逸東軒

營業中

休息中

農曆年同朋友團聚一下, 友人A借意又話要食豪D, 趁有張這酒店的優惠咭可以全單減15% 加一另計, 算係好過無咁啦, 環境算係闊落不過樓底唔高, 客人坐至8成滿的時候聲浪較大, 但中菜廳唔會太計較呢D, 招呼客人的後生仔女都算人手足夠嘅, 點心價位偏高就預咗啦, 食材質素唔差嘅, 先來瑤柱菜苗餃有四粒$69 無論造型, 餃皮嘅半透明度都無可挑剔, 裡頭嘅蝦子完全沒有太多味粉嘅味道,合桃义燒酥有四件三角形的酥 $59 酥頂的合桃因為待應放下時動作太大太快, 基本上只有一粒合桃黐在酥皮上, 鮮蝦腸粉 $80 的確腸粉內的蝦仁相當大只,但這碟八十個大洋嘅腸粉唔係特別的大, 腸粉皮也只是合格吧! 加埋一會接近九十, 到底是否這樣的"值呢個價?" 真的見仁見智了,帶子蒸燒賣 $69 個樣相當"反高潮", 一放低我以為點解係四粒魚肉燒賣?! 原因是面那雪白色係簿片帶子蒸熟後嘅樣子, 而廚師可能想突出呢片帶子從而不加任何裝飾, 海鮮芋角 $60 一般陳皮牛肉球 $60 呢個有d水準, 起碼牛肉成分比較重蠔皇义燒包$60 三個又ok啦上素粉果 $58 四粒味道較清新, 炸馬蹄條, $58 四條, 唔太

蠔汁鮮竹卷不達水準 珍珠雞餡料太少常來逸東軒，除了因為有 85 折，環境、食品與服務一貫的滿意！星期日的中午，又訂了佐敦飯堂飲茶，中午前到達，客人還不算多！點了我愛的龍井茶，兩人隨意點了 5 個點心 ！焗叉燒包、鳳爪和煎堆仔保持水準，但蠔汁鮮竹卷認真麻麻地，鮑汁不均勻 “一撻撻” ，賣相差，吃起口裡不是味兒，每人只吃了一件，浪費了食物！另外，珍珠雞裡面的雞肉餡很少 ！下次不會再點了！茶還是不錯的，但這次的鮑汁鮮竹卷真的不達水準，珍珠雞也太行貨，襯不起米芝連一星，有點失望！這次只能算及格而已 ！

三五知己聚會，梗係揾個坐得舒服、食得稱心嘅地方啦！之前嚟過好幾次，午餐、晚飯、喜宴等埸合都有，但都係翻新工程以前的事。趁機再來試試最新的環境、食物質素及服務水準。枱訂咗係6點鐘嘅，朋友們早到了丁點兒，喺5:59時要求入座，但被接待處的拒絕，佢話未夠鐘。我明，又真係未夠鐘嘅，兼且佢哋晚市嘅時間係由6點開始，明白的！但奇怪嘅係，旁邊十位左右嘅日本客人，可以先入座到我哋入座後，不同的侍應生過嚟問我哋飲乜嘢茶，前後3次、用咗15分鐘，終於將精心準備嘅水仙同滾水送到。期間上錯菜、送錯外賣盒等低級錯誤不斷出現！究竟發生咗乜嘢事？點解會咁？！至於食物質數，同價格完全不符！短期內唔會有第二次！

裝修後的逸東軒正是目標之一，但往往聚會都不成事或位置不夾，剛好今日中午工作經過，就決定一試！香港人都係比較隨心的！ 果然菜肴令人感動，點心非常細心製做。最容易感受真功夫就是尤最基本做起，所以睇個籠蝦餃，一試難忘，蝦餃功夫到家用料十分新鮮，調味亦剛好帶出鮮蝦香氣。另外飲中午茶，最喜歡試吃蜂巢芋角，又係看功架高低嘅點心！絶對是考手功和心思的，已經有很多酒樓不賣這個點心。而逸東軒哩個蜂巢芋角，完全保留到九十年代嘅味道之餘，又有煥然一新的感覺，比其他一級中菜廳更頂級！讚 其他餸菜都非常有水準，老火湯和那個荷葉烤雞蒸籠仔飯，香味濃郁，每一口蒸飯都滲透滿溢烤雞香油，米飯控必吃之選！

(脆皮乳豬鮮蟹肉炒桂花$380)被呢道脆皮乳豬鮮蟹肉炒桂花吸引而黎。乳豬皮非常香脆而肉嫩，同埋下面既炒桂花(炒蛋)一齊食。其實好似無起到特別大既化學作用不過個炒蛋蛋香味好重，好似以前細個食既蛋咁。而且蛋炒到好綿，就算加咗芽菜都炒得夠乾身，加上少少既金華火腿絲提味，好吃▫

試過逸東嘅buffet覺得一般，而今次咁啱係公司Christmas party，初頭都唔係好期待，覺得只係普普通通一餐中菜。環境幾清幽，裝修亦都簡簡單單大方得體淨係睇張菜單都覺得有好多嘢食😋乳豬燒得小小窿同埋肥得濟，所以食落一口油😞帶子大粒，炒得啱啱好，所以唔會奀，都爽口，西芹亦唔會太林，所以成碟餸都好吸引好好食。呢個餸雖然睇落好似好簡單，但係真係好懷舊好好食，依家唔係周圍都見到㗎啦海鮮卷熱辣辣好好食，炸得好鬆脆，炸粉又唔算太厚個湯嘅味都幾特別，不過就略嫌味精重左少少，飲完之後好口渴。鮑魚好腥，冬菇炆得好林好入味好好食，反而配菜好食過主菜😝🐟蒸得啱啱好唔會太老個名雖然叫脆皮雞，但個皮唔夠脆，不過肉質鮮嫩。糯米軟滑，芒果夠甜今次食得飽之餘仲一改對逸東出品感覺，加返分。

昨午再來逸東軒午餐，人懶，無食早餐，所以係 brunch， 叫了個四人套餐，$1,288, 都算豐富，有點心、有 signature 叉燒、有老火湯、有小菜、有雞、有河粉和甜品！12：20 落單，可能滿座吧，催促一次，13：08 才來點心！先講點心，蝦餃外皮薄，蝦彈牙，帶子燒賣新鮮、口感爽，腸粉也不錯；叉燒係我最喜歡，肉鮮、肉質細嫩，味道回味，可惜缺了幾根伴碟既青菜，否則滿分，哈！海蜇雖然爽但有點腥，唔係咁討好！老火湯西赤小豆粉葛，上枱時仍然燙熱，原味，應該無添加！素卷有驚喜，唔會煎 (唔係炸) 得過火，既香且嫩！小菜比較失望, 就好像一般酒樓喜宴既質量！脆皮雞出色，應該唔係雪雞，有雞味、皮脆肉嫩！帶子炒河粉保持水準！甜品紅豆沙真係好 “沙”, 有陳皮香，豆腐花都唔錯，甜度剛好！整體都唔錯！還會再來 ！

以前係佐敦返工，成日同同事來食飯，所以加入咗 Lingham Supper Club, 85 折！無去起碼一年，心血來潮，訂位飲茶！原來酒店翻新，連同逸東軒都翻新，更已經升格 Michelin one star！三個叫返以前食開既點心！元貝燒賣、蝦餃，新鮮 juicy, 叉燒包與醬汁味道配搭剛剛好，兩款腸粉嫩中彈牙，芋角外面鬆脆，內濃香芋容，河粉滑嫩。。。整體食物保持以前水準，環境比以前寬敞舒適，服務合格，難怪獲得 Michelle !一定會再來 ！

十年八年前，朋友在這裏擺酒結婚，當時還是一間傳統装修的酒樓。時至今日，隨着Eaton酒店的翻新工程，這裏也改革成充滿着新派氣氛的中菜店。整體的燈光調至半暗，可能對傳統的老人家來説會不太習慣，酒樓總是要很光猛才是對的。但是，我相信店家的目標也著重於新一代的客人為主吧！正所謂長江後浪推前浪，是無可囗非的。味道方面也十分精緻，每道菜也吃得出是花過工夫的，晚上的套餐和傳統的不一樣，份量配得很好，就算人數不多也可吃得多種類，這點值得一贊。

之前陪朋友黎買中秋節月餅卷，見環境舒適和接待人員非常親切，巳令人想到這裡食番餐午餐精選的點心非常吸引，只可惜這幾天食得太油膩，唯有點了一些比較清淡一點最愛茶壺有火熱住，尤其冬季令人飲得暖和👍🏻杏汁豬肺湯，女士至愛，杏汁味道濃厚，豬肺入口軟淋淋，只是湯未夠熟騰騰，扣了少許分😂脆皮义燒包味道可口，包皮焗得香，入口煙煙靭靭，饀料除左有义焼還有洋蔥配撘，別有風味黃耳上素粉果也可口，只是有點油膩😬😬值得一讚系此碟义燒，入口香軟，加上有蜜糖味，好有bbq 味道，味道偏淡不太甜，糕點鬆軟食物味道偏好，環境舒適，服務員態度也好，只可惜價錢稍貴😂😂

明知聽日星期日山竹襲港，會打風打全日，今日星期六，點可能對自己好啲。。。所以決定一家四口，一齊去飲個茶。由於連鎖酒樓，星期六日午市，一定爆棚，唔鍾意等位嘅我哋，唯有諗一啲唔需要等位，可以當枱嘅地方。突然醒起，媽媽有逸東軒嘅85折Card，11點打去book位， 12點半即刻有位。啱晒啲咁 Ad Hoc 嘅香港人。。。介紹一下先，逸東軒亦啱啱新裝修過，地方闊落左，環境優美左，就連餐桌用品，全部都upgrade，係五星級酒店嘅環境，但係服務方面，同五星酒店比，仲有少少距離。但呢種距離完全接受到，因為食品質素高，我哋四個人飲茶，叫咗10個點心，扣咗折扣之後，都係六百幾蚊。原本我哋四個人，佢安排左一張六人枱比我地，但係一家人飲茶，想坐得埋啲，所以坐返四人枱。但原來4人枱嘅枱面空間好細，放咗茶壺之後，可以放食物嘅地方唔多，終於明白點解佢會安排六人枱比我地。點心，每一款都好好食，份量都唔細，價錢好均真。

跟隨逸東酒店大翻新的逸東軒，已經重開數月。是夜趁着朋友生日聚會，終於有機會再訪。重新開業的逸東軒，裝潢風格來個一百八十度大變新。既保留了東方色彩，亦融入了西方元素。用餐區光量大幅調低，更具時尚風格。其實逸東軒樓底本身較底，位處地庫亦沒有自然采光，將室內環境調暗讓光線只聚焦在餐桌上，是總明的做法。收取廿八元一位的茶芥費用，提供的茶芥當然不能馬虎了事。茶壺以暖座保温是合理期望。奉上豆瓣醬、豆角及腰果小吃各一份。 大抵腰果置在太好吃， 肯恩入座前已腰果被早到友人洗劫一空。不知餐牌是否尚在設計階段，感覺現在用上的餐牌設計過於簡單，數頁紙釘在一起，外頁連硬套也沒有用上，除非食店會經常為餐牌替換，否則這種做工的餐牌翻得多很快便會變皺變舊。在座有位朋友剛在不久前才到來過逸東軒用膳，有識途老馬坐陣點菜便更為爽快便捷。訂座時已着服務員預留了片皮雞及杏汁白肺湯兩道菜式，當晚入座後很快已完成點菜程序。話梅車厘茄 已經褪皮的車厘茄粒粒賣相精瑩飽滿，在兩片蔬菜葉襯托下更像一串紅葡萄，IG拍照呃Like首選。車厘茄吸滿話梅煮汁，味道酸酸甜甜但又不會過份地蓋過車厘茄自身的茄香，作為第一道的頭盤小吃最為恰當，喚醒味蕾

是年父親大人的慶生宴，就在久違了的"逸東軒"擺下....說是久違，當然是有根有據的。我對上一次來這裡吃飯，好像已是二十多年前的大哥結婚宴，您說是不是真的很"久違"了 ?事別多時，這裡已貴為米芝蓮星級食府。不過有一樣仍然沒變的是，無論這兒經過了如何程度的翻新，樓底仍是受先天所限的維持那般矮....這亦是我一直不太喜歡這兒的原因....不過在食物質素上，卻是毫無疑問有了很大的改進....先吃點腰果以及叉燒豆作前吃，前者鬆化夠脆沒溢味而後者惹味，弄得小友吃不停口....此時自己馬上加以制止他，不然後面的餸他就不用吃啦....我家的點菜習慣，當然是先來幾個開胃小食....四款小食中，個人的大愛一定是話梅車厘茄，話梅的鹹與甘甜味充份地吸納進最容易索味的多汁車厘茄中，吃後開胃得無而復加；其次是炸得外酥脆內綿滑的金沙豆腐；芥末雲耳海蜇頭屬正正常常水平，兩款主食皆處理得夠爽脆；蒜泥茄瓜則稍覺蒜泥下得不夠重手，吃時就有欠過癮....另外我家飲宴一款必備的餸，便是蜜汁叉燒....本來這叉燒也算不錯的 ---- 蜜味濃，肉質軟熟，不過我比較麻煩，在其中我不太找到偏肥以及有燶邊的，那我就有點不太高興了....

係香港比較少去米芝蓮餐廳，因為一般較貴。今日終於有機會啦，老闆話我哋跑到數，請我哋食餐好嘅，帶左我哋去逸東酒店去面嘅逸東軒。老闆話餐廳裝修完，好有懷舊feel之餘,又高雅，覺得自己應該要著靚啲。由於老闆係常客，佢點左好多招牌菜，我個人最鍾意話梅番茄，除左賣相好靚，食落酸酸甜甜，作為前菜最適合不過。杏汁豬肺湯，味道濃郁。仲有個蝦球(掛住食唔記得左咩個名)，一個餸有2個味道，啱晒貪心嘅我。多謝老闆請客，我哋會努力揾生意。希望老闆再請我哋去，個menu仲有好多嘢想試。

星期日一家大小去逸東軒食午餐。這次是大裝修完第一次去，感覺寬敞了不少，空間感比以前大了很多。我們一行5人有一張大枱也坐得很舒適。而且服務員服務周到也很主動，還推介不同點心。