金田家 (已結業)

帶完隻小魔怪去放電後，番左元朗食個拉麵補充體力。我叫左黑豚拉麵，上枱見到d豚肉嘅時候，我已經暗叫不妙，點解好似咁乾身嘅。食落真係嚡口，好柴同好乾。我唔知係咪本身係咁定我唔好彩，湯底係九洲拉麵嘅濃豬骨湯，口感比較厚身，唔會太咸，幾好。老婆要左豚骨mix拉麵，叉燒都係麻麻地，燒得唔夠香。男爵薯餅係一塊牛肉薯餅加一塊紫薯薯餅，應該係叫貨番黎，炸得都香脆。不過都係無咩特別，只不過老婆鐘意食薯餅。聲稱係福岡評分No.1拉麵店，完全比唔到咁嘅感覺我，特別係叉燒。唔會再黎食。

最近發現了元朗Yoho原來開了一間日本🇯🇵第一拉麵🍜{金田家}，門面已經很有日本風味，位置也很近戲院，剛好方便我看完戲進去享用晚餐🥣當然要食招牌拉麵🍜我選擇了雞白湯豚骨拉麵🍜追加了糖心蛋和粟米激辛拉麵🍜追加了腩肉叉燒炸雞塊（小食）再叫兩杯果汁分別是橙汁和蘋果汁🍹雞白湯豚肉拉麵，用上新鮮雞肉加上自家配料秘製岀來，湯味雖然沒有豬骨湯濃烈，但鮮味一樣十足，配上豚肉，味道一樣很配，豚肉油脂平均，不太油膩。不太喜歡濃烈湯底可以去試一試，重要的是很少拉麵店有提供雞湯作為拉麵湯底。激辛拉麵🍜的湯底有香辣味，喜歡小辣的朋友就最適合，有辣味，令人更開胃！再配上辣辣的肉碎，感覺很滿足 ，肉碎的份量也很多，就算整碗麵食完，肉碎都還有。每啖拉麵都可以食到肉碎，太正了👏🏻再有4塊叉燒，叉燒的脂肪分布平均，不會只有肥膏，令人感覺更廉價物美！拉麵很彈牙，而且是師傅每天自製的，誠意十足 ，還像在食日本🇯🇵當地的拉麵🍜店拉麵一樣😋炸雞🍗塊，炸的時間剛剛好，不油膩，不會吃到滿嘴都是油 ，而且麵粉並不厚，還保持到雞肉柔嫩！飲品方面，橙汁和蘋果汁都是用了新鮮的水果🥭來鮮榨的，所以正好適合喜歡飲果汁的人士！

呢D天氣食拉麵真係暖到入心入肺，先果果星期咁凍，又唔想行出街搵食，係商場行完搵食就岩岩好~先黎碗雞白湯豚肉拉麵再加多份紫菜薯仔沙律呢個真係有驚喜呀!!就算拉麵店都好，呢個薯仔沙律大大份，好夠料仲幾fresh tim~黑豚拉麵另外加多溏心蛋原來佢地既芽菜係另上，如果想食口感fresh d 就放一放就好食，而且仲有小小調味~正而且佢地既湯底唔會過咸，所以成碗都俾我地清哂~加上麵條夠哂有口感又彈牙，仲好掛到湯汁~正!

一直都好掛住喺東京食過嘅黑蒜油拉麵 今日終於忍唔住去咗元朗yoho mall嘅呢間金田家 印像中佢喺香港有幾間唔同嘅分店 味道應該唔太差 閒日夜晚嚟到都幾多人幫襯 枱櫈用咗好多木 而且有拉麵吧臺 感覺同日本嘅差唔多 叫咗個黑蒜油豚肉拉麵 拉麵係自己用拉麵紙去點 而且非常客製化 有得選擇要唔要葱 或者面嘅軟硬度 上菜時湯底好香蒜頭味 而且黑蒜多咗一陣苦澀嘅味道 令到成碗湯麵冇咁油膩 腩肉有火炙過 一啲都唔肥膩 而且分得夠冧身之後仲追加咗多一份黑豚肉叉燒 黑豚肉比起腩肉冇咁肥膩 而且仲比較冧身一啲 老人家細路都啱食男爵薯餅 分別係牛肉薯餅同埋甘栗紫薯薯餅 牛肉薯餅冇乜特別 不過勝在外皮炸得夠脆 甘栗紫薯薯餅係甜甜地 而且甘栗有咬口 加上紫薯蓉好香濃

今日又OT 啦，公司係元朗附近，所以今日落元朗YOHO 搵食，YOHO 多左好多餐廳，但我都選擇我至愛既日式餐廳，最後我決定食金田家。金田家是九州第一拉麵之美譽，以濃郁豬骨湯底聞名，多次奪得日本拉麵大獎。檯上有芝麻、七味粉、酸菜、薑絲，可供客人選擇，如果鍾意可以加落麵到一齊食。而且還有一大壺冰水，作用是緩和濃郁的湯味，亦是幫忙降溫，避免因麵太熱而麵浸太久或浸爛。拉麵選擇唔算多，只有7款選擇，亦有追加同小食可選擇，今次我點了激辛拉麵（多蔥）追加了豚肉叉燒、腩肉叉燒，份量夠多。自從係日本食過蔥拉麵之後，我就愛上了多蔥，每次食拉麵麵都會追加多蔥，因為真係好香好香。激辛拉麵-辣道唔算好辣，因為我比較食得辣，麵上面的就是辣肉碎，麵質是幼麵，非常掛湯，好彈牙，腩肉叉燒，肥瘦適中，油香味濃，不會太油膩，而豚肉叉燒，直頭入口即溶，真係好好味，食完好想再食。大將餃子可爾必思

金田家之前係荃灣新開張見過，見到超多人排隊，所以個次我地係荃灣冇食，今日我地經過Yoho 只係排左一陣隊就有得食啦。檯上提供免費冰水，同日本一模一樣，亦有不同調味料選擇。自己剔完order 紙就可以比店員落單啦，我點左一配黑豚拉麵，可以選擇麵的軟硬度，要不要蔥，都可以自己選擇。黑豚拉麵（$98）+玄米茶（$15）先嚐一口湯，豚骨湯底非常濃郁， 飲完都唔覺太油膩，麵質是餐廳唯一的幼麵，麵質硬度我選了普通， 軟硬適中，帶點彈牙，而黑豚叉燒鋪滿了整個碗緣，份量都算多，黑豚叉燒薄薄的一片，入口非常軟腍，食完唔夠喉，所以我又追加了一份黑豚叉燒，糖心蛋都要必點，一口咬下半熟的蛋黃香味溢滿口中。兒童豚骨拉麵（$50）+蘋果汁（$18）餐廳好貼心，竟然會有兒童版拉麵，好小拉麵店會有兒童拉麵，唔驚叫完一大碗食唔晒，份量當然是大人份量的一半，我們亦追加了紫菜和粟米，估唔到粟米會有一大碗，好抵食呢唐揚雞塊（$35）炸得過濃了，但雞肉亦相當嫩滑

我和好友共10人去形點一期金田家吃拉麵，此店食物質素還不錯，但是服務態度超差，當著客人的面發脾氣，砸東西、做服務行業的、這樣的態度去招呼客人真的過份，而且還是一個主管做出的行為

今日行開yoho，又唔係太餓，見金田家唔洗排隊就入去坐低左。呢間拉麵店連係日本都好出名，拎過獎，咁就要試一試了！同傳統既拉麵店一樣，每人會派一張落單紙俾你填要邊款，佢都俾埋個menu，圖文並茂。我叫左最basic既濃湯豚骨拉麵（$78）。由於金田家來自九州，麵種係用幼身麵，幼麵容易熟，撞落高湯好快就軟，而我自己本身鐘食硬啲既面，但我食野又好慢，所以揀左超硬度，蔥既分量就一般，如果想多蔥就加$5。如果想要小食，追加都得，大概廿零三十蚊，不過我地唔太餓就冇叫。檯面上已為客人準備檸檬水、配料如薑、同埋調味料芝麻、七味粉。檸檬水好清新，吃前清清味蕾也不錯。個麵等左數分鐘就上到面前，湯底望落好濃郁，我先喝一口試下味，湯算杰身，面頭有層薄薄既油，保持住溫度，味道濃郁得黎又唔會好俗，少許既油令湯底更滑更香口，味道有啲似屋企煲到好融既豬骨湯，鮮味！見到蔥既份量都好足夠，不過都係未夠，要落多一點芝麻，令到湯底更香！至於個麵的確好硬，係我想要既硬到，咬落去係岩岩熟，食到最尾都係林林地，唔會變到糊狀咁。而麵配有四塊豚肉，每塊都好薄，食落幾林，中間有少少肥，增加左成塊肉既口感。食完個麵都冇覺得好口渴不愧為日本

岩岩睇完戲，行岀來望下有咩食既時候，就發現金田家，平時成日見到，但又從未幫襯過一人一張紙，呢度有得揀麵既硬度，仲可以選擇多葱，應該會適合好多有要求既食客見到有幾款都幾吸引，發現每碗拉麵既配菜都有d唔同，例如有d得木耳，有d又會有芽菜同粟米，好在餐牌有圖睇到自已想要d咩激辛拉麵配料有芽菜，粟米，辣肉碎，腩肉叉燒，紫菜，葱溏心蛋係另外追加的，拉麵要左普通硬度剩係試左湯底都覺得好濃稠，呢個辣要小心，來得慢豚骨拉麵配料有木耳，腩肉叉燒，紫菜，因為我唔食葱所以無要到，拉麵都係揀左普通硬度，都幾彈牙本身湯底已經夠濃稠，自已加左小小白芝麻，令到湯底更加香，腩肉叉燒半肥瘦，食落都軟熟，不會感覺太肥膩朋友追加左黑豚叉燒，而我就一直覺得每碗拉麵都應該配有粟米，但甘岩我個款就無，只好另外加大將餃子基乎每次食拉麵都一定會叫餃子做小食，一碟4隻，底煎得夠脆，飽滿既肉餡，仲有肉汁，有驚喜波子汔水 + 蘋果汁

今日入開元朗, 順便搵下食, 記得之前食過一次紅磡0個間金田家好食, 知道佢地元朗開左間, 就同老公去食。我地點左2個黑豚拉麵, 仲追加左溏心蛋, 腩肉X燒同木耳佢個湯底好濃郁, 豬骨味好甜, 加埋大量既日本蔥真係好正。另外麵亦都好彈牙, 因為自己本身鐘意食幼麵既, 所以金田家既麵好0岩我口味。溏心蛋亦都煮得好好, 蛋有好濃既醬汁味, 好正!追加左腩肉, 佢個腩肉唔會好肥, 但有入口即化既感覺芝士年糕男爵薯餅，佢口感較鬆脆，入面包住蓄薯蓉, 甜甜的幾得意。

好多年前金田家剛進駐銅鑼灣既時候，為食豬就已經試過，當年仲係金田先生親自打理，老婆囡囡一家大細都在場宣傳。而為食豬對白豚骨湯底更加係一試難忘，認為係試過最好味既拉麵湯底，一直想再試但奈何地點太遠。直至最近為食豬搬回元朗，即刻搵機會試下位於Yoho Mall既金田家分店。激辛拉麵🍜今次轉下口味試激辛拉麵，辣味還好，不算超級辣，食開譚仔小辣既你應該都接受到。但湯底明顯退步，味精感覺重，亦略嫌太油膩。比起當年初嘗的確有好大分別，實在令人失望，希望不是因爲分店的緣故影響質素，為食豬亦期望下次可以找回失去的味道

今日放工又約咗朋友嚟食金田家拉麵。因為已經有幾個月冇食過啦！一坐低店員已經比兩張食物紙我哋揀。今次仍然係選擇黑豚拉麵。貪佢叉燒份量多，夠晒飽肚！另外再加一隻糖心蛋。呢度嘅糖心蛋非常出色每次嚟到都係必點嘅！到底日本拉麵店傳統應該係比冰水定還是係冰茶就真係唔係好清楚，不過好欣賞佢可以放一壺水喺度比客人自己斟，唔需要次次都要叫侍應咁唔方便。朋友叫咗支波子汽水，話係食日本野必備㗎。碗麵一黎到已經聞到好濃烈嘅豬骨湯味，非常之香令人食指大動！見到拉麵嘅份量再對比價錢，發現佢呢個價錢都非常之公道。今時今日出去食個茶餐廳碟頭飯都要六，七十蚊，一碗高質素嘅拉麵只不過係九十幾蚊。相信唔少人都會選擇後者。黑豚叉燒總共有五大塊，圍滿左個碗邊，麵嘅硬度揀咗超硬，嚟到嘅時候亦都冇失望，麵質非常彈牙有咬口，幼身嘅麵條可以加強拉麵掛湯掛能力，淡淡都係濃厚嘅豬骨湯味。而且湯底夠熱食落唔會覺得太油膩。拉麵嘅配料都唔錯，除咗有追加嘅糖心蛋同栗米之外，仲有紫菜，木耳絲同埋蔥。滿滿一碗十分滿足！另外朋友叫咗一唐揚樣雞塊，即係炸雞大家share食。一客有五六件炸雞，而且大大件，我相信如果唔係兩個人都一定食唔晒。真係幾欣賞呢客炸雞

今日黎到yohomall既金田家食，平日好彩少人啲。我同家人坐係bar枱，整體設計有啲地道日本feel，坐得幾舒服，服務員既態度都好友善。我地叫左兩碗拉麵，兩杯飲品同一個煎餃子，整體價錢的確比較高😳黑豚拉麵份量大又賣相靚，湯底幾濃味，配上蔥花，飲落唔錯！拉麵係比較幼身，食落冇咁彈牙啦。叉燒整得入味，唔un，又大大舊。我地再追加溏心蛋，見到蛋黃黃半透明，蛋白仲係少少液態，食落大滿足🤗🤗雞白湯豚骨拉麵份量再次係超大碗😂係雞湯配豬骨湯既湯底，飲左覺得真係幾重雞湯味，反而比起黑豚拉麵濃味少少，感覺鐘意濃味既人可以一試！大將餃子餃子皮煎得微焦，食落特別脆同香口，配上酸醋，係清新既配搭🤗💓腩肉叉燒追加既，係default 叉燒。依種叉燒比較肥美，同黑豚有啲唔同，食落多啲jelly like texture，個人認為口感比黑豚較好。🤔拉麵食得咁濃味，當然要配飲品解渴，蘋果汁可以沖淡口入面既濃味，又清甜解渴日本茶都幾有趣，有一隻幾特別既杯😂😂可惜容量比較細。整體的確味道幾好，份量好大，又幾有地道日本feel，不過價錢比較貴亦係事實。

同囡囡去YoHo遊樂場放完電後，尋找美食依依肚，話要食麵(麵)行吓行吓發現金田家黎左元朗🤤🤤🤤囡囡唔係咁喜歡食飯，特別喜愛吃拉麵，這一次嚐到嚐正宗九州拉麵的風味！🍜🍜🍜金田家當然來頭不少呀！多次榮獲「最佳拉麵店」的美譽，在香港能吃到這麼正宗的九州拉麵，以後有口福了激辛拉麵麵質軟硬度適中，煙煙韌韌的，非常彈牙。每一著麵都掛著濃濃的豬骨湯，非常滋味。激辛拉麵，上面那球是肉碎🍜有微微的辣度，不過將飲碎拌入湯後，味道又呈現不同感覺，辣味黎自肉碎！湯底有層次，而且湯底超級濃烈，又唔會太咸叉燒以頂級豬肩肉烹調後，再以香濃秘製醬油醃製成金田家叉燒😱叉燒肥瘦得宜，油份跟肉的比倒均稱👍麵質亦有4個選擇，超硬、硬、普通、淋身，而我選擇了普通，那是最能吃出功架的。麵質亦非常不錯，食到尾的時候亦能保持彈牙，不會因吃太耐而變得淋身🤤🤤🤤奶黃色的秘制豬骨湯底傳來陣陣香味。嚐湯底很濃很濃，略帶厚身，有一點黏口而不油膩的湯底。亦是第一次嚐到這口感的湯底呀！👍👍👍大食的我要追加麵麵🤤🤤🤤囡囡就要黑豚拉麵淋身啱晒佢濃湯幾出色!! 個湯飲落去好濃厚，黑豚片都好好食，肥瘦適中大將餃子 熱呼呼跟脆脆的外皮，大大增加了餃子的口感

黎到YoHo同屋企人行街街！行都累累地就一齊食晚飯！行到一邊，有很多不同種類的食店，可能是晚市時間到，差不多每間食店，門外都開始有客人等候而行到盡頭處，有一間拉麵家人告訴我，這間是九州拉麵專門店，而且很出名，於是就這樣我們也來金田家一試，什麼是九州拉麵！真係唔講都唔識🤦🏻‍♀️大鄉里添新店座位舒適，客人更可觀摩廚房師傅的煮麵功架！他們暫時種類不算太多，但勝在每樣都會有數款選擇！而且可以任客人選擇拉麵要軟、硬或普通😉要蔥、不要；要辣、不辣或可以辣醬另上👍激辛拉麵。老公最愛夠味湯底好濃郁啦~ 啲辣肉碎就係個辣味所在👍第一啖入口真係幾辣下，正呀!叉燒雖然有4塊、夠淋，唔錯👍紫菜浸湯食又係一流，最驚起既係有粟米👍，好滿足黑豚拉麵湯底香濃，而且黑豚又薄又嫩，黑豚係我鍾意嘅瘦豚肉，而且都唔“鞋”，好“淋”。追加糖心蛋🤤🤤🤤仲有好耐冇飲過嘅波子汽水好懷念大將餃子外皮煎得好香脆，皮亦唔算好厚，同埋都幾多餡，算喺幾好！男爵薯餅🤤🤤🤤喜歡炸物的您必點！分別有紫薯及牛肉兩款口味，紫薯內有栗子碎粒，而牛肉入口香濃，炸得剛剛好，非常脆口今次真的見識了一次九州拉麵🤤🤤🤤而且份量不少，必定會令你填飽肚才離開.