火鍋醬料 九宮格托盤俾客人自己撈，有生蒜、炸蒜、芫荽、蔥粒、辣椒粒、芝麻醬、沙嗲醬、沙茶醬同花椒油。 🔸火焰三椰雞鍋 店員即場炒雞，然後加啲米酒火槍一點著曬火視覺享受，倒上椰青水、椰皇水同椰子雞湯底，真材實料，煲滾左之後店員仲會幫手整走雞油，打邊爐之前先飲啖湯底幾清甜，雞份量唔少 🔸蝴蝶腩 筋膜嫩滑肉香爽腍，口感十足更添湯底清甜肉香 🔸手打鹹蛋黃蝦丸 配搭新鮮，一次過食到蝦肉鮮味同鹹蛋黃鹹香味 🔸牛骨牛汁丸 牛味香濃，彈牙爆汁 🔸極茜豚肉餃 足料夠多芫茜，芫茜控唔好錯過 🔸自家製黑松露蟹肉餃 餃皮薄 一食黑松露香氣即刻出晒黎 加埋蟹肉好夾 🔸自家製響鈴 響鈴係打邊爐必叫，吸哂湯頭非常正

店員安排我地坐窗口位，玻璃窗望出去正正對住大館，扒房歐式風格裝修中帶點古典味道，燈光昏暗有情調幾浪漫，好啱黎拍拖/慶祝😄 🔸Hokkaido Scallop Crudo 油醋汁北海道帶子 呢款係冷盤，用上北海道帶子刺身切成薄片，味道清新開胃，作為前菜非常合適👍🏻 🔸Hanger (400g) 封門柳 牛扒上菜時好吸睛，大木盤中間有鐵板熱住牛肉，兩旁放上六款醬料，封門柳份量足夠兩個人食，叫左5成熟見到切面粉紅色好吸引，用炭火烤外皮焦香脆口，封門柳牛味濃郁，脂肪較少口感軟冧不乾柴😍，唔會食到成口油脂好快膩，六款醬料都好夾 🔸Grilled Octopus Tentacles烤八爪魚觸鬚 八爪魚份量唔少爽彈大條，阿根廷青醬調味適中唔會過鹹蓋過鮮味🐙 🔸Carne Empanadas, Pollo Empanada 阿根廷牛肉碎/烤雞餡餃 阿根廷餃子雖然係炸但一啲都唔油，餡料豐富有啲似墨西哥taco餡😛

太子有唔少隱世小店，周圍行下唔難搵到想食既餐廳，好耐無食居酒屋又見餐廳門口幾靚，9點前有8折9點後仲有5折幾抵咁，今次就試試呢間先~🔸清酒煮蜆 蜆煮得啱啱好鮮甜無沙幾大隻，湯清甜可口舒服又暖胃 🔸自家制慢煮雞肝 雞肝入口即化，醬汁甜味掩蓋咗雞肝嘅甘苦味道 🔸慢煮廣島蠔配法包 廣島蠔肥美飽滿同酥脆法包差唔多大 🔸A4和牛薄燒 A4和牛油花分佈均勻，附上香蔥、炸蒜片同鹽，店員即席用火槍燒食落油脂滿滿口感軟嫩 🔸月見雞肉棒 雞肉棒加入左雞軟骨口感更豐富，加上生蛋黃令肉質更滑溜 🔸豚腩串 半肥瘦豚腩入口爽彈充滿油香有肉汁 🔸牛舌 份量唔少咬落爽脆，牛味幾出 🔸汁燒雞心頂 好少見所以叫黎試試，彈牙有嚼勁好似食緊裙邊 🔸厚燒羊扒 呢個有驚喜肉質非常嫩滑，火喉拿捏得當，有羊騷味但不重 🔸明太子燒飯團 外焦脆中間軟糯，加上明太子醬咸中帶微辣 🔸日本果酒(山梨蜜桃） 酒味不明顯好容易入口，甜甜地唔係藥水味

呢間餐廳係北大嶼山醫院附近，有室外同室內座位，而家秋風起驚野食好快凍就揀左坐室內 🔸奶油蝦 8隻蝦大大隻絕無欺場，厚肉又彈牙仲有蝦膏，醬汁鹹香鮮甜同時帶有濃濃奶香撈飯一流😋 🔸南風小炒王 韭菜花炒到爽嫩無渣有鑊氣，配料海鮮份量足料😃有魷魚鬚、蝦、帶子、蝦乾、黃椒、甘筍，加上香脆腰果，口感豐富咸香惹味 🔸燒味雙拼 白切雞同燒鴨都係脾位，份量都幾多啖啖肉，燒鴨皮酥脆油亮肉嫩有肉汁，白切雞皮爽肉滑清淡鮮美，蘸上薑葱油絕配～ 🔸黃金四季豆 外層係濃郁咸蛋黃，入口香脆不油膩👍🏻唔鍾意食菜都一定鍾意食

青衣開左間性價比高嘅星馬菜餐廳，天花板仲掛左燈籠可以打卡🏮 🔸海鮮蝦油麵叻沙 海鮮叻沙的湯底是由椰奶、香料、辣椒熬煮而成，層次豐富散發著濃郁的香氣，帶有椰香微辣幾惹味😋配料豐富有蝦、魷魚、魚片、半隻蛋，叫左油麵都幾掛汁，仲有粿條/米粉可以選擇 🔸昭通醬炸雞翼 即叫即炸熱辣辣好香口，雞翼唔細隻外皮金黃酥脆，炸得恰到好處，保持了雞翼的多汁口感，每一口都能感受到外層的香脆和內部肉質的鮮嫩👍🏻 🔸砂鍋肉骨茶 第一啖試左湯底先，飲落滿滿藥材香氣回甘，藥材味道不會過濃容易入口，秋冬飲一流補身又暖胃☺️入面有排骨、豆卜、腐皮，排骨軟腍輕鬆脫骨 🔸鮮油咖央多士 烘底多士夾咖央醬同牛油，邪惡但好味

之前留意到觀塘呢間小店有芋頭飲品同小食，身為芋頭控又點會錯過呢~ ❤️0冰手作芋頭鮮奶(中) 飲得出係真材實料，用上新鮮澳洲牛奶加埋手作芋泥，芋泥質地細膩綿密，芋泥的自然甜味再加鮮奶的微甜，香甜可口不會過於甜膩🥰呢杯飲品無冰啱哂平時極少飲凍野嘅我，可以暢飲唔駛就住就住，又唔會比冰溝淡👍🏻 🧡炸鮮奶·芋泥二文治 炸鮮奶外脆內流心，充滿了濃郁的奶香味道，口感順滑；芋泥二文治係兩塊餅乾夾住滿滿芋泥餡料，入口綿密即化，兩款作為飯後甜品好滿足😍 💛蘇子青瓜手撕雞 手撕雞用上雞腿肉，肉質嫩滑，青瓜爽脆，醬汁調味咸淡得宜，清爽美味且健康輕盈 💚台北夜市拼盤(台灣腸、花枝丸、鹽酥雞) 拼盤一次過有齊三款經典香口小食，每款試少少過下口癮就啱哂😛鹽酥雞每粒一口大小，外皮酥脆內部多汁嫩滑，咸香惹味唔油膩 💙薑蔥魯肉飯 配料豐富好足料份量比飯多，半肥瘦魯肉夾埋薑蔥味道豐富好送飯 💜爆珠馬蹄椰子水(中) 呢款幾特別平時比較少見，有馬蹄粒粒同爆珠口感層次豐富，飲落帶有淡淡的甜味好清新解膩，夏天飲一流消暑又解膩

佐敦有唔少小店，呢日黎樓上舖食下小菜～ 🔸酸菜烤魚 店員知道我地唔係好食得辣，推介左呢道招牌菜比我地，用上清江魚切開攤平黎烤，魚幾大條魚肉多且厚身，啖啖肉無咩細骨，外皮酥魚肉嫩滑，愈煮愈入味，配料有金針菇、青瓜、筍、寬薯粉 🔸豉椒炒花甲 花甲份量足料，至少有20隻而且唔細隻，即叫即炒鑊氣足，食落好乾淨係無沙， 花甲掛上醬汁惹味好滿足 🔸家鄉碌鵝 呢道菜唔係成日見到有得食，因為花時間又要技巧，叫左個例牌試下，入口肉質嫩滑鹹香帶甘甜不油膩 整體食物份量唔少，味道不錯定價合理～

呢日星期六黎長沙灣食個早飯，5點半黎到都唔少人～ 🔸芫茜肉餃湯餃 叫左十隻滿滿一碗，大大粒飽滿漲卜卜，包得唔錯唔會一夾就好易散，湯底係野葛菜生魚豬骨湯飲落清甜，唔會搶左餃子嘅味道，飲得出無落味精 🔸韮菜肉餃煎餃 煎餃包法同湯餃唔同呈扁平狀，擺得好靚砌左個圓形，餃子大隻煎到金黃色香脆不油膩，皮厚薄適中香脆可口有肉汁，即叫即煎熱辣辣，食嘅時候小心燙親嘴仔，仲可以配上店鋪自家製的香辣菜脯 我地另外叫左杯豆漿，口感順滑唔會太甜

之前經過呢間木系文青西式咖啡店已經覺得幾靚，呢日同朋友黎食晚飯，座位寬敞空間感十足非常舒適，亦有多個打卡位 🔸香煎法式鵝肝多士 多士非常香脆有蒜蓉味，鵝肝煎得啱啱好人口即化大舊好滿足，加上蜜桃清新解膩，口感味道層次豐富 🔸松露野菌烤茄子意大利千層麵 入面野菌同烤茄子好多好足料，松露香味濃，面頭有芝士食落更滋味加分 🔸芝士菠菜龍蝦蟹肉意粉卷 呢個有齊蟹肉同龍蝦，蟹肉唔少又食到啖啖龍蝦肉，另外加左蕃茄醬，面頭仲有炸過嘅龍蝦鉗

放左工係東涌搵食，同媽媽食中菜 🔸冷泡冰梅鮮淮山 淮山口感清爽脆口份量唔少，食落酸酸地作為前菜非常開胃，面頭有粒梅子，碟邊仲有酸梅粉可以沾 🔸功夫吊燒三味脆皮雞 雞係半隻份量，每日新鮮製造，售完即止，雞皮非常香脆好似食緊薯片咁，雞肉嫩滑入味附上三款醬料，我幾鍾意麻辣同蒜香醬，更香更美味 🔸生啫黑豚芥蘭遠煲 用石鍋盛上，自己本身對芥蘭麻麻，平時食開比較粗身同難入味，選用左幼身芥蘭，用上黑豚條、蝦乾，芥蘭掛上醬汁非常惹味