金田家 (已結業)

金田家一向都有「九州拉麵王」之稱,去年去完九洲旅行, 一路都對九州拉麵念念不忘, 這天趁著去yoho town 探朋友, 心想不如就去金田家先吃番夠本吧~元朗金田家是香港gam 多間金田家面積最大果間, 坐得舒服不在話下, 而且仲好有日本feel tim~今次叫了兩款拉麵, 亦都叫左少少追加黑豚拉麵最喜歡金田家有得比客人揀麵既軟硬度，與及落多少蔥, 黑豚拉麵黑豚多當然不在話下, 日本黑豚肩肉肉質嫩滑, 肉味香濃, 而且且脂肪含量極低, 是我那肉食友人必叫之選。而且湯底甚濃, 非常足料, 每窩都用上成百斤豚骨烹調18小時而成，所以湯底是呈奶白色, 即使直麵不及曲麵粗身也十分掛湯。另外我們又叫了辛子黑蒜拉麵,沿用日本祖傳黑蒜做法, 以三種不同炒熟程度的蒜片精煉而成. 入口帶有一絲辛口感, 濃郁的蒜香味與豬骨湯溶為一體，提昇了豬骨湯湯底的層次感, 非常惹味。除此之外我們又追加了腩肉叉燒, 叉燒由秘製醬油醃製成, 入口即溶至於隻溏心蛋, 我和朋友兩碗麵也有追加, 流心香滑, 非常誘人一口以食之~唐揚炸雞另外唐揚炸雞係友人嘅至愛, 所以一見到就急不及待要加多份。香脆鹹酥的外皮，下面就是充滿醬汁的

金田家是專做九州拉麵的, 於元朗yoho town 的分店門面好易認，餐廳內掛著一個個類似燈籠的燈好有日本風味, 而且店內面積比紅磡店更大，非常適合三五知己來吃麵，又可以坐得都舒服D。雞白湯豚骨拉麵,拉麵店黎講款色都算幾多, 今次揀左雞白湯豚骨拉麵, 佢係金田家唯一一款曲面底既拉麵, 最喜歡這裡可以自己揀麵的軟硬度, 不怕太硬也不怕太軟。另外隨拉麵會有幾塊豚肉, 脂方分明, 油肉比例剛剛好！食落去仲有濃濃的豬味。追加的溏心蛋金碧輝煌, 蛋黃汁軟心浮動, 不停的在口腔內穿梭。黑松露拉麵 朋友叫了黑松露拉麵 湯底十分足料十分濃稠, 加埋店家自製黑松露醬同黑松露油讓到個湯底更上一層樓, 香味濃濃的。而麵底是直身款，我揀左普通硬度，非常掛湯。隨拉麵又有幾塊叉燒, 叉燒入口即融大食的我們更追加了幾片叉燒tim~小食叫了男爵薯餅, 紫薯mix栗子, 馬鈴薯mix牛肉, 外層香脆, 即叫即炸熱辣辣總括黎講, 呢餐都幾滿意, 除左可以自己揀麵質外, 又有唔同的口味可以揀, 店員彬彬有禮, 下次的確可以再黎過。

之前係openrice見到尼間有咁多好評已經心想試下。難得今日有機會係平日食到金田家既下午茶餐。豚骨拉麵配唐揚炸雞+橙汁($55)我見正價餐牌好似無魚介豚骨拉麵就打算試下，點知賣哂，咁就唔使苦惱，直接點豚骨拉麵。拉麵非常幼身，似係日本正宗拉麵。湯底好濃郁，充滿豬骨味，口感好creamy，順滑既感覺。軟軟既拉麵配埋爽口既木耳一齊食既口感幾正。4片薄切既叉燒，煮到好腍，唔柴唔鞋口，略嫌薄左少少。炸雞上枱並唔係熱辣辣，而係非常非常熱(落單後10分鐘左右先上菜，相信係即叫即炸)。雞塊鬆化軟熟，好惹味，配埋沙律醬，非常唔錯，予以好高既評價。唯不足係橙汁太細杯，飲幾啖就飲完，早知要汽水。(個人口味:4/5)餐廳採用落地玻璃，坐近窗邊可以欣賞窗外風景，天氣真係非常好，藍天白雲。環境幾舒服，乾淨企理，天花板既裝飾都幾靚。下午茶抵食，既有拉麵又有小食同飲品，可惜只限星期一至五。如果下次食，會想試下其他湯底。

喺形點同老公買咗飛睇戲，吃過快快午歺，剛過左午市peak hour, 見沒有人等，就嚟咗呢間源自日本九州的拉麵店-金田家，細心一睇，英國都有分店，西利坐低見到壺檸檬冰水即刻好有日本feel，同日本嗰款一樣，枱有個櫃桶可以用來擺手袋，可以坐得舒舒服服店鋪風格和風style,再加埋啲波波吊燈，好有格調😎老公就叫咗一碗黑豚拉麵，應該都係人氣之選，我就叫咗一碗辛子黑蒜拉麵🍜，一擺㡳，嚇親我地成個碗都係叉燒😱，咬下去又香又淋，真係有入口即溶嘅感，好味到要追加四片而辛囗黑蒜拉麵較濃味，蒜香撲鼻，與別不同，我就好喜歡呢個湯底拉，配埋爽囗木耳，很配，去油解膩👍一碗一紙，要咩口味全部自己㨂，麵嘅硬度拉，追加款式很多，超棒呢，我地想加一份小食的，但由於份量很多，真係好飽飽了，唯有下次店員連服務也效法了日本，親切有禮😌

琴日係yoho想食拉麵，見佢下午茶有拉麵2隻餃子加一杯野飲$55就入去試吓，食過好多間拉麵，最差都係呢間啦！义燒油膩到形容唔到😫配菜感覺用水烚熟一D味都無，湯底一般😐仲要加一服務費（即埋單$60）咁嘅質素咁嘅價錢，以後唔會再幫襯😝

上星期行YOHO先知有金田家開左之前食過紅磡店覺都好味所以決定個日晚餐揀佢店外排左5分鐘就安排入座 係商場排有冷氣都吾會辛苦值得一提YOHO店面積比紅磡店大好多 所以翻枱速度都好D黑洞揀左豚骨拉麵 招牌野最好食湯底夠濃但吾咸 麵身揀軟 吸收湯汁超正不過拉麵本身無蛋 梗係要追加我一口氣加左2隻 溏心做得剛剛好半熟奬態 蛋黃入口微咸好滋味要一讚麵量好足夠 吾洗加底都好OK個日吾想飲甜野 揀左杯玄米茶好中意玄米香氣 而且個杯都幾精緻朋友仔想食辣揀激辛拉麵 但又怕太辣可以叫”另上” 辣醬同辣肉碎自己加落湯就吾怕OVER辣肉碎個味有D似五香肉丁 但幾惹味Between黑洞試左啖辣醬 都幾辣我地覺得個腩肉半肥廋好食 再加一客SHARE朋友仔食辣就要左杯橙汁解辣不過慳錢既呢到都有凍檸水供應 夠晒冰臨尾食埋芝士年糕作結呢個年糕外皮吾太厚 入面芝士有微微流心芝味吾太膩 比平時放題食既厚粉皮的確正好多久違既金田家開餐好滿足 食到超飽

係元朗同FD行街行左幾個鐘，見到呢間好出名既金田家，就一齊入去食～ 叫左黑松露拉麵， 柚子辛口拉麵，一個小食，2杯果汁。枱上備有酸菜、薑絲、芝麻 同凍水。黑松露拉麵拉麵一放上枱陣黑松露味已經湧左上黎，彈牙麵條加上濃厚豚骨湯同松露香味，非常吸引。麵條我揀左普通，依然爽口。松露同湯撈埋之後成碗拉麵都啖啖松露味。期待的黑松露拉麵追加左蛋同黑豚叉燒肉，對小妹黎講，食拉麵無蛋又點得呢， 溏心蛋，溏心蛋用醬油醃製過，淡啡色既蛋白，中間蛋黃半熟，食落軟嫩，果然不可缺少。豚骨湯底是金田家的重點，非常濃郁，食完可以飲曬佢。黑豚叉燒肉，黑豚叉燒肉用筷子夾起都有可能唔小心夾散，並唔係因為佢厚薄，而係佢肉質太好，入口即溶，叉燒肥瘦平均。 柚子辛口拉麵，拉麵有柚子粒同辣醬，柚子清新，辣醬惹味，混落湯底係另一層次的味道。同樣有好多塊黑豚肉。有芽菜，紅洋蔥，紫菜，足料。 男爵薯餅，男爵薯餅表面炸得金黃酥脆，內餡充實。栗子紫薯餅有鬆軟既紫薯蓉，甜地地好特別，夾雜栗子粒，好有咬口。牛肉薯餅，混合鹹香煙肉粒，脆卜卜，值得一試！ 蘋果汁，酸酸甜甜既蘋果汁，橙汁，為濃郁足料既一餐帶上清新～ 

我喜歡吃金田家，因為金田家拉麵水準十分穩定，每次來都保持到水準，豬骨湯底永不失敗，登龍街拉麵我最喜歡就是它，沾麵則另有其他。開在元朗形點，一洗路邊小店風上了商場，完全沒有退步，值得一讚。跟朋友一人點了一碗$98的黑豚跟$108的黑松露味，2款都是用黑豚叉燒。黑豚的湯底濃郁，呈奶白色，極富原始豬骨湯香，濃郁度適中不漿口，湯底清新不油膩，面層一滴油都沒有，非常合家歡。黑豚肉非常瘦但不會柴，煙韌又富肉香，而且有整整五大塊！黑木耳一點也不吝嗇，幾乎每一口都有。基本的紫菜也有一塊，沒有馬虎。麵質點了普通，略帶少許彈牙，麵底絲毫梘水味都沒有，篩水做得出色。黑松露基本跟黑豚一樣，多了一湯匙的黑松露醬跟油，其香氣非常撲鼻，跟湯底混和後有點失色，最好不混和夾著吃，對松露有渴求的朋友可以一試。

上星期入咗元朗探同事弄瓦之喜，上樓之前見到金田家，上次係紅磡食過覺得唔錯，所以我又食拉麵啦！我地兩個女仔，叫咗柚子辛口拉麵同黑松露拉麵，追加有糖心蛋、替玉、黑豚叉燒、大將餃子，飲品就叫咗橙汁同可爾必思。👆🏽黑松露拉麵，拉麵硬度剛好，湯底再濃啲更好。黑松露入口味道較淡， 但香味撲鼻。叉燒肥瘦剛好，好味👍🏽👆🏽柚子辛口拉麵，湯底配搭夠創意， 不過本人都係覺得柚子配辛辣有少少奇特，勇於嘗試嘅你可以食返次😆拉麵硬度剛好， 糖心蛋極力推介😍😍👆🏽最開心都係配菜入食🤗🤤👆🏽橙汁及可爾必思👆🏽餐廳裝潢簡約，配上紙波波燈，好relaxing、有小部屋感覺。

每次經過元朗yoho 也想起金田家的拉麵，一個人也可以自私食自己的麵自己剔大將餃子$30~一客有4件，餃子皮薄有焦香味，饀料不會有太多肥油，沾上日式醬油好好味可爾必思$20～炎夏30度的冰涼飲料🥤、日本乳酸飲料，相信大家也一定飲過黑豚拉麵$98～五件大大片的黑豚肉，薄切口感，肥肉軟少，但不會韌、配紫菜一塊拉麵🍜的確彈牙、掛湯能力強，啖啖濃湯精華木耳爽口充滿豬骨濃湯的拉麵糖心蛋$14～這個是心頭好、糖心蛋爆汁美味備有酸菜、薑絲、芝麻

朋友仔都幾鐘意食拉麵，因為天氣熱辣辣唔想食飯，快快簡單食，又好味。位於YOHO商場呢間金田家佈置都幾靚。睇下食咩先。睇完menu自己填order紙。呢個柚子辛口拉麵，唔太辣，最特別係食得出柚子味，黑豚叉燒都唔錯，半肥瘦，好好味！朋友仔個雞白湯豚骨拉麵好得特別，麵底係曲麵，我偷左兩條試下，係有D似公仔麵既拉麵口感。追加左個木耳同叉燒，木耳大大碗，抵食。我發覺去到邊，我都會叫芝士年糕，而事實上，度度既芝士年糕都唔同味既。呢度既就口感偏軟，裡面既芝士就似淡水牛芝士，有小小甜味，我係鐘意既。天口熱，叫左兩杯蘋果汁。

在坐西鐵時諗緊今晚食乜好，聽到旁邊幾位乘客講起食拉麵， 勾起自己都去食吓先！在元朗站下車， 出口行入商場靠左直行到尾就是「金田家」。當時六時左右， 客人不多座下後侍應放下餐牌點菜紙就站在後面與其他侍應不停傾計🙉 連進餐過程都不時在身後聽到侍應們高聲閒談☹️桌上備有調味架讓客人隨意添加黑豚拉麵 - 肉夠多，味道就OK啦， 但未算太吸引！柚子辛口拉麵 - 可能自己喜歡柚子味而期望過高， 入口感覺不到柚子香， 只吃到湯味多了陣陣帶酸的果甜味；至於辛口。。。一點都吾辣的味道， 反而調味架上配料加入才吃到辣味😅至於追加的配菜， 份量都算多2碗麵埋單要成$260😛

形點不知不覺已經成為我假日好去處.原因係呢度人唔算多而且商店好好行.~而最重要既一點係美食非常多,今日就黎到一間非常值得介紹既九州拉面店,非常有驚喜!呢間叫金田家既拉面,在九龍都有分店,之前一直未有機會試,今日終於可以試下~餐廳內座位舒服,夠光猛,雖然無日本既既裝修風格,但算非常新最重要係D位夠好坐,一啲都唔迫我地一行三人,各自都點左拉面,我點既係呢款黑松露拉麵加糖心蛋及加黑豚叉燒非常值得一讚既係呢度既湯底非常足料,唔會只係得咸味,味道層次豐富,而呢碗加左黑松露既拉面,黑松露味濃夠出, 啖啖都可以食到黑松露香,而且面質彈牙,我另加既糖心蛋熟得啱啱好,黑豚叉燒鬆軟有口感!朋友點既係呢款豚骨mix拉麵,加糖心蛋及加腩肉叉燒!朋友大讚好味,有日本食到既味道,半肥瘦既腩肉叉燒肥而不膩,又有口感又夠味,而且係最完呢碗拉面唔會覺得好重味精而口喝!北寄貝海鮮沙律,幾有驚喜,又大又足料,估唔到除左拉面好味,沙律都唔差芝士年糕, 暖笠笠,芝士味不算太濃但剛剛好!!總結,食拉面唔一定要去日本,元朗都有好味拉面!

數一數已經係第三次黎到元朗金田家了每次黎到都係抱住一種第一次光顧既心態。當然每然叫既拉麵都唔一樣啦------------------------------但係例牌都會選擇硬麵飲品點左蘋果汁和比較特別少少既可爾必思可爾必思其實係類似乳酸菌味道既飲品，無氣而且唔會太甜。都幾開胃解膩。拉麵由下單到上枱時間不需5分鐘！！！黑豚拉麵 Chashu Tonkotsu Ramen($98)濃郁既豚骨湯配上黑豚叉燒，木耳，紫菜，青蔥。黑豚叉燒肉味突出，同一般叉燒唔單止口感上更加軟身。大大件岩哂食肉獸。溏心蛋都夠入味，只可惜太凍，同碗拉麵完全分開哂。另加左芽菜，份量十足，而且令到口感大增。辛子黑蒜拉麵Black Garlic Sauce Ramen($88)豚骨湯，腩肉叉燒，自家製黑蒜醬，木耳，紫菜。曾幾何時我都好迷黑蒜拉麵，但無奈太重口味食完好難出街。但呢度既自家製醬汁唔算太濃，而且叉燒夠厚身。北寄貝海鮮沙律($42)大量青BB,,除左北寄貝之外，重有貝類，薯仔等，口感十分豐富。而且一啲唔會膩。芝士年糕($38)近年黎唔知點解好多食物都同芝士扯上左關係。芝士xx.....年糕本身口感好軟糯，加上拉

每次前往yoho mall, 最喜歡到金田家吃拉麵，這次也不例外。黑豚拉麵採用上乘的黑豚肉，非常鬆化，而且拉麵彈牙，伴以豚骨湯一併進食，兩者的味道完美配合而沒有違和感。此外，還追加了糖心蛋及腩肉叉燒。糖心蛋呈流心效果，蛋味突出，腩肉叉燒肥瘦均勻，肉質鮮嫩。男爵薯餅有兩塊新鮮炸好的薯餅，分別是牛肉薯餅及紫薯粟子薯餅。前者富牛肉味，後者則帶有紫薯的濃香，還有粟子碎，熱辣辣很好味。可樂吃完拉麵，當然要品嚐下可樂，倍加滋味。