金田家 (已結業)

平日下就兩人去食，全場得兩枱客，坐得都幾舒服下午茶得兩款湯底選，豬骨同魚介。我們各自點了一款湯底，另送小食（餃子或好似枝豆？）一份，但我們都點了餃子，下午茶包埋飲品。總共三樣‼️ 連加一 一個餐大約60蚊 連埋道環境，性價比算高。因為我見平時一碗淨拉麵都起碼75蚊，當然份量會多d味道：我食豬骨，湯底色水夠濃但味道唔夠香，叉燒有四塊，比想像中多，拉麵都唔會太淋，分量以下午茶來說，係合理的！至於魚介，我試一啖後覺得好鹹，可能我本身麻麻地魚介，味道真係好濃，喜歡重口味魚介的朋友不妨試下利申：拉麵無包流心蛋，只有紫菜餃子就正常味道，但唔夠熱，同埋煎得唔香脆，不過不失。飲品都應該係果汁先生既橙汁同蘋果汁，大家飲過都知咩味，唔使講啦

今日就入左元朗開工。搵晚餐時，上Openrice見到呢間拉麵店有唔少好評，咁就把心一橫決定左去食。 去到發現都有唔少人食。另外，舖頭裝修都不錯，成個感覺同格局都好舒服。入翻正題，野食方面，我就叫左碗辛子黑蒜拉麵。個麵同個湯既配搭幾好，味道好開胃。另外我仲追加左隻蛋，亦都係煮得好出色。另外，大食既我仲叫左個小食。由於好少見有薯餅食，所以叫左個黎試，一份有齊牛肉薯餅同栗子薯餅。牛肉薯餅幾好食，而栗子薯餅好出色，仲要有栗子碎響裡面！食埋真係好飽。呢個小食都係值得推薦！食左咁多野，雖然d野飲少少貴但我都忍唔住叫左杯可爾必思飲，話晒都特別同少見。飲落有d似甜既寶礦力，但又幾開胃，配我食咁多野，簡直一流。價錢方面都算幾好，雖然少少貴，但味道值晒！

首先店內的環境舒適，上菜速度快，大約落單後7分鐘內上菜上飲料。而員工態度不錯，菜單上有拉麵沒有注明含有什麼配料，職員十分樂意及詳細地解釋客人的問題，湯底用什麼骨烹調，有什麼配料，整體服務態度值得一讚。而黑豚拉麵的湯底較為清甜，可以品嘗到湯底中用雞骨烹調出的鮮味。麵的軟硬度選擇了硬，但口感不會過硬，反而剛剛好，加上麵的質感佳，關於麵的部分值得一提及推薦。而豚肉的味道剛好，不會過咸，豚肉的油脂分佈剛好，不會令人對油脂有所卻步。唐子炸雞稍爲普通，附上檸檬和蛋黃醬，但炸雞炸得有點過脆，味道帶有薑，有點像台式炸雞，如果喜歡日式炸雞的朋友就不推薦這款小食了。另外，飲料叫了可爾必思，如果喜歡乳酸的朋友值得一嘗，不論甜度，酸度都配合得剛好。整體來說，這店的食物值得一嘗，菜式的質素對得起菜單的價錢。

枱上備有酸菜、薑絲、芝麻同水，以供客人選用。叫左一黑松露拉麵， 一個小食！拉麵一放上枱，一陣陣黑松露味已經湧左上有紫菜、大塊肉片，彈牙麵條加上濃厚豚骨湯同松露香味，非常吸引。麵條軟硬度：我揀左普通的！依然爽口。松露同湯撈埋之後成碗拉麵都啖啖松露味，非常濃郁，食完可以飲曬佢另外追加左溏心蛋，溏心蛋用醬油醃製過，淡啡色既蛋白，中間蛋黃半熟，很滑溜，這是不可缺少的要點。小食叫左一煎餃子！外皮煎得很脆，香口！內肉加了菜夾心，咬落不會覺很油膩。

ramen tasted really good. the taste wasn't too strong and I liked how it provided the customers with the option to choose the level of toughness for the Noodles. tasted quite authentic, not too salty but still had a nice taste.had to wait for a while, around 10mins, but it was worth the wait!will come again!

要品嚐美食系要付出代價，山長水遠黎到元朗型點，去到金田家排哂長龍。柚子辛口拉麵 $98，自家既辣醬辣得起勁，值得買返去，湯底濃郁得黎夾帶住陣陣柚子清香，食完系有啲口渴。

我和老公都十分喜愛吃拉麵。我們在形點行街街，行到累就尋找餐廳醫肚，無意中見到有金田家，我們就入去試試！幸好早了一步，我們坐低之後，食客勁排長龍！😂忘記了這拉麵的名稱，反正就是好吃！😋湯底很有濃烈的豬骨味，味道鹹度剛好，入囗質地濃厚，我未吃拉麵已禁不住喝了幾啖湯頭！叉燒有鮮香的肉味，不會是醃製過度的那種，味道較清，肥瘦適中，入口軟滑，而且份量多到我吃不完！配料有蔥、木耳絲、紫菜,配在一起很可口！☺️老公叫的這個，湯頭同樣濃厚美味。而這款肉是較肥美的腩肉，入口滿口肥肉的甘香和鮮甜的肉質，很邪惡，但是好吃的！有實力的拉麵店！下次會想再來試試它其他款的拉麵！😋😋😋

今日咁啱去開yoho 睇戲睇早場, 睇完戲肚餓，附近有間拉麵舖, 於是就入去食個午餐。點左個黑蒜拉麵同埋豚骨拉麵。另外由於有個小朋友一齊食，所以另外追加咗個拉麵底同腩肉叉燒同黑豚叉燒。大約12分鐘拉麵同追加的食物都到齊了。擺相十分好，另外配有一些蔥。湯底不會過濃，啱啱好！拉麵做得好好同好黐湯，份量適中～另外一碗豬骨湯底，非常入味，豚肉亦煮得很出色，絕對抵讚！餃子一客有四隻，主廚把火候控制得宜，外皮十分脆同香口餡料十足～整體上價錢係物超所值～下次睇完早場又有一個好地方～

金田家日本拉麵專門店生日想吃特色日本料理，在元朗形點見到呢間「金田家」，入去試試。餐單主打拉麵、簡單小吃：支豆/餃子🥟/蛋糕🍰/飲品，選擇不算多。點了特色豬骨拉麵🍜，配有不同湯料，有辣有不辣，大小皆宜。黑豚拉麵硬度食客可以自選、四款硬度：特硬、硬、普通、軟。點了個「硬」拉麵，口感適中，粗幼恰當，豬骨湯美味不膩，豚肉香滑、加上可口配料，翻食指數高達8.0。註明：旁邊戲院，看戲之餘，享有85折優惠

有去金田家了，因為真心覺得佢啲拉麵同湯底真係好好食， 食極都唔厭。 但今次我叫咗另外一個湯底- 辛子黑蒜拉麵 黑蒜味好重，第一次試但我都好鍾意，下次都可以再食返呢個湯底。個麵本身有四塊腩肉叉燒，但我都忍唔住再叫多三塊 黑豚叉燒，因為冇咁肥 女士可以揀返黑豚叉燒嘅拉麵， 溏心蛋就必叫， 食拉麵一定要有糖心蛋。小食叫咗唐揚雞塊，個小食亦都係第一次食， 但係出奇地好食，雞塊炸得好脆，但一啲都唔油膩，雞肉好厚身，好嫩滑多汁，加埋沙律醬味道一流。男朋友叫咗雞白湯豚骨拉麵，佢次次都係叫呢個麵，我冇食過但係我相信一定好好食，有機會會試下。

今日又黎到yoho 行街，血戰完一輪緊係要搵個地方坐低食下野喇，行哂成個場D餐廳多人到爆，咁岩見到呢間清左條隊唔諗喇，即沖呀又要。沖完先記得，好似係紅磡食過..wakaaa是旦喇但出奇地，有d野飲係紅磡分店冇，但呢到係有嫁!!好似呢杯茶，係可以自己倒出黎。唔似其他咁佢一早沖定一杯~呢個豬lam肉係追加所以係另上既。我中意佢夠哂肥美，友人一個人食哂咁濟TIMMMMM...我叫果果湯底係松露。所以第一眼就見到一pat既松露醬，好香呀!!再另外追加我最愛既紫菜，仲有隻流心蛋...而且麵條既軟硬度適中，大愛呀<3呢個炸芝士年糕中間係流心嫁...好正，夠哂so味，我中意。食既時候要小心熱呀

終於搵到機會食一直想試嘅金田家🍜見到佢係拎過好多拉麵獎咁，今次就試吓係咪真係咁好食先🤭.基本嘅豚骨拉麵其實只需$78，但我諗起加咗黑松露嘅豚骨拉麵就覺得一定會更正，所以決定豪啲要有黑松露嘅🤤果然拉麵一上枱就聞到好香嘅黑松露味🤤豚骨湯底質感不稠，但食落味道都夠，應該已經滿足到大多數人嘅要求。麵條係幼身直麵，硬度方面我選了「硬」。麵條食落有口感。(話說同行朋友麵條選了「超硬」，食落口感同我嗰啲都差唔多咁)叉燒薄而望落偏瘦，但食落都唔嚡，OK的。我會形容呢碗拉麵為「食完罪惡感唔會好高嘅拉麵」🍜🤣.大家一定要加錢要溏心蛋💓呢到嘅拉麵好似本身都唔包溏心蛋的。我本身就覺得食拉麵就一定要有溏心蛋😆溏心蛋煮得剛好，蛋黃呈啫喱狀，一食落發覺調味也剛好，唔錯😝一啖半個溏心蛋，兩啖就食完一個，差啲想追加😹.雖然唔係我食過湯底最濃郁嘅豚骨拉麵湯底，但整體質素都屬中上嘅，如果叫基本嘅豚骨拉麵會抵食啲。我再額外叫咗一杯可爾必思，即係乳酸飲品，幾好飲但有啲貴🙈後面係朋友叫嘅雞白湯豚骨拉麵🍜我飲咗一啖湯底，覺得咸味重啲。即炸熱辣辣嘅薯餅。

元朗形點開左間九洲拉麵店金田家，聽聞係福岡第一既拉麵，以豚骨湯底見稱，講到咁威一於試試佢先！7點去到門口已經大排長龍，不過店員好快就安排到我地入座，仲會為有嬰兒車既食客安排較寬敞既座位，欣賞！拉麵選擇多，竟然仲有黑松露豚骨湯底，咁特別當然要選擇佢啦！另外就一定要試佢出名第一既豚骨湯底啦！拉麵上菜時熱辣辣，麵條係幼身麵條，雖然我比較喜歡粗麵條，但佢呢隻幼身麵條做得滑口彈牙，而且容易掛湯，食落啖啖都充滿濃濃湯底既香油味！而黑松露更有其獨特既甘香，令豚骨湯底更顯甘香味美！叉燒雖然薄切但較大塊，肥肉比例適中，食落不會太油膩。金田家仲有男爵薯餅呀！男爵薯出名又甜又香糯，果然薯餅令人有驚喜，又甜又香軟，下次都會再食呀！仲叫左杯可爾必思，乳酸飲品，開胃！店內裝潢充滿日本風味，整潔企理，坐得舒服！

優惠時段的下午茶套餐真是超值，一碗拉麵加上一個小食和飲品。👍🏻 金田家的濃湯豚骨拉麵好好味，湯底濃郁很掛麵，內有四片腩肉，肥瘦分明但是沒有一點肥膩的感覺，肉質鮮嫩有嚼口和入味。跟餐的餃子底部煎得好看脆，餃子的餡料仍然保持肉汁，不錯不錯。很少飲可爾思Calpis乳酸菌飲料，加了冰幾好飲😊

下午茶時間到了，在元朗形點一期跟朋友共聚，當然順道要尋找一下美食，金田家Kannada-ya 好像不錯呀。我點了魚介䐁骨拉麵，唐揚雞塊及忌廉汽水。我的魚介豚骨拉麵上桌啦，好香的味道，湯底很濃郁，因為除了豬骨外還有很多雜魚煲出來的湯頭，很好味。麵是選了普通硬度的，是拉麵，口感非常好，顏色又漂亮。他們的蔥絲切得很幼細，當然還有海帶呢。有一片大大的叉燒，很稔滑，整體不錯呢！唐揚雞件有兩件，雞肉很入味嫰滑，配上沙律醬更為美味。金田家用油是很新鮮的，炸物顏色漂亮，但出品稍為唔夠乾身，希望下次會好啲。