醉胡爐 (已搬遷) 新店位置

呢度既湯底好特別 除左一般湯底之外 呢度仲有出面火鍋店完全冇既湯底！我地揀左個乳鴿魚翅湯底 剩係個湯底已經好足料濃得黎亦唔會太鹹 好有老火湯既感覺😋😋😋而底下個瓜好鮮甜 夾埋個湯 正！料亦有一啲係自家製 出面比較少見既例如呢個梅豬肉丸 好似食緊梅菜肉餅咁🤣 個人覺得梅菜味可以重多少少呢個係xo飽魚蝦餃王 好似食咁蝦餃咁 好過癮🤣最後特別推介呢個黑松露蟹子魚麵！！本身魚麵已經比較少見 仲配埋黑松露蟹子 有口感又好好味！仲有得自己玩添😂一定要試下

黎到呢間打邊爐舖，見到個門口整得咁靚都知道價錢應該都貴貴地，但真係無諗過會咁貴。我地兩個人去食，揀完個湯底都已經覺得荷包要縮水了。最後叫左都唔算多野食，肉就叫左個羊肉片，味道係幾好既，幾新鮮，但得幾塊，真係要慳住咁食。湯底其實都有一隻細雞同少少瘦肉，但係因為係湯底既關係，食落好似煲湯肉咁，唔係幾好味。翅就唔係好識分係真定假，不過唔係好爽果隻，即使係真既翅我諗都唔係好靚（不過呢個價都唔會比到好靚架啦，呢點我理解既）。之後就叫左個菜盤，菜既種類唔多，份量係幾多既，不過都要＄８０（我地去街市買我估＄２０可能會多過佢）。本身想叫個響鈴，因為佢又推薦，而又見到身邊既人都有叫，但我一睇個ＭＥＮＵ，又係＄８０，即刻放棄。最後就係果個黑松露麵，呢個就有驚喜，佢個口感唔係麵咁煙韌，反而有少少似係好軟既魚蛋。因為佢個松露好平均，所以ＰＡＲＴ　ＰＡＲＴ都食到果陣味，蟹籽就還好唔算太多，不過我比較鐘意松露所以都ＯＫ既。ＯＶＥＲＡＬＬ，我覺得呢個價黎講可以有好多其他選擇，呢間真係ＣＰ值太低。

火鍋店鋪面很大，裝潢有特色，座位寬闊，坐得非常舒適。去火鍋店最着重就是湯底，呢度有唔少湯底嘅選擇 ，而且全部都特具特色。金翅花膠乳鴿湯待應上湯底時已令人視覺震撼，一整隻乳鴿，乳鴿上更配上大量的魚翅，湯底材料十足且豪華。在乳鴿下，還有半個南瓜及大量花膠。這毫不吝嗇的湯底已經值回票價。另名湯底呈金黃色，非常清甜，唔會有過濃的調味，並沒有味精，未落火鍋配料前已經先喝了三碗湯，加吃了其他配料，已經飽了一大半了。老友鬼鬼這是油炸鬼釀墨魚滑，即叫即炸，上菜時熱辣辣。老友鬼鬼香脆可口，配上甜酸醬，一絕！ 黑松露墨魚丸手打墨魚丸十分Q彈，黑松露味頗重，加在墨魚丸上，意外地match。XO鮑魚蝦餃王內裡有挆碎了的鮑魚粒及蝦粒，加上微微XO醬的味道，滿滿的餡料，皮薄餡靚。手工雲吞鮮蝦大大隻又爽口，豬肉及鮮蝦參半，比例良好。淮山淮山配上鮮甜的湯底，美味又健康。總括來說，這高質火鍋店，大家must add in your checklist 😃

你的足料湯底已上線金華火腿，花膠，雞肉，海參，菜等等 食過返尋味🔥之前喺銅鑼灣嘅分店已經試過佢哋入口即溶嘅牛肉 今次嚟尖沙咀分店再次encore！ 好味程度1分不減！極力推薦！今次呢間分店食到係我人生中食過最好味嘅餃子—黑松露蟹肉餃 OMFG!!!!! ❤️❤️❤️❤️❤️ 叫咗半份再追加半份！ 黑松露份量超級無敵多 香味極重 蟹肉鮮甜 餃子嘅皮好薄好薄 每一啖都係享受！ 如果有人食過覺得唔好食 我會質疑你嘅味覺！😂黑毛豬又係極力推介！如果你食過佢哋嘅牛覺得好好食 咁你下次可以試吓佢哋嘅黑毛豬！呢個係職員推薦俾我哋嘅 真心值得一試 越咬越有味 最後我覺得黑毛豬其實係好食過牛肉😂😂😂

依排天氣愈黎愈熱🔥但係繼續都係想打邊爐🥢😂尖沙咀嘅「醉胡爐」一入門口特高樓底掛住特大波波燈💡環境感覺好開揚好好feel☺️-🍲湯底〰️金翅花膠乳鴿湯雞同鴨嘅湯底就成日見，今日就試個特別啲嘅乳鴿湯底😋 有全隻乳鴿，又有花膠又有金翅，好足料！一開始時飲個湯底已經覺得夠甜夠味，愈滾味道愈出，到最後食埋隻乳鴿，特別係隻脾又滑又入味🤩-🔸🥩手切頂級安格斯肥牛🔸一啖一塊，入口好鬆軟又香牛味💯🔸紐西蘭直送馬刀貝🔸好大隻！煮到開口就撈上黎食最juicy😋🔸🔪厚切萵筍片🔸打邊爐必點，吸晒湯底味先食最正～🔸野生竹笙🔸比想像中大份，同萵筍片一樣等佢吸晒湯底味，加上爽口口感無得輸🙌🏻🔸紫菜炸響鈴🔸同一般炸響鈴唔同，內層捲左紫菜片，更香口夠特別😗🔸🥟黑松露蟹肉餃🔸⚠️超推介⚠️軟糯餃子皮包住超濃黑松露餡料，有蟹肉增添鮮味，亦有菇碎粒增添口感，必試！-

好耐冇打邊爐喇🍲，最近就去左醉胡爐🍸，叫左個金翅花膠乳鴿湯🦆，雞湯、鴨湯就食得多，乳鴿湯就真係第一次，底下仲墊左舊南瓜🎃喺低，煲湯🍲煲起勁甜勁好味.配料叫左手切頂級安格斯肥牛🐂，肉質嫩滑，入口即溶，好食呀😋.另外黑松露蟹肉餃🥟都推介必試，餃皮好滑，好香黑松露味，仲有冬菇嘅彈牙口感🍄，超正呀😋.佢地嘅紫菜炸響鈴🔔應該係自制架，勁大舊又薄脆，又唔會好油，鐘意食紫菜嘅朋友要試試😆

.好耐無打邊爐了上星期同朋友係公司樓下搵食 近近地就食呢間醉胡爐！之前都食過好幾次 佢既湯底真材實料好正今次就叫左濃湯佛跳牆雞翅鍋真係飲完個湯食晒啲料都會飽🙈有好多雞肉 斬左件 仲有翅 鮑魚 等等落料之前要先飲下個湯 超濃郁！鮑魚爽口彈牙 高質之選.至於火鍋料 就點左手切安格斯肥牛 粟米 鴨血同唐生菜🥬手切肥牛下湯10秒就食得啦 好香牛味油脂分布平均😋厚薄剛剛好鴨血平時都係配麻辣湯底多今次配呢個濃湯佛跳牆別有一番風味 都好好食！粟米都係先下湯 到大約最後先食 咁就最正吸晒啲湯 入味！唐生菜份量都唔少 2個人結果都食唔曬🤭.朋友話下次黎一定要試下火焰龍蝦海鮮鍋因為我之前食過好好食 佢又心思思啦🤤👍🏻

從來，吃乳鴿都係炸的居多，今日朋友介紹來到位於柯士甸路嘅『醉胡爐』，第一次嚐試了乳鴿湯，嚴格啲來講，係乳鴿湯底，就係以下呢個『金翅花膠乳鴿湯』，湯底濃郁，有素翅，有金華火腿，有好大片好多好的花膠，仲有鍋底的南瓜及面的主角～靚靚乳鴿，喺打邊爐之前，飲咗幾碗靚湯，實在開心，又補身又美容嘅一個湯。而待應又好細心將原隻乳鴿擺去廚房斬件及將一圈南瓜切細舊方便食用，真係好細心吖。今晚仲叫咗以下食品，有『廣島蠔』、『蔬菜拼盤』、『黄金墨魚丸』、『手工魚皮餃』都係新鮮貨色。而小食『醉胡爐酒泡鴨舌』濃郁嘅酒香味配上軟腍腍鴨舌實在好吃都不得了;串燒『和牛舌心』即叫即整，好香口，吃到好满足。

真係一間連湯底都可以飲埋嘅火鍋，我地揀左餐廳新推出嘅金翅花膠乳鴿鍋，有成隻乳鴿同滿滿嘅花膠素翅，就禁飲個湯底已經好甜。除咗湯底之外，佢地嘅餃子同丸都幾有特色，推介牛骨牛汁丸同老友鬼鬼，牛丸嘅牛味非常濃，而且彈牙仲會爆汁，老友鬼鬼就係油炸鬼加墨魚膠，即叫即炸，就禁食或者用黎打邊爐都好好食，另外xo醬鮑魚蝦餃皇都係餐廳自創，入面有足料嘅蝦肉，非常彈牙。打完邊爐，湯底嘅南瓜令個湯更加濃郁，加埋打邊爐嘅配料，令個湯更加鮮甜。

最近終於都黎左打邊爐, 因為疫情已經有幾多月冇打喇！！約左好友，見醉胡爐咁多好評，加上見OpenRice 網上訂座有優惠，可以$1 揀濃湯佛跳牆雞翅鍋 ，原價$398架!! 抵到呢！！坐低先攪攪醬料, $28一位~點左個小食, 醉鴨舌油亮光滑，越食越香！之後就黎個濃湯佛跳牆雞翅鍋，入面好足料，有花膠、鮑魚、海參、雞等等～食落非常鮮甜, 而且好入味～　另外，想讚一讚個湯，好好飲～我地仲叫左皇帝柱貝墨魚丸 ，墨魚丸超彈牙爽口，而且入面既料多，咬到貝柱。另外叫左黃金墨魚丸, 同樣都好爽口~ＸＯ鮑魚蝦鮫,　入面真材實料，有鮑魚粒同蝦肉，鮮甜可口。 肉類叫左安格斯牛，食落易入口，牛肉味濃！OVERALL 價錢唔貴, 個湯底都平左勁多~ 有機會會再食!!

呢間醉胡爐真心唔平，但我覺得質素對得住價錢！單單係係火焰龍蝦煲已經好出色！有專人喺面前煮，一路煮一路聞到龍蝦既香味，最後燒一燒，再加入好濃既龍蝦湯😋龍蝦湯飲落唔似係好多味精果種，所以我飲左好多碗，d龍蝦肉都幾新鮮，好多肉👍🏻其實淨係個煲都好飽，不過都要點下d熱門打邊爐料既。。例如鮑魚，幾彈牙👍🏻；手切牛，雪花分布好靚，但我覺得牛味唔夠; 黑松露餃幾好味; 再配個蔬菜盤同薯粉，兩個人都已經好飽！所以食野都係貴精不貴多😀

約左好耐冇見嘅u同學來呢間食。因為都近我地返工嘅地方～.🌸濃湯佛跳牆雞翅鍋 $ 398貨真價實的火鍋湯底，完全對得住呢個價錢。超足料～ 滿滿嘅花膠魚翅 仲有兩隻鮑魚。一開始，先嚐嚐湯，鮮味十足，且好滋補養生。.🌸爽脆牛胸爽 $ 138薄薄地一片片，擺入鍋中刷幾秒就熟～味道爽脆脆，係我鍾意嘅味道。.🌸皇帝柱貝墨魚丸 (半份)$ 58半透明嘅丸 有d特別。食落軟熟軟熟～味道唔錯.🌸牛骨牛汁丸 (半份) $ 48真係好鍾意食牛汁丸🤤咬一啖 中間有牛汁流出來。好正❤️口感彈牙 牛味濃郁。.🌸菠菜苗 $ 58新鮮菠菜苗，好快熟～.🌸醉 $48滿滿嘅荔枝味，有淡淡地嘅酒味。因為入邊加咗清酒🍶。.🌸胡 $38由檸檬 糖漿，藍蝶花汁，雪碧調配。味道酸酸甜甜～好開胃🤩

慶祝朋友生日，決定去醉胡爐晚膳。店內樓底很高，空間感大，座位舒適高雅。店員友善招待，菜式款項甚多供客人選擇。濃湯佛跳牆雞翅煲$398煲內有飽魚、金華火腿、螺片、海參、元貝粒、花膠、素翅、瘦肉、雞件、娃娃菜等，豐富到了不得，真材實料令湯底非常鮮味，店員特別提點先飲湯才放其他食材，湯底果然口感極佳，超值回價格。手切頂級安格斯肥牛（小）$228肉質細嫩，脂肪均勻，鬆軟幼滑，肉味濃郁，厚度適中，低火浸熟，更覺肉質美味，驚喜是件數十足。手工雲吞$48, 手打牛丸$48, 手打墨魚丸$48, 芋絲 $38 雲吞蝦肉鮮甜彈牙，餡料豐富。牛丸肉味甚濃，非常爽口。墨魚丸爽口彈牙，口感十足。芋絲吸入湯底精華倍覺美味爽口。蔬菜拼盤  $58盤內有菜心、唐生菜、娃娃菜、油麥菜，全部都是新鮮菜苗，鮮甜菜味更覺清新可口。醬料豐富，擺盤精美貼心，各式其式自由配搭。

/好耐之前買左口罩，今日出去尖沙咀拎🤪餓過頭上網search openrice發現附近有間人氣打邊爐店😚於是入去試試佢😌成間店既裝修都幾靚😇坐得舒服🤪..🍲湯底（濃湯佛跳牆雞翅煲）$398上到黎見到好多翅係個面到😂其實個煲好足料🤩入面起碼有半隻雞😋好彩叫餸既時候冇叫到雞食😂仲有鮑片，鮑魚，花膠係入面，完全係over左佢原先既價錢.抵呀‼️.🐮本地新鮮封門柳 $248一隻牛得一個封門柳🙈見其他店冇，所以點都要試試佢先🤣肉味好濃又唔肥😋佢切得好薄仲要心心形😂未試過封門柳既必定要試一次包你上癮🤪.🥟手打梅菜豬肉丸 $58/4同梅菜肉餅完全係一樣味😂只係差左碗飯，如果好中意食梅菜肉餅既人可以試下.🥟皇帝柱貝墨魚丸 $58/4好足料既墨魚丸😍岩晒墨魚控既我🙈.🍜手唧黑松露蟹籽魚蓉麵 $88一心以為最特別係佢😂因為我比較中意食黑松露🙈對佢抱好大期望，希望越大失望越大😂黑松露啲味唔夠重🥺但食到好多多籽既，整體感覺有啲似手打丸啲fd😂

有時工作忙碌，做野辛苦，都要食啲好野獎勵下自己，今次黎到醉胡爐食下正野，打個靚邊爐。一坐底就望到上面啲燈好靚，呢啲用黎打卡呃下like都唔錯。整體環境有空間感，自己張枱同附近隔離枱都有啲距離，感覺有返啲私隱度，令到同朋友傾計都傾得自在啲。係我地揀湯底同野食嘅時候，店員同我地講，依家做緊個優惠就係消費滿200蚊就會送個佛跳牆湯底，我同朋友二話不說就話ok，因為滿200蚊係好容易嘅事，而且個湯底原本要398蚊，依家唔使加錢就可以有，咁緊係叫啦，而且再將慳左個啲叫多啲野食，非常好。調配完自己口味嘅醬汁，就等個鍋水滾就可以開波啦。一打開個煲蓋，我同朋友都嘩左一聲，真係好足料，沒揸流攤，有花膠，鮑魚，海參，雞等等。隻鮑魚仲係原隻新鮮，唔細隻架。肉類方面，我地叫左本地牛，有封門柳同牛脊肉，兩款都各有特色。封門柳就比較有咬口，牛味濃啲。而牛脊肉就嫩啲，易入口，牛味相對無咁濃，但係好正。黑松露墨魚丸呢個係半份嘅，黑松露嘅味充斥住成個口腔，無得輸。XO鮑魚蝦餃王，黑松露蟹肉餃兩碟都係半份，皮薄餡靚。醉胡爐真係好正，好好坐，好岩吹水，野食又好得。而且咁好彩撞正做緊優惠，唔知幾時完，但係都會好快再食多一次。