鍋霸吃到飽台式養生火鍋 (莊士倫敦廣場)

營業中

休息中

當你有一個大胃王嘅朋友，同佢去食放題就最啱，呢間仲要係午市無限時任食，鍾意食幾耐都得。佢哋有三個唔同嘅套餐，我哋就揀咗一個中等價錢嘅，湯底方面就揀咗藥膳雞煲同埋沙嗲牛肉，係大部份嘅放題火鍋佢哋嘅湯底都係好少材料，但係呢度就唔同，入邊有大大件嘅雞件同埋滷水牛肉，睇得出佢哋連湯底都好有心思。套餐包括多款安格斯牛肉以及西班牙黑毛豬，油脂分布都唔錯，而且肉味都好濃，除咗唔同嘅肉類之外，仲有時令嘅海鮮，我哋嗰日就食到大蜆同埋蟶子，食落去都幾新鮮而且冇沙，而且佢哋仲有好特別嘅台灣丸子，例如冬陰功蝦丸、芝士牛丸，喺香港都比較少有。佢仲會送雪糕，但係真係太飽完全食唔落。