金色不如帰 (又一城)

營業中

休息中

趁着今天的悠閒假期，當然要好好犒賞自己，我便約同我男人一起去九龍塘又一城閒逛閒逛，後來來到這間 在 2019 年及 2020 年歸榮獲了東京米芝蓮一星榮譽 拉麵店品嚐我最喜愛的拉麵作為午餐。餐廳整體裝潢以灰調為主，配以木系設計，並用上多棧特色的柔和黃調吊燈，予人感覺溫馨舒適。座位方面則分設吧枱和梳化座位，讓顧客可有多一個選擇。溏心蛋溏心蛋是原隻奉上的，外層蛋白柔軟滑溜，咀嚼時有輕微彈牙，內餡蛋黃製得半熟，呈現流心狀態，入口蛋漿滿佈口腔，味道蛋香十足，黏稠綿密。貝汁鹽味拉麵奉上時鮮香撲鼻，熱騰騰的。湯底是使用蜆湯、豬骨清湯、魚清湯製成的三重湯底，色澤可見呈半透徹並帶有適量油份。配料方面用上低溫叉燒、三層肉，並加入牛肝菌醬、煙肉碎、京蔥、香草、白松露油調味點綴，整體用料是甚為豐富。此款是朋友食用的，我沒有品嚐就不作味道評論了。白豚骨拉麵湯底本來是使用蜆、豬骨、雞製作，但此碗則是使用豬骨湯製成，飲用時雖然黏度適中，但豬骨氣味不算濃厚出眾，味道偏向鮮甜清淡，略為失望。麵條則能保持水準，入口幼細順滑，較為硬身，咀嚼時富有口感。配料叉燒的肥脂厚身，瘦肥比例各佔一半，味道鹹鮮甘香，散發淡淡肉味。唐揚

食過兩次貝汁鹽味同醬油湯底味道中上 富海鹽鮮味亦不油膩叉燒個厚度簿過張紙 前所未見個碗好大好深 望落個份量好細 以為純粹視覺上效果 點知真係非常之細碗 如果打咗底先去食嘅話可能okay會飽 正常情況係無可能飽 或者你趕時間食嘅話都okay,因為幾口就食哂論性價比絕對唔值 過百蚊1碗拉麵但份量非常非常之少 食過咁多間相同價位嘅拉面CP值絕對係最底沒有之一service亦都欠奉 友人第1次幫襯 望住餐牌揀咗陣但都唔會主動介紹一吓 感覺唔到佢地招牌所寫”得獎” 個種感覺唔會考慮幫襯第3次

滿心期待到獲得東京米芝連一星拉麵店店內環境帶著簡單現代工業風，不像一般以日本文化為材的傳統拉麵店。坐下來後，店內亦能提供舒適、自在的氣氛與友人聊天。不像一些餐廳說話的聲音會聚在店內這次，我們選了2款不同的拉麵。貝汁醬油拉麵 $128坐下一刻就知道這款拉麵是Signature Dish因為每張枱上都會有一個座店卡，介紹這款2019-2020東京米芝蓮一星拉麵湯底是以蜆湯、豬骨清湯及魚清湯，3層湯底熬製成再配以低溫製成的叉燒、3層肉、黑松露醬、牛肝菌粉及牛肝菌油等整個外觀不錯，湯底亦濃而不太膩食拉麵時，才發現有部分拉麵未煮熟太過嚇人餐廳經理知道後只是簡單回應，換過新俾你賣相宣傳再好，但給一碗不熟的食物給客人是我最難接受的～煙燻黑椒豚骨拉麵 $115相對Signature拉麵，這款更濃味黑椒味太重蓋過煙燻味而湯底亦是十分普通整體而言，這個價錢可以有更好的味道及用餐體驗

見到朋友都有食就去試下，評價都好高，果然真係幾好食，佢湯底同麵質都高於同行好多，d肉都係采用慢煮既方式去烹調，脂肪同肉既比例剛剛好，又嫩滑又不失口感，認真不錯。

今日一家大細 一齊去食晏晝去咗呢一間麵舖 門口講話佢又米芝蓮 又攞好多獎，所以好期待。餐廳環境優美寧靜裝修豪華又夠乾淨， 我哋嚟到梗係食佢嘅招牌醬汁拉麵啦 佢抬頭側邊有個instruction教你點樣食。 上面嘅instruction 教你先聞下面嘅香味， 用兩隻手感受下佢個熱力。 結果我哋成家人學佢咁做。 放一手埋去畀佢熱力辣親！！！！ 所以大家唔好 學得太足。佢嘅湯底好香黑松露味抵讚， 不過佢嘅面條我就感覺得麻麻地， 面實有啲字超級市場買到嘅四x拉麵。。。。 呢間餐廳算係咁不過本人覺得比較昂貴咗少少😁😁😁 貴定平郵大家決定啦哈哈哈哈

年初四去了趟又一城，好多食肆都等位，除了這間拉麵店，果然中伏⋯⋯只能説麵質硬，湯少又咸又＂杰＂，我平時食飯只吃8成飽，但它的拉麵份量真的很少，如果是男士，真係兩注筷子已經吃完！沒有影食物相，因為之前已經好多食評貼上相片。附上單據，證明我真係有幫襯，12點左右吃完，下午2pm 已經開始找其他嘢吃！

貝汁鹽味拉麵 湯底用上蜆湯，豬骨湯和魚湯配搭，蜆味最出，鮮味十足，而且不像一般鹽味拉麵般油膩，用的是白松露油。另配上牛肝菌醬，混和前後有大對比。金色不如歸的麵是方麵，吃起來比較爽滑，而且可能用了全麥粉。配料有三層肉加低溫叉燒，香菜和煙肉碎，不過不失。貝汁醬油拉麵 比貝汁鹽味拉麵多一層醬油味，但又不會遮蓋貝汁鮮味。對比鹽味拉麵，醬油拉麵用了牛肝菌油，而且亦用了黑松露醬。相對比較重口味。味玉 做到溏心效果，味道正常和一般拉麵店沒什麼分別，下次應不會再加。

Came here on a weekday afternoon, around 3pm? And thus there was no queue. Very happy to discover a new ramen place at Festival walk. Also the cold winds were so strong on the day we had it. Ramen was such a good option to warm the bodies and stomach.The outside of the restaurant. I find that the shop front is not very obvious - a bit easy to miss. The inside was still comfortable to sit though. Cause we had the booth seats.Liked that they provide detailed information on the ramen. At least you

話晒都係日本過江龍再加米芝連，無理由唔食呀！你問我既話，味道的確見仁見智，貝汁湯底，聽落的確係特別，食落感覺只係清新，無咩特別既味道會令你感覺到一試難忘，所以就會比人感覺好普通！唯獨隻半熟蛋都值得一讚！所以如果要我講既話，我就只會試一次，試過就算了...另外我地仲叫咗一客餃子，餃子反而唔錯，不過價錢亦都唔平，$68/5隻，但呢個值得一試！

九龍塘呢間晚上見到唔多人，所以立刻入去食，裝飾唔錯，waiter仲會貼心地放個箱俾你擺袋，今次試咗個貝汁拉麵，🤩講真個湯好鮮味，又唔肥膩，係一試難忘個隻，拉麵正常水準另外叫咗個面醬豆腐同炸雞，2樣我都覺得好好味，面醬豆腐好似臭豆腐咁，但無咗臭豆腐ge炸同臭，我覺得幾新穎，但同行友人只係覺得普通炸雞🍗一定要試，因為乒乓波咁大雞肉炸得又juicy又好味😋，好小可，連要求高高朋友都讚嘆就知咩事雖然價錢唔平，平均200多元一人，但比起食到厭的豬骨湯底，呢個係一試之選

米芝蓮一星的日本拉麵店, 之前向新宿及IFC都有試過, 有一試難忘必要再試的感覺, 今日到又一城不用搭飛機及過海當然棒場一下, 點了最出名的貝汁拉麵$128, 由三種湯底包括蜆湯, 豬骨清湯及魚清湯而成, 有鹽味及醬油味選擇, 一向都較喜歡清淡的鹽味拉麵, 淡淡鹽味配合白松露油的味道, 加上牛肝菌醬及京蔥, 令拉麵帶出不同層次的味道, 還有低溫叉燒及三層肉. 想知道那種一試難忘的味道是從何來：就是由以上食材組合而成的味道, 比一般拉麵突出,令人留下印象. 麵,湯底及配料都很出色, 不過不能夠和新宿店作比較. 

碗野一淡食哂 只係加左d黑松露 無咩特別 唔值呢個價 等勁耐店內員工人地未食完就趕住執野 臨走又唔farewell 成碌木企係到 唔知受過d咩專業培訓 d員工真係好無禮貌 有條女態度仲要勁串 米芝連都係得咁嘅質素 百幾蚊一碗唔值 值40蚊

近日無機會去日本旅行，唯有貴為日本本國的人氣長龍店之稱既「金色不如帰」拉麵選擇唔多，主打松露蜆貝醬油拉麵、其次是豚骨拉麵。不過，今次只試白豚骨拉麵和煙熏黑椒豚骨拉麵。白豚骨拉麵方面，湯底較為清淡，配有經典拉麵選擇。黑椒豚骨拉麵湯底味道十分特別，口感層次豐富。自家製的「黑胡椒醬油」真係美味しい。服務員推介必食的塘心蛋本人認為不是太突出。餃子都比較普通。服務員態度都唔錯。真係好想去日本🇯🇵食，比較一下。

星期六去又一城買聖誕禮物，四處都太多人排隊食午餐，最後我去依間新開嘅拉麵館排隊。排了大概15分鐘，就可以入座。依度嘅裝修幾好，一個人嘅位置有膠板隔開。當入坐時，服務員會同你講，唔好意思要你等咁耐希望你有個愉快的午餐。一句說話令你咁覺到嘅客戶體驗提升了。我叫咗個杯汁鹽味拉麵同餃子。個湯底唔會好油，面嘅園林度適中。只係份量較少。我叫埋個餃子，食完後感覺份量有多。建議兩個人去食兩碗面再+1個餃子share就啱啱好。今次食完之後，覺得黑松露加喺麵度嘅感覺非常之好。令到自己想買返一樽，放在家中食麵用。

呢家係新宿嘅本店超具名氣,仲連續兩年入選了一星米芝連,打住呢個旗號係香港先後開左兩家分店,今次就去左位於又一城嘅分店,試試究竟對唔對得住呢個稱號！.🌟($128)招牌之作,三重湯底,以大量大蜆熬煮,配以豬骨清湯,魚清湯,令湯頭富層次,面頭再加上白松露油,乃神來之筆,賦予湯頭成個靈魂,白松露之香令蜆湯味更鮮更香,相輔相成.先喝一啖金黃清澈嘅湯頭,然後可以配以佐料,包括牛肝菌醬,煙肉碎,香草🌿等再飲一啖👍🏻口感更豐富🥰配料方面分別有低溫叉燒同三層豬腩肉,個人覺得切得太薄,兩者食落唔算好大驚喜...至於麵身方面用上北海道小麥粉,算唔錯但個人覺得偏腍,唔算爽滑彈牙..($128)基本上配料跟鹽味一樣,但較為重口味,並用上黑松露醬,個人認為醬油味偏重,蓋過了本身貝汁嘅鮮味,另加($15)溏心蛋,半熟半流心,純粹為左吃拉麵必定要配上溏心蛋呢個定律所以加🤣.總括黎講,湯底的確出色,建議如果想試佢貝汁嘅鮮味一定要叫鹽味,松露喜愛者都一定會愛上呢個湯頭,呢間亦都係我係香港第二間會飲哂湯底嘅拉麵,但整體黎講份量偏少,價錢略貴,如果以差唔多嘅價錢黎講 我會更喜歡 鯛白湯😋但any肥,作為東京米芝連一星,暫時