仲要係新鮮整起熱辣辣仲附送4款shake shake粉紫菜 香辣 梅 同芝士不過啲粉就無咩味🥶回頭率💛8/10#wwh食勻佐敦#wwh火鍋#wwh必食之選

位於佐敦既《鍋霸》主打任坐任食火鍋，今次突然興起，即日打去book位，預留到16:00-19:00，任食三小時，聽講早啲預約既話可以坐6個鐘都得😂兩個人叫左貴啲既set，19:30前離座仲有折。我地叫左花膠雞湯底，食物種類都算多；值得一讚既係佢啲肉，無論牛/豬，或者係佢湯底入面附上既雞，都十分嫩滑，肉味突出，而且解凍解得好好，出面好多任食放題因為做唔切既關係，啲肉放上枱個時仲係冰嚟，呢到既肉就冇呢個問題喇。兩款牛肉都好食，兩個人總共叫左9碟牛，7碟豬。另外海蝦都好新鮮，肉唔霉，蝦味鮮甜；手打墨魚丸都好食，一碟4粒細細粒，就算自己一個食一碟都唔難飲品都係任飲既，推薦冬瓜檸檬，甜度岩岩好雪糕方面限一人一杯，有movenpick，驚喜在有kitkat雪條，不過男朋友食完話好甜唔好食haha

成班人gathering諗咗好耐想打邊爐，最後揀咗嚟鍋霸，任食火鍋食物嘅選擇都好豐富，飲品係自己雪櫃拎，而且每一台會送鹹蛋黃魚皮一碟。環境方面都乾淨，座位闊落坐得都舒服。

呢間位於佐敦的養生火鍋 係我食過最出色的火鍋放題✨✨環境坐得好舒服 寬落最正係有冷泡茶 解膩 因爲唔係好中意飲可樂個d 湯底有好多選擇 有花膠雞 蟲草雞 椰子雞 麻辣 番茄等 可以加錢揀鴛鴦鍋🥘我就揀左花膠雞 味道好清甜 都好足料火鍋配料都好多選擇 手工丸都好出色 我最中意黑松露墨魚滑 彈牙 味道濃郁海鮮拼盤 有蝦 蜆 小蟶子 海鮮一d沙都無 唔會梅 好新鮮👍🏻每人只包一款甜品超推薦呢間火鍋放題👅

鍋霸的確注重養生，不熱氣；有自家制涼茶。服務態度好評，QR Code落單無漏單情況食品質素保持水準，不會追加而變差食物款色選擇多。享用時間充裕，不用趕緊快吃感謝良心食店，注重火鍋不上火價錢合理

又係時候食火鍋啦今次係朋友介紹我過嚟呢度食嘅聽朋友講佢係任飲任食冇限時我就係鍾意佢呢一點，因為一班朋友過嚟食飯真係唔想趕頭趕命食完就走咁我哋就揀咗鴛鴦湯底，啱晒我哋食辣同唔食辣嘅人，好似冇記錯就係加$40之後佢哋就會送一碟黃金炸魚皮，仲有啲粉可以俾你撈勻一齊食黃金炸魚皮我就覺得有少少硬，朋友們都唔太喜歡火鍋配料都有好多款，佢哋好方便唔使我哋行出去拎嘅，喺電話落單就可以啦出到去就見到好多嘢飲，仲有自家製嘅飲品食完之後每人仲會有雪糕送👍🏻不過好似差唔多到500蚊一個人都有少少貴，不過冇限時就冇乜所謂啦我諗我對都錯咗喺度四五個鐘頭🤣

上網搵下邊度有放題冇限時間又可以book位，見到呢間台式刷刷鍋，唔係啲大連鎖店，冇乜廣告，但係倫敦廣場都開咗幾年，應該都唔會好差，上到去估唔到平日都咁爆場，卡位好闊落坐得舒服，由於時間關係，食放題4個人口水多過茶，就算upgrade 食多兩款牛都唔會食得多，所以揀咗：
🖍正價時段Prime Grade 美國安格斯肥牛+西班牙無激素豬肉片($308)，下午時間黎食7:30pm前埋單最抵😂

🖍湯底✅
藥膳沙茶雞涮涮鍋
湯底都夠濃聞到沙茶味

🖍每枱送一碟鹹蛋黃魚皮，炸得幾香脆，枱上預備左幾款味粉可以比你shake shake加料
🖍爆醬濃芝牛丸流心芝士
🖍海蝦夠大隻必叫
🖍除左罐裝、自家製冷泡茶，最鐘意四季春冷泡茶，佢哋就鐘意烏梅山楂茶同黑糖冬瓜檸檬茶，另外菠蘿烏龍溝梳打都好味😋，仙草涼粉爽🥰！籃妹啤酒🍻要另收費$38/3罐都唔算貴，結果四個人飲左30幾罐嘢飽曬🤣🤣
🖍最後甜品雪糕 - movenpick 雪糕外仲有kitkat雪糕批一人一個！📮鍋霸吃到飽台式養生火鍋
📍佐敦彌敦道219號莊士倫敦廣場6樓@hohoeat_foodie_yummy_2021

今天家人提早慶祝生日，選了這間「鍋霸吃到飽台式養生火鍋」；鍋底選擇了鴛鴦鍋；分別「台灣麻辣牛肉涮涮鍋」及「藥膳養生花膠雞涮涮鍋」；啱哂食辣同唔食辣既。一黎就送黃金蛋黃炸魚皮，配上香辣,芝士，海苔，梅子粉，配上紙袋,玩味十足。這鍋底我主要「台灣麻辣牛肉涮涮鍋」涮涮鍋」這部份；已經有牛肉在鍋內，我們選了小辣，剛上鍋底時，還十分入味，麻香十足，隨著湯底加了多次湯後，麻辣漸消退，麻辣香再沒這麼強烈。我們點了較高級的套餐，包括「Prime grade 安格斯牛頸脊」「西班牙伊比利亞黑毛豬」「Prime美國安格斯肥牛」「西班牙無激素豬肉片」正價時後成人$408,小童$278；至於相對較平的套餐，主要小了「Prime grade 安格斯牛頸脊」及「西班牙伊比利亞黑毛豬」至於供應的飲品十分豐富食到最後，必點，有Movenpick 雪糕

今日同公司同事一行4人食，食前都上yourube睇推介，話椰子雞湯濃味，到步即叫試下，果然無界紹錯，湯味濃郁，食到最後仍然食到味。另外，要讚既係自家飲品多款，味道可口，而佢既脆骨腩，魚皮也不錯。不過，甜品無任食，就可改善下，＄308價錢都不算平，希望餐廳考慮下。

真係奇怪現在疫情期間，也堅持一定要2人才做生意😵‍💫，完全不懂得走位，這樣做生意不適合在香港，香港不嬲做生意也是靈活變通，生意好的時候有這樣的要求是沒問題的，但在圓方客人要求一定要二人是不是有點那個呢