影片
更多
2020-03-02
3323 瀏覽
開始有第一單嘅呢日，大家比之前都謹慎咗，不過仍然有人都係爭啲衛生意識，唯有自己做好啲。同家人去食呢間，原來呢間係攞米芝蓮，咁就要試真啲。我見到個個職員都有戴口罩，望落都算係乾淨。農曆假前夕平日嘅夜晚，竟然都爆滿。衛生都唔錯，啲擺枱都企理。叫咗鐵觀音，茶係香，回甘都唔錯。芥末雲耳海蜇頭，128元。海蜇入味，小小芥末，開胃係幾好。話梅車厘茄，118元。呢個係必推，車厘茄去皮，話梅味幾重，但無損茄味，入口清甜，又係勁開胃，大家都有讚無彈。唔知點解咁想飲花膠杏汁燉白肺，188元（位），當然係好好飲，煮得非常入味，飲一啖好滿足。想叫咩家禽特色或出名嘅都無哂，唯有叫呢個明爐蜜汁叉燒，268元。砂窩和味銀絲中蝦，448元。蝦唔係呃秤，比我想像中大啲，粉絲味道夠，都索到啲汁，幾鮮味，而且份量都算ok。砂鍋薑蔥爆乳香銀鱈魚，328元。呢個相對算抵食，銀鱈象本身唔平，每啖都好綿，而且都係肉，麵粉又唔會厚，剛剛好。高湯蝦球窩麵，288元。無錯，又係蝦，呢個蝦又有啲唔同，彈牙。吸咗啲高湯，仲有菇味，個湯算係清，撈出黎湯麵好好味。服務可以，分得有啲細，未能即時回應。
同家人去食呢間，原來呢間係攞米芝蓮，咁就要試真啲。我見到個個職員都有戴口罩，望落都算係乾淨。
農曆假前夕平日嘅夜晚，竟然都爆滿。衛生都唔錯，啲擺枱都企理。
叫咗鐵觀音，茶係香，回甘都唔錯。
芥末雲耳海蜇頭，128元。海蜇入味，小小芥末，開胃係幾好。
話梅車厘茄，118元。呢個係必推，車厘茄去皮，話梅味幾重，但無損茄味，入口清甜，又係勁開胃，大家都有讚無彈。
唔知點解咁想飲花膠杏汁燉白肺，188元（位），當然係好好飲，煮得非常入味，飲一啖好滿足。
想叫咩家禽特色或出名嘅都無哂，唯有叫呢個明爐蜜汁叉燒，268元。
砂窩和味銀絲中蝦，448元。蝦唔係呃秤，比我想像中大啲，粉絲味道夠，都索到啲汁，幾鮮味，而且份量都算ok。
砂鍋薑蔥爆乳香銀鱈魚，328元。呢個相對算抵食，銀鱈象本身唔平，每啖都好綿，而且都係肉，麵粉又唔會厚，剛剛好。
高湯蝦球窩麵，288元。無錯，又係蝦，呢個蝦又有啲唔同，彈牙。吸咗啲高湯，仲有菇味，個湯算係清，撈出黎湯麵好好味。
服務可以，分得有啲細，未能即時回應。
張貼
