醉胡爐 (已搬遷) 新店位置

上Openrice見到醉胡爐有優惠，竟然1蚊就有濃湯佛跳牆雞翅鍋！！！即刻Book咗佢，帶埋朋友黎食餐好嘅！濃湯佛跳牆雞翅鍋($398>$1)一上個湯我哋就飲咗半碗，真係勁鮮甜！入面料又多，咩都未淥就飽咗一半呀，有兩隻鮑魚、海參、魚唇、花膠、金華火腿等等。佢啲花膠都算幾厚，夠膠質，唔係車仔麵果啲Cheap野。呢個鍋底真係誠意十足，連啲娃娃菜都好嫩，完全無渣，吸收湯底後入口即融。另外仲叫咗爆多膏嘅鵝腸、香脆嘅紫菜炸響鈴等等，碟碟都份量十足，食得好滿足！比較特別嘅有黑松露蟹肉餃同手打帶子滑！黑松露餃真係勁香，而帶子滑非常鮮甜，黎到嘅可以一試呀！

今日和老公出街十下十下，因為不想吃太飽，只點了一碟肉、丸和餃。*茶醬料 ($28/位)*濃湯佛跳牆雞翅鍋 ($1)只要人均消費夠$200就可以以$1享用佛跳牆，真的超抵，原價要$398；湯底先飲了一碗才開始十下十下；湯底很濃厚，而且有濃厚的海味味，亦有大量的菜，連菜都不用再點。*本地新鮮封門柳 ($248)這個封門柳肉質很淋，而且肉味很濃，重點是不油膩！個人偏向肉味濃多於追求油脂的香。*黑松露蟹肉餃 (半份) ($68)黑松露味超香，蟹肉的份量不算太多；但整體來說配搭得剛剛好！如果餡可以再多D就好了。*皇帝柱貝墨魚丸 (半份) ($58)這個墨魚丸超彈牙！而且料比想像中多，啖啖都咬到貝柱。*出前一丁 ($28)日本版的出前一丁，原個上，是爽口一點的！

餐廳不像一般的火鍋店，十分時尚，座位非常舒適闊落。我們選了爵士蜜瓜佛跳牆鍋，淨湯底材料已經非常豐富，有鮑魚，鮑片，魚翅，花膠，海參，蜜瓜，十分足料。我們點了安格斯手切肥牛，肉質十分嫩滑，小份都很大碟，十分抵食，超讚👍🏻我們還點了梅菜豬肉丸，味道像梅菜蒸肉餅，鹹鹹的，挺特別。黃金墨魚丸，不是一般的墨魚丸，入面是配有咸蛋黃汁，十分香口juicy, 喜歡墨丸的朋友必試👍🏻雜菌拼盤有各種菇類，十分大碟，金菇非常爽口，一點都不韌，其他菇類也很新鮮。因為金菇太好食了，我們還encore了一碟金菇呢！

今天下班後，突然想找朋友找個地方相聚，想找一個坐得比較久的地方，無意間便到了這間餐廳。坐下的位置比想像中闊落，不像外面打邊爐的地方， 10分寬敞。看見那裏也有幾個湯底可以選擇， 正準備選擇的時間，店員十分親切來推介了佛跳牆鍋。湯底很快便來了，花膠十分足料，配有鮑魚，香料，十分美味。叫了一些小食和打邊爐的食材。紫菜炸響鈴， 十分新鮮和分量很大，外脆內彈。 出面是有炸粉脆脆的，內面也充滿紫菜口味混在一起吃，十分推介。另外一樣推介的是香菇帶子餃。與出邊街外的餃子或打邊爐丸類食物不一樣，是自家製的。裏面有香菇肉碎，混着帶子一起吃，口感10分特別。被不會太厚。厚薄剛好，不會令人太飽。最好的是，他有半份或一份去落單選擇。下次再約朋友相聚話想一家大細找個地方吃飯，這是一個不錯的選擇，今天與友人輕了差不多三個多小時的豐富詳談晚餐。

之前已經聽朋友介紹醉胡爐的龍蝦海鮮鍋不錯，火鍋配料新鮮，所以今日約埋兩位好朋友去試一試，入到店內店員很有禮貌地即時上前招呼，這裏地方環境很大坐得很舒服。坐低後我們即時點了一個龍蝦海鮮鍋做湯底，龍蝦的來源是波士頓，份量亦不少，店員先為我們開爐炒一炒龍蝦，材料十足還有卜卜蜆，之後再加入一些濃湯烹調，滾後我們每人飲咗一兩碗龍蝦湯，湯底非常濃郁鮮甜，啖啖肉，肉質爽口👍梅菜豬肉丸自家製的梅菜豬肉丸，食落好像梅菜蒸肉餅的感覺，彈牙爽口，非常特別，都是第一次食的。黑松露蟹肉餃餃皮非常薄，一咬開巳經聞到香濃的黑松露味道，配蟹肉一齊食絕配。紫菜炸響鈴響鈴炸得脆卜卜，中間夾着紫菜食落很香口，吸入龍蝦湯，味道一流。厚切萵筍片打邊爐必點，爽脆健康有益😋

今日同朋友去打邊爐，真係自從過年之後就無打過邊爐😖 好掛住熱辣辣食到好high始終疫情期間，去jor一間比較乾淨同大間既餐廳，放心啲～我地揀jor海鮮龍蝦湯底。個湯底有新鮮龍蝦同卜卜蜆，現場新鮮上搵牛油炒香然後再落超濃龍蝦湯底。佢有吩咐飲湯先，然後再落料食火鍋。湯非常濃郁，而且仲有新鮮龍蝦肉食🙈 一開頭已經好滿足之後就係典型既火鍋配料，配以濃湯非常惹味。值得一提係佢啲特別食物，例如紫菜響鈴、西洋菜餃、蝴蝶腩，全部都係出邊餐廳好少食到既嘢。由於個湯底越煲越濃，好容易痴底，所以都要全程攪拌下，可想而知個湯底真係超級濃！！味道濃，我地都特別嗌酸梅金吉蜜飲，超冰！好飲又勁爽🙈最後食到人地打烊😎😎

同屋企人行尖沙咀 到左晚餐時間 大家都想食打邊爐🍲 所以就唸住請媽咪食餐好啲既！🥰濃湯佛跳牆雞翅鍋 $398一黎到店員會問想要咩湯底 我地就揀左呢個🥰 湯底滾左店員叫我可以飲下湯先 平時去打邊爐店員都唔會飲個啲湯底架麻 我地飲左都覺得好好飲 足濃味 好似已經煲左好耐既湯咁☺️ 佢裏面有非常多料（雞件，花膠，海參，魚翅，娃娃菜）🙈梅菜豬肉丸（半份）$58幾好食，梅菜既咸香再配豬肉既味道。西洋菜帶子餃（半份）$58佢呢個餃係用雲吞皮整既 所以好簿 餡料亦都好多 充滿帶子既鮮味 再咬多幾啖就有西洋菜既味道！👍🏻黑松露蟹肉餃（半份）$68餃子皮係超簿 所以唔洗煮咁耐 一開頭我唔知 煮得太耐 搞到有一舊散曬落啲湯到🥺 餃子咬落非常香黑松露味 而且啲菇雖然切到好細 但仍然食得出好滑 好驚喜！🤤😍另外蟹肉味唔算好重既！🤔皇帝菜 $48紅薯粉 $48屬於偏幼身的紅薯粉。

好耐好耐無同朋友食飯，亦好耐好耐無打邊爐，今日去jor醉胡爐打邊爐。要報復性消費🤣我地點jor龍蝦海鮮鍋，一上台都係生既，侍應要係我地面前炒金黃先再加湯底，而且仲會落酒。佢吩咐落滾jor之後要飲jor湯先，然後再落料。個龍蝦湯非常濃郁，而且仲有新鮮龍蝦同海鮮食，飲完食完湯底已經無淨。之後再加湯，佢哋唔係加清湯，而係加返龍蝦濃湯，都幾正。哩間餐廳唔止打邊爐，仲有串燒同刺身，所以多款選擇～我地都嗌jor好多出邊無既肉類，例如牛胸爽、蝴蝶腩（要煮起碼20-30分鐘）佢哋既響鈴都好特別，係紫菜響鈴，從來未試過。浸入龍蝦湯底然後撈起食，好heavy但係好好味🥺🥺

呢間既火鍋湯底係做得好出色，而且食物新鮮又大碟，用料講究，材料上乘⋯⋯🔸之前食過既佛跳牆火鍋，入面既材料：包魚、花膠、魚唇、鏍片及多款材料...........等等，足料夠火喉的味道———-好食到完全印咗係我個腦入面🔸🔹既然咁好食，我又梗係又想食下其他款式，所有又約同朋友嚟食，而家既天氣，當然潤下個肺，原本想食滋潤補肺湯鍋，點知無，店員推介我招牌椰子雞火鍋，咁就試吓，其實心唸好多地方有椰子🥥雞🐔鍋食，所以感覺無乜所特別，原來好戲在後頭👏👏🔹🔹🔹1-上枱時師傅在你面前製作，見到燶郁湯底，原個椰子，隻雞又相當香，當然我係鐘意相機食先既人，不如錄下video都好，錄制過程中，完全唔知係有🔥火焰，突然好有驚喜而且仲好開心😃⋯⋯真係估你唔到，唔係一般既椰子🥥雞鍋。👍👍👏👏用椰子🥥煲好的湯底，加入原個椰子🥥水，再混拌在雞🐔上，湯底本身已經甜再➕上原個椰子🥥水的甜上➕甜，真係甜在心的招牌湯，無得彈.....香濃椰子味道清甜的帶著雞汁的鮮味味道，滑溜溜的雞肉，真係好味到飲咗幾碗，飽咗五成🔹🔹2-生🦪蠔——新鮮爽甜的生蠔🦪、吃出的鮮味🔹🔹3-黑毛豬——-軟熟又帶口感的黑毛豬。爽甜肉嫩，上靚材料.....

佐敦柯士甸道中價小小偏高服務：3（真係下下要叫先做.茶水到食物來都冇.做得細心都扣左分.希望疫情過後可進一步）環境：3（叫做還可以.旦4人位打邊邊個爐唔係中間.佢就2人位.咁變左想點呢.設計上差）選擇：3（叫做都可以既）食物：2（點解咁底.因為收得咁既價錢.應該可以再好d)1:牛頸脊.話本地.旦係好明顯機切.肉質👎🏼2:黑血.唔應該切片.一磚磚會更好3:蒜頭青瓜.過酸4:響令.上層就水準以上.下層又變左縮晒水5:柑桔檸檬.尼個一讚.佢即做唔係沖定（平時唔知）叫左兩榨😍（👍🏻👍🏻👍🏻👍🏻👍🏻👍🏻）6:火焰龍蝦🦞湯底.幾百蚊.居然比平隻.瘦到冇野食.飲湯咩.差（雖則有折扣都唔洗咁既）希望只係家陣係咁..！加油啊💪🏼

星期日疫情下係網上apps 搵食， 本來諗住去尖沙咀間胡爐， 不過因為暫停營業， 店方建議照去近柯士甸（近山林道）既醉胡爐， 都保留正價有7折優惠。晚上八點去到得幾張台，枱與枱有充足空間，卡位之間都有partition， 但店內唔見有消毒搓手液提供。晚餐選擇椰青雞煲， 再外加5碟食材（蟹棒，窩筍，准山，竹笙，XO 漿鮑魚餃）令我有驚喜係生炒雞件，加酒快炒，再落椰青水。雖然個湯底無椰子雞煲咁鮮甜，但尚算不錯。雞件分量都唔少，剛滾起時係滑雞，可能我地食太耐喇，後期已成老雞喇😂⋯⋯食材算新鮮，份量正常。鮑魚餃子就較特別，食落有多重口感， 內裡肯定有鮑魚，仲懷疑有炸菜tim🤔。後加「一夜干魷魚」，魷魚燒得唔錯，但無一夜干味道😅。串燒雖然買一送一，但人已飽，有機會下次再試。雖然已有七折，但留意酒水正價，燒物正價⋯P.S. 因爲樓面得一個人，你想搵人加單/ 加水/ 埋單就真係要等..等...等人經過😓

尖沙咀好多打邊爐我都食過 覺得最中意既都係drunken pot 同大紅炮！ 依家唔知係唔係新開 今日開完會肚仔餓就過嚟試吓😸依家疫情緊張 好多餐廳都冇人幫襯 好似呢間咁 其實裝修好靚(唔記得影相)好闊落 水晶燈都好fancy 😂 最鍾意嘅係佢哋嘅碗碟都好得意 我哋嗌左一個四川麻辣鍋同蕃茄鍋 麻辣鍋有豬紅 不過得壹舊😂😂😂 蕃茄鍋真係好足料 食到最後飲啖湯都幾鮮甜 鴛鴦鍋只要喺貴價啲嘅鍋加多$38就得 兩個人點左 肥牛 肉質好軟淋 好似要二百幾 唔知大家覺唔覺得算貴鯇魚 好似因為我哋煮得太耐 跟住食落好煙銀😂 係我哋嘅錯 就咁睇個魚係幾新鮮嘅🤩再嗌咗兩個菜 個人覺得不過不失啦 應該唔會再去食 試下就算 不得不說衛生問題係非常好 啲碗嗰啲都洗得好乾淨咁 但係一直都見唔到waitress 😂想要張紙巾都係自己去隔離枱拎😂盛惠HKD997兩位，覺得可以有更好既選擇~

朋友生日，主角自選地點慶祝，一行八人都鍾意打邊爐✌🏻火焰龍蝦海鮮湯($368) - 店員會即場先爆香龍蝦及其他海鮮配料，之後加湯煲滾，就變成一個濃湯底啦，全程都好似係一個表演咁樣濃湯花膠雞翅鍋($368) - 上枱已經吸引，每人先嚟半碗試吓個濃湯，好味呀！珍寶貴妃蚌($55/隻) - 新鮮手唧黑松露蟹籽魚蓉麵($88) - 都算彈牙，但有少少腥黃金炸魚皮 ($88) - 可能係即點即製，比較油麒麟啤 ($360/3L) - 成桶上，有氣勢

今夜開了幾個會議實在很累。很大壓力。須要食一些可以滿足到自己的美食。唯一可以令本人愉快。就是火煱（打邊爐）。行到尖咀的一個角落。濃湯花膠雞翅湯底。濃湯並不是雞肉煲湯就是。當然必備的是花膠雞翅。花膠並不是薄如紙的那種。是我喜愛有咬口的厚感。彈牙美味。秘製蝴蝶腩。蝴蝶腩是本人十分愛好的一環。用來做火煱配料更是一絕。等同韓國用五花腩做韓燒必然之選。黑松露蟹子魚麵。蟹子魚麵再配上黑松露的獨突香味。更是濃香持續不散。在口腹之慾感更為強烈。此魚麵更是不得不食。手打墨魚滑。墨魚滑的爽口完全香脆可口。滑而順喉。

好大的招牌，離遠望就見到。環境:Menu: 落座就即上醬料，衛生乾淨。幾得意的勺子個鍋的外型都毫不馬虎，古色古香。呢間邊爐主要食湯底，選擇非常多，我地今日就豪少少，試左個濃湯佛跳牆雞翅煲($398)。入面有花膠、海參、鮑魚、螺片、素翅、金華火腿、鮮雞件，相當豐富，非常滋補。湯底口感細膩、濃郁鮮香，而且帶有豐富的膠質，認真不錯。鮑魚海參鮮雞三文魚刺身 ($25/3切)油味重，新鮮，好食!西洋菜帶子餃 ($58/半份)每隻餃子都有粒帶子，鮮甜暖胃，值得推薦!西洋菜墨魚丸 ($58/半份)足料墨魚，非常彈牙。廣島蠔($88)蠔肉甘香可口，口感鮮滑，肉質鮮甜。總評: 呢度環境舒服，裝潢不俗，服務良好，食物選擇多，食材新鮮，味道不錯，尤其湯底有好多健康滋潤之選，非常適合一家大小來吃。