金田家 (已結業)

係九州既味道呀！至從ＹＯＨＯ二期全開後，金田家已經係度插左旗今次終於有機會試下呢個被譽為九州第一既拉麵啦濃つてり豚骨拉麵 $78見到個濃字就認定左佢，一上枱就覺得湯底唔多杰身，可以再濃啲，再重口味啲！叉燒屬正常表現，無令人太驚艷。辛子黑蒜拉麵 $88呢個無論賣相定味道，一上枱就搶晒focus聞落勁香黑蒜味，帶好微嘅辣味加埋就令到個湯底好正！鍾意食濃味野要揀佢！！以連鎖式拉麵店黎講，算不過不失還是比較喜歡一蘭諗起就想再食一碗

今日放假揸車去左元朗，約左朋友去yoho mall睇戲，睇戲前要食餐飽。朋友話好想食拉麵，剛剛好戲院旁邊就有一間日式拉麵店。金田家，九洲第一拉麵店，中午時間人客非常多，等一陣先入到！拉麵款式好多，配搭好豐富，我地一人叫左一碗拉麵。我叫左激辛拉麵，朋友叫左黑豚拉麵。豚骨湯底奶白色，入口夠哂清甜，朋友和我都好鐘意！黑豚拉麵掛上六大件豚肉，好足料！激辛拉麵多一份辛香，自家製辣肉醬更是香辣滋味，肉粒充滿辛香味！大大球肉碎，賣相好吸引！我地追加雞蛋和黑豚叉燒，雞蛋溏心蛋漿效果做得極好，滷得咸香滋味，入口非常滑溜！叉燒入口即溶唔會肥，肉質極度鮮甜，豬肉味香出色，拉麵掛湯力高，入口好彈牙！朋友超鐘意溏心蛋，一邊食一邊讚！我地叫左一個芝士年糕，即叫即炸，入口芝士半溶，外層年糕糯香煙韌，入口完全唔油膩！之後再叫一杯左可爾必思和蘋果汁，非常清甜解膩！

呢間金田家既位置就正正係Yoho戲院再直行，所以睇戲之前呢就係呢度醫左個肚先。作為無辣不歡既我今次食拉麵都叫左個‘激辛拉麵’，裏面既配料就有腩肉叉燒、紫菜、粟米、芽菜同蔥。最令我意想唔到既係佢呢碗麵係真心辣，個人認為有去到譚仔中辣既級數，所以叫之前要諗下先。成碗麵分量唔算多，叉燒半肥半瘦，咬落去入口即化，肥而不膩。加埋碗麵有d香辣肉碎，都幾滿足到想食辣的朋友仔。激辛拉麵豚骨拉麵除左拉麵，仲有唔同小食例如腩肉叉燒、黑豚叉燒、餃子同唐揚雞塊可以追加。最後埋單每個人大約$100左右，係Yoho呢個商場來講就叫正正常常。

在福崗試過這家九州拉麵祭冠軍的拉麵名店金田家，想不到他們來了香港開分店，而且已經開了四間分店，元朗也能吃得到。剛在yoho mall戲院走出來，就看到金田家這間拉麵店，比福岡老店新潮，鋪面開放設計，天花還吊起一串串錦球燈。入座時店員遞上餐牌和拉麵紙，可以自由選擇湯底，麵的軟硬度和蔥量。黑豚拉麵黑豚湯頭清澈，喝起來很清爽，不會有油膩的感覺，而且略帶有青蔥香氣麵是幼細的那種，加上湯做得好，掛上湯滋味無窮。叉燒薄切成多塊，但一塊都沒散開，吃起來很冧，同時充滿黑蒜的味道。忍不住加了兩份叉燒，一份豚肉叉燒，一份黑豚叉燒。另外點了一份男爵薯餅，是雙拼牛肉薯餅跟紫薯栗子薯餅。牛肉薯餅挺有鹹香，裡面吃起來質感很幼細，毫不油膩。紫薯栗子薯餅，選用日本紫薯，吃起來很香甜，栗子刻意做得很大，跟紫薯蓉形成落差，很有口感。有空我會再光顧，畢竟這裡可以讓我重拾福崗的味道。

今晚要快速食個晚餐，就揀咗呢間自稱九州第一拉麵金田家黎試吓。睇吓佢有乜咁特別。雖然係晚市時間7點幾，但可能因為係平日，去到餐廳門口見到可以即刻有得入完全唔駛等。不過我哋食完嘅時候八點零就見到有人喺出邊等緊位啦。佢嘅餐單同一般日本拉麵差唔多都係得幾款拉麵可以揀。另外再加幾款小食。話晒係九州拉麵梗係要揀番個豬骨拉麵啦，我地再叫左個柚子辛口拉麵。另外配菜加咗木耳。我哋驚唔夠飽所以叫多咗兩個小食：一個係餃子另一個係薯餅。薯餅其實己有驚喜！佢係北海道男爵薯仔所以我expect佢會有薯仔味～佢有兩塊薯餅：紫薯同埋普通薯仔。兩件都係外脆內軟、入面好滑好creamy。但餃子就比較失色啦....好普通不過不失咁啦。黎到重頭戲啦！！拉麵出場～～兩碗拉麵上嚟見到個湯底好濃好香。柚子辛口個味道比較特別，的確有柚子嘅香，但我自己覺得同辣味唔係好夾。豬骨湯底就好好味啦我會比較推介揀返豬骨湯底。食拉麵佢個面都係好重要嘅！而今田家嘅面雖然係幼麵嚟嘅但唔會太過諗，都係有少少彈牙，所以係幾好食嘅。

位於元朗Yoho 的挾著九洲第一拉麵的金田家，位置方便就近停車場和戲院，很方便揸車和睇戲的朋友們，當我們晚市去到的時間，都已經有一條人龍在排隊等候，今次我們選擇了品嚐一下這間出名的拉麵店！我們便排隊，但等了一會兒，便可以進店，大概只需5分鐘，比想像中快！今次我們便選擇了黑松露拉麵和黑豚肉拉麵，另外加了一份小食就是出名的餃子🥟，另外也叫了兩杯飲品，一杯是橙汁，一杯是可爾必思。黑松露拉麵追加了腩肉叉燒和溏心蛋，但原來黑松露拉麵本身都有豚肉在內，黑松露的份量很足夠，當融入湯底的時候，湯底已滲入黑松露的味道，令每一啖湯都有黑松露味，而湯底是豬骨濃湯，配上黑松露更是絕配，湯底不會太油膩，也不會太鹹。而豚肉的也很少脂肪，就算是減肥的女士也不怕吃多，豚肉很新鮮，沒有雪藏味。溏心蛋方便是流心的，只需追加$14便可以食到全隻溏心蛋，十分抵食。比得上日本的風味！腩肉叉燒$20/4片，都很便宜，中間有一層簿簿的脂肪，脂肪再加叉燒的瘦肉，簡直是絕配，脂肪會帶着叉燒融入口中，但感覺也不會太肥膩！就算是女士們都不妨一試！黑豚肉拉麵，湯底用上新鮮的豚骨湯，味道十分濃烈，配上爽口的木耳及蔥花作為配料，當然不少得主角—

今天去完party room後，便去元朗找閨蜜吃晚飯。我是最近才知道閨蜜與她男友是金田家鐵粉，基本上他們一星期會吃一次金田家的拉麵，比我和媽媽更瘋狂，所以今晚大家應該猜到我吃甚麼吧，哈哈。閨蜜一成不變吃黑松露拉麵，她超愛黑松露的淡淡香氣，也帶著絲絲的豚骨鮮美，而且湯頭好喝順口，兩者非常合拍，沒有違和感，搭配蔥花，木耳味道更為一絕。另外閨蜜必吃這裡的溏心蛋，醬汁滷進到蛋裡，與雞蛋交織著，吃起來超香。一入口，濃郁滑嫩的蛋香撲鼻，醬汁卻不會搶走蛋黃的溏心蛋味，甜甜鹹鹹超級入味，難怪成了閨蜜至愛配料。至於我嘛，久不久都轉換口味，長吃同一款口味有點沉悶，今次我就吃柚子辛口拉麵。柚子辛口拉麵可謂金田家的人氣代表作之一，柚子酸香融合豚骨湯中，拌入微微香辣的辣醬，超級對味，清爽又有點小刺激，完全不會各自為政，一吃包保愛上。柚子辛口拉麵採用幼身的麵條，幼麵條彈牙極致，挾帶微酸微辣的湯汁一同入口的感覺，超棒呢。我用筷子夾起叉燒，它的細滑度讓我差點大叫，媽呀，這叉燒要命的滑嫩。叉燒相當鮮甜，瘦瘦的，完全不油膩，多令人心滿意足。這裡的粟米極之好吃，我怎會不加粟米在我的柚子辛口拉麵。粟米鮮甜爽脆不用多說，當顆顆

已經好一段時間冇食過金田家，今晚晚餐我地想起食拉麵，又黎試試金田家嘅其他口味啦。除了至愛必點既柚子辛口拉麵，今次想認真試一試黑豚拉麵。理所當然，我們追加左溏心蛋，仲有木耳絲同腩肉叉燒。黑豚拉麵嘅叉燒切得薄薄，做到入口溶化嘅口感。由於切得薄，降低左油膩感，真係好好食。湯底係濃濃豚骨味，白白嘅湯，非常足料。愛豚骨湯嘅朋友，必定滿足。假如不習慣濃湯味，配上木耳絲一齊食，會更加清爽易食。柚子辛口拉麵同黑豚拉麵最大嘅分別係湯底加上柚子醬，比黑豚口味清爽好多，加上陣陣辣味，非常之開胃。兩種拉麵口味明顯不同，不過都係非常有水準。由於今次㨂左黑豚拉麵，我地只追加左腩肉叉燒。腩肉比黑豚叉燒肥美，多食可以好多人接受唔到。不過偶然食少少放縱一下，果份油香，真係好爽。最後追加左一份餃子，煎得香脆，用來配拉麵冇很輸。

元朗多野食就係人都知，今次就去左元朗yoho搵食，貪佢方便又近地鐵站，今晚突然好想食拉麵，就揀左呢間金田家試試佢。以為到左8點呢d食飯時間會好多人，好彩排一排就好快有得入座。入到去一睇個menu，選擇困難症既我都唔知揀邊款拉麵好，實在太多口味，最後同女朋友決定嗌柚子辛口拉麵同黑松露拉麵。拉麵一來到緊係即刻試個湯底啦，柚子辛口個味好得意，清新得黎帶d辣，個人認為女仔會好鐘意，加埋叉燒食都唔會太漏。之後果碗黑松露，侍應遞過來果時已經聞到好香黑松露味，湯面可以見到好多黑松露醬，撈勻之後同個豬骨湯好夾，十分濃郁。拉麵既配料都好多，黑豚叉燒好高質，黑木耳好爽，我地都加左食拉麵不可或缺既溏心蛋，果然冇令我地失望，粒蛋冇得頂。之後就到唐揚雞塊，炸得好好味，點埋個蛋黃醬一齊食，真係好正下次都會再嗌！食太多野有d口渴，今次唔飲汽水，嗌左2杯可爾必思，陣乳酸味好好飲，酸酸地又有d甜甜地，可以一試。相信下次再想食拉麵，都會去元朗再食佢。

今日放假揸車去左元朗，約左朋友去yoho mall睇戲，睇戲前要食餐飽。朋友話好想食拉麵，剛剛好戲院旁邊就有一間日式拉麵店。金田家，九洲第一拉麵店，中午時間人客非常多，等一陣先入到！拉麵款式好多，配搭好豐富，我地一人叫左一碗拉麵。我叫左激辛拉麵，朋友叫左黑豚拉麵。豚骨湯底奶白色，入口夠哂清甜，朋友和我都好鐘意！黑豚拉麵掛上六大件豚肉，好足料！激辛拉麵多一份辛香，自家製辣肉醬更是香辣滋味，肉粒充滿辛香味！大大球肉碎，賣相好吸引！我地追加雞蛋和黑豚叉燒，雞蛋溏心蛋漿效果做得極好，滷得咸香滋味，入口非常滑溜！叉燒入口即溶唔會肥，肉質極度鮮甜，豬肉味香出色，拉麵掛湯力高，入口好彈牙！朋友超鐘意溏心蛋，一邊食一邊讚！我地叫左一個芝士年糕，即叫即炸，入口芝士半溶，外層年糕糯香煙韌，入口完全唔油膩！之後再叫一杯左可爾必思和蘋果汁，非常清甜解膩！

元朗而家係一個好多商場、食肆嘅地方，而且交通都比以前方便。今次朋友約食飯係元朗Yoho Mall, 試下呢間超出名的日本拉麵。呢度嘅拉麵湯底都好特式的，有別於一般普通的拉麵店，共有10款湯底俾客人揀，配料多少、拉麵軟硬度都可以選擇，真係好貼心。今次就選擇左激辛拉麵，追加了溏心蛋及腩肉叉燒。而朋友就點左款黑松露拉麵，追加了黑豚叉燒。其實湯底就唔係好辣，可能因為本身都食得好辣，反而比想像中濃味。而且本身拉麵都有幾片豚肉的。腩肉豚肉色澤分明，肥肉與瘦肉參半，所以入口唔會覺得好油但又有入口即溶嘅感覺。拉麵軟硬度是點了中等的，所以既有咬口又不會太硬，份量都唔少嫁，一夾落去都好多。愛吃蛋的朋友點可以唔食溏心蛋呢？今次就一於試下呢度嘅溏心蛋啦！蛋黃汁浮下浮下，不停的在口腔滲出蛋汁，真係好正呀！小食方面點了一份唐揚炸雞，香脆鹹酥的外皮，一咬就是充滿醬汁的鮮嫩雞肉, 即叫即炸，所以又熱又脆，而且每件大小相近，可以一啖一口，正！

收工上openrice搵下午茶，驚喜發現今田家既拉麵套餐只係$55+10%，即go。有豚肉同魚介口味，當然試主打既豚肉湯底！好濃好膠質，忍唔住飲左勁多。麵質揀左硬身，食到最尾都keep到硬度，配上大量木耳絲同蔥花，正……豚肉係五花腩，沒什麼特別。食到咁上下開始油膩，可以自己添加旁邊既紅薑絲/辣醃菜，愈食愈惹味。可以揀餃子、枝豆或者炸雞。諗到豚肉湯底會好濃稠，就唔揀炸雞，對枝豆興趣又唔大。跟餐餃子有兩隻，煎得香口，皮薄餡甜。

第二次來到位於YOHO一期的金田家，挾著三屆Tabelog福岡最佳拉麵總冠軍之名氣，晚市時間大多滿座，不設訂位。這晚特地早點入座避過繁忙時段，難得不用排隊。店內外都是大大個金田先生嘜頭，銅金色招牌襯托「金」田家。餐廳地方不大，但環境整潔，簡約日式裝潢配木製桌椅，尤其喜愛月亮星球般的燈罩。跟日本的餐廳一樣免費提供冰水，還有自助調味料，包括醃漬高菜絲、紅薑絲、七味粉及即磨白芝麻粒。可隨個人喜好選擇拉麵質感：超硬、硬、普通或軟，多蔥、正常、走蔥。黑松露拉麵 $108 + 溏心蛋 $14以豚骨湯為底，加上自家製黑松露醬及黑松露油，配黑豚叉燒、木耳、紫菜，走蔥。先呷一口熬製18小時的豚骨湯，質感濃稠，肉味香濃，湯面飄著薄薄油花；黑松露香撲鼻，拌勻黑松露醬後更甚，每一口都充斥濃烈香氣。黑豚叉燒為豬肩肉，來自鹿兒島及沖繩，脂肪不多，大大片，啖啖肉；用陳年燒鳥汁混合叉燒汁浸煮，鹹香入味。普通硬度的直身幼拉麵，口感爽滑，配爽脆木耳絲口感更佳。溏心蛋滷得入味，帶醬油的鹹香及味醂的甘甜；蛋黃呈半透明膏狀，香滑柔軟，一口便滑進喉嚨；$14一隻不便宜，但沒溏心蛋的拉麵總覺得缺了些甚麼。如果怕膩可以加點醃漬高菜絲

之前上網做下資料搜集，發現一間在元朗既拉面店金田家，原來係日本福岡評分No.1的拉面店! 宜家香港有得食當然黎試下。一於黎試下。金田家位置方面易搵，就在形點戲院附近，裝修都幾有特色，用上圓珠形容既發光燈飾，非常起眼。門口就見到金田家既金田先生Logo,就知道自己無去錯了打開菜單，一目了然,想要點咩填完直接交比服務員就得，非常方便。我點了最貴的一款-黑松露拉面送來既時間非常濃香黑松露味道未吃先來飲一口湯, 這個奶白色的湯帶着少許油脂, 入口非常香濃, 既有肉香又有黑松露香, 好有日式味道, 更重要係濃而不鹹.夾起面, 粗幼適中, 帶少許硬度, 煙韌有勁, 正正是我喜歡的質感! 估唔到黑松露跟日式拉面可以咁夾。另加了豚肉叉燒，入口鬆軟厚薄剛好，正是我心頭好。芝士年糕真心好味，佢外層炸到金黃脆卜卜，入面係香滑既芝士，而且仲要暖暖地，食到唔停得口朋友點了豚骨MIX 拉面,還有糖心蛋,糖心蛋弄得剛剛好,有流心的感覺,豚肉朋友也說非常美味! 入口香軟有肉味!飲品是可爾必思和蘋果汁,可爾必思有點像香港的乳酸飲品,酸甜口感,蘋果汁帶少少酸甜,幾開胃~在香港能吃到這麼出色的拉面確實難得! 日本的第一品牌

是日放假,朝早去了大棠摘港產香印提子,天氣熱到不得了,之後去左Yoho mall 嘆冷氣,行下行下原來兩點幾,諗左一陣食咩好,剛巧行到金田家附近,聽人講就多,食就未試過,一於試一試啦。剛巧下午茶時段,分別有拉麵set $55 或餃子set $45選擇。拉麵set 有兩個湯底揀,一個係濃郁豬骨湯底,另一個係魚介豬骨湯底,是次揀左魚介豬骨湯試試,麵質揀左普通硬度,要唔要葱或多葱適隨専便,套餐有一樣小食可選,分別係大將餃子(2隻),唐揚炸雞(2件)或枝豆,我㨂左餃子。飲品可㨂可爾必思，汽水，綠茶或果汁。冇幾耐拉麵跟餃子就到la ,第一口試左湯底,清爽既湯頭,唔太咸同唔油,叉燒軟淋,拉麵size 比普通size 少,下午茶剛剛好，餃子不過不失。埋單$60.5（包+10%）,下次要試下其它湯底。