醉胡爐 (已搬遷) 新店位置

過咗中秋之後天氣開始轉涼經過尖沙咀就有一間好大間寫住醉胡爐一睇就知道係打邊爐，所以入去圍爐取暖一入到去侍應好殷勤問我哋食啲咩 便推薦我哋食海鮮鍋我未試過咁既打邊爐式湯底 乾既海鮮鍋（只有料 未有湯）入面有一隻蟹同埋啲蜆，侍應喺上面灑酒，點火 禮成 慢慢見d蟹由青變紅 之後加入魚湯 倒落去就成為海鮮鍋魚湯加埋海鮮 鮮味晒出嚟停不了口 飲湯菜式挑選幾樣畢竟2個人 食唔得多 我只挑重點打星星菜封門柳 （牛肉）一聽個名就知道係猛料嘢，叫得做封門柳，即係食過呢隻牛部位既人，食完之後就返唔到轉頭，其他牛嘅部位都要行埋一邊，好重牛味，口感一流，一啲都唔韌。其實佢係牛嘅橫膈膜肌肉，呢個部位係非常之罕有嘅，一隻牛只有一塊肉，真係無改錯名胡爐豚拼盆（秘製蝴蝶腩，豬頸肉，西班牙黑毛豬肉）呢碟野亦非常之出色，佢將所有豬肉切到好似博片，碌一碌就可以食，好似食牛咁，豬頸肉肥美多汁，黑毛豬肉就好鮮味，蝴蝶覽就似牛腩但係口感就比牛腩更爽口帝王菜食落有油麥菜既味 但比較爽口 最緊要營養豐富 外面好似好難買到 帝王瑤柱墨魚丸墨魚丸爽滑彈牙，入面真係釀瑤柱令到鮮味更濃 味道極夾手打梅菜豬肉丸估唔到梅菜蒸肉餅 都可以成為丸

平時好少行尖沙咀柯士甸路，原來呢頭食肆林立，好多野食。行過見呢間餐廳環境好靚，食物好多選擇，可以打邊爐又可以刺身。最近係食海鮮嘅時令季節，我地點左卜卜蜆蟹鍋。上菜嘅時候有一個圓形嘅銅爐裝住，有兩隻蟹、十幾隻蜆同d配菜。職員現場為我地烹煮，臨尾生重贊酒，迫曬d香味同鮮味出嚟，多一番視覺享受，亦感覺新鮮、衞生。D蜆好鮮甜，一口一啖，好好味，食完一隻又一隻。D蟹烹煮煎已經夾醉左d殻，食嗰陣好方便拆肉，而且仲可以保留返個蟹味，唔會因為不停烚而淡晒味。飛驒和牛肉眼（A5細份）和牛賣相好靚仔，雪花分佈均勻，高質靚牛。入口即融化、無筋有咬口，肉味香濃。油麥菜新鮮爽口，簡簡單單已好味飲品 爐-有蜜桃、芒果汁、梳打水，好sweet, 夏日香甜嘅感覺

上次同屋企人食過 覺得唔錯 所以今次帶埋男朋友黎食🥰卜卜蜆鮮蟹魚湯鍋 $298今次叫左呢個湯 湯底好鮮甜 有蜆既鮮味同最尾餘韻有陣魚味☺️ 但一啲都唔腥👌🏼皇帝柱貝墨魚丸（半份）$58真材實料 食到原粒元貝仔☺️香菇韭黃帶子餃（半份）$58上次食過餃子覺得幾出色 所以今次都叫左幾款 佢地餃子好似都係用雲吞皮整既 有小小帶子既鮮味 韭黃唔會搶曬啲味😋XO鮑魚蝦餃王（半份）$58XO味唔算太食得出 但蝦令我有驚喜 超彈牙新鮮🥳手工乾貝帶子餃（半份）$52充滿乾貝同帶子 好滿足！手唧黑松露蟹籽魚蓉麵 $88自己唧 幾好挽🤪 魚味比黑松露味重啲～

秋風開始起啦, 又係時間打邊爐,今日就去咗 柯士甸道尖沙咀打邊爐, 呢間餐廳佢嘅湯底真係非常之正, 我覺得打邊爐湯底非常重要, 叫咗一個招牌鮮椰青雞鍋 , 先飲啖湯頭, 夠香濃, 奶白色嘅湯底, 有著豐富嘅雞湯味, 再加椰青嘅鮮香, 再食埋雞件 ,肉質KEEP 到滑, 真係滋味無窮朋友好鍾意食蝦, 就一於叫咗游水海蝦, 只不過98蚊一份, 滾一滾就食得啦, 咬口q彈 , 好新鮮。廣島蠔亦都係朋友嘅首選嚟嘅 , 88蚊有成十粒 , 烚煮時間大約係3分鐘, 好creamy, 飽滿, 蠔身厚肉大隻、肉質鮮甜、肥美、而且味道甘香、口感滑溜！店員推介咗蟹子蝦丸, 要咗半份，有蟹仔嘅關係, 令到咬口非常的爽脆, 蝦肉亦都非常的q彈 , 不錯不錯

聽說醉胡爐很好味，聽說不論食物或用餐體驗都挺有質素，聽說湯底很濃郁。與其聽說，不如實實在在去吃一趟對自己好的火鍋！➡️ 單看裝潢已非大眾化，煙花般的燈、私隱度極高的雅座，很是helpful的侍應➡️ 龍蝦湯底沒聽說錯，真的很濃郁，而且由專人炒蝦、加火焰、倒湯，單是看表演也值回票價➡️ 由於買海鮮於家中自煮比外吃划算得多，所以今次主打點其自家製手打丸，很彈牙，很足料，而且選擇眾多，我認為是這家餐廳必點的。➡️ 餃子好明顯也是自家製的，因為款式很創新，我們點了香菇韭黃帶子餃，既爽又香口➡️ 過程中發現了問題小插曲，侍應靈活變通非常幫忙，手法讓人感到非常舒服，反映店舖的服務非常之好！

It’s raining season It’s hotpot season日日落雨天，又濕又凍，心情都麻麻。今個星期long weekend, 一於同老公打邊爐撐枱腳我問左好多朋友邊間打邊爐正&牛肉好食，因為我唔食牛，但老公最愛。幾個朋友同事都suggest這間喎，梗係要帶老公來試下。自助醬料麻辣醬好正呀！見到有佛跳牆湯底，有鮑魚 花膠 海參 螺片 雞肉個湯超濃郁，好甜呀！炸響鈴加埋紫菜更香口，吸晒d湯真係好正！卜卜蜆好好好好好好好好好好好正！好新鮮好鮮甜，配埋個湯冇得輸我唔記得左叫左邊隻水餃，但大大粒，肉質鮮美，好味😋老公話牛肉好新鮮好有牛味！不得不提這裡服務都好好，員工好nice!

食個銅鑼灣去滾, 佢哋嘅火灼龍蝦湯底濃郁.諗住依度都係火灼應該都唔會差得太遠啦.點知啲味呢同你自己喺屋企開包火雲生清雞湯仲要淡啲.真係冇嘢講.成晚甩單, 牛肉可以係我食曬所有嘢先嚟, 海鮮拼盤就食完個牛先嚟.埋單畀我呢就九秒九, 仲要錯單.等咗十零分鐘再追畀番同一張錯嘅單我......再等多廿分鐘先至買到單.人生第一次要等30分鐘先至買到張單.仲耐過我做完手術係醫院出院埋單嗰陣時.真係o嘴.

今晚同老公搵食搵到嚟佐敦的醉胡爐，看到店面的裝潢有格調，享有寧靜和寬敞的空間來打邊爐，很好。我們選了這個卜卜蜆鮮蟹魚湯鍋，見到師傅贊酒後後再加魚湯，非常鮮味！炸魚皮最欣賞的是魚皮炸得很有心機，薄片不在話下，而且新鮮炸起， 很鬆脆，最喜歡是魚皮上的胡椒粉，令到炸魚皮更加惹味，非常一流！帶子滑墨魚滑和蝦滑就吃得多，反而帶子滑還是第一次吃呢！我和老公都很期待，咬下時， 爽口！而且帶子配上蟹子後的口感更加特別。黑松露蟹肉餃我和老公都很喜歡這餃子，原來黑松露配上蟹肉是這麼好味！黑松露味道香濃配上蟹肉鮮味，確實一流！而且黑松露令成件事豐富很多，大愛！我和老公都很喜歡這家火鍋店，因為食材新鮮，而且有不少食材配搭新穎，喜歡❤️

嘩好耐都未出過尖沙咀了，人多車多可能係放工時間啦，hahaha!!!出得嚟當然係搵食啦，嚟到今晚嘅目的地，真係有啲期待呀！因為我真係好耐冇打過邊爐☺️一入到舖頭，佢嘅設計我重以為係酒吧，好chill ，三五知己飲番杯，仲可以打邊爐，爽丫丫👍🏻🌟湯底方面，我叫咗個卜卜蜆鮮蟹魚湯鍋，魚湯底或者雞湯底都得，今次我就叫咗雞湯底。服務員攞到個鍋底過嚟之後，就好好服務咁開始爆炒裏面嘅蟹同卜卜蜆了，因為爆炒過嘅海鮮，會帶出中間嘅鮮甜味，而且加咗酒香，令到有火焰嘅效果，有味覺享受之餘，仲有視覺嘅享受。睇見都好開心！🌟黃金炸魚皮，簡直有驚喜，即叫即炸，滿滿嘅黃金包住脆卜卜嘅魚皮，真係佐酒小食呀🌟白鱔片，好新鮮彈牙🌟西班牙黑毛豬肉，肉味濃郁🌟手工魚皮餃，味道好好下次再嚟過，要再叫下其他食物先得

好耐冇食打邊爐，呢日同朋友黎左一間我好鐘意既火鍋店度食晚餐，呢間店環境好大好舒服，可以一邊嘆火鍋一邊慢慢傾計。首先，就自己調左醬料先！呢度既火鍋湯底望落好吸引！我地點左火焰龍蝦海鮮鍋，打邊爐最重要就係湯底，呢個火焰龍蝦海鮮鍋既湯底真係世界級，大大隻既龍蝦、海鮮加埋啲蕃茄，成個湯底勁香濃，配咩火鍋料都係咁好食！我地點左好多火鍋料，包括呢個新鮮既頂級霜降牛柳粒，肉味香濃，正！仲有大大隻既新鮮鮑魚！同埋芝心墨魚丸同埋自製韭菜餃。

好耐冇黎食喇~ 想搵個坐得舒服既地方打邊爐又諗起呢道呢道地方非常闊落, 2個人坐大大張台, 好寬敞喔~~~食物種類依然咁豐富~~~除左打邊爐之外又有燒物食打邊爐配料夠多選擇.....有唔少酒精飲品唔飲酒都有果汁汽水~~店員推介既新推出鍋底~~一於就試新野金湯鴿翅花膠鍋 $328賣相非常吸睛~一打開個蓋不禁嘩左聲~~材料超級豐富丫!!!有好多好多既素翅係面, 仲要原隻鴿係裏面又有勁多花膠淨係飲個湯都夠滿足一住住既素翅~~口感爽滑....每件花膠都大大隻~~件數多又大件又厚肉, 完勝丫!!個大鍋入面仲有塊大南瓜~~煲到軟淋入晒湯既精華好好味丫!!店員仲會好好幫忙將乳鴿切件添~~安格斯手切肥牛 (小) $228雖然係小份, 但份量都唔少~~2個人食好夠~~~肥牛厚薄適中, 肉質軟腍, 牛味甘香XO鮑魚蝦餃皇 (半) $58蝦餃裏面加XO鮑魚好特別喎~感覺幾新鮮~蝦餃爽口彈牙, 配XO鮑魚味道幾夾蔬菜拼盤 (小) $58有幾款唔同既蔬菜~全部都好新鮮稻庭烏冬 $38最後梗係食埋打邊爐必食既稻庭烏冬啦呢餐好飽好滿足丫

疫情緩和終於出去食下飯，今次嚟到尖沙咀醉胡爐，店面都幾大有兩層，出邊仲可以偷雞泊車，都幾方便。依家仲做緊優惠，疫情關係火鍋湯底只需要$1就可以啦，你冇睇錯係淨係一蚊！我哋就叫咗個卜卜蜆鮮蟹魚湯鍋，原價$298 㗎，入邊有一隻蟹同埋好多卜卜蜆，職員仲會表演個小驚喜，落咗啲酒係個鍋入邊然之後點火，即刻嚟一場火表演。湯底主要都係魚湯嘅味道都唔錯不過稍微鹹咗少少，但係都有啲走味唔錯唔錯 嘢食方面我哋就叫咗招牌炸魚皮，魚皮非常之脆口同埋同坊間嘅有啲分別，平時嘅魚皮炸起係捲埋一齊佢哋就係平面嘅，最欣賞佢哋嘅炸粉唔會太厚，但係又整到脆卜卜。放埋喺啲湯入邊浸一浸一流。廣島蠔大概有八粒都只係$88都算幾抵食，都幾新鮮，另外仲有桶號可以選擇。另外我哋都叫咗羊肉片同豚肉片，質素都唔錯，分量正正常常。最後唔好嘥咗個湯叫咗個稻庭烏冬，煙煙銀銀完美作結。

已經來過第3次幫襯，地點方便易找，座位舒適而且每枱有一定距離，很適合邊火鍋邊同朋友聊天，服務也很不錯，湯或款式不算很多但食物水準高質，手打丸彈牙料足芝士味濃，魚皮和紫菜嚮玲是即炸的很好脆，肉類也豐富好味，午間有兩款不同價錢的套餐優惠好抵食，主菜牌也有7折優惠，二人套遠包含每款水餃和丸都有兩粒，可一次試齊多款食物，肉盤更有牛的不同部分，還有稻庭烏冬或幼身薯粉可以選，份量剛剛好，也食得出是用心做食物的店家，推介！

相約朋友今晚去佐敦食火鍋， 朋友介紹火鍋佛跳牆，就帶左我嚟呢間 醉胡爐。餐廳裝修極具氣派，一進店門，就見到一棵棵大型水晶吊燈，空間感十足!爵士蜜瓜佛跳牆鍋有密瓜、花膠、海參、鮑魚、螺片、素翅、金華火腿。 爵士湯源自巳故鄧肇堅爵士家傳老火湯秘方，獨特之處是加入蜜瓜和螺片淆製，清甜滋潤養顏。來做火鍋湯底不油不燥，加上鮑參翅肚，倍感矜貴。這裏的服務態度非常優質，店員會幫助切開火鍋中的蜜瓜，剛巧服務我們枱的是經理本人，值得一讚！封門柳牛肉擺盤賣相吸引，有如藝術品。採用本地新鮮牛手切封門柳， 脂肪較少，肉質嫩滑鮮甜，薄切做火鍋配料勺幾秒就食得!梅菜豬肉丸、黑松露墨魚丸店家 馳名自家製手打丸類，有多款選擇 可以叫半份上。梅菜豬肉丸，肥瘦適中，跟梅菜和諧融合，仿似梅菜扣肉的肉丸版。墨魚丸爽口彈牙有墨魚味，加入黑松露，非常絕配。香菇帶子餃子菇味香濃， 帶子散發淡淡海味乾鍋的鹹香，餃子皮薄餡靚，做火鍋配料一流！鴨血鴨血跟豬紅和雞紅不同，沒有騷味，有一股清淡的鴨肉味。

好開心一間火鍋餐廳會在火鍋用具上花心機思，由大銅鍋盛着湯底會比較火力平均，但鍋很重，一般餐廳不多採用吧。今次鍋底選了非常足料的爵士佛跳牆鍋，材料除了鮑參素翅花膠之外，更用上一圈哈密瓜肉，單單吃湯底配料已經夠吸引。卜卜蜆和手打肉丸品質有水準，價錢唔駛一百蚊，抵讚。至於封門柳份量亦足，我平常最喜歡爐烤或煎香的，對我來說火鍋配封門柳未必係我的至愛，簡單一碟肥牛可能己足夠。要吃到餐廳的特色，可以考慮下由食客自己唧的黑松露蟹籽魚蓉麵，啖啖蟹籽魚肉彈牙，最緊要係有得食幾多唧幾多。