金田家 (已結業)

外遊回港，天氣這麼嚴熱，便相約友人行新開的Yoho Mall，貪那裡易找個清涼的飯聚談心處。天口太熱，終於揀了去試剛進駐該商場的金田家祺艦店，友人告知此間是九州正宗的日本拉麵店，仲話日本揾食網曾選金田家為2013最佳食府之一。咁正，啱我呢D四處搵佳餚美食族。雖避過午飯高峰時間，但仍要稍稍排隊等候入位，可見此店頗受食客歡迎。店員待客有禮，向一衆排隊的客人遞上餐牌供參考，好打發排隊的無聊時間。等揀好食物時，已經可入坐了。此店裝修整潔，開掦，當日我倆被安排坐bar枱位但都坐得頗舒服。看點餐單，就知此店做麵正宗認真，每客一張，必不會亂，各人自選喜好，由款式，麵的軟硬口感到要葱，多，少，不要都有紀錄，選擇，安排不錯。我們的坐位清楚看到廚房，友人問我點解廚師們每次煮完麵後都用力篩動裝麵的篩，這我知，那是他們想篩去附在麵上多餘的水份，以免將過多的水帶到濃湯裡沖淡湯的味道。麵送上時不用看就知那碗是我的，因我揀了黑松露拉麵，松露香味馥郁，而友人選的是豚骨mix拉麵，單憑香味便可分出。黑松露拉麵兩碗湯都濃郁成奶色，我的松露拉麵湯還浮着一層薄薄的油香，豚肉比豚肉mix大，查問才知那是因為肉來自豬的不同部位。

難得一天入來元朗影相，天氣好好又舒適，影完相大家都覺得餓了，便到Yoho Mall搵食。 星期日的Yoho Mall人山人海，四處都排長龍，就在商場的盡頭，發現了新開的金田家，雖然人龍不短，但見到有抽奬活動，便一於試試。 因為今天是開張第一天，所有東西擺設都好新淨，店內是半開放式的，窗外可看到綠悠悠風景。 金田家輪盤大激送，惠顧後可參加抽奬，禮物有電影禮券、心太軟及折扣卷。 店內提供各式醬料。 拉麵款式好多，選擇困難的我好不容易才選到心儀的拉麵。 選擇好了就寫到點餐紙上，還有配料可自由選擇。 辛子黑蒜拉麵 $88湯底帶有黑蒜味，味道不算很重，但黑蒜好惹味，帶點杰身，很容易沾上拉麵。豚肉薄切，入口鬆化，脂肪感不重。 麵條的硬度選了普通，入口爽口彈牙，質感不錯。 另外加配了糖心蛋，入口香甜富有蛋味。 大將餃子 $30煎得香脆皮薄，咬落充滿肉汁，用來送拉麵一流。 男爵薯餅 $38薯餅被炸成金黃色，外脆內軟，入面是紫色的紫薯蓉，還會吃到栗子的香甜味。 Calpis $20味道像乳酪，清涼又解渴。拉麵湯底確實令人有回頭的慾望，相信日後人龍必定更長。

金田家。香港腩肉叉燒天堂 肉片嫩湯底濃《柚子辛口拉麵》HKD98。 麵條比較幼身 食開普通拉麵嘅我有啲唔習慣 但幼正正就係福岡拉麵嘅特色☺。 成個麵個味道有幾層 首先係豬骨湯 慢慢就感受到辣 仲有淡淡嘅柚子香🌼 整體湯底唔算係香濃 唔會食到要灌水。 配上獨有醃過嘅紅洋蔥 酸酸的同柚香夾到絕。 我最愛嘅溏心蛋追加後冇後悔 水準之作 溏心效果明顯到流落碗湯度 蛋白帶有鹵水香味😍。黑豚叉燒好淋 叉燒味偏淡《腩肉叉燒》HKD20《雅布尼叉燒》HKD28。個人比較鍾意雅布尼叉燒。兩者都係薄切 半肥半瘦 脂肪入口即溶。腩肉叉燒味道比黑豚肉叉燒濃。 雅布尼叉燒略略燒過 係有火炙滋味嘅腩肉叉燒 豬肉味比普通腩肉叉燒更濃 更香《黑松露拉麵》HKD108。 松露拉麵點咗硬麵質 相比柚子拉麵普通麵質更加有嚼感。一口湯一口麵 味道揉合得好。豚肉湯額外加上黑松露唔會有肥膩感 反而份外濃郁 男朋友食得好滋味停唔到口。雖然自己本身都幾鍾意松露料理 但一飲落去 哇真係好濃黑松露wor 好實在感覺 飲完一啖水 松露味仍在。個人私心都係偏愛清新嘅柚子拉麵😂但重口味者們 你絕對會鍾意黑松露拉麵。成碗拉麵特別在於上面灑上黑松

金田家有最佳福岡拉麵之稱，我一直想試，但進駐登龍街後我總計劃去日本才朝聖，到6月份真的去了福岡，我又想試香港沒有分店的其他拉麵店，結果一直未有食過。最近得知元朗Yoho Mall開了分店，就相約媽媽落街去食，順道逛逛這個新商場！餐廳設計與傳統拉麵店不同，走型格路線，還有落地玻璃透進自然光線，予人寫意悠閒之感。始終是新開張，人流很多，130pm去到大約等15分鐘，不算太久。拉麵有10款，而蔥量及麵的硬度一如大部分拉麵店，都能按自己口味選擇，不過有點失望的是溏心蛋要另加錢。我點了黑松露拉麵（$108）加溏心蛋($14)，湯底是招牌豚骨湯上再加慷慨的黑松露醬，一上桌我就已經聞到黑松露的濃烈香氣，我急忙把黑松露醬撈勻再呷一口湯底，湯底頗有驚喜，味道清甜中帶有芬芳黑松露香。黑豚叉燒約4-5片，每片都肥瘦均勻，肉質鬆化，不過太過薄切，個人覺得口感欠了一點咬口。而我特別喜歡這兒的拉麵，充滿麵粉香，而且我選了硬麵，硬度亦合我心意，帶有嚼勁。溏心蛋的醬油味道很入味，如果再溏心一點會更得我心。媽媽的辛子黑蒜拉麵($88)加溏心蛋則比較濃味，湯底是豚骨湯加上自家製黑蒜醬，我試了湯底，發覺味道濃郁，蒜香十足，

嚟自日本九州嘅豚骨拉麵店金田家早年進駐香港銅鑼灣，最近就晌元朗開分店。入面環境唔算太大，啲位就唔少。拉麵有十幾款口味，另外仲有小食同甜品等。檯上面放咗酸薑、辣炸菜、七味粉、即磨芝麻等調味料，同埋仲有凍水。呢次試咗幾樣食物，先係北寄貝海鮮沙律，入面有北寄貝絲同薯仔粒，另外仲有粟米、車厘茄、青瓜、紫生菜。黑松露拉麵入面就有黑豚叉燒、黑松露、紫菜，同埋唔少木耳絲同蔥花。湯底濃厚有豬骨香同黏口感，本身已經加咗黑松露油，再撈埋嗰堆黑松露就多幾分香氣。麵條幼身，煮得軟硬度適中，都幾掛湯嘅。黑豚叉燒有三片，切得比較薄，肥脂唔多食落軟嫩鬆化。黑豚拉麵就同我嗰碗一樣都係豬骨湯底，只係冇黑松露油同黑松露醬，咁樣就可以試清楚個原來味道。黑豚叉燒有六片，好似比我嗰碗厚身少少，同埋食落再有咬口一啲。

上個星期六就同CHICKEN 入元朗，行下行下大家見攰，就想搵間野坐低，去到形點一期又唔係太見到有餐廳，睇左下地圖，竟然比我地發現呢到有金田家@@！兩個拉麵控二話不說走左過去~~金田家對於我同CHICKEN 黎講已經唔陌生，因為平時係銅鑼灣果間都成日去食，好中意佢地既湯底同麵質～因為星期六所以都幾多人，排左陣隊先有得入，原來元朗呢間岩岩開業冇耐，唔怪得特別多人。所以拉麵都圖文並茂，可以比到大家做參考，呢間主打做豚骨湯底，拉麵款式相比其他會比較多，豚肉亦有叉燒同黑豚選擇。小食同飲品都有多種選擇，有肚仲可以嗌埋個甜品～可爾必思，乳酸性飲品，入口酸甜開胃，冰涼口感令人為之一振，解除唔少因排隊而屈落黎既悶氣。北寄貝海鮮沙律，份量適中，以薯仔同北寄貝作主調，北寄貝鮮甜爽口，配搭係沙律之中，格外匹配。而蔬菜沙律頗新鮮，可惜既係北寄貝份量唔算多，食得未夠過癮。黑松露拉麵，揀左硬麵質，松露拉麵點咗硬麵質 相比柚子拉麵普通麵質更加有嚼感。豚肉湯配上黑松露，令整體格外濃郁，而且食落去唔會有油膩感。 硬麵質既條狀感比較強烈，吸附唔算高但好岩我依類中意嚼野既人。黑豚為薄切，肥瘦均勻，入口軟腍。黑松露再加上豚肉

今日同幾個朋友黎到元朗形點既IMAX睇戲, 入場之前當然食返餐好既先啦～咁就黎到位於IMAX側邊既『金田家』歎返個拉麵,因為係星期六黎, 所以都排左陣隊, 睇得出『金田家』既人氣都相當高！- 『金田家』既門口, 招牌簡單3隻字, 簡單純樸而且旁邊仲有幾幅拉麵圖, 仲有1大個店主既LOGO係道, 令人1望就知呢間就係拉麵店, 『金田家』既門口包裝相當唔錯～另外可以見到唔少人係道排緊隊, 暗示出其質素都有返上下啦店內既環境佈置以淡色為主, 混合左外來光同燈膽既光線非常充足, 令人可以精精神神咁去享受陣間既膳食, 而且環境尚算寬敞, 食起上黎唔會綁手綁腳～ 每一張枱都設有一壺冰水, 係炎炎既夏日可以任飲都十分爽！『金田家』既MENU分2部分, 上圖係其中一部分, 用黎陳列每一款『金田家』拉麵既賣相, 並且簡單列出當中既食材。 呢點做得相當貼心, 因為如果冇圖文並茂既話, 會連點左咩類型既拉麵都唔知～MENU既第2部分;當你睇完『金田家』既拉麵圖之後, 就可以用呢張紙去ORDER你想要既野,麵底係可以選擇佢既軟硬度, 符合返個人既口味大將餃子每1隻煎成金黃色, 同埋每隻都煎到有微微地既“燶”,

雖然家住九龍，但最近知道元朗有 Sanrio 公仔影，就山長水遠去了一次元朗。元朗 Yoho Mall 商場接連落成，陸續有不同商戶進駐，加上今期有 Sanrio，多人的程度直迫旺角，尖沙咀。其實今次 Sanrio 都不算太多影相位，所以短時間已經影完，順道可以行下商場。Yoho Mall 商場的確好大，初次行真的會蕩失路。行行下剛巧又碰到其中一間餐廳新開業，就順道試試。餐廳剛開業已經有人龍，地方不算好大，所以要有排隊等位的心理準備。拉麵的種類都幾多，比較特別的是有一個叫兒童豚骨拉麵(會否像開心樂園餐有公仔送)？黑豚拉麵 $98加了1隻溏心蛋($14)和紫菜($10)，令拉麵看上去很豐富。黑豚雖然不是厚切，但薄身又夠腍，口感討好，而且有好多片。拉麵湯沒有死咸，稠度恰到好處。另外麵選了(硬)，麵滑身又稍有咬口。日本茶 (煎茶) $20起初以為是打開"蓋"飲，原來"蓋"是一隻杯，令整個用茶感覺提升不少。今日元朗一日遊發現元朗已經變得人山人海，而且這裡商鋪的知名度亦和市區冇分別，整體已令元朗發展成一個完善的新社區。

咁大個女! 好日不過元朗, (因為唔識路!)但早排一個住在元朗的朋友, 一直叫我們入去探佢之餘,話附近一個叫YOHO形點的大型購物商場開幕, 可以順道行吓! 食吓! 或者看埋電影!因為自己大鄉理, 心怕不識路,故比大家相約時間特別早到很多,唯有自己一個週圍逛了一個圈.行到一邊, 有很多不同種類的食店, 可能是午市時間到了, 差不多每間食店,門外都開始有客人等候,而行到盡頭處, 有一間食店特別多人排隊.更有工作人員身穿和服正在為客人玩日本式抽獎遊戲,自己見時間尚早, 亦走過去玩了一次, 得了一張優惠卷.到了約定時間與朋友又再閒逛,有同朋友們提起這間食店很多客人,後來大家異口同聲告訴我, 這間是九州拉麵專門店,而且很出名, 原來叫--金田家!於是就這樣我們也來金田家一試, 什麼是九州拉麵了!他們暫時種類不算太多, 但勝在每樣都會有數款選擇,而且份量不少, 必定會令你填飽肚才離開.( 而且, 細心到, 可以任客人選擇拉麵要軟, 硬或普通.要蔥, 不要; 要辣, 不辣或可以辣醬另上. )我們4個女人真的一個墟, 打開餐牌, 這個又想食, 那個又想食! 最後,由一位比較冷靜的朋友,幫我們清楚分析

日本拉麵款式包羅萬有，其中最有名既一定唔少得豬骨湯拉麵！亦係小弟既最愛之一！來自九州福岡的《金田家》，多次奪得日本拉麵大獎，有九州第一拉麵之美譽！就等我試下九州第一拉麵既味道先！同"X蘭"比較，款式選擇算係多好多，重有好多小食！我點左黑松露拉麵同唐楊雞塊。麵我選擇左"硬"，只係個人喜好！黑松露拉麵 $108一上台就有黑松露既香味，第一時間飲湯，豬骨湯底好濃郁，好鮮甜，未搞個湯都有黑松露味！重有咁大"pat"黑松露醬，真係真材實料！肉都好大塊。肥瘦均勻，入口即融，黑松露味好夠！麵條掛得住濃湯！唐揚雞塊$35外脆，肉質原來超軟滑，加埋蛋黃醬，超惹味！誠意推介喜歡辣嘅朋友，衣隻辣菜好刺激！撈麵一流！

［2017/08/03 元朗 金田家］元朗形點有多間食肆新開張，其中有金田家。金田家在香港的本店位於銅鑼灣，口碑不錯，而且由日本福岡擴張到香港，我未曾去過但愛吃拉麵，當然不容錯過，所以就決定與朋友來元朗新店一試。我們12時多去到，已有7-8人在等位，我們看看餐牌，只有拉麵，沒有沾麵。我點了「辛子黑蒜拉麵」，麵條選軟，多蔥。雖有「辛」字但湯底及材料並無辣料，只是很油很多黑蒜，但無味道，已感失望。個人喜歡軟身麵，麵條幼身，口感普普通通，但未覺有特別「軟」。叉燒薄身，無口感，普普通通。蔥不是蔥花而是像韮菜碎，而且「多蔥」是另上一碟蔥。湯底沒有令我喝下它的念頭，反而是吃完好渴，我要不停喝冰水。總結：很普通的拉麵店，個人認為價錢不值，但我不排除會去銅鑼灣本店再試一次。

在香港呀，想跟朋友吃點高質的東西，總是要東西南北到處找，對於新界人來說更加要過海往市區跑。然而得銅鑼灣、尖沙咀、旺角一定是大家不二之選。吃拉麵的確就是去銅鑼灣啦~~ 什麼一風堂、一蘭等等，但至從元朗Yoho新一期開幕，一帶地區越來越多人，大小品牌進駐，今日終於有時間跟家人來逛逛。而讓我最驚喜就是，之前一試愛上的【金田家】竟在元朗開設新分店，二話不說，把全家人都拉過來！唔講唔知，在日本這拉麵可是名牌，除了2011、12年成為北九州拉麵節冠軍，都係 日本 Tabelog 現時福岡排名【第一】中午食飯時間已過，仍然大排長龍，可想然之是多麼的受歡迎～雖然店內店外滿滿的客人，店員們還是服務周到，不會怠慢客人而且態度良好！金田家雖然無日本正宗點餐機叫拉麵，但係都採用一紙一拉麵形式【每一張紙填寫一碗拉麵】是因為當中客人可以因應自己喜好，選擇【蔥的份量】還有【麵的硬度】令拉麵更加個人化😊來到冠軍餐廳🏆 當然要吃主打的豚骨拉麵，其次都有幾特別既黑松露拉麵、松茸豆乳拉麵。等15分鐘左右，黑豚拉麵終於送到啦！第一眼給人的感覺色澤鮮艷，比其他油膩膩的湯底來得清一點。薄得黎卻好大一塊既豚肉的油脂分佈均勻，層次分

位於元朗的金田家，是銅鑼灣正舖的新分店時日相約吃貨大佬來吃午餐，其後去尖沙咀銅鑼灣金鐘各吃三杯雪糕，然後晩飯，吃貨放假的行程可是超級忙呢。想吃很久的金田家，竟然在元朗開分店。拉麵控即刻要到來光顧一下吧柚子辛囗拉麵$98+$14來自九洲的金田家被譽為當地第一拉麵店，曾奪多個拉麵大獎，小女子實在期待不已。印著おすすめ即推介的日文，小女子忍不住點選來嚐嚐吧湯底是奪獎無數的豚骨湯，豚骨湯以15小時烹煮而成，漂亮的奶白色帶著油脂。湯底入囗清而不膩，豚骨的甘甜在囗中散發，充滿肉香，帶有麻油的味道。湯頭屬濃而不厚，微微黏稠，一般大眾勻會接受。加入柚子和辛辣味噌，甘甜中沖擊著酸味和辣勁，更為惹味。配菜有黑豚叉燒，芽菜，紅洋蔥，青蔥，+$14溏心蛋。溏心蛋做得很好，蛋黃鮮亮橙紅，極為溏心化，蛋味超濃，蛋白滑香，順囗溜溜，是必吃之選。黑豚拉麵$98黑豚拉麵也是採用豚骨湯頭，就不作多介紹了。配菜有五片黑豚叉燒，木耳，紫菜，青蔥。黑豚叉燒大片薄切，肥瘦部份適中，偏向瘦肉較多，肉質軟腍且帶有嚼勁。金田家採用白麵，麵條富有麵粉香，直幼身拉麵把微黏的豚骨湯輕易掛上，豚骨甘甜和白麵清爽極為合配。拉麵軟硬適中，帶有嚼勁

去咗元朗Yoho 形點，發現已經面目全非有好多新嘅食店開張，包括韓式炸雞同日本料理等等等等。見到呢一間金田家開張，好多人排隊，當然要試一試啦！原來佢係九州第一間拉麵店進軍來香港。見到出邊擺滿左炮谷車同埋派氫氣球，我都要拎返個先。鋪面都有30幾個座位，而且都坐得好舒服，唔似一般嘅拉麵店，只有兩排座位，仲要係高櫈。見到有唔同類型嘅拉麵可以揀，有10款咁多。真係花多眼亂，我就揀左最原始既黑豚湯拉麵同比較新穎的黑松露拉麵。另外仲叫左2個小食，分別係北寄貝海鮮沙律同芝士年糕。不消10分鐘我個拉麵就到左啦，湯底都好濃郁而且有好豐富嘅豬骨湯味。唔算太油，而且有好多好多塊嘅豚肉，保證食得你飽。而我朋友嗰個黑松露嘅拉麵，黑松露嘅味非常之入味，而且佢放咗好多黑松露嘅碎喺面頭，方便食家可以攪拌來吃。但我就唔係太喜歡吃黑松露嘅，不過都偷咗我朋友幾啖黎食，幾過癮。最令我難忘嘅係嗰堆小食，北寄貝海鮮沙律好令我難忘，因為北寄貝切到一粒粒咁樣，伴住新鮮嘅生菜同埋番茄仔，仲有少許嘅沙律醬，食落去好清新而且北寄貝會保持到佢嘅彈牙口感，非常唔錯，出邊真係好少食到架。之後我要講一講呢一個芝士年糕，佢並唔係一般係韓式餐廳食到嘅