金田家 (已結業)

呢間金田家既位置就正正係Yoho戲院再直行，所以睇戲之前呢就係呢度醫左個肚先。作為無辣不歡既我今次食拉麵都叫左個‘激辛拉麵’，裏面既配料就有腩肉叉燒、紫菜、粟米、芽菜同蔥。最令我意想唔到既係佢呢碗麵係真心辣，個人認為有去到譚仔中辣既級數，所以叫之前要諗下先。成碗麵分量唔算多，叉燒半肥半瘦，咬落去入口即化，肥而不膩。加埋碗麵有d香辣肉碎，都幾滿足到想食辣的朋友仔。激辛拉麵豚骨拉麵除左拉麵，仲有唔同小食例如腩肉叉燒、黑豚叉燒、餃子同唐揚雞塊可以追加。最後埋單每個人大約$100左右，係Yoho呢個商場來講就叫正正常常。