金田家 (已結業)

今日到了元朗形點逛街，肚餓嘅時候就想試下呢間日本拉麵點。拉麵店服務員服務態度好好，好快已經安排到座位俾我地。首先，我地嗌左一碗柚子辛口拉麵。 柚子香味濃郁，未食入口已經聞到柚子香。 店員好細心，只係將辣醬放係麵上，無將佢攪拌落去麵裡面，方便客人控制麵嘅辣度。另外，我地仲嗌左個黑松露拉麵，同樣黑松露醬都係好香，好濃。麵嘅硬度可以由客人自行選擇，可以選擇硬，軟或普通。蔥嘅份量都一樣，可由客人選擇多蔥，少蔥或無蔥，以方便滿足唔同客人需要。我地仲試左份小食，芝士年糕， 芝士年糕中間有芝士醬，好好味，外面好脆。最後，呢間拉麵店同一般日本拉麵店價錢相約，價錢非常合理，適合大家去食。

我覺得金田家係繼一蘭後又一好食豬骨拉麵！叫左招牌豬骨濃湯拉麵（$78），加糖心蛋（$14）。湯底好濃！正又有冰水喝，排隊2分鐘。weekend就多d人！一定會再來！

話說新yoho一開唔少餐廳進駐左入嚟不過好少時間可以行今日就特地試下家姐話好食既搵麵內部既裝修整潔簡單舒適頌有櫻花圖案點綴一打開餐牌就可以睇哂有幾多拉麵就好似書既總目錄甘個人幾中意甘樣既舖排之後就會有放大圖介紹每位拉麵既材料食拉麵當然怕肥怕油膩嫁啦一於同啊媽一齊叫個【和風沙律】打下健康底菜堆到滿瀉嫁生菜好甜，又有我最愛既粟米加埋芝麻醬一流不過如果全部都係生菜就好了其實一坐低既時候都睇左好耐餐牌事關唔想食太油太頂胃之後發現【豚骨MIX】除左有豚骨湯外頌有雞湯未試過2款湯溝埋所以就叫左個試試湯底飲落去確實如我所料唔係好油膩而且會比起出面濃郁既豚骨湯來得吸引忍唔住會飲多幾啖腩肉 叉燒好味唔中意太厚太油，而且頌俾成4塊重點係有好多木耳，實在太滿足呢款麵比較幼身，頌可以自己揀軟敢度感覺上呢款麵都幾入味，而且唔會太濟母上大人就叫左【黑松露拉麵】呢個拉麵只有豚骨湯，味道都濃，但同樣冇甘油黑豚叉燒都唔錯，肉既味道都好吸引呢個拉麵最特別係加左自家製黑松露醬+黑松露油未溝落湯之已經食左覺得幾好味溝埋落去之後個湯超香中意黑松露既人千其唔好錯過

【Yoho Mall 商場延伸部分食記之 - 金田家。】 開幕將近一個月的Yoho Mall 商場延伸部分，有多間食店進駐，附近的居民可謂大有口福了! 其中一間以食拉麵為主的 - 金田家，是云云中式、西式餐廳以外的選擇。 新開張初期每天任何時段都人頭湧湧，雖然是近在咫尺，但也不想浪費時間來等位，商場的取位APP又未投入運作，唯有等熱情稍稍緩和才光顧。平日過了午飯時間，不用等位就可入座，還可以自由挑選座位，有散檯和bar檯，食拉麵當然選擇坐bar檯啦！開放式的廚房令拉麵店更覺開揚，靠落地窗那邊午後陽光充沛，為食拉麵多添份悠閒，實屬難得。 餐牌內提供10款拉麵，選擇也頗多，全以豬骨湯底為首，麵條的軟硬度也可選擇，亦有設追加的項目，拉麵本身預設內沒有溏心蛋，想食的話就要額外剔上。除此之外亦有小食、飲品和甜品提供，以拉麵店來說是多樣化了。 檯上放了酸菜、紫薑、芝麻、七味粉等調味；每檯都提供一大壺冰水，食客可自由斟。 筒內的筷子是呈螺旋紋，跟某沾麵過江龍店採用的款式是相同，筷子加有此紋理挾起麵條來會方便一點，穩重點，雖然會有衛生上的顧慮，但對於我這輩不懂揸筷子的確是一大發明

今日約左朋友去元朗行下，見到yoho商場一期新開左拉麵店當然要去試一試啦其實「金田家」嘅拉麵之前已經聽過下，依家仲要開係新界區，根本就係勁方便唔洗再下下去到銅鑼灣就可以食拉麵啦我同朋友一坐底就叫左兩碗拉麵，分別係「柚子辛口拉麵」，「黑豚拉麵」仲另外叫多左個「大將餃子」試下好唔好食大概等左10分鐘啲食物就到齊⋯⋯「柚子辛口拉麵」- 98$HKD我第一次食柚子味道嘅拉麵，感覺好特別～因為出面好少有見到有拉麵店係有柚子嘅拉麵佢嘅味道其實係好清新，比起平時我食開嘅拉麵好唔同 唔會係單單得一隻味，係有酸中帶一點鹹嘅感覺食落好有層次。「黑豚拉麵」- 98$HKD首先要講嘅係佢真係好香！一上台已經聞到濃濃嘅香味。食落好清，不油膩，豬骨味好濃，黑豚都好大塊，食落好有驚喜！「大將餃子」- 30$HKD食落好多汁同好脆，餡料也好好食，喜歡食餃子嘅朋友一定要叫！整體上係好食，同埋佢地嘅拉麵份量好足，我同我朋友都食到好飽，價錢都好公道，下次都會再黎食

這間金田家開了一個月，每日中午晚都排隊，今日終於早少少來食lunch，12:15pm到不用排隊。叫了它的特色"柚子辛辣豬骨湯拉麵"，15分鐘就上菜，加點了糖心蛋。上菜時湯麵熱騰騰，賣相不錯。先試湯底，豬骨味非常濃郁，配搭旁邊用紅酒醋泡過的洋蔥一起喝，味道balance且豐富，鹹鮮的豬骨湯帶著清甜的柚子和洋蔥味，回味有d辣，好正! 每一塊叉燒厚薄均勻，叉燒入口融化，味道鹹淡始終，好吃! 不過由於叉燒切得非常薄，喜歡吃肉的朋友可能會嫌不夠。麵和其他大型連鎖拉麵店用的材料是一樣的，好吃但沒什麼特別。由於湯底非常出色，我忍不住加叫了一份麵，把湯底全部喝完。這次非常滿足，下次來元朗一定再來幫襯!上圖是我試的那碗柚子激辛豬骨湯拉麵。下圖是我朋友叫的那碗，不知道味道如何，賣相好好，朋友話好好吃，大家也可試下。

入元朗食完b仔糖水熱辣辣又唔知去邊好，就同朋友去左形點行街兼買野。商場勁大，行到餓左就試e間新開係銅鑼灣好出名嘅金田家。佢間鋪都幾大，半開放式廚房可以見到師傅係到煮緊麵。上面嘅波波吊燈好Q，燈光都好充足，成個環境好舒服。黑豚拉麵。+溏心蛋黑豚拉麵最重要係個湯同肉，湯底真材實料淆足成日，好香嘅豬骨味。一碗有6塊豚肉，豚肉都好好味，食之前浸一浸湯更可以帶出黑豚肉嘅香。麵底揀左硬，岩曬食得慢嘅我，食到後期啲麵都唔會浸到稔曬一pat野咁。麵底吸左湯嘅鮮味，啖啖豬骨嘅香味。溏心蛋都可以，蛋心好滑好甜。柚子辛口拉麵。+紫菜拉麵都係豬骨湯底，柚子味好突出，清新嘅柚子中和左豬骨湯嘅濃，口感好豐富。麵底揀左軟身，辣辣地，好好味。大將餃子。餃子有四隻，煎得有d唔夠，餃子皮偏軟身唔脆。豬肉餃子啲餡都幾足，個feel有啲似食緊菜肉包，點左醋食會好啲。唐揚炸雞。個炸雞值得一贊，份量多同幾大舊。炸雞炸得岩岩好，外脆內軟。入面啲雞肉好嫩，仲有肉汁係到，一啲都唔乾身。加啲檸檬汁再食，可以中和左炸雞嘅膩。

認識我的人都知道 我很喜歡吃拉麵， 見到銅鑼灣的金田家經常排滿人，難得今日入元朗 就去元朗的分店嘗試一下吧！😋由於我很喜歡吃黑蒜，所以叫了一個《辛子黑蒜 拉麵》88＄，香脆的黑木耳 吸收了黑蒜湯底的的濃汁，非常可口！拉麵底我叫了普通的硬度，拉麵有咬口 而且就算放了一段時間也不會吸收 太多的湯汁！適合我這種慢食的人！😂每碗拉麵有 五塊的叉燒，入口那些脂肪馬上溶化，是真的！叉燒有一種很香的炭燒味，加上脂肪入口即溶的感覺，真是配合得非常好！🤤 如果喜歡肉食的朋友可以追加哦！里面 还有酸姜 和咸辣菜 可以自行添加，我覺得鹹辣菜很配合拉麵 ！不過有點偏辣，怕辣的朋友要注意了！😗最後叫了個 甜品，32＄🍰《抹茶芝士蛋糕》，身為 抹茶控 一定要吃的，濃濃的芝士配合着 淡淡的抺茶香！ 令我吃了一口又一口！超級滿足的☺️☺️！連旁伴碗碟的奶油也吃光了😋！元朗分店是在 形點一期 所以坐地鐵也超級方便，以後我要經常來元朗了👏🏻🤤

啱啱去完旅行返香港，難得有一天假期，於是約左好耐無見朋友仔一齊出來食飯，順便同他慶祝生曰。最近得知元朗YOHO MALL開左間日本拉面店，於是約朋友仔嚟食下來自九州曾獲獎無數九州拉面，金田家印象中在銅鑼灣有一家，經常排長龍。這對住新界的朋友仔有口福了。大約二時，門口已有人排隊，大約等左五分鐘後，有禮的侍應已安排我哋入座。我哋坐低左，枱底下面可放私人物品，可見日本餐廳的細心，枱上有放置一壺凍水，過左一分鐘，侍應送上點菜單給我們。餐廳環境舒服，落地玻璃，光線充足，座位算闊落，坐落舒服。侍應服務態度良好，落單出現左小誤，侍應立即換上啱的拉面，由於我太肚餓的關係，催促店員男爵薯餅仲未到，店員有禮地，告知稍等片刻。叫左黑松露黑豚肉拉面和男爵薯餅。黑松露豚肉拉面已端到面前，我的鼻已聞到陣陣黑松露香 ，配上香濃白色豬骨濃湯拉面，面的質感有軟，普通和硬選擇，面有彈性，帶有面香。初嚐拉面湯，湯系奶白色，香滑的豬骨湯底配上蔥，加黑木耳和一片紫菜，唔使十分鐘，我已經ko左碗拉面。同朋友傾下計，期侍已久的男爵薯餅已到，系剛剛炸起，我已急不及侍把薯餅一咬下去，大叫好熱呀，有紫薯味薯餅，超級好味，簡直好吃到飛上天

今天和朋友到了元朗的金田家吃下午茶，這是一家以吃拉麪爲主的日本料理餐廳。餐廳外形很有日本風味，侍應的制服也同樣具特色，餐廳内裏裝修光線很充足，尤其善用室外自然光這一點很環保。此外，店舖設計亦相當貼心，每個位置都有專門譲客人放置物件的抽屜，方便客人有一個舒適的環境進食，同時每張桌上也有無限量供應的冰水，讓顧客消暑解渴。當然各種日式的調味料也是無限量供應的，包括：七味粉、醬油、酸薑及芝麻粒。我們點了黑豚拉麪、雞白湯豚骨拉麪和北寄貝海鮮沙律各一份，拉麪的麪質是可以按口味自選的，而蔥的份量亦能選擇。黑豚軟拉麪的賣相首當其衝成功吸引住客人的眼球，黑豚肉在碗邊沿著碗邊排開，配合伴碟的紫菜和碗内的拉麪及木耳絲，樣子就像向日葵，令人胃口大開。黑豚肉肉質相當鬆軟，吸滿豚骨湯的肉片加上肉汁，油而不膩，油香反而是帶出麪香的精髓。雞白湯豚骨拉麪的賣相雖有點普通，但「麪」不可以貌相，碗内的白豚肉和選擇了普通程度的拉麪異常配合，普通的拉麪比軟麪粗，卻比軟麪彈牙，豚肉片的脂肪和肉的比例剛好，口感香軟，實為不錯。兩款麪的湯底同樣充滿骨膠原的感覺。最後，十分「足料」的北寄貝海鮮沙律也值得推介，每一口到能感受到蛋香、土豆

元朗Yoho商場一期個度新開左好多餐廳😍今日就同住係元朗既朋友仔去呢間拉麵店食下拉麵做lunch啦😎等左大概20分鐘就入得啦～見好多人都講過呢間拉麵店唔錯，好期待😆雖然舖面唔大，但都坐得幾舒服～店員都好好服務會添水👍🏻呢個係柚子辛口拉麵（$98），加溏心蛋（+$14），個湯好香柚子味！酸酸地再帶啲辣勁，幾特別唔會有膩感👍🏻叉燒偏瘦但幾有肉香同有咬口，個蛋半溏心幾香滑，麵條簡左硬幾爽口～黑豚拉麵（$98）有好多塊豚肉😆呢個豬骨湯超香濃鮮甜，湯底濃厚但唔會覺得油膩，加埋爽口既木耳，正！王將餃子皮好滑，完全唔乾，個餡juicy又甜👍🏻

同女朋友行吓行吓街忽然好想食拉麵之後就搵到呢一間 一望到門口都有人排隊就覺得應該幾好食所以就去試吓鋪頭嘅裝修感覺上好闊落坐落好舒適入到去望到餐牌有10個拉麵揀我自己就揀咗黑松露拉麵而女朋友就揀咗濃豚骨拉麵仲加左流心蛋 小食就食餃子呢排天氣勁熱好彩有帶冰水提供！值得一讚首先2個面一嚟到都有勁大塊紫菜 講左女朋友嗰個先 豚肉好足料 夠份量 肉質唔會話好鞋好硬 另外個湯底都好濃味 另外個面質有得自己揀硬度 佢中意食淋身少少既拉麵 好貼心另外再值得一讚嘅係流心蛋 一浸落個湯底度再食 好香 一齊食個面真心正 又流心 出邊好多日本餐廳嘅流心蛋都唔流留心 所以建議大家一定要加蛋！另外再講返我自己嘅黑松露拉麵 湯底同豚肉嗰個唔一樣 拉面上邊有黑松露 再浸埋落個湯底 估唔到更加突出個湯嘅味 因為本身自己係好鍾意食黑松露有關嘅食物 呢一個拉麵唔會得小小黑松露味反而係成個湯底都會食到好香嘅黑松露湯底 因為出邊食過黑松露嘅拉麵係浸完囉佢完全冇黑松露嘅感覺 另外都係食左流心蛋 因為一人一半 真係推介！係咁熱嘅天氣之下見到呢一間拉麵店都有人排隊果然係值得 會下一次再嚟！

假期最好同朋友聚下 今次同朋友去元朗食行街。因為大家都係屯門。元朗友。所以即興一齊行街。元朗真係變左好多。同以前不同。行形點廣場。以為自己係 IFC行得耐。搵食。發現一間日式拉麵店金田家。門前除排隊外有野玩 ,有抽獎雖然人多。不過都排得好快半小時有位。店子不大。裝潢精緻大家興緻勃勃睇有咩好食。好多選擇.我們一人一款拉麵。因為可以試下好不同美食。仲落左兩個小食炸雞及日式煎餃子同不同飲品落單時。發覺麵可以選硬。普通等等好細心。不過大家未知麵質如何所以冇轉。我選了最愛的黑松露拉麵。朋友仔就點了 黑豚肉拉麵 (朋友仔走了一些配料. 所以比較簡單) 雞白湯豚肉拉麵 (好濃郁湯底)柚子辛口拉麵. (最好分開上個辛辣醬, 真是好辣)放在面前。  陣陣黑松露飄揚起來。薄切黑豚肉。帶有微肥肉一定要帶少許肥膏令肉質較滑。減少 "鞋"口 感豬骨湯底。不會太濃。麵條比較白身。下次我會要硬。因為掛住傾。浸耐左小食唐揚雞塊真的不錯。肉嫩。醃製配料不會太突。反而更令雞肉味較出炸透雞肉。外層薄脆炸粉。抵讚。因為我們不是吃炸粉而來。日式煎餃子最好即時食。因為放涼後。口感效果有影響。味道不錯。不過抵讚是菜多之餘。不是攪碎

有銅鑼灣嘅時候已經一嚐金田家嘅滋味，估唔到而家竟然近到元朗都有分店拉麵嘅款式選擇都幾多食拉麵嘅時候梗係要配合小小煎炸野啦今次就叫咗炸雞落單紙仲有麵嘅硬度可供選擇拉麵嘅話我一般都係鍾意食豚骨湯拉麵，所以今次叫咗濃湯豚骨拉麵湯底嘅豚骨味非常之濃，食完一啖會忍唔住一啖一啖咁繼續食。叉燒看似淡而無味但其實都有淡淡的肉香味配合咁濃嘅湯底真係唔錯而我哥哥就叫咗柚子辛口拉麵，夏天食柚子有種好清新嘅感覺， 所以佢就想試吓柚子加拉麵係咩味道啦撈勻晒之後，湯底有淡淡的豬骨味，亦都有淡淡的柚子味，反而辣味係最出哥哥食食吓話覺得似酸辣湯麵雖然新野都唔係差，不過我始終都係鍾意傳統嘅豚骨湯拉麵個人覺得同銅鑼灣嗰間味道差不多，絕對冇入咗嚟元朗之後就變差嘅感覺

愈來愈多日本拉麵店開到黎香港，但黎黎去去都同港島同九龍區。對於我地住新界西既朋友仔，就算作為吃貨，但如果下下都要出到去，真係有心無力。元朗出名多野食，而家係YOHO MALL重開埋過江龍 金田家!!!簡直係鄉民福音。係西鐵站連住既形點一期，最近愈開愈多美食店。金田家係銅鑼灣開到黎元朗，出名多款式既日本傳統拉麵店。網上好評如潮，今日就黎試下。小店係商場邊邊，採用落地玻璃，光線再配上金光閃閃既波波燈。環境好食慾都會大增啦！餐牌第一頁就印哂所有拉麵款式，可以一眼睇哂。最後朋友揀左激辛拉麵加糖心蛋，而我就點左柚子辛口拉麵加木耳 粟米。另外加左份男罻薯餅(牛肉薯餅&紫薯栗子薯餅）同一般拉麵店一樣會提供冰水。醃漬物，七味粉，白芝麻。由落單到麵上枱既時間都算快，大約5分鐘內。朋友點的激辛拉麵，麵揀左軟麵，正常蔥。豚骨湯底好濃稠，配上香辣肉碎，好岩重口味既朋友。糖心蛋岩岩好，蛋黃帶有黏黏的口感，好香蛋味。腩肉叉燒，有4塊，但都係比較薄。唔係軟到唔洗咬，脂肪位完全唔會覺得油膩。柚子辛口拉麵，硬麵正常蔥。湯底又飲唔出有柚子味，但洋蔥味都好突出。好定壞真係好睇個 人喜好。上面一小坨辣醬同湯底混合左之後有驚喜