金色不如帰 (又一城)

營業中

休息中

東京一星米芝蓮拉麵店過江龍貝汁湯底特別，新店開張做緊所有拉麵買一送一期間限定優惠，就拉左男朋友去試下，排左個半鐘終於入座。叫左招牌貝汁鹽味同醬油味試下，兩款拉麵都用左三重湯：蜆湯、豬骨清湯、魚清湯，有一塊低溫叉燒同一塊三層肉。鹽味有香草、白松露油、煙肉碎、京蔥、牛肝菌；醬油味有牛肝菌粉、牛肝菌油、京蔥、青蔥、黑松露醬。鹽味清爽，醬油味比較濃，湯味道有層次、略嫌黑松露蓋過湯，兩塊肉薄薄一片正常發揮，想食溏心蛋一隻要另外加$15，溏心效果不錯。拉麵未覺驚豔試過就好，如果原價食價錢太貴應該不了，拉麵份量不多再收加一不抵食。

點了招牌元貝鹽味拉麵，拉麵的湯底有很濃郁的蜆和魚味，很清甜，不會像以往的日本豬骨湯那種很濃稠的湯底，而且上面的白蔥和湯底配在一起非常夾，只是麵條並沒有想像中那麼有嚼頭，但是總體來說可以一試。還點了個魷魚salad，非常新鮮的青瓜和魷魚，醬汁也是酸酸甜甜很開胃，而且很濃郁的黑松露味，很好吃😋

一直都未有機會試呢間上年喺𝗜𝗙𝗖開嘅東京過江龍米之蓮一星拉麵店 - #金色不如帰 @konjikinototogisuhk 記得當時開幕後亦都成為城中熱話，一年後佢哋終於喺九龍區開新分店，九龍區嘅拉麵迷終於有機會品嚐下呢一個米之蓮一星黃金湯頭！湯底嘅香氣真係一入到店內已經撲鼻而來～～～11月4號(聽日就開始啦!!!)至到10號期間喺九龍塘又一城商場分店，新張期間限定優惠，所有拉麵都有買一送一嘅優惠，機會難逢啊，大家快啲把握機會去試吓啦！.always wanted to try this michelin star ramen place @konjikinototogisuhk in IFC 😆 but never got a chance to try it! they recently opened a new branch in festival walk 😋 so decided to give it a try! overall, loved how its so different from most of the ramen out there 🍜 this place

呢家店在日本、新加坡、台灣都有分店。同一款貝汁拉麵，日本賣 950日元（70港元）、新加坡賣 13.9新元（79港元）而且有蛋。至於香港的定價 128港元加 10%服務費真是離地，始終一碗湯麵成本不高，拉麵是普羅大衆日常食品，非高級野；又一城都有好幾家連鎖店照樣賣四五十幾蚊一餐可以生存，所以話金色不如歸的價格離地因為貴租絕不成立。環境狹窄，坐得不太舒服，因為同隔離太接近，不過吃拉麵就是吃快餐、就是普羅大衆的日常食品，所以拉麵店不會有咩氣派。我點招牌拉麵：貝汁鹽味 + 貝汁醬油，兩款我比較喜歡醬油味，兩款湯底都偏咸，味道是鷄湯味但蜆肉味不太突出，拉麵分量不多，男性吃完可能未必夠飽，整體來講味道唔錯，但不覺得非常突出。拉麵就是拉麵，點樣煮法都不會變成魚翅、鮑魚，所以如果以 128元一碗湯麵的離地價格來講，我絕對不會光顧，開業期間買一送一大家可以一試。相信排隊的香港人都是貪新鮮和好奇，好似趁熱打鐵的道理，想起十年前一風堂來港開業打開90元一碗拉麵的指標，當時排隊要兩小時，但今日已經乏人問津。

知道金色不如帰係九龍塘開左新舖拉麵仲買一送一😍咁扺食就梗係要去試下啦😆Momo同Boo係星期日5點幾去到，都預咗要排長龍架喇🙈好在排左半個鐘度就有位，好似算快lu🧐🍽貝汁醬油拉麵🍜 (原價$128)湯底貝汁分別有蜆汁、豬骨湯同埋魚清湯😍醬油味都幾濃郁，不過可能有黑松露醬，所以mix埋有少少菇🍄味咁🤪麵唔算好幼，幾鐘意佢幾有咬口😆唔算好掛湯但配埋京蔥同青蔥就幾正👍🏻最搞笑係塊三層肉🤣唔知點解Momo同Boo都食陣燒乳豬味🤣不過兩片肉都略薄🧐麵既份量男仔黎講未必會夠飽🙈如果正價黎講價錢偏貴😛 買一送一做到聽日，未去既記得趁優惠去食喇😆

米芝蓮一星人氣拉麵店，金色不如帰🍜終於響九龍區開分店😆分店位於九龍塘又一城商場😎咁近我，當然要過嚟捧下場啦😛今次一次過試晒兩款人氣拉麵🤤貝汁鹽味拉麵🍜$128湯底鮮香撲鼻😛聞到好濃郁嘅松露香味😚望落清澈，入口非常清甜😙湯底由秘製蜆湯😉混合豚骨湯同魚介製作而成😝配合日本海鹽同秘製白松露油😌仲響表面放上牛肝菌醬同煙肉碎😊口感豐富有層次，味道更加突出😍貝汁醬油拉麵🍜$128入口不油膩，湯底微鹹帶甜😊湯底由每日新鮮運送嘅大蜆😏製作而成嘅秘製蜆湯😉連同豚骨湯同日本秘製醬油熬製😙配上自家製黑松露醬和牛肝菌醬😚口感加倍，味道多元化🥰唐掦博多華味鳥🐔$88由於即叫即整，所以製作需時☺️上枱時，真係有驚喜🙈遠睇仲以為係四球大雪糕😂原來係四大件唐掦炸雞球😋外層炸到金黃色🥳食落外層鬆脆，內裡肉汁豐富😝加上獨特嘅蜜糖芥末醬汁，食落更惹味🤤熱檸檬生薑蜜🍋$35金色不如帰 (九龍塘)九龍塘達之路80號又一城商場地下低層2樓25號舖

日本🇯🇵米芝蓮一星️拉麵店 金色不如帰繼上年喺中環開咗分店後，啱啱又喺又一城開咗分店。以後要食星級拉麵唔使再過海啦。📍貝汁鹽味拉麵（$128）Shio Hamaguri Soup Ramen📍貝汁醬油拉麵（$128）Shoyu Hamaguri Soup Ramen佢主打貝汁拉麵，湯底用咗蜆🐚、豬骨🐖同魚🐟去煲成。分為鹽味同醬油味，鹽味落咗白松露油，牛肝菌醬，牛肝菌味食落好香好突出🍄😍👍🏻。而醬油味就落咗黑松露醬，牛肝菌粉同牛肝菌油。湯底比鹽味鹹啲。2款湯底都幾清澈，冇一般嘅豚骨湯咁易膩。伴有三層肉同低溫叉燒各一片🐷，相對上前者油花強，食落香口啲，後者較乾棄之可惜，2款肉都好薄，冇乜口感可言。拉麵睇落似蕎麥麵🍜，幼身較腍，同一般食開嘅拉麵好唔同。整體上味道都唔錯，食落去冇一般拉麵油膩感咁重，不過又未令人覺得有成日想再去嘅衝動。建議要試新野就趁早，因為4-11/10有買一送一優惠🤩，平均$60就食到，而家唔食就蝕啦。📍唐揚博多華味鳥（$88）Fried Hanamidori Chicken 呢個雞球波波賣相十分趣緻，外面炸得鬆脆，中間雞肉嫰滑，加埋個蜜糖芥茉醬就更加好食😋。📍自家製豚肉煎餃

連續兩年獲得東京米芝蓮1星⭐️嘅「金色不如帰」最近喺又一城開咗第二間香港分店，新張期間所有拉麵仲有買一送一優惠，當然即刻約埋朋友一齊去啦👭難得可以用一半價錢食到一星美食，都預咗會有好多人去食，夜晚去到排咗一個鐘左右就有位，唔算話等得太耐嘅⏳餐牌其實有五款拉麵選擇，除咗貝汁鹽味同貝汁醬油之外，仲有白豚骨、煙熏黑椒豚骨同埋豚骨辛拉麵，最出名當然就係頭兩款貝汁拉麵，而今次我就揀咗貝汁鹽味拉麵～🍜貝汁鹽味拉麵 (原價$128，期間限定買一送一）拉麵一到，就馬上聞到白松露油撲鼻而來嘅香氣，清澈嘅湯底有京蔥、香草、煙肉碎和牛肝菌醬作點綴，賣相賞心悅目🤩湯頭係用咗蜆湯、豬骨清湯、魚清湯三重湯底調配而成，海鮮嘅鮮甜味道冇想像中咁突出，仔細呷先品嚐到海鮮味，反而白松露油嘅香味有點喧賓奪主，同我想像中有啲出入🧐麵條彈牙而且有小麥香，低溫叉燒同三層肉比較，低溫叉燒不過不失，三層肉則較為出色，入口即融🤤拉麵原價 $128(再加一)依個價位其實有非常多好好食嘅拉麵可以選擇，不過主打貝汁湯底嘅拉麵店其實又少見，值唔值得就見仁見智。

開業買一送一優惠 優惠做到10/11/2020 正價$128我覺得貴 依家2碗貝汁拉麵（鹽味/醬油）加隻溏心蛋連加一 $170.1 價錢相對合理 呢個優惠可一不可再 難怪閑日下午都排晒長龍 個人認為鹽味較醬油湯底味美 較易嚐到蜆/豬骨/魚三重湯底中蜆既鮮味 三層肉肥美 慢煮叉燒肉嫩 拉麵幼了而挺身 相當有嚼勁黑松露油/白松露油 味道相當霸道 幸好每碗所加不多溏心蛋賣相極佳 食後齒頰留香 蛋王香氣歷久不散整體質素唔錯 可惜價格唔夠親民 否則可以多試幾次

Follow @pigfoodiexhk for more food!🐷💛#pigfoodiexhk_日本菜===================📍米芝蓮一星風味‼️ -- 金色不如帰🍜💁🏻‍♀️金色不如帰係米芝蓮一星嘅拉麵專門店，主打自家創作嘅黃金湯頭😋前幾日又一城就開咗香港第二間分店，小編就去咗試下🤤----------------------------⭐️貝柱醬油拉麵（$128）呢個係米芝蓮星級推薦拉麵，湯底用上蜆湯，豚骨湯同日本秘製醬油混合而成，飲落微鹹帶甜，頗濃郁，散發陣陣黑松露同牛肝菌醬嘅幽香🥰🥰麵條用上日本上乘小麥粉自家製成，食落軟硬度適中，有微微嚼勁🙈低溫叉燒同三層肉肥瘦均勻，肉香同油脂香兼備💖整體不俗頗有驚喜❤️----------------------------⭐️涼拌黑松露紋甲墨魚（$68）黑松露味濃郁，墨魚食落夠彈牙，配埋酸酸哋青瓜絲清新開胃🥰----------------------------⭐️青蘋果梳打飲落好夠氣，甜甜哋好好飲🙈-----------------------------賣相：7.3/10味道：8.2/10性價比：6.8/10回頭度：6.9/1

上月响又一城經過仲未開，都會等開咗過嚟試吓，話晒都响東京一粒星啦，其實平時我對拉麵都係一般般，試過好多間出名拉麵，好多d湯太重料，造成太濃烈，食完好滯，今次試吓佢哋個白松露油厚燒牛舌飯定食同主打拉麵-貝汁醬油拉麵，定食有冷切牛舌有機蔬菜沙律、牛舌青瓜粒、牛舌麵豉湯、重點-厚燒牛舌白松露油蛋汁飯...個飯真係好好味，飯唔會太軟，白松露油加蛋汁撈飯一絕，鹽燒牛舌選用牛芯部位淋得嚟有彈口👍🏻只是略嫌少，如多一件就very good，貝汁拉麵-麵質唔太淋有彈性，叉燒薄切兩片，入口溶化，湯底香濃松露醬同牛肝菌醬但唔太滯，再加上湯底有鮮甜蜆同魚，再加豬骨炮製而成，真係飲晒都得，同埋佢哋隻糖芯蛋....冇得輸👍🏻...仲要4-10/11全店拉麵買一送一優惠，超值，比d心理準備又要排隊

呢間米芝蓮拉麵店喺東京幾出名，好耐之前喺ifc食過，依家喺又一城開分店，終於唔使就過海先有得食喇！招牌貝汁拉麵(HKD128)有鹽味同醬油味，雖然店員推介鹽味，但我就鍾意醬油味多啲，濃得嚟唔會蓋過蜆湯嘅鮮味，而且松露等醬料令香氣更持久。不過肉切得幾薄，男士就未必夠食喇。小食之中唐揚博多華味鳥(HKD88)同涼拌黑松露紋甲墨魚(HKD65)都唔錯。雞球大大粒，咬開入面仲好嫩滑；涼拌爽口開胃，可以幫到解膩添。

日本過江龍又開新店啦，終於係九龍區又一城有得食，方便咗好多😎。🌟米芝蓮一星拉麵你哋食過未？如果草根妹妹話俾你哋知11月4號至10號有拉麵買一送一優惠😌😋，會唔會仲吸到你地😍！！. 🍜貝汁鹽味拉麵（$128）Shio Hamaguri Soup Ramen🍜貝汁醬油拉麵（$128）Shoyu Hamaguri Soup Ramen難得有機會梗係要試試佢哋主打嘅貝汁湯底🤤，湯底用大蜆、豚骨同魚介熬成🐚🐷🐟，有別於一般豬骨湯，多咗貝殼嘅鮮味🐚。拉麵麵質亦唔普通，用咗北海道麵粉，令小麥味道特別濃。.講講兩款湯底最大分別係，廚師係貝汁鹽味拉麵內加入白松露油同牛肝菌醬👅，而貝汁鹽味拉麵就落咗黑松露醬、牛肝菌粉同牛肝菌油😋，所以味道上貝汁鹽味湯底會更濃郁😍，味道更突出。.🐥唐揚博多華味鳥（$88）Fried Hanamidori Chicken 唐揚炸雞一客有四件，大廚將雞肉卷成球狀🐥，再用高溫脆炸🔥。雞肉外脆內嫩🤩，重點在於旁邊的芥末醬🤤，好食。.🥟自家製豚肉煎餃（$68）Homemade Japanese Dumplings 餃子一客有五隻🥟，外面煎至少於焦香，味道正常。.🍯熱檸檬生薑蜜Hot

朋友係上環食過推介，去到門口睇下餐牌都知係食果D百幾蚊碗既拉面，佢主打係用蜆湯底，叫左個醬油拉面同一個牛舌定食，拉面湯底好好味唔咸我仲追加左兩款肉同一隻蛋，牛舌定食佢有湯有小食有沙律有飯，全部都有牛舌係入面，飯有蛋汁撈埋一流好味，但係份量比較少，我以為拉面貴唔飽係正常，原來定食都係份量好少，整體黎講係好食既，但係想食飽我覺得男人係唔會飽，一個拉面$128追加埋D送都成$170，唔追加就得2塊肉左右好dry,介唔中試一次可以，太貴就唔會成日食，味道係可以的👍🏽

📌 金色不如帰~九龍塘呢間米芝蓮一星拉麵繼中環店後再喺又一城開分店⭐️主打黃金貝汁湯頭 選用新鮮直送嘅大蜆、豚骨、魚介等食材熬製而成🐚味道相對上比較清新同充滿鮮味😋相對上無其他店嘅拉麵咁濃味同重口味～加上自家製麵條同低溫叉燒更顯誠意🐷原來佢哋引入咗日本 ACM淨水設備 將食水預先過濾令湯底質素同日本相乎🤩咁就唔使去東京都可以試到米芝連一星拉麵！入邊座位都幾多 有分吧枱位同卡位環境舒適 服務員態度好好👍🏻九龍塘分店新店開張由11月4日至10日期間更有拉麵買一送一優惠🙌🏻好抵食 拉麵迷不可錯過‼️1️⃣ 貝汁鹽味拉麵 𝗦𝗵𝗶𝗼 𝗛𝗮𝗺𝗮𝗴𝘂𝗿𝗶 𝗦𝗼𝘂𝗽 𝗥𝗮𝗺𝗲𝗻 $𝟭𝟮𝟴 + 溏心蛋$𝟭𝟱 (𝟴/𝟭𝟬)呢款係相對上比較多人推介 亦係我比較鍾意😍貝汁湯頭加上海鹽 入口清甜( ´▽｀)另外仲加咗白松露油 食落有淡淡的松露香拉麵上仲有少少牛肝菌醬同煙肉碎令味道更加豐富 但又唔會覺得太鹹🤤有低温叉燒同三層肉叉燒 肉質軟腍重肉味拉麵好彈牙 麥味較重🍜2️⃣ 貝汁醬油拉麵 𝗦𝗵𝗼𝘆𝘂b𝗛𝗮𝗺𝗮𝗴𝘂𝗿𝗶 𝗦𝗼𝘂𝗽 𝗥𝗮𝗺𝗲𝗻 $𝟭𝟮𝟴 + 溏心蛋$𝟭𝟱 (𝟳.𝟱/𝟭