金色不如帰 (又一城)

營業中

休息中

今天來到樂富探望外婆之後，獨個兒來到九龍塘又一城逛街購物。原來在國際金融中心著名的拉麵店金色不如歸，也在又一城開設了新分店。差不多中午的時間，見沒有很多人排隊等候，我便快快入座，慢慢品嚐。原來這間金色不如在 2019 年及 2020 年歸榮獲了東京米芝蓮一星榮譽，也在 2010 年至 2017 年期間，榮獲日本著名食評網站 TABELOG 推介的東京拉麵百名店之一。貝汁鹽味拉麵這款拉麵是主打的拉麵之一。雙手輕輕細摸拉麵碗感受一下它的熱度，溫暖我的冰冷雙手。在喝小口金黃色的湯底，除了品嚐到濃郁的菇菌幽香，原來當中包括白松露、牛肝菌醬、香草和煙肉碎等等。還有極豐富的海鮮鮮甜味，原來還加入了大量的大蜆一同熬製湯底，味道鮮味無窮，多喝幾口也沒有油膩的感覺。拉麵麵底是用上直身麵的，原則煙韌微彈，感覺有點像蕎麥麵，實在帶點蕎麥麵的清香。溏心蛋糖心蛋是原隻另上的，原意是不想溫暖湯底的鮮味。雞蛋表面是咖啡色的，蛋白有少許結實。蛋黃是鮮紅色糖心的，吸睛誘人。雞蛋綿密細軟，蛋味豐富，醬油味恰當。自家製豚肉煎餃煎餃是自家製的，餃皮金黃香脆，厚度適中。內裏餡料的味道確有不同，鮮嫩滑溜，肉味豐富。冷泡烏龍茶冷泡

🐰小編好耐冇食拉麵，呢間新分店質素果然冇令我失望！拉麵湯底由蜆湯、豬骨湯同魚湯製成，小食特別得黎都幾好食✨🤤-1️⃣「貝汁醬油拉麵🍜 ($128)」-呢款係店嘅signature，湯底有鹹鮮味🐟，清而濃，松露油同牛菌嘅香味深得我心❤️🤣麵條略微唔夠掛汁，可以再硬身少少~Soyu hamaguri soup ramen-2️⃣「貝汁鹽味拉麵🧂($128)」-食落同樣有鹹鮮味🐟，但個人覺得貝汁醬油拉麵略勝一籌！但叉燒較普通Shio hamaguri soup ramen-3️⃣「白豚骨拉麵🐷($115)」-呢款豚骨味順口唔膩，但覺得可以濃d，配紫菜都唔錯，Btw糖心蛋流心呈度好好，醬油味ok，差在冇對半切開上(+$15)🙈~Tonkotsu original ramen-4️⃣「涼拌黑松露紋甲墨魚🦑($65)」-呢款好驚喜，食落開胃，墨魚腳居然一d都唔靭，仲有淡淡松露味🥒⚫️~Cuttlefish with black truffle dressing is appetising. The cuttlefish is unexpectedly tender with a mild truffle aroma.

早排佢做買一送一根本食唔到，見佢名氣好勁，又拎好多獎咁，所以非常期待，完左優惠黎試，雖然正價食，但起碼唔洗排隊。金色不如歸個門面裝修都唔錯，係九龍塘又一城入面都好易搵。一坐底，見佢餐紙係工業灰色，感覺都幾有格調，拉麵好少款，諗住佢地應該係重質不重量既，唔著重花巧，而可以專注做好。貝汁鹽味拉麵$128，賣相可以，麵質都剛好，麵唔係傳統黃色，而係有一點點小麥，淡黃色既，松露醬都幾香，但味道唔太夾，兩片叉燒燒得剛好，都幾肥美，不過重點既湯底係一個大敗筆，就算我含住啖湯，再用鼻呼氣，我都感受唔到佢既貝汁，超淡，亦都體驗唔到貝類既鮮甜香味，就算只係講佢既鹽味，都欠奉呢個湯底實在係太淡味，失望同埋佢既份量好少，食完唔飽。煙燻黑椒豚骨$115，相對有味，但煙燻黑椒味不足，湯底一般。畀呢個價錢食其他拉麵更出色，個人唔太理解點解拎到咁多獎，只能講每個人口味都會有出入。索價十五蚊溫泉玉子感覺可以，流心程度恰到好處，帶啲甜味。

我係拉麵控🍜今日終於都試到依間東京過江龍拉麵🤩平時既拉麵大部份都係豬骨湯，雞湯為主，但係依間就主打魚湯、蜆湯，同埋牛肝菌。🍜貝汁鹽味拉麵 $128枱面有食法教學，不過我就無好似教學咁，只係一黎到就試左啖湯先。聞落同食落都好重菌味，因為我平時都中意食菇菌類，所以覺得個湯好好味。但係就唔覺有鹽味食到。而碗都得一塊三層肉同一塊低溫叉燒，$128一碗實在係偏貴。不過三層肉入口即溶，都唔錯。🍜煙熏黑椒豚骨拉麵 $115湯底味比貝汁既濃，有黑椒味但係又唔係好辣果隻。不過成個麵只係得一塊三層肉，未免少左啲。男士食完唔夠食，最後加左碗白飯撈湯食，啲飯吸左啲湯味，味道都唔錯。🥟自家制豚肉煎餃 $68/5隻依隻豚肉餃係佢地自家制，味道同平時食果啲真係有小小分別，即叫即煎，個皮好脆，味道都ok。🥚溏心蛋 $15/1隻🥩低溫叉燒 $15/3片因為唔夠麵本身得好少配菜，所以加左一隻溏心蛋同低溫叉燒。但係隻溏心蛋唔夠流心，好似熟左小小。低溫叉燒就普通一塊日本叉燒咁。整體黎講百幾蚊一碗無咩碗料既拉麵真係比較貴，雖然味道唔太差，但真係唔會成日食。

本身好鍾意食拉麵，聽到有好食拉麵都會去試。聽到有間東京米芝蓮一星，梗係要去試一試。我平日過咗lunch時段先去食，冇乜人完全唔使排隊。叫左主打嘅貝汁醬油拉麵和貝汁鹽味拉麵，特別之處係加咗大量大蜆一起熬製湯底。兩款拉麵除咗湯底，亦都加咗牛肝菌醬同黑松露醬/白松露油，味道比起其他拉麵係比較特別，如果想試清楚貝汁湯底，建議可叫鹽味，醬油拉麵的醬油味道比較重，吃不清楚貝汁嘅味道。拉麵麵量相對份量較少，相信只吃拉麵係唔夠飽。總括嚟講，拉麵味道係不錯，但係未至於一試難忘，$128呢個價位亦都有好多唔錯嘅選擇，呢個價錢食完唔飽，性價比偏低，打住米知蓮一星嘅名號，如果你真係好鍾意食拉麵，亦都可以一試。

新鋪開張有買一送一優惠當然要試吓，排咗一個鐘以上終於入到去🤩一入到店就聞到好香菇菌味，睇到Menu先知原來拉麵加咗黑松露同白松露，唔怪之得香氣四溢🥰店舖好細心咁教埋點食《貝汁醬油拉麵》❤️❤️❤️❤️一嚟到已經好香黑松露味，本身係黑松露痴嘅我完全收貨，連個湯都飲埋《貝汁鹽味拉麵》+滷蛋❤️❤️❤️鹽味拉麵有少少偏鹹，配返白松露油又係另一番感覺。店員推介個滷蛋果然好入味，不妨一試

終於試左呢間新開位於又一城嘅拉麵，佢喺東京2019 and 2020 Michelin one star餐廳，就試下呢隻過江龍有幾把炮！我叫左黑椒豚肉湯拉麵🍜可能我喜歡濃味關係，我覺得湯稍為淡少少，其實係夠味只係我個人喜好可以濃啲，而湯底你會發現用左肉碎去熬湯底，有誠意！仲有上面到加左幼蔥炸蒜🥰不過唔算好足料好大碗嗰啲，叉燒都係薄薄一兩塊，其實應該試佢個貝湯拉麵，好似係主打，下次再試下先，我再加左隻蛋同飲左杯檸檬薑茶！埋單182蚊lunch 嚟講算偏高價少少，總括嚟講個人覺得未係最令我心動嘅拉麵

最近見又一城開咗日本過江龍金色不如帰，所以我就即刻去試下啦！咁我大概等咗一個鐘(lunch hour)，就有位入座。我同朋友一共三個人就坐卡位 ，入面大概有五組四人卡位，坐得舒服。咁我哋就嗌咗貝汁鹽味拉麵同埋貝汁豉油拉麵，另外再加配咗三隻玉子。貝汁鹽味拉麵 ($128)一上枱已經嗅到好香🤤，我跟據店鋪指引，先拎起碗飲啖先，湯底由豚骨、清魚、蜆湯組成，有好濃郁嘅蜆味。之後，我再撈番秘製白松露油、香草、牛肝菌醬一齊飲，成個湯變得濃咗又鹹咗，不過有少少香草可以中和一下味道。拉麵麵質彈牙，係方形拉麵，可以掛到少少湯。拉麵上有三層肉同低溫慢煮豚肉片就一般，冇乜特別。玉子 ($15)玉子品質比較參差，有啲失望。三隻玉子嘅流心效果都好唔同，我個隻係過熟。咬落去並冇流心，反而見到部分蛋黃熟咗，明雖見到淺色咗。而且，玉子唔太入味。整體嚟講，貝汁湯底絕對係賣點，因為出面比較少拉麵店有咁鮮味香濃嘅湯底，我可以飲哂啲湯(唔好一次過撈哂白松露油同牛肝菌醬一齊飲)。不過，拉麵份量一般，男仔可能唔夠飽。價錢上(另要加一)就比平時嘅拉麵鋪略高，可能因為係又一城同IFC開掛~唔知佢啲飯好唔好食，下次可以試吓。

個貝汁鹽味拉麵真心好食，啲刀工又好強，個湯底又好味，非常之鮮味凸顯大蜆嘅味道，分店選址英明，選擇在九龍塘又一城開店，有地鐵及東鐵聯繫，顧客定必門庭若市；但係可惜，是不是米芝連的標準還是香港IFC及九龍塘又一城嘅租金超貴呢？因為我食嗰個貝汁鹽味拉麵感覺上就不夠120 克，咁即係冇咗日本拉麵嘅神髓，有沒有替玉🉑️點，雖然侍應姐姐話可以點其他食物，咁究竟這間拉麵店得米芝連一星的食物喺拉麵還是其他呢？我都好無奈因為我對米芝蓮認識有限。至於老細所寫嘅店名－「歸」，好老實我作為一個香港人，感覺上這個貝汁鹽味拉麵不能夠作為午餐或晚餐食，因為份量真係好少，一定要佐以其他食物，只可以做一個下午茶食，可惜。

呢間米芝連拉麵店新開張有時限買一送一優惠，放工同朋友黎試下。賣點係湯頭用大蜆、豚骨同魚介熬製，鮮而不膩～好吸引🤤我地叫左貝汁鹽味拉麵同貝汁醬油拉麵、加左隻溏心蛋。✨貝汁鹽味拉麵當然要飲啖湯先，湯底鮮甜，松露醬同牛肝菌油令湯底更鮮，味度有層次，濃而不膩。配料有叉燒同三層肉各一塊。兩款肉質都軟熟。麵質爽滑。唔錯！✨貝汁醬油拉麵貝汁醬油湯底同鹽味差唔多，味道比較濃。追加既溏心蛋一樣有驚喜，蛋味十足重食到醬油鮮味平時正價未必捨得食。。不過半價就加配料食豪DD🙈。果係係米芝連丫！真心覺得湯底同溏心蛋超正🤤I will be back🤣

東京過江龍米芝蓮一星拉麵店係又一城開分店，吸引大量人士到場排隊試食。好彩我比較早黎到，排左1個鐘就入到去😌金色不如帰出名嘅係自家熬製嘅金黃色貝汁湯底，所以我地都係揀左一碗貝汁鹽味拉麵 ($128)同貝汁醬油拉麵($128)。貝汁醬油拉麵($128)醬油味一上菜就聞到好香黑松露味，但湯底亦飲到貝香，不過就偏咸左啲。麵底亦食得出麥香，爽口彈牙，唔錯👍🏻 三重肉就比較薄身，肥瘦均勻，有點入口即溶嘅感覺，但只係得2塊就真係有點唔飽肚。貝汁鹽味拉麵 ($128)而鹽味就比起醬油清好多，亦無咁咸，貝汁嘅甜味就更出。而同醬油味相比，佢係只落左白松露油同牛肝菌醬，更加吊得到個鮮味而唔會蓋左個貝香。不過，佢碗麵嘅份量都比較少，男仕們應該都要買一送一嘅份量先夠飽。整體來講，$128一碗拉麵其實有更多更好嘅選擇，值唔值得就見仁見智喇。

今日去開又一城 見佢新開 就走入去試下一坐低 個門口哥哥就不停大大聲指揮各同事 我特然好迷惘 我唔係係拉麵鋪 點解好似身處大排檔嘅？跟手我就點左個貝汁醬油拉麵先講個湯 我真係無人咁勁 識得分層次 我第一啖飲到就係 鹹、之後就幾鹹、最後就好鬼鹹 好有高山拉麵Feel不高老實講 鹹得黎啲湯係有啲貝味但最奇怪就係碗麵上面加黑松露 同牛肝菌 ‘蘭’係高級 咁 但本人覺得好九唔搭八 成碗野 除左麵 就得一塊薄薄嘅叉燒 同一塊2mm 左右嘅三層肉 都仲有一堆蔥 不過收到咁貴$128 就連半只溫泉蛋都唔肯比 就好孤寒就算你係米豬連1 星 我都係咁話 成碗麵對我黎講 係完全無特別可言 要賣相無賣相 要味道 無味道就係咁我就放低左$140 （其實我真係好想知到拉麵可以有乜嘢條件收人加一？）真心 我一定無下次家陣食拉麵 真係價錢就越來越貴 size 就越來越細

窮遊香港-東京米芝蓮一星過江龍拉麵店 依家有買一送一優惠（優惠期11月4-10日） 即刻去咗試試 真係好鬼多人（可睇圖）以今日為例 放工六點去排 大概要排一個鐘 6:30已經要截龍 因為師傅話驚冇湯 想食真係要早啲去排隊.⭐️貝湯鹽汁拉麵$128表面有 白松露油 香草碎 牛肝菌醬😋一上台 有陣陣既菌香味第一次試蜆貝湯底 係佢既賣點😋飲得出用左唔小蜆貝熬煮湯底 有蜆貝嘅鹹鮮味.⭐️貝汁醬油湯底同鹽汁類似$128👍🏻湯底相對深色更濃味 表面有蔥花 黑松露醬👎🏻叉燒薄薄兩片一夾就散🤦🏻‍♀️（🤦🏻‍♀️同我搵返個一星米芝蓮師傅出嚟見我）👍🏻拉麵都軟硬適中望落肉位小乾 但食落口感唔錯喎 做一層肥一層肉.整體 貝汁湯底好特別 其他地方搵唔到立志要食晒全日本唔同地方拉麵嘅我 表示要去試一次（之前去東京想食呢間 一樣要排隊 好早截龍 食唔到）唔好成日淨係食豚骨湯啦但如果原價計 價錢上好貴 仲要唔包蛋（加蛋$15）有優惠可以拉返高啲CP值但計埋原價+1 都要接近$80一碗如果仲要排咁耐 真係一次就夠啦.#金色不如帰地址：九龍塘達之路80號又一城商場地下低層2樓25.⭐️評分：味道：4.5/5環境：4/5 新店裝

⠀🌚貝汁鹽味拉麵$128 (8.5/10)⠀湯底清澈，一啖原湯落肚，尾韻係微微嘅蜆味。⠀整體味道比較複雜但分明😮，聞到好香嘅松露醬肝菌醬味，咸味岩岩好屬於易接受範圍👃🏻，你會經歷：黑松露>牛肝菌>蜆>鹽味🧂，咁多種味道層次，細心品嘗個湯會比到好多驚喜你🤓🤓。⠀拉麵係類似『彩』嘅粗小麥麵，上面見到小量小麥粒🖖🏻。不過淋左啲，有啲糊同冇咩咬口。叉燒普普通通；三層肉夠肥入口即溶，好食🐖。⠀⠀🌝貝汁醬油拉麵$128 （7/10）⠀醬油味道來得比較直接，以咸鮮味為主🍜，配搭埋黑松露，提升香味之餘又唔會喧賓奪主，不過食落冇鹽味咁多層次👀👀。⠀醬油湯底有少少唔同，飲完一啖，有少少澀澀地嘅感覺係條脷到，個人就覺得冇咁順喉、舒服🤭。⠀⠀🐓唐揚博多華味鳥$88 (8.5/10)⠀據稱係用左日本走地雞做材料，唐揚皮薄、肉厚、肉質扎實有汁😬，就咁食感覺已經唔錯。反而芥末醬味道唔太突出，只係多一DD甜味💁🏻‍♂️💁🏻‍♂️。⠀⠀朋友認為貝味唔係人人鍾意，冇豬骨咁平易近人😮。單論湯底嘅味道同層次感，可以媲美座銀嘅拉麵，但拉麵嘅部份就有啲失色。小食都可以一試，絕對係高質素🐓🐓。⠀

最近九龍塘又一城新開咗間拉麵店-金色不如帰🥰呢間米芝連拉麵店係中環已經開咗一段時間🤣依家再係九龍塘再開分店🤣所以今次專登試吓🥳==============================貝汁鹽味拉麵（$128）8/10呢個係佢哋主打嘅拉麵🥰用上豚骨 蜆 魚介等材料嘅拉麵湯底 飲落好鮮甜👍🏻拉麵都算爽口🥰最正係叉燒😋好美肥🤩入口即溶👍🏻😍😍😍-白豚骨拉麵($115) 7.5/10白豚骨湯底好濃🥳 唔油膩👍🏻叉燒就同上邊一樣 都係咁好味😛-涼伴黑松露紋甲墨魚($65) 8.5/10墨魚好爽口彈牙🥳配搭埋酸醋 好開胃 好清新 好惹味🥳must try item👍🏻-唐楊博多華味鳥($88) 8/10其實即係炸雞球🤩炸得好脆👍🏻雞肉亦十分嫩滑🤣配搭埋蜜糖芥末醬 好正🥰-自家制豚肉煎餃($68) 7/10餃子就相對normal 🤣煎得唔夠香脆🤣食落去唔夠爆汁🤣但餡幾足料👍🏻Overall小食都非常出色 值得一試🥰===========================人均：～$200💰#金色不如帰📍 九龍塘達之路80號又一城商場地下低層2樓25---------------------------