金田家 (已結業)

自yohomall 新開，我便想試勻新開的餐廳。是夜7時多才下班，於是便和朋友先食碗拉麵再回家。我點了黑豚拉麵，賣相很吸引，五大片叉燒鋪滿碗邊，份量很大！我先喝一口湯頭，豚骨味很濃，而且香味十足。而叉燒厚薄適中，瘦肉部分較多，但包含肥肉的邊位也令叉燒很嫩滑。溏心蛋也不錯，蛋黃也算流心。拉麵方面，我點了微硬，所以食落特別有質感，混合一大口蔥花和木耳食，味道更香更惹味！朋友點了黑松露拉麵，叉燒是一樣，但湯底滲出濃郁黑松露香味，卻不會太咸，但會微微遮蓋豚肉味道。我們多點了炸雞，炸雞用左粒粒像爆谷粒包裹來炸，炸出來更脆卜卜，有口感，雞肉也算嫩滑，但略較咸。整體來說，拉麵質素很多，從湯頭到叉燒拉麵也挺好，可以一試。

來之前都睇了食評, 見到都係一片的好評, 所以尋晚收工後就特登來試下.大約745來到, 無人等位, 店內還有七八個座位, 最後揀了坐吧台.一個黑豚叉燒拉麵, 有6片豚肉, 唔鞋口(因為切得好薄好薄), 湯底呈奶白色, 但又唔覺好香濃的豬骨湯. 配料有蔥, 紫菜, 木耳,  個麵比較幼身, 份量可以, 但男人應該唔夠食.一個柚子辛口拉麵, 湯底有多一層柚子味, 感覺較清新無甘肥膩, 叉燒有三片, 配料多了芽菜.另外叫了3份小食, 糖心蛋 : 有水準.炸雞,  一客有4件, 即炸的, 夠香口, 但有點油,味道普普通通無特別, 亦唔叫得好食.薯餅, 都係即炸的, 好食.環境 : 唔算逼, 招呼 : 正正常常. (坐低自己斟水, 自己寫紙仔, 麵來了送來, 食了收走, 就係甘)出品 : 可以, 但無樓下的食評寫到甘好食, (我無去過福岡, 唔知算唔算係正宗的九州拉麵, 但比起係北海道同東京的出品, 呢碗麵最多70分)價格 : 兩碗麵 + 兩個小食 + 10% = 311, 價格略高, 算係一試無妨的水準.

今晚系同男友難得的約會。我地去左元朗搵好野食！😋今次回味呢間我地系日本已經食過嘅日本拉麵餐廳。我地去到8點左右，好多人系到排緊隊！系門外望入去，雖然系商場入面，但一啲都唔逼，好舒服嘅感覺，如果坐窗邊應該會更有feel😈我地勁期待，所以我地系門口外已經睇定餐牌，入到去就即刻嗌！！等左大概15mins左右就入去。入到去，我地即刻寫紙落單。男朋友揀左激辛拉麵同男爵薯餅，我揀左黑松露拉麵。我想講，系呢間拉麵店完全同系日本福岡個到食嘅麵質同味道都系一模一樣，真係冇失望到！！！我地兩個都偏愛硬嘅麵質，所以我地都揀左硬嘅麵。就算食得慢或者上得慢都唔驚啲面會黏起黎。另外，咁樣會比較有咬口。佢地又真係做到我地想要嘅麵嘅硬度。*激辛拉麵嘅辣度唔系普通食得辣嘅人可以食嫁*留意反啦！因為佢真係辣，我飲左小小湯都已經感覺到個種味覺上嘅刺激。雖然，叫我食我仲勉強食到！但比左錢唔會去買難受，都系食反啲唔辣嘅穩陣啲haha。另外，男朋友中意食腩肉，呢個真係岩曬佢。我個個黑松露拉麵嘅黑松露好香。黎到嘅時候，個陣豚骨湯嘅味道飄緊出黎，聞到已經流曬口水，食埋落去系日本嘅味道，系旅行嘅感覺。仲有佢啲配料好足料，配埋一齊超有咬

女朋友突然說想吃拉面，在網上查看，發現附近元朗開了一間金田家，所以我們決定去品嚐一番！金田家在商場內，走到過去就會看到金田家的logo。它有8款不同的拉面，我們點了黑松露拉麵和雞白湯豚骨拉麵，還有一客男爵薯餅。黑松露拉麵是用豚骨湯底，豚骨湯非常香濃，吃得出它那一種火候，十分讚！拉麵是幼身的，非常彈牙，很像在日本吃到的一蘭拉麵。叉燒大大塊，很夠份量！很有肉味，只是略為不夠「肥」。女朋友就點了一碗雞白湯豚骨拉麵，麵質是一樣的，分別在於湯底，比較淡味一點。這個是男爵薯餅，有牛肉和紫薯栗子兩種味道。這個真的有點驚喜，炸得外脆內嫩的。我和女朋友都比較喜愛紫薯味，脆脆甜甜的，也較為健康。總體來說金田家無論在食物，環境及價格方面都不錯，下次還會再來吃

People say a broth speaks everything about the ramen. Order Tonkotsu Mix Ramen and the broth is very hot. The 18hrs boiled broth is so good! Strong pork bone taste, not oily/salty and no MSG. After the first sip, it makes me very appetizing. The pork is tender with perfect balance of fat and meat. Remember to mix the wood-ear mushroom and green onion with the noodles to eat.

新一期Yoho Mall正式開幕，有不少餐廳也想試。今次先選了拉麵代表 - 金田家。 餐廳在商場盡頭，經過戲院便見到。超大嘜頭，很搶眼。 雖然位與位之間空間不多，但開放式裝修，感覺一點也不焗促。 之前吃過銅鑼灣店，感覺不錯，所以對元朗店也蠻有期望。 黑豚拉麵 $98 黑豚叉燒圍著碗邊，超有份量！豬骨湯底濃而不膩，濃稠恰到好處。 叉燒脂肪含量少，軟熟、不黏牙。啖啖肉，一點也不肥膩。 麵條爽口、彈牙，與濃厚豬骨湯底配搭perfect。 黑松露拉麵 $108 黑松露配拉麵，名字夠睇頭。 店員端上拉麵時，陣陣黑松露味一湧而至，但我覺得黑松露與豬骨湯不太match 溏心蛋 $14 另加的溏心蛋味道有點淡，不夠溏心。 我還是喜歡吃原味 男爵薯餅 $38 上次吃最念念不忘的就是這個男爵薯餅 <3<3<3 一塊classic可樂餅，另一塊栗子紫薯。 外層炸得金黃、香脆，內𥚃薯泥滿滿。喜歡它有不少薯仔粒，讓薯餅口感更豐富。紫薯餅的栗子粒吃得更爽～ Post相上IG仲可以有機會贏得福岡之旅，不要錯過～

咁岩同朋友係元朗行完街諗緊食乜既時候就發現前面有間拉面店好多人排隊就即刻有種邊度多人邊度好食既感覺就同朋友即刻狗衝去排一入到去成個感覺都好日式好自在 天花板又掛住d波波燈成件事即刻好有feel到揀拉面個陣 我真係struggle左好耐到底要黑松露定係要柚子辛口因為兩個都好吸引既關係就決定同朋友一人嗌一個再分少少比對方食另外我地係炸雞lover所以再叫多左個炸雞先講炸雞 咁其實佢已經好誇張個炸雞一上既時候我既內心係震驚的通常我食開既拉面店就算我叫炸雞個size都係mcdonald麥樂雞size但佢呢個雞係大舊幾倍有多 仲要咬落去唔係得出面賣個d炸皮而係一咬落去你就會feel到d雞油湧出黎令成件事好juicy 食到啖啖肉停唔到每次諗返起都會好想再食雞已經好over 但估唔到佢既拉面仲癲平時出面嗌黑松露乜乜佢都係會俾得丁屎咁多你但佢個黑松露拉面一上既時候 佢個黑松露好似唔洗俾錢咁 一大堆咁上俾你成個拉面基本上都有住一個好重既黑松露味 岩哂我呢d熱愛黑松露既人士完全唔洗就住就住驚食哂就無 好幸福！！！！而我既朋友叫既柚子辛口都唔執輸因為我就算坐佢隔離我都聞到佢隻甜甜地既柚子再加辣味佢分左少少俾

今日特別去朝聖 順便行下形點渡過一個悠閒既星期三一樓行入啲就見到我想食好耐既金田家 店面勁具日本風成個畫面非常和諧 令我忍不住更加期待了桌面乾淨同衛生 可見待應生既清枱速度都好快捷 令人更加滿意同舒服裝潢頗有心意同品味而且特別預備既冰水令人窩心特別係炎熱既夏天 更加令我涼透心配菜可以個人喜好加減激辛拉麵湯底非常濃郁賣相幾好 紅紅既湯底符合曬佢個名激辛拉麵我選擇左軟d既拉麵 拉麵既掛湯一流(左)我一路食住麵一路伴住佢濃厚既湯底 口感味道都係一級棒加左少少配菜同溏心蛋(右）成隻蛋好入味個蛋黃好滑好軟冧要讚係莫過於佢 肥瘦比例係黃金比例一入口非常軟糯 半溶係口既滋味 一試難忘柚子辛口拉麵佢地叉燒真係抵讚入口係軟冧冧架 而且每塊都好大塊 超抵食湯底同洋蔥粒都有淡淡既柚子香味散發住清香 好特別唐揚雞塊炸得頗夠鑊氣 炸粉亦五會好厚旁邊有檸檬汁提供 吱去雞塊上面可以幫助去除油膩感沾上醬汁後更加吸引了(左)而且裹面採用估計雞腿部位既雞肉 鮮滑厚實(右)食得好飽平均一個人都只不過係一百幾元不錯

元朗本身好多食肆， 但經過金田家已經畀佢個menu吸引住， 因為我同男朋友本身都好鍾意食拉麵， 試完果然冇失望， 呢間拉麵絕對要放入我必食嘅top3。黑豚拉麵 ，個湯底超濃超好味 ， 我第一次將啲湯飲曬 ，好滿足 ，個拉麵麵底仲要係我鍾意食嘅幼麵底，仲要有五塊豚肉咁多，真係冇乜邊間可以畀到咁多塊肉俾你。塊豚肉係超級大塊㗎，仲要好有肉味， 好好食呀。男爵薯餅， 都係必叫嘅食物之一 。一塊係紫薯栗子， 另外一塊牛肉味， 一碟就有曬兩種味道，啱曬咩都想試嘅我，我自己就鍾意紫薯栗子味多啲， 甜甜地， 外面又炸得好脆， 外脆內軟， 成個口感好配合。

喺YOHO商場入面，有一間拉麵專門店叫《金田家》，喺銅鑼灣總店非常有名，是來自日本福岡縣嘅過江龍，所以即刻上去試吓。餐廳環境設計好有日式感覺，天花板吊住一個個不同大小嘅黃色波波燈。餐廳格局方面，入面有大枱同埋吧枱位置，更有窗邊二人枱。點餐係自助形式，單單拉麵款式已經有10款，我哋一人就揀咗一碗拉麵，分別係「柚子辛口拉麵」同埋「黑松露拉麵」，兩款拉麵嘅味道都好特別，我哋先飲左一啖湯試吓乜嘢味道果然「黑松露拉麵」有好濃郁嘅黑松露味道，而且唔會太鹹，味道剛剛好乙除此之外，拉麵嘅軟硬度我揀咗軟身，食落去好入味，而且麵質煙煙靭靭，豚肉有兩三塊半肥瘦的，加埋啲配料一齊食好滋味。最後我哋揀咗個小食「唐揚雞塊」，新鮮即炸出嚟口感脆卜卜，一咬落去肉汁已經滲透晒出嚟，雞肉每一件都嫩滑，配埋沙律醬一齊食更加Creamy。最後埋單都只係＄200多啲，已經可以食到咁飽肚又好味嘅下午茶。

金田家在燈籠街一直都係人氣拉麵熱店,因為掛住日本總店既名號,黎到香港又無變質,算係良心拉麵店啦最近係元朗開左新分店,趁住放工,就同朋友落去試下金田家係YOHO MALL,地點有D難搵,可能因為我小去元朗,唔多熟路朋友住元朗,佢黎接我就搵到,因為商場真係好大我食左個黑松露拉麵,拉麵湯底夠濃郁,雖然有小小油,但係整體感覺唔錯拉麵麵條夠煙韌,質素有保證流心蛋都幾滑溜,都算唔錯叉燒夠厚,燒得都唔錯難得有良心拉麵店,唔會用劣質食材

男朋友一直都好中意食拉麵～ 見到yoho mall新開左間拉麵店-金田家❤️ 就試下啦😊😊佢既裝修好有日本風 掛咗好多紅色嘅小燈籠🏮🏮🏮🏮 門面仲有一個金田家老闆嘅樣店入面 天花板掛住好多黃色圓形嘅燈 為成間店增添左好多氣氛 好relax😽😽😽喺枱面上放咗好多芝麻 辣椒粉 酸薑 ....比客人食拉麵嘅時候任君選擇🤗🤗🤗拉麵店係九州第一位👍🏻👍🏻👍🏻有好多種特色嘅拉麵比我選擇😍😍 仲有好多唔同嘅小食💛💛我點左一個黑松露拉麵💕💕黑松露味道好香 湯底亦都好濃郁 叉燒厚度適中 入口又滑又香🐷🐷🐷 我男朋友叫左一個黑豚拉麵 叉燒鋪滿碗邊 可見叉燒肥瘦剛好 色澤均勻😚😚😚拉麵係幼身既～ 增加有助吸收湯底嘅味道 令每條麵條更加入味😋😋😋每塊叉燒都相當嫩滑😻😻😻 入口即化 豬嘅香味一溢而出 充滿整個口腔😍😍😍 yummy yummy 😋😋😋小食方面 我地叫左個餃子🤠🤠配上佢特製嘅豉油 餃子非常之多肉汁 味道剛好 ☺️☺️☺️再黎個全家福☺️☺️☺️ 埋單每人百幾蚊 但食到九州拉麵 的確係大滿足😌😌😌😌

Yoho Mall 商店愈開愈多，餐廳仲好有水準，每間都幾好食，係Yoho mall搵野食都幾放心，今次就簡左九州好有名氣既金田家拉麵店！餐廳環境舒適優雅，店鋪比一般既拉麵店坐得更寬敞，店鋪仲設有bar台既單人位。一人一張既拉麵點餐紙，簡好自己想食既麵可以有得簡埋想追加咩餸菜、小食等，非常貼心，麵條既軟硬程度都可以簡選自己鐘意既口感。 同朋友二人就簡左黑松露拉麵同黑豚拉麵（追加多隻溏心蛋)，兩個都簡左麵既軟硬度係普通，小食就試左北極貝海鮮沙律。北極貝海鮮沙律先上，生菜新鮮，沙律以薯仔同沙律醬為主，好香既薯容味，甜甜酸酸，配大大粒北極貝，開胃菜之選。黑松露拉麵湯底味濃香豬骨味不油膩，加埋黑松露成個湯底就加哂分，黑豚拉麵最突出既係多件黑豚肉，飽肚有滿足感，配上普通硬度既九州拉麵口感值得一贊，豚肉味道令人回味、仲有拉麵必有既鮮甜的洋蔥，味覺的享受！另外一提既係餐廳仲做緊推廣優惠，係Instagram 上傳照片加埋hashtag，就有機會比抽中去日本福岡啦！想去福岡既朋友仔要留意了！

聽講元朗YoHo開咗新嘅一期，除咗好多野行之外仲有好多好味嘅餐廳係西鐵站一出就可以去到呢個商場喇，行咗一陣就搵到今次想食嘅拉麵店，黎自福岡嘅金田家喇。識貨嘅人都知道呢間拉麵店得奬無數，除咗香港之外歐洲都有佢嘅分店架。知道佢喺元朗新開左呢間鋪頭，就一定要黎試吓啦入到去見到裝修好靚，有日式拉麵店嘅風格亦都有配合返呢個商場好新嘅感覺~坐低左之後店員就送上冰水同埋拉麵紙，就咁睇落去有好多唔同嘅口味，除咗最common嘅豚骨拉麵之外仲有啲比較特別嘅例如黑松露拉麵同柚子拉麵，仲有清淡少少嘅雞白湯拉麵等。我就揀咗正常嘅豚骨拉麵，另外仲可以揀面嘅硬度同要唔要葱等，落左單一陣，拉麵就到啦放咁睇已經覺得好靚嘅，周圍比好多大大塊嘅叉燒圍住，睇落好好味呀然後中間仲有一大堆木耳同埋葱，係冇加錢之下都有咁多配料好抵食呀首先梗係試吓個湯底啦淡淡豬骨果味好香好正，如果嫌唔夠味嘅大家就可以落七味粉，芝麻等配料，不過我就覺得就咁已經好夠味啦仲有叉燒薄薄地大大塊燒到啱啱好，唔會話太鹹或者太淋除咗拉麵之外仲加多左客男爵薯餅，一客有兩款，第一個就係普通牛肉薯餅，另一個就係特別嘅紫薯味，第一件同平時食到嘅薯餅一樣，啱啱炸好熱辣辣

個日同朋友一齊去左元朗行街，行到中午餓餓地，想食有湯既野，拉麵就係一個幾唔錯既選擇 行過呢間門口，記得有另一個朋友講過幾好味，試下佢先門面都好易搵到，有個公仔頭，哈MENU都係跟返正式既拉麵店甘，有得揀唔同既選擇。我地叫左一個豚骨拉麵$78，一個柚子辛口拉麵$98豚骨拉麵個湯底幾濃，但就算食哂成碗都唔覺得好膩柚子辛口拉麵，個湯飲落酸酸辣辣係超級開胃啊，不過我覺得個柚子味太甜，如果佢用偏酸既柚子醬應該會更好味兩碗都有叉燒配，我自己就比較鍾意柚子辛口拉麵個碗嘅叉燒，因為個一碗既係叉燒入口即溶，質地比較軟身。我地仲叫左個小食，雅布尼叉燒，其實係火炙叉燒，食落有少少煙燻左嘅感覺呢度嘅環境都錯，同朋友食完麵再坐多陣傾計都係一個好地方