金田家 (已結業)

今日到了元朗形點逛街，肚餓嘅時候就想試下呢間日本拉麵點。拉麵店服務員服務態度好好，好快已經安排到座位俾我地。首先，我地嗌左一碗柚子辛口拉麵。 柚子香味濃郁，未食入口已經聞到柚子香。 店員好細心，只係將辣醬放係麵上，無將佢攪拌落去麵裡面，方便客人控制麵嘅辣度。另外，我地仲嗌左個黑松露拉麵，同樣黑松露醬都係好香，好濃。麵嘅硬度可以由客人自行選擇，可以選擇硬，軟或普通。蔥嘅份量都一樣，可由客人選擇多蔥，少蔥或無蔥，以方便滿足唔同客人需要。我地仲試左份小食，芝士年糕， 芝士年糕中間有芝士醬，好好味，外面好脆。最後，呢間拉麵店同一般日本拉麵店價錢相約，價錢非常合理，適合大家去食。