醉胡爐 (已搬遷) 新店位置

朋友今日生日，佢話想打邊爐，於是就黎咗醉胡爐啦！生日當然要食豪啲！叫咗個爵士蜜瓜佛跳牆鍋底，入面有鮑魚、花膠、海參、魚唇等。Fancy得黎又夠矜貴！影完相店員仲會幫你切開個蜜瓜，非常貼心。呢個湯底超清甜，兩個人飲咗半煲先開始淥野食。特別推薦脆炸牛腩👍👍👍👍👍，即叫即炸，十分酥脆，入面嘅牛腩好夠牛味之餘仲好腍。帶帶少少肥，令脆炸牛腩嘅油香提升，估唔到火鍋店嘅熟食都可以咁出色！其他配料都份量十足，食得好飽，飲埋冰凍嘅竹蔗茅根，Gur晒！

夏天打邊爐一樣冇難度！最緊要食得開心。非常足料既佛跳牆鍋，花膠大塊又厚肉，有成十舊咁多。鮑魚加素翅，淨係飲湯已經回味無窮，要黎打邊爐簡直係滋補啊！仲有海參螺頭等高質食材，加上哈密瓜作湯底十分清甜~火鍋配料方面，封門柳色澤鮮嫩，而且份量大，建議不要浸太熟，否則肉質會不夠嫩滑。卜卜蜆用佛跳牆湯底浸熟十分清甜，另外白鱔片若厚切會更鮮味。推薦炸響鈴，非常大份而且飽肚。麵食可嚐試黑松露蟹籽魚麵，有得玩有得食，落手唧出魚麵，質感似墨丸滑。

今日同女朋友去咗佐敦打邊爐，近排疫情又好似開始嚴重返，所以特登搵咗一間環境舒服啲，座位開揚啲嘅舖頭打邊爐醉胡爐鋪面好大，枱同枱之間一定唔止1.5米距離，食落都安心啲<爵士佛跳牆鍋$398>平時出去食佛跳牆細細盅都要成舊水，打邊爐咁大個湯底都係四舊水，其實都唔算貴重點係材料非常之足料，有齊花膠、海參、鮑魚、螺片、素翅、金華火腿，食完個湯底其實都已經好飽個湯底嘅特點係加咗哈密瓜，所以非常之清甜，原來哈密瓜煲熟咗嚟食都可以好好食<西班牙黑毛豬豚肉$188>另外加咗一個黑毛豬豚肉，豬肉非常之爽口，桌一桌其實唔使調味料已經好好食<黑松露墨魚丸$52>黑松露墨魚丸果然係手打貨，非常之彈牙，黑松露味又唔會蓋過墨魚丸味，正呀

雖然天氣熱，但係依舊會好想打邊爐！醉胡爐既湯底一向都好出色！今次就試下金翅花膠乳鴿湯！我地平時都係食燒乳鴿，用黎做湯底我就第一次試！原來乳鴿加入湯底都幾好味，火喉控制得岩岩好唔會太老，可以保持肉質鮮嫩！個湯底非常足料，仲有花膠，瑤柱，瘦肉等等！個湯煲得好濃，啖湯真係好正！我地差唔多飲哂個鍋底d湯，然後就麻煩店員幫我地加湯！我地叫左幾款配料，分別係淮山、XO醬鮑魚蝦餃、皇帝柱貝墨魚丸同埋手唧蟹籽黑松露魚蓉面！墨魚丸爽口彈牙，入面仲有瑤柱絲XO醬鮑魚蝦餃啖啖蝦肉，XO醬味好濃！鍾意黑松露既朋友一定要試手唧蟹籽黑松露魚蓉面，黑松露味超濃！除左火鍋之後仲有串燒食，仲有我最鍾意既牛舌芯，即叫即燒，夠爽口，牛味濃！最後要求就一定係個鍋底裏面嘅南瓜，煲完之後軟綿綿，味道好似食緊栗子咁，超好味！

今晚去左醉胡爐晚餐，遠處已見大大的招牌，入到去坐低，店員先介紹他們餐牌上的湯底，鍋名感覺用料都應該有點名貴，有龍蝦、花膠、鮑魚...等，我和朋友二人選了爵士蜜瓜佛跳牆鍋（鍋料有哈蜜瓜、花膠、海參、鮑魚、螺片、素翅及金華火腿，哈密瓜使湯底感覺特別清甜，其他鍋料都吾少，而花膠海參鮑魚等都肥大）先飲碗湯（味道清甜濃郁）再另外加入火鍋材料，紫菜炸響鈴（超大條，有口感，吸埋火鍋湯，正），蓮藕片（爽脆），皇帝菜（新鮮清甜），豆腐（滑），帶子餃同手工雲吞都吾錯...... 好滿足。

岩岩出左糧，就諗住請媽咪食餐好d既。呢間醉胡爐，我見openrice 寫有佛跳牆湯底，感覺好豪華同滋補，而且原來前排因為疫情停開一排，最近重開返，就帶媽咪一齊去食。佢既裝修都好有中國宮廷風，屏風都勁有特色，好好阻隔，食得放心。佛跳牆湯底一打開蓋個陣，我同媽咪都好驚喜，因為好足料同聞到味道好香濃。佢有齊鮑參翅肚。鮑魚同花膠有2件，花膠好大塊而且唔腥。而海參都好q彈。個湯我地未放配料都即刻飲左一碗先，好鮮味，而且本身都有好多娃娃菜同雞件，所以配料我地叫少d都夠飽。響鈴炸得好卜卜脆，響鈴我成日好驚會上枱就冧晒，但呢間唔會，擺入鍋入邊淥幾下，索少少湯汁好正。今次我地無叫肥牛，但叫左手打牛丸同雲吞。雲吞真係無點錯，佢好多隻蝦而且好彈牙，媽咪見到外形個陣仲以為係芝士丸，好搞笑。最後，我地叫左手唧黑松露蟹籽麵，呢個好好玩，有得自己落手整，粗幼長短可以自己控制，而且口感特別，有蟹籽卜卜彈牙口感，仲有黑松露味道，感覺好得意。買單我地人均3百幾，價錢中規中矩啦，不過好滋補，冬天食會更加正。

一嚟到第一時間唔洗諗🤣🤣🤣即刻嗌咗佛跳牆湯底先😂😂😂第一次嚟醉胡爐啲人話比起胡爐個款有少少分別我諗最主要都係個湯頭呢款清啲鮑蔘翅襯起上嚟真係香口好多自家炸嘅響令勁碎！吸哂啲湯真係好好食可以花時間煮嘅夢白入哂味又係好出色梅菜豬肉丸同黑松露丸真心好出色本地手切肥牛，肥瘦啱啱好，肉味亦都好香，唔會有雪味黃金炸魚，成塊魚皮都係有先炸過，再沾上勁多嘅鹹蛋黃，超好食！！！覺得唔夠喉仲嗌咗呢個牛胸爽！真係好邪惡，好彩多人分，唔洗食咁多😂😂😂新力生啤第一次飲，good👍🏻

醉胡爐今日收工嚟到佐敦，聽同事講呢度有間好好食嘅火鍋，我哋成班女仔就去試😋，聽講佢個湯底好養生🤩，餐廳好大，好有格調，環境舒適。濃湯佛跳牆雞翅鍋呢個湯底一聽到就好正，材料豐富，有翅鮑魚雞件花膠海參鮑魚金華火腿瑤柱等等😚😍，一黎我哋一人飲咗兩碗湯，知音養生👍🏻👍🏻，食過返尋味啊😍。西班牙黑毛豬豚肉豬味濃郁，脂肪分泌略嫌有啲多，好好味好淋👍🏻，而且切得好靚🥰，份量都吾小呀😋。安格斯手切肥牛油脂分泌好靚，肥瘦適中，而且個碟切得好靚呀，好有牛味，會想encore😍。黑松露墨魚丸 、黑松露蟹肉餃、牛骨牛汁丸、XO鮑魚蝦餃王、蟹子蝦丸，全部都好好食，黑松露味好重，而且口感彈牙，牛丸好juice，蝦餃王入面啖啖都係蝦 👍🏻😋。紫菜炸響鈴新鮮即炸，勁大嚿，又好脆，一啲都唔油，第一次咁樣食好特別，而且好好味🥰

醉胡爐今次黎到佐敦柯士甸路既呢間醉胡爐，位置比較偏僻私隱度比較高，適合三五知己一齊黎聚會，可以一邊打邊爐一邊傾計😁。。濃湯佛跳牆雞翅鍋$398呢個湯底不得了，鮑參翅肚樣樣齊，好足料，個湯特別清甜，食火鍋配料一定要飲番兩碗先🤩。。頂級安格斯肥牛$228好靚既牛肉，脂肪分佈均勻，牛味濃之餘，口感亦非常嫩滑。入口即溶，可以話牛魔王必點😋。。西班牙黑毛豬豚肉$188豬肉嘅味道都好濃郁，食落唔會太韌，好有咬口👍🏻，不過肉質偏肥，比較油膩。。黑松露墨魚丸 $52可以話係呢間店嘅招牌主角，黑松露味勁重，而且墨魚丸好彈牙好Q，一食落口，個黑松露味就充滿成個口腔，簡直不得了🤤。。黑松露蟹肉餃$68同樣都係黑松露，而作為水餃，食落比較軟淋，水水嘅黑松露味道更加豐富😄。。牛骨牛汁丸$48非常之好食，成粒丸都充滿肉汁，一咬落去，牛香同汁即刻爆發出黎🤩。。XO鮑魚蝦餃王$58饀料好豐富，蝦味好鮮好濃，但係同黑松露丸/餃比，味道略為清淡。。蟹子蝦丸$52口感非常特別，丸入面都充滿左蟹子，咬既時候不停感受到蟹子卜卜既獨特口感😛。。紫菜炸響鈴$88紫菜味好香，未浸落湯度已經聞到，再加上湯既清甜，幾好。。油麥菜$48幾

今日帶埋男朋友屋企人一齊打邊爐呢間仲有另一邊係主做串燒嘅 成間店都幾日式呢間嘅食物質素真係好唔錯 所以就帶屋企人試下叫返呢個佛跳牆湯底實在太回味！因為個湯底真係好好飲 又甜又清而且料多又足 鮑魚 海參 火腿 瑤柱呢個湯底就算後期落左好多料都仲好好飲無諗過個響鈴咁大舊 而且一碟都好多 真係食唔哂本身想叫拼盤我地後悔了但呢個牛都好香幾好食仲有另一款牛 都幾爽口 有d似牛油粒😂呢個丸係特色 梅菜扣肉丸不話aunti最鐘意嘅 係呢個黑松露蟹肉餃仲話要再叫😂黑松露味幾出仲有蟹肉香 呢個出色出面又搵唔到呢個黃金魚皮都係我喜愛嘅！炸得脆又唔太膩不過最估唔到係呢個烏冬竟然咁大個😨食到尾 只係想過下口癮 但佢個size係兩餅最後真係好飽 auntie食得開心 高質邊爐係抵嘅！

呢間尖沙咀的火鍋店是朋友推介去食既，香港好多地方打邊爐，但呢間真是大有驚喜😋😋一來個湯底已經殊不簡單，良心店主落重料又海參又花膠，最特別是放左蜜瓜入去令成個湯底多左份鮮甜👍🏼當湯咁飲都好正胡爐牛拼盤（大）打邊爐牛就是好緊要，呢間餐廳的牛絕對冇令我失望🤤我地就點左個大牛肉拼盤，有肥牛、牛肉粒、鮮牛片等，d牛真是見到有雪花而不會一舊舊肥膏，食得出是非常有質素的牛肉🐂🐂胡爐豚拼盤筆者平時打邊爐就好少食豬，但呢個豬比一般餐廳高質好多，肉質夠厚但煮完又唔會韌，食落夠飽滿有肉味，可見來貨質素相當優秀，出面食到咁的豬肉一定唔是咁既價錢！

之前食過銅鑼灣胡爐，一直對呢間嘢嘅印象深刻，今次嚟到尖沙咀近佐敦呢間醉胡爐，遠遠望到間野已經覺得：嘩，打邊爐嘅鋪都可以咁高級咁嘅，入到去見到間嘢嘅環境好大，而且設計都好有心思，頭望上去係一大盞一盞嘅特色燈，佢有個類似開放式廚房咁嘅位，放咗啲好靚嘅日本清酒作擺設，真係會醉，哈哈，枱同枱之間唔會逼，咁樣嘅用餐空間幾享受。急不及待要試吓呢個金翅花膠乳鴿湯底，鍋裏面滿滿都係魚翅，亦有花膠，仲有一個好大圈嘅南瓜裝住隻乳鴿，好特別！相信冇咩地方會見到咁有特色嘅湯底，乳鴿嘅湯底係咪好似好奇怪呢，但係食落去個味特別夾，個湯底好濃郁，乳鴿同埋南瓜都俾我哋食晒，連個南瓜圈都俾我哋食咗，我哋差唔多食晒成個湯底先開始叫火鍋料。喺加湯嘅時間，侍應都好好，會隔開，唔會彈親我哋。火鍋料一樣咁出色，每樣食材都好新鮮，叫咗一份首設頂級安格斯肥牛，牛肉好新鮮，雪花相間、手打鮮帶子滑，啖啖都係帶子肉，而且有啲未打碎嘅混合喺裏面，口感非常之有嚼勁，鮮味十足，、桂花蚌大大塊，十分鮮味，爽口彈牙，食完想再食、本地肥鵝腸，每條都好肥美，又大條，份量多，爽口！我哋一邊食一邊讚嘆呢度啲食材真係好新鮮，好好味，份量都好有誠意，另外飲咗酸

早幾日約了好友一起打邊爐，到了醉胡爐烚吓烚吓。醉胡爐是一間地鋪餐廳，地方也算大，還有上層，燈光較一般餐廳暗，感覺有格調。一進餐廳先量體溫再安排入座。湯底選擇十分多而且很吸引，我們點了濃湯佛跳牆雞翅鍋，湯底材料豐富，有雞件、翅、花膠、海參、鮑魚、金華火腿。一開始我已飲了兩碗湯，好味又滋補。我們點了厚切萵笋片、胡爐牛拼盆、蟹籽蝦丸、手工乾貝帶子餃、自家製炸響鈴、稻庭烏冬。牛拼盆新鮮大碟，有牛舌芯、手切肥牛、牛頸脊、牛胸爽及牛粒，牛味濃，有口感。蟹籽蝦丸大大粒，彈牙重蝦味。帶子餃也大粒足料，元具鮮味重，非常好味。自家製炸響鈴十分新鮮大件，忍唔住吃兩件！厚切萵笋片爽口好味。店員服務好、有禮，定時幫我們加湯。

同朋友打邊爐，見最近大家都不停推介呢個佛跳牆火鍋，即刻試下～果然好鮮甜！海鮮足料，鮑魚十分之新鮮，花膠都好嫩滑，我同朋友仲飲埋湯👍🏻👍🏻食左呢個鍋其實都飽飽地！真係要高度讚揚，湯夠清甜，配埋菜更正！其他食材都好新鮮、高質！感覺都是自家製，不是雪藏好耐再拎出拎個種！呢個黃金炸魚皮真係冇得輸呀，超級脆、蛋黃味又夠濃郁！下次都一定會再叫！呢個係我人生飲過最大枝嘅竹蔗茅根，祝這味真係好重，好足料，同火鍋超級夾呀！

今晚約朋友去食火鍋，今次唔食辣，要食得滋補，見到這間消費滿$200，可以$1 換濃湯佛跳牆雞翅鍋，咁抵就試下。濃湯佛跳牆雞翅鍋湯頭好濃郁，雞件鮮嫩鮮味，花膠爽口養顏，鮑魚彈牙，我飲左兩碗胡爐牛拼盤牛舌芯好爽口；安格斯手切肥牛牛肉味濃，啖啖肉香；極上手切牛頸脊牛味味濃；霜降牛粒 油脂比例重，肉淋滿滿油香。厚切萵筍片爽脆鮮味蟹籽蝦丸 蝦丸大粒，口感彈力有蝦香稻庭烏冬吸收晒所以湯精華，彈牙又夠味座位寬敞，職員友善，環境乾淨，食得舒服。