金田家 (已結業)

今日放假揸車去左元朗，約左朋友去yoho mall睇戲，睇戲前要食餐飽。朋友話好想食拉麵，剛剛好戲院旁邊就有一間日式拉麵店。金田家，九洲第一拉麵店，中午時間人客非常多，等一陣先入到！拉麵款式好多，配搭好豐富，我地一人叫左一碗拉麵。我叫左激辛拉麵，朋友叫左黑豚拉麵。豚骨湯底奶白色，入口夠哂清甜，朋友和我都好鐘意！黑豚拉麵掛上六大件豚肉，好足料！激辛拉麵多一份辛香，自家製辣肉醬更是香辣滋味，肉粒充滿辛香味！大大球肉碎，賣相好吸引！我地追加雞蛋和黑豚叉燒，雞蛋溏心蛋漿效果做得極好，滷得咸香滋味，入口非常滑溜！叉燒入口即溶唔會肥，肉質極度鮮甜，豬肉味香出色，拉麵掛湯力高，入口好彈牙！朋友超鐘意溏心蛋，一邊食一邊讚！我地叫左一個芝士年糕，即叫即炸，入口芝士半溶，外層年糕糯香煙韌，入口完全唔油膩！之後再叫一杯左可爾必思和蘋果汁，非常清甜解膩！