金田家 (已結業)

Yoho新一期開幕，終於有時間來參觀，想不到平日我最愛的拉麵店金田家竟然衝出銅鑼灣，進駐元朗開分店，真是莫大的好消息，當然要一試它是否保持水準。近年來黑松露都用作不少食物的調味料，就連拉麵也是。金田家的黑松露拉麵細細湧出那誘人的香氣，在熱氣的提點下釋放出黑松露那特有的氣味，多元化的層次感猶如海浪一般的侵襲舌尖。這裡的叉燒走薄切路線的，但也不會讓人嘆氣，對於我來說，厚切叉燒或是薄切的也沒關係，最重要不會過於肥膩，入口嫩滑便是好叉燒。麵條一如以往選擇普通口感，麵條吸附不少湯頭，但沒有令拉麵變得軟爛，我倒是喜歡拉麵這種軟硬度。媽媽的柚子辛口拉麵隨即呈上桌，這出餐速度不給滿分也說不過去。這湯頭也很厲害，豚骨熬煮的湯頭，加入特製的柚子醋，費時費工熬煮出來。別忘了拉麵上的辣醬，可別忽視了它，混入湯內可是讓湯頭激起更多層次。撥開辣醬，看似濃郁的湯底顯現出柚子香與微辣的迷人姿態，讓媽媽不禁多喝上幾口。炸芝士年糕則是我每次必點的小食，年糕外層脆脆的，內裡都分不清是芝士還是年糕，哈哈。應該是年糕裡面包著芝士，整個奶味很濃郁，還吃得到年糕軟糯的口感。

元朗區真的可稱為新界西的美食天堂，不論走到大街小巷，各式各樣的餐廳都總是讓人食指大動。某星期一下午，我獨自去了今年 7 月下旬才正式開張的 YOHO Mall I (形點一期)，商場的環境格局既寬敞華麗，各式各樣的餐廳亦讓人眼花撩亂。走遍了幾乎整座商場，頓時發現日本福岡人氣九州拉麵店 - 金田家，繼銅鑼灣之後，原來在 YOHO Mall 開了第二間分店。金田家位於商場地下最角落的單位，確是有種「眾裡尋她」的感覺。雖然來到的時候已經是 2:15pm，但仍然還有 10 個人左右正在排隊。幸好這時有些客人陸續離開，我等了不久便被安排坐在 bar 枱位。店內的樓底很高，亦巧妙地透過落地玻璃透入光線，環境感覺自然明亮，很能營造犘登簡約的空間感。bar 枱底有儲物架，可以放置手袋等，非常方便。這樣我雖然坐在 bar 枱，但仍然坐得很舒服。剛清潔完的杯子仍然暖暖的，似乎是用沸水消毒過。而餐具及冰水等都放置得很整齊妥當。還有七味粉，白芝麻等調味料。冰水及調味料等都是自助形式，都很方便。金田家的拉麵款式都算頗多，既有傳統的豚骨拉麵，亦有別出心裁又破格的組合，其中有較特別的黑松露拉麵，更有香港甚少見的松茸

呢幾日天氣真係好熱，一出街就大汗搭細汗。呢日入咗元朗賀朋友新居入伙，順便避下暑（我覺得地方大無咁熱）。朋友新居以簡約風格為主，空間感大，好舒服。坐咗陣之後一齊去咗剛裝修完的形點搵食。見到好多新餐廳，不過朋友話無乜胃口，所以我地最後決定食拉麵。話明新開，排隊是常識吧，好彩差唔多過曬食飯時間，等咗20分鐘左右就有位。汽球好受大、小朋友喜愛。Open kitchen 設計，可以見到廚師的認真製作。每人一份，可以點自己想要麵的軟硬度。雖然外面好熱，但呢度啲冷氣好勁，飲番杯熱玄米茶先。登、登，我碗黑豚拉麵，湯底香濃不油膩，豚肉薄切好鬆化，拉麵軟硬適中有嚼勁。朋友記得我鐘意食餃子，所以點左一份，煎得香脆而且多汁。炸雞，脆漿薄好脆卜卜而且唔油膩，肉質鮮嫩。柚子芝士蛋糕，清甜柚子味配濃醇芝士，已經忘記左天氣有幾熱。

係香港唔好以為只係得銅鑼灣，尖沙咀，旺角多野食，其實宜家就連元朗都越黎越旺，就好似有九州第一拉麵之稱既金田家都開左分店係形點，繼銅鑼灣分店之後既另一香港分店。今日收工咁arm約左朋友係元朗就即刻去幫襯。佢係係形點一期，新開個邊，係元朗西鐵站行去都唔駛5分鐘，超方便。唔好以為下午茶時段就冇人，雖然唔駛排隊，不過都真係有好幾枱食客架。呢度既裝修簡約，係以木色為主調，配埋落地玻璃窗，景色開揚，環境舒服。Menu呢度係用點餐紙既，每一張就代表一碗。餐廳既主打當然係佢既豚骨拉麵啦，話晒都係日本攞晒拉麵大獎。黑豚拉麵$98呢個黑豚拉麵個豬骨湯底好濃郁，同埋比較杰身，超惹味，麵質粗幼軟硬度適中，而且爽身有咬口, 煙韌有口感，豚肉食落嫩滑唔un辛子黑蒜拉麵$88呢個拉麵同樣湯底濃郁，麵質爽口煙韌，仲加多左陣陣黑蒜油味，食落更滋味，而且有少少香辣大將餃子$30餃子皮薄香脆，入面塞滿餡料，口感唔錯宜家仲有印花卡，食滿$50一個印花，儲夠印花仲可以換指定美食tim

元朗呢個地方真係愈來愈多好嘢食，特別記得上次同朋友係元朗一個下午已經食左五間好味嘅小店，今次得知形點廣場新開，就諗住同朋友一齊逛逛，一齊入去食好西。形點呢個商場真係超多人，特別去到金田家門外，真係好多人排哂隊食拉麵。估唔到金田家餐牌內嘅拉麵款式真係非常之多，黑松露、豚骨、黑蒜油樣樣都有，而且亦有唔同種類嘅日式小食，真係花多眼亂。揀好食邊款拉麵可以係點菜紙寫返，而且亦可以揀返麵嘅軟硬度等等。黑松露拉麵拉麵上枱時熱辣辣，加上面頭有份量都幾多嘅黑松露醬顯得拉麵份外名貴。湯底有濃郁豬骨以及黑松露嘅味道，飲落剛剛好亦唔會太油。豚肉厚薄適中，脂肪亦唔算太多，而且肉質淋滑，加埋拉麵一齊食相當滿足。唐揚雞塊雞塊表面炸得非常黃色，食落亦非常鬆脆肉與亦好嫩滑，加埋檸檬汁、沙律醬更加滋味。最後叫咗杯橙汁，真係啱哂而家咁熱嘅天氣。

雖然平時很少光顧拉麵店，今天同幾個朋友行元朗新開的商場 YOHO MALL 形點，經過見到大排長龍的金田家，知道它已獨特豬骨湯及金田家師傅專業的拉麵手藝馳名，之前已知道銅鑼灣有店，這次還是第一次到，要細味品嚐真的來自九州金田家正宗的日本拉麵。店裡充滿日本格調佈置，感覺舒服。當日金田家為慶祝新店開業，在指定時間有抽獎活動，轉轉  <金田家輪盤大激送>，有獎品之餘還可以在氫氣球上的祈願木牌寫上祝福金田家字句，有得玩又有得食，好開心喔！餐牌裡食物款式選擇多，有拉麵、小食、甜點及飲品，各式其式。我選了普通硬度正常份量蔥的柚子辛口拉麵  $98湯底味濃香而不油膩，可能有柚子混合，味道清香，鮮甜適中，不濃不淡。配上普通硬度九州拉麵異常合拍，麵條入口可感受到淡淡麵粉香，口感煙靭，配合入口軟腍的肉、爽脆鮮甜的洋蔥、芽菜和紫菜，還有多謝朋友向侍應提出我碗拉麵的辣醬可以分開上，所以當我吃時都只有少少胡椒辣味，這湯底很適合我，好味！朋友點選了普通硬度沒有蔥的黑豚拉麵  $98她説拉麵同湯好味又鮮美，黑豚份量比較多，但吃完沒有油膩感，軟軟的，好惹味。朋友選了普通硬度的黑松露拉麵   $ 108

週末假日總是遊走大西北，元朗區永遠是我必到之選。無論食物、地方及種類都多元化，是日又再進入這小社區。自從形點第一期開通後，不同的食店林立但驚見的現象，大部分的食肆大排長龍並全院滿座。 估不到這個元朗的人流那麼多，無論小餐廳至大型連鎖店都滿了；是此選擇了拉麵便最好不過。「金田家」由銅鑼灣進駐元朗區域，估不到也是大排長龍真的令人難以想像「人」有沒有那麼多呢？ 打開餐牌後，拉麵的款式相當多。由豚骨骨、黑蒜油、豆乳湯等並可加入辛辣味道，但有一款是「柚子辛口拉麵」真的比較少見之物。小食的種類也相當多，有雅布尼叉燒、北寄貝海鮮沙律、唐揚雞塊、大將餃子等。毎份拉麵都可以添加溏心蛋、芽菜、蔥、木耳、粟米，追加的價格也相對合理。 唐揚雞塊 $35小食我選擇了「唐揚雞塊」，外層炸至金黃色熱騰騰的關係，肉汁流出並帶有嫩滑感。即叫即整4件$35也算是合理之作，配合沙律醬汁滋味無比。 大將餃子$30 吃拉麵又點少得這碟大將餃子，四件的餃子煎出香脆。外層豐盈飽滿輕輕咬第一口後， 餃子的肉汁並帶有口感美味極了。 柚子辛口拉麵 $97首次淺嚐柚子的味道，柚子湯底帶酸味配合是日火辣辣的夏天感覺來。置中放有辛辣醬汁，真的

福崗最佳拉麵店——金田家，第一次試金田家是在九州旅行，記得那湯底濃郁惹味，喝多也完全不覺口乾！香港一早開設了首間店在銅鑼灣登龍街，受歡迎程度絕對不容小覷，每次都見到排隊人龍～～既然今次在元朗開了金田家，當然要緬懷一下九州拉麵的味道。可能過了午餐繁忙時段，排了10幾分鐘已經可以入座，算快～～元朗的金田家走低調創意風，裝潢摩登簡約～～獨家的豬骨湯底及秘製醬料成就了今天的金田家～～獨一無二超濃郁的豚骨湯底，明顯用了真材實料豚骨長時間去熬成，跟外面食的拉麵店不同，湯頭濃郁，香氣四溢，湯喝多了完全唔口喝及口乾！拉麵軟硬度剛好，叉燒肥美惹味，口感食落幾嫩滑～可自行添加配料，辣高菜，七味粉，芝麻～薯餅炸得金黃酥脆，不是一般的薯餅蓉，內裏是人氣紫薯～～紫薯口感軟綿又甜甜地，作為小食不錯！下次必定再光顧～～

帶咗小朋友嚟元朗探朋友，係會所玩完就去Yoho搵嘢食，行行下見到金田家，我知銅鑼灣都有間，不過装修就係兩種風格，元朗呢間比較清新，銅鑼灣就似日本居酒屋。等咗15分鐘左右入得。我個仔鍾意拉麵，一坐底即刻點咗個兒童餐俾佢，我就叫咗柚子辛口拉麵，朋友叫咗辛子黑蒜拉麵。唔知係玩得攰定太好食😂，我個仔要食埋我碗麵😱隻糖心蛋都好好味，我哋都好鍾意👍。朋友碗黑蒜好香，佢話下次可以encore或者試下個黑松露拉麵估唔到係元朗都食到金田家，我個人覺得呢間拉麵家唔錯，湯底飲得岀係煲岀來嘅，好濃郁好香！叉燒都有入味👍係一間幾用心製作嘅拉麵家！

聽朋友講元朗YOHO都有拉麵食，身為拉麵愛好者嘅我哋二話不說趁中午就嚟咗食喇！排咗廿分鐘，終於到我哋。一坐低就order咗兩碗雞白湯豚骨拉麵，溫馨提示: 記得加糖心蛋！五分鐘左右，兩碗麵一上枱，立即就聞到香噴噴的骨湯味喇😋！麵條是QQ嘅，唔似一般拉麵長長直直哋，問咗店員，原來呢隻係專為雞白湯自家作嘅麵條，確實係幾掛湯👍，拉麵我選了硬嘅程度，食起來唔會太軟，QQ哋挺爽口，配埋個湯，好夾！😋叉燒嚟講，肥瘦均勻，唔薄但竟然又唔乾喎！好食👍👍 隻糖心蛋，係超入味好好食😋，一人一隻都唔夠，要再叫多一隻來分😂😂😂同朋友都好滿意呢餐，同埋店面裝修好舒服，下次一定會再黎食㗎！🤗

🎉元朗Yoho Mall新場開張，我以後落樓食野只需要五分鐘，正！啱啱上個週末，就接咗爸媽過來行下！行左商場成個鐘，間間食店都多人，老人家見金田家條人龍最長就話想試下，雖們我同女友月初係日本旅行已經食咗幾次拉麵。。不過老人家想食就一定要試下喇😊！排左廿分鐘，坐低後，啦啦聲幫爸媽點咗雞白湯豚骨拉麵同豚骨mix拉麵，自己就點濃ってり豚骨拉麵，女朋友點咗柚子辛口拉麵。食拉麵我自稱專家(🍜)😁，拉麵一上枱，我都會深呼吸聞一啖豬湯味，OK!👍👍 一嗦就知真材實料，比起上星期係日本旅行食嘅x蘭味道濃郁程度高岀一倍以上！再試下個麵，我選的是普通硬度，味道果然不錯！麵條掛得住濃湯，不只有香味，仲保持到彈牙，讚！讚！讚！叉燒，肥瘦均勻，入口即融！給90分！👍👍如果厚啲我會俾佢95分🤤糖心蛋一睇就唔係白雪雪果種，從內到外都好入味，蛋黃半生熟，絕對做到真正的糖心香滑！食完糖心蛋，一定要飲埋兩啖湯先係完美！問下家中兩老滿唔滿意，爸不停說好味好味😂，媽子仲話下個月生日要再來食拉麵，好食又好意頭！仲話拉麵代表長長壽壽你哋知唔知！我望住女友，笑住講慳皮慳皮😝！元朗店環境比銅鑼灣店好, 以後唔使周車勞頓去銅鑼灣喇，日

上星期六夜晚六點幾七點去左樓下YOHO，見有拉麵，店面日式現代風，睇落唔錯，就決定去試下~我哋坐左係吧枱最近玻璃窗位置，位置大細啱啱好，枱仲有櫃桶放野，好細心！我叫咗一碗豚骨mix拉麵多芽菜，朋友叫咗炸雞同薯餅。 碗面五分鐘到上枱，即刻試下個湯先，熱度有，豬湯香味都有，幾好飲，一連喝了幾口。面我揀咗 硬，飲咗少少湯開始食面，啱啱好！😋 叉燒夠味而且唔會乾！跟湯跟面一齊食，味道好融洽！不得不提隻糖心蛋！由於太好食，朋友都淨叫咗隻嚟食😂至於炸雞，外脆但肉質原來超軟滑，有驚喜到！！因為炸雞食到老or "hai sup sup" 真係會想喊😭薯餅有兩隻味，紫薯好食啲😋 整体上，我會俾到佢4.0/5分，我見menu 上其實仲有幾款拉麵我都想試！所以一定有下次！🤗ps 店內侍應雖年輕但有禮，令我感覺幾舒服☀️

落單混亂，店員完全唔知做咩，落左單20分鐘仍未有野食。追左3次單，先問我邊個同事幫我落單，到第四次直頭問番我落左d 咩，即係我成張單唔見左，我唔開口問就唔使食。同行朋友order menu 上素食，同樣等左一大輪，比左第二樣拉面，再問一輪先知岩岩開店幾日未有呢款食物，自動幫客人改食物埋單又要問番個客食咩。總之就各負責同事無溝通，無系統。每個樣野都勁耐先有反應，員工無意識去幫忙。十分混亂，十分差，十分唔推介唔會再食。bye bye

商場新開，見有拉面，就試下。落完order ，等緊途中，聽到附近啲客碗麵幾碗都有錯。心諗已知奶野。等左10幾分鐘之後，我碗麵終於黎到。👎🏻試啖湯，成口油，無味，淡😪👎🏻到食面，我畫左普通，硬到呢，根本未熟既，同行友人嗌硬面，同我果碗一樣，軟硬無分別。👎🏻叉燒，無味。👎🏻唐揚炸雞，炸到燶哂，黑哂，咁都可以上比客人。雞肉無雞味，得酒味，仲要酒味散唔到，變左苦。👎🏻餃子，又係好難食，入面粒肉無味，又唔熱。我買盒灣仔碼頭煎得好過佢。👎🏻飲水杯，自助，杯內有積水，杯邊有白色污積，成件事好嘔心。👎🏻買單走人，行去cashier 度比，見到有堆牙簽（未用既）攤哂係隻碟上面，門口位，最多人岀入，點用呀，唔衛生。總結：未train 好樓面同廚師就唔好開鋪住。寧願等遲啲先開張，比到有水準既野食比客人。同時要注重衛生。😾😾我見銅鑼灣果間，啲人講到好好食，成條登龍街最好食，我先黎試下。開分店之餘，都要保持返食物水準同衛生。