豚道樂 (大河道) (已結業)

這天和朋友專程來到最近在網上人氣頗高的豚道樂吃拉麵。 朋友點的特上黑蒜油拉麵（$93），是包括了豬肩肉和豬腩肉。湯底味香濃郁，麵質幼細，掛湯力高。肉質方面，豬肩肉較瘦而豬腩肉較為香口。個人覺得後者較為好吃，脂肪滿滿。另外，我選的是期間限定的辛辣味噌芝士拉麵，（$88），跟特上不一樣，這個只可選擇一款肉類，我選了較香口的豬腩肉，湯底內鋪著滿滿的芝士，浸在熱湯上慢慢溶掉成為絲狀，教人興奮。 湯底辣味頗香，芝味香濃，麵條選了粗身，掛湯力比幼麵更高，惟麵質容易腍掉。 加了椰菜（$8），份量比想像多，而且還配上炸蒜調味裝飾。 京蔥（$5）溏心蛋（$10）流心度高，蛋味香濃軟滑，滋味可口。 小食方面，我選了餃子 （$28）和韓式蒜蜜味叉燒（$23）。餃子皮薄肉鮮，配上的餃子汁頗開胃呢！ 叉燒選了腩位，較為香口嘛！微微燒香的腩肉更顯美味，焦香的口感是我最愛的。 招財貓汽水（$15）味道像波子汽水，甜甜地，不錯呢！靜岡抹茶可樂（$18）抹茶味道不算很突出，但可算清涼解渴的首選！ 山梨桃梳打（$19）桃味清香，配上梳打，很不錯呢！店內還很貼心地安排了充電線。 

平日晏就黎到唔洗等位就有得食，但我見有時夜晚排晒長龍呀！最特別一定要數呢個wasabi拉麵，真係第一次食wasabi做既湯底。原來wasabi味都幾濃下喎！食食下重覺得幾辣但係都幾過癮。特上呢款有埋流心既溏心蛋、芝士、豬肉4塊，所以都幾夠飽。芝士原來同個湯都幾夾！

這天與友人相約到位於荃灣的豚道樂晚餐，查看地圖時以為距離地鐵站很遠，原來只要向著力生廣場走再過馬路就到了，只是五分鐘的距離。豚道樂的裝潢充滿玩味，擺脫傳統日本食店的呆板沉悶，添上玩味擺設飾物，又提供免費充電服務，相信能吸引不少年青人目光。餐牌上全是大幅拉麵彩圖，色彩豐富又能引起食欲，看圖點菜完全沒有難度。餐牌以拉麵為主，另外也提供配料追加和單點的餃子。點菜紙也詳細列明了拉麵款式、配料選擇、麵條種類硬度等選項，方便又清晰。看見wasabi食物總是離不開目光的我，自然豪氣地選了加芝士的特上日本芥末拉麵($93)！鮮綠色的濃厚湯汁傳出陣陣wasabi香，非常刺激味蕾，平常我最怕吃浸了湯變軟的紫菜，今天竟把紫菜吸滿湯汁才放進口XD 廚師推介特上拉麵的配料同時有豬腩肉跟豬肩肉，其他拉麵款式則只可任選其一。另外還有溏心蛋、木耳、京蔥絲、芝士絲等配料，也蠻豐富的！溏心蛋又軟又彈，蛋黃部分呈果凍狀，咸香滑溜，真想打包幾隻回家啊！豬腩肉半肥半瘦較軟身，脂香味濃；豬肩肉則較實身啖啖肉，肉味較重。麵條都吸收了wasabi湯汁，初吃時感覺正常，但隨著麵條在中泡得越久，越能吃出濃郁的wasabi味，不算太辣但仍

聽說這裡有一款湯底是非常的特別，其他地方是吃不到的，所以我也特意地跑進了荃灣，為了一嘗這一款芥末湯！湯底青青的，老實說，看到是有點怕怕的，聞起上來還是有點芥末的刺鼻。先喝一小口，芥末味很香，也很特別，被湯底沖淡了，令湯底保留著芥未的香和味，亦除去了那攻鼻感。（可是大口飲下去還是有一點攻鼻，自虐人士適用。）麵身選了曲線，較有彈性，麵被芥末染成了青色。唯一缺點就是比較難咬斷，所以我會比較喜歡普通的麵就好了。加了椰菜，原以為會加在麵上，誰不知是另外上。椰菜用炸蒜炒香，很淋甜，配上一少許的醬油，引出了椰菜的甜。蜜糖叉燒。煎香了再配上蜜糖，很香很爽很甜。相比麵中的叉燒，我更喜歡這一款。日本來的蘋果汽水，很香的蘋果味，不像是香精的那一款，而是飲出日本蘋果的那種清香，不會死甜。

特上日本芥末芝士拉麵 $93綠方代表係wasabi湯底😏今次少左攻鼻既感覺，另外整體都偏淡左😌個人覺得配曲麵match d😉😂拉麵亦有齊豬腩肉，豬肩肉同溏心蛋🍳份量都幾多架辛辣蕃茄芝士拉麵 $88紅方代表係濃濃既蕃茄湯底，有點像pizza上面既茄汁味，食落有點過膩👅另外辣味都吾重的😂湯底配上拉麵飽肚感極大綠茶可樂 $18無綠茶味，反而有D似青提子🍇甜甜地不錯

在寒冷的晚上，走進了荃灣的豚道樂拉麵店，店內的裝修擺設，和燈光的光暗都能夠令人覺得身在日本的拉麵店😍而我坐下後發現到鄰近座位有免費的叉電服務，令電量不足的人客倍加一份安全感😁。 在點正餐前，我先點了兩款小食，第一款名為韓式蒜蜜味叉燒！(可選腩肉或肩肉)我選擇了肩肉，把叉燒放進口里時，本以為會有肥膩的口感，吃後完全沒有肥膩感，肉的香味和蜜汁配合，帶出的口感是香的豬油和蜜汁的香甜，再配上蒜香味，錦上添花的配搭。這是我向各位讀者到此店用膳時的推介😍 第二款的小食 餃子餃子不算是過於喜出望外的，但值得一提的便是每一塊餃子的色澤程度也均衡，不會有過大的分別，相信附帶的醬汁才會是這一款小食的精選所在，醬汁酸味不會過份，酸中一點甜，配上輕微煎焦的餃子身，更令酸甜味帶出，食慾大增。 來了來了！ ！來到了主菜了，特上辛辣味噌拉麵(普通辣或激辣)，加了溏心蛋拉麵可選幼麵或曲麵，我選擇了曲麵 ，在這碗普通辣的拉麵，我本人的味蕾已經受到很大的刺激，自問視辣如無物的你，可挑戰激辣😁。在辣的過程中，不會被辣而掩蓋了其他味道，最值得一提的是，豬肩肉放在辣麵里，吸收了辣湯，竟然出了意外的配搭，相當惹味！

今年既冬天真係時冷時熱，凍起上黎真係幾攞命，今日本身有D凍，加上落住微微雨，剛好又碰巧晚飯時間，就打算入黎避下雨食個飯啦。呢到落單既形式同一般拉麵店無咩分別，都係一人一張點心紙咁，鍾意劃咩就劃咩。一個拉麵由最平既$72 到到最貴既$98 不等，再另加配料同飲品。飲品我地叫左一支山梨桃梳打同埋赤富士提子梳打。山梨桃梳打: 入口既白桃味非常清甜，加埋少少梳打汽泡，每食幾住拉麵時飲返幾淡，感覺真係好正。赤富士提子梳打: 提子梳打味道酸酸甜甜，凍涼解喝，值得一讚。特上原味豬骨拉麵: 餐牌上有特上版同埋原味版既豬骨拉麵，問過職員，原來特上版同普通版既分別係在於佢是有齊豬肩肉同豬腩肉，另加半隻日本溏心蛋及紫菜。豬骨拉麵湯底濃郁度甚高，有濃香既豬肉味，黏黏地但又唔會過膩。特上辛辣味噌拉麵: 個湯底係混合信州白味噌同赤味噌而整成，辣度有分普通同激辛，今日我試既係普通辣，辣味稍為輕，更加無蓋過豬骨湯既鮮香味，肉方面就十分之薄同嫩滑，入口即化。配料: 木耳比較爽，而溏心蛋就係又甜又滑。餃子5隻: 餃子以煎的方式煮，餃子皮煎到金黄色，外脆內軟，肉餡雖然唔太多，都係普通豬肉加菜餡，但係肉汁夠豐富，都幾好食。

一個月一次嘅組長訓練，單挑一支公嚟到荃灣，就晌訓練前嚟豚道樂食拉麵，因為見佢排晌十大之內，風評不俗，一於試試其水準如何？由於嚟得早，只喺六點多，所以，見客人唔多，就揀大枱位，費事坐高脚櫈度面壁。室內一派極具和風嘅裝修，牆上掛上少日文牌片，最吸晴應該喺天花燈及倒吊晌上面嘅劍球。餐廳四周主要喺高腳枱櫈面壁位，後尾見唔少人揀坐依啲，原來有免費叉電，哈哈！正中間有兩張大長枱，打住對面可以共坐8個人。餐牌上，已經圖文並茂列晒所有拉麵、小食、飲品。而點餐紙一如其他拉麵店，剔剔剔就搞掂。不過，順便解釋吓「特上」同「普通」嘅分別，兩者相差$13，據店員講前者就喺多半隻溏心蛋、兩塊紫菜，以及有齊豬肩肉同豬腩肉兩款肉，而後者則只可選擇一種肉類，加蛋或紫菜要另外收錢。特上海老湯拉麵 $98見依一款話只有星期六、日供應，仲話每日限量30碗，好好奇佢喺點，所以，揀咗佢。原來，喺以豚骨湯嘅基礎上再加入蝦湯，店員仲話為咗加強個味道，仲有落埋蝦油，而且，豚肉以外，更灑下大量櫻花蝦，所以，蝦味頗為濃郁 、鮮香。麵條可以揀幼麵或曲麵，後者較少食，所以揀曲麵，麵身幾彈牙，又耐浸，每炷麵都掛滿湯汁及櫻花蝦，食晒成碗麵份量可不

男朋友大愛食拉麵，所以呢間豚道樂由裝到開業，我地都有留意住。從門外看，以黑色為主調，而且可以清楚見到豚道樂嘅招牌！至於落地大玻璃窗亦都貼上雪花圖案，增加左唔少冬天嘅氣氛 入到入面，空間唔算太大，大約只可以容納20人左右。店中央有4~6人枱，絕對適合一家大小或三五知己。而另一邊就有bar枱形容嘅座位，店鋪亦好貼心咁為客人提供充電處。講返拉麵先，一共分左兩種，分別在於配料嘅份量，配料比較多嘅稱為"特上"。而湯底就有5款，分別係原味豬骨、黑蒜油、芥末、辛辣味噌同週末限定嘅海老湯 當然仲有冬日限定嘅蕃茄芝士，味噌芝士！除了湯底有得揀之外，配料都可以。包括豬腩肉，豬肩肉，麵條曲幼、硬度，要加京蔥或是青蔥、香味油嘅份量等等，一切都可以按照自己嘅喜好而定。今次我地就叫左辛味蓄茄芝士拉麵配豬肩肉同日本芥末拉麵配豬腩肉。同時，我地亦追加左溏心蛋同餃子作為小食 過左10分鐘左右，餃子就送到黎，餃子皮薄而且煎到焦香，所以有少少脆卜卜。而入面就包住豬肉同椰菜，餡料亦尚算足料。不過略嫌整體比較油膩！食到一半，辛味蓄茄芝士拉麵就上枱喇！今次要左幼麵條，麵身比較腍，而且掛湯力唔夠不過有多好多芝士！當湯底

<🍜豚道樂>特上日本芥末拉麵($93)▫️特上會有半隻溏心蛋加紫菜中午時段仲可以揀多隻蛋or罐裝飲品仲要京蔥青蔥都有晒✌🏾️豬腩肉豬肩肉都有各2塊-為左個💚綠色芥末湯底，🏃就專誠跑轉荃灣試試。個湯底係幾特別，不過對我泥講個芥末味可以再嗆鼻少少😂食到後期就開始食5到陣芥末味。-麵條就揀左曲麵嘅特硬，我比較仲2有嚼勁嘅麵，掛湯力都會強啲，不過口感都係5夠硬，好快就浸淋左。一開始個湯底覺得5夠稠，但食到後期，撈埋芝士🧀蔥末，就開始稠少少，啲麵就掛上左湯汁嘅精華🌝啲綠呈少許綠色，係因為吸左湯汁嘅原故，而且都見到啲肉染左少少綠色👀-溏心蛋就非常出色🌞半隻蛋凍冰冰都幾流心，但5夠送嘅 個原隻溏心蛋咁流心😍甜甜地，個蛋皮又有嚼勁好好味，平時都好少食到成隻蛋，今次食左1隻半😝都仲想再食多隻添。-無諗過豬腩肉幾好食，平時好怕食肥膏。脂肪位個口感幾煙韌😳肉質不會太老8/10日式煎餃子($28)▫️漏左單嘅餃子，不過見好多人讚，點都想食下😌5隻都幾肥大嘅餡子，雖然個餡無塞到好飽滿，而且都係普通豬肉加菜餡。但真係煎到好外脆內軟，個皮都比平時食開嘅軟身。我覺得個表面好似蘸左啲蜜糖之類嘅醬汁再煎，因為外

是咁的,寒冷天氣下外出荃灣購買電子遊戲產品,自己在街上又寒又餓,路過看見一間拉麵店即入去取暖醫肚~今次光顧店舖叫豚道樂,聽個名大概以豬骨湯做湯底；見餐單上見到碗日式芥末拉麵,唔諗咁多即刻叫,因為從未試過此湯底~特上日式芥末拉麵( $90 ),即係WASABI 湯底,由於餓既關係叫左特上版,特上版混入芝士兩塒紫菜,兩款肉~麵質唔錯唔會太淋,可能呢個質感我本身喜歡~拉麵當然要有隻流心蛋,就咁睇已經唔錯,味道一流~叉燒,拉麵既主角,肥瘦適中~WASABI 湯底要讚,意想不到配拉麵都好夾,加埋芝士係入面,好快一啖一啖放入口中~不用十五分鐘一整碗拉麵已吃光,自己由寒冷既身體變成充滿能量既人離開~

係荃灣廣場睇完戲，又係時候食晚飯，商場無乜啱食就出黎掃街啦，行過見到呢間拉麵舖，好似唔錯咁喎，朋友都贊成食佢。餐牌上有好多特別嘅湯底同飲品，叫左呢個綠茶味可樂同招財貓汽水，綠茶味不太突出，飲得出綠茶味但比可樂味搶哂，招財貓則是麥味，金黃色幾靚。除了拉麵，仲點左小食煎餃子。煎得香脆，皮薄多餡，點一點餃子醋真的美味。韓式蒜蜜味叉燒，要了肩肉，一客有三大片。食到蒜香同蜜糖味，好似bbq個種味嘅感覺，不錯不錯。朋友點嘅辛味蕃茄芝士拉麵，辣味不强，喝到濃郁豬骨味同淡淡嘅蕃茄味，湯底不錯。朋友的叉燒選了豬腩肉，肥美可口，仲有滆左嘅芝士痴住麵身，一齊食真係好正。自己點左特上原味豬骨拉麵，選了京蔥，普通份量香油，不要唐辛子，幼麵，麵身硬。喝一口湯底，果然豬骨味濃厚，飲完咀唇都痴埋左，但又唔覺口渴喎。特上係會同時有豬肩肉同豬腩肉，豬肩肉較瘦，但已煮得鬆化，入口嫩滑帶肉香。豬腩肉較肥，一口咬下豬油四溢，好甘香，兩種叉燒都好正。幼麵亦很掛湯，彈牙好味。金黃包溏心蛋，蛋味濃郁帶甜味，又係好正。好像是每日限量一百碗？！食完行番出門口發現掛上完售嘅牌子了，坐我隔離嘅男子話佢黎左幾次都食唔到限量嘅海老拉麵，好誇張呀

特上芥末拉麵($93)真係好有芥末味 食得快會"公"鼻💦溏心蛋整得幾好 有水準不過新鮮感過咗就會覺得麻麻地(表示冇食哂😂冬日限定-辛辣蕃茄芝士拉麵($88)朋友仔加咗1隻溏心($10)(我覺得呢個好食過芥末拉麵🌝🌝因為我係蕃茄控 所以好中意個蕃茄湯底！！加埋芝士真係一流！！雖然感覺上好似韓國某隻公仔麵…提子梳打($19)抹茶可樂($18)其實冇乜提子/抹茶味但係以飲品黎講味道唔錯 值得一試！P.S.建議大家叫曲麵，因為幼麵真係好幼同埋冇乜口感😂

去荃灣剪完頭髮，已經係7點幾。是晚家中又係無飯，就係附近食少少野先返屋企。平時通常都係食壽司嗰啲，但好凍都係食熱野啦，最後o係髮型屋下面嗰兩間拉麵店，是但揀左一間開飯！呢間拉麵店選擇唔多，而且都好似幾casual , 最後我就揀中佢，枱面仲有不同品牌手機的叉電線，人叉電時，手機都可以趁機叉叉電。選擇不多，大概有原味（豬骨湯），黑蒜油等等，特別的有芥末同蕃茄，週末會有櫻花蝦湯底！由於當晚是平日，沒有櫻花蝦口味，所以我揀左特上黑蒜濃湯拉麵，特上係包左紫菜同豬肩同叉燒，適合食量不大但又想樣樣都試的，溏心蛋同肉都可以散點的麵我選了特硬曲麵，貪可以掛湯，但湯底係偏咸所以食食下都幾口渴，不過就幾喜歡個硬身麵，煙韌有咬口，另外溏心蛋好入味，蛋白泛著淡淡的醬油香，雖然真心係熟左啲，亦唔算太流心，如果喜歡流心就不是你杯茶，但我覺得尚好吧！豬肩肉口感爽身，叉燒就明顯烤過，油膩感也是可接受的範圍。餃子，餃子皮煎到金黄色，外皮係比較薄身的，所以口感不太脆，肉餡肉汁豐富，都幾好食。呢度仲有日本的飲品，朋友叫左抹茶可樂，老實講飲唔到茶味，只見到綠色的液體，而我嘅信州蘋果梳打，味道甜甜的帶有蘋果香，感覺有如飲香檳，

最近做野忙到甩碌，都好耐無去四出搵野食，所以今日決定同朋友抽少少時間，試下呢間拉麵先！環境唔算好大，坐落雖然有少少迫，但咁樣更加貼近傳統日本既拉麵店，因為日本傳統拉麵店都是迫迫地的！一坐低就聽到店內播放我最喜愛既日本歌，感覺好好！而且仲有地方俾你電話差電，真係好貼心的服務，對低頭俗黎講係天大的喜訊！仲有樣野要讚的，就是店員非常有禮貌，當我地有唔明既地方，店員都好有禮貌解答！服務又周到，服務分我俾九十分啦！趁啲食物未到，叫住兩支野飲住先！我自己就飲蘋果梳打，我朋友就飲提子梳打，唔錯，都幾好飲！等左大概十分鐘。。。登登登登。。。拉麵到啦！特上辛辣味贈拉麵！辣度方面可以揀普通同激辛，我自己就揀左普通，如果想食少少辣又唔太食得勁辣既，普通就最岩你！麵的種類，有幼麵同曲麵你揀，我問店員，佢地話幼麵比較入味而曲麵就比較彈牙，睇下你地中意邊款啦，我自己就中意入味啲，所以就叫左幼麵！啖啖既幼麵滲滿辛辣味既湯汁，嘩，簡直無得輸！溏心蛋真係超正，果啲又滑又香既蛋汁，令我回想返以前係日本食拉麵果啲感覺！叉燒口感唔錯，唔會因為浸過湯而變得太淋，依然保持到肉質既鮮嫩！食拉麵點可以唔叫份餃子食下！我自己中意餃子配