豚道樂 (大河道) (已結業)

開頭覺得佢想吸拉麵台風啲客...但自從佢上咗openrice榜第三位，就想去探個究竟。環境當然比開業多年的台風新淨舒服，工業風的裝修+各式日式小物裝飾，包括那劍球吊燈，年輕有趣。面壁位可以叉電，又有wifi特上同普通的差別係多兩塊紫菜、半隻蛋同兩片肉，貴$13，唔加的確有少少笨。一般腩肉肩肉只能二選一，特上就兩樣都有，唔怕選擇困難。腩肉係圓形外圈肥肉有啲膠質包住中心少少瘦肉。肩肉就像肉片，主要係瘦肉。肉充滿灰香，兩者比較，腩肉比較突出，油潤非常。蛋望落有少少overcook, 但食落仍是糖心入味。在云云拉麵店中要突圍而出，獨特的又不失美味的創意應記一功。青BB色的史力加wasabi拉麵真係未見過，更未必人人敢試，但依家卻成為小店的招牌菜, 殊不簡單。芥末取其色澤及獨特味道，啖啖wasabi味但不會嗆口嗆鼻，不會流鼻涕流馬尿，就連鹹度也比一般拉麵低，很順喉，連水也不用多喝一口。加了少量的士芝，不會變成芝士撈麵，但為拉麵增添creamy的口感，芝士也能中和wasabi的辣味。而wasabi的味道又能淡化肉的油膩感，配搭新穎卻又言之有物，為食客帶來視覺和味覺的新衝擊。週末及假日限定，湯底都幾

一直都很想試豚道樂的芥末拉麵，奈何荃灣對我來說真的很遠，今天剛好經過荃灣辦點事，所以就順道來一趟。店內主要是大枱以及高椅，充滿熊本熊的東西，天花板上掛滿小玩意，看來店主都是想吸納年青人食客為主。每隔數張枱都有位置可以免費手機充電，非常貼心。點餐採用點餐紙，特上拉麵比普通拉麵多了糖心蛋及肉類，價錢只相差$13，貪吃的我當然選擇特上。之前想試的番茄芝士拉麵原來是冬日限定，現在已經改為魚介豚骨拉麵。特上日本芥末拉麵 $93拉麵湯底呈綠色，非常特別，上面仲有好多芝士，未食已經聞到Wasabi嘅味道，但入口感覺原來不是想像中咁激烈，Wasabi只會產生少許刺鼻感，很輕鬆就能吃到整碗面，選擇了曲麵，面質彈牙，掛湯力也很不錯。特上辛辣味噌拉麵 $93這碗選擇了幼麵，幼麵入口感覺較硬身，個人比較喜歡曲麵多點。湯底帶有辛辣味，選擇了普通辣，但仍然很辣，不過食落都幾刺激。豬腩肉及豬肩肉都很大塊，肉感豐富，令到整碗面很飽肚。糖心蛋的蛋黃有流心的感覺，蛋味亦夠濃郁。餃子5個 $28外觀上看來以為炸得過火，但入口感覺又不同，餃子皮薄，炸得脆卜卜，而且餡料份量很多，絕無偷工減料。灸燒芝士豚肉(一人前) $16外層

荃灣區經常來覓食, 因為近屋企而且越來越多新食店, 呢一間豚道樂早前經過都見很長龍, 所以決定遲點再試. 今次經過見幾個人排隊, 機會來啦. 今日要試試.排隊時, 在門外已經看到MENU, 拉麵店都很簡單, 就是幾個口味的拉麵選擇, 追加配料, 幾款小食及飲品.一般都是豬骨湯底, 黑蒜油豬骨湯底, 辛辣湯底等等. 但當我看到日本芥末拉麵  , 就好奇想試, 很快已經決定下單.等了十分鐘, 就可以入座, 但位置是看到街外, 而街外排隊的客人也在看我, 感覺很奇怪.但店內裝飾都是日式風格, 餐點都掛在牆上. 當然有本正常MENU 給客人點菜.牆身全都掛滿日式風格的裝飾, 店主也很有心.決定點菜, 除了有我未見過的芥末拉麵, 還發現幾款飲品都很特別, 有抹茶可樂, 水果味的梳打等等.雖然有清水提供, 但我同友人一於試試飲品.我點了特上日本芥末拉麵: 曲麵/ 京蔥/ 油度:普通/ 不要辣/ 麵硬度: 硬.等食物時, 又有新發現, 有免費充電, 而且還有2款插頭, android / iso 機都用到, 很貼心啊.特上日本芥末拉麵 ($93):第一眼見到超綠色, 突然有點怕, 心裡又驚又擔心又

話說之前係網上見到好多人介紹依間拉麵，咁岩今日又係荃灣，所以就去試下啦🎉 裝修比較年青，店內播放着Kpop 特上日本芥末拉麵98$可以我已經食太多拉麵，相比之下，依道既拉麵真係令我有小小失望，雖然湯低唔太夠濃郁，不過芥末味係食得出既👏🏻叉燒足足有四大片，加上拉麵份量唔算少，一個男人都夠飽，不過湯低可以更濃同拉麵可以有粗拉麵咁就會更好 炎燒芝士豬肉16$其實係同一樣野🙈，不過加左芝士又ok喎，中意食芝士可以試下🧀ps.餐廳服務生妹妹幾好笑容同好有禮，依點真係好值得一讚👍🏼👍

係呢d陰陰凍既天氣總係想食一碗熱騰騰既拉麵 呢間拉麵細細間 裝修到好似日本既拉麵屋咁 好似係呢隻環境食既拉麵會更加地道咁特上海老湯拉麵係周六日既期間限定 橙色濃郁蝦味既湯底真係一食傾心 好似落左幾十隻蝦咁 又香又甜~ 麵面仲有一堆原隻既蝦乾 更添蝦味~ 食完只有少少口渴 不竟味道濃 而湯既油度係有得選擇既麵條；揀左普通硬度既曲麵 唔係好彈牙 蛋味亦一般 不過就勝在好掛湯 麵既硬度同種類可以自選舖頭既招牌就係呢個看似好難接受既芥未湯底拉麵啦~唔好睇佢青bb 好似好辣咁 食落其實只係淡淡既芥末味 好香 有少少攻鼻 但唔會好辣好嗆 係一個比較特別既湯底 值得一試另外 原來佢暗藏左芝士架 麵面有一推芝士碎 芝味唔濃 亦唔會拉絲 但淡淡既奶味可以中和芥末既辣味 令成個湯底更易入口兩款麵都有豬肩肉同豬腩肉選擇 我就揀左較多人推介既前者 半肥半肉又分怖的確係非常邪惡但好食溏心蛋隨麵會有半隻 睇下！！！！佢既溏心蛋真係好溏心 完全係蛋漿咁 個程度係d蛋黃可以"漿"住你個口 而且蛋味都好濃郁 蛋白亦充滿醬油味道 的確高質呀！ 

在食肆集中的荃灣區工作最大的好處莫過於就地區之利放工想去那一家餐廳都可以省卻了等位時間，今次準時放工過來店未算多人，不過一過七點左右，店外便迅速形成人龍﹔平日拉面有特上原味豬骨拉面、特上黑蒜油拉面、特上日本芥末拉面和特上辛辣味噌拉面四款選擇，而面類也有幼面和曲面選擇﹔在等拉面的時候發現拉面店還設有WIFI和差電位，最細心是USB線也一併準備好，配套做到足跟貼香港人的需求呢。小妹選的是特上原味豬骨拉面($85)，先喝口豬骨湯，油份適中而不膩不過味道可以更濃，入口感覺順喉也頗好喝的﹔叉燒稱不上厚切也算不上半肥瘦，肉質偏瘦肥也不多，肉質是軟腍的但可以再肥些許的話，小妹覺得口感相對更好，才夠好吃嘛﹔拉面質地選了硬的幼面，能做到掛湯不過面的軟硬度看來可以稍為調整下，小妹平常喜歡較硬的面身，因為口感較好，但選了硬的面度也覺得太軟﹔飲品方面，有靜岡抹茶可樂($18)和山梨桃梳打($19)，雖然小妹一直都不是抹茶愛好者，不過看到抹茶跟可樂配搭趣怪覺得一試無妨，透明玻璃樽身透現出青綠色的抹茶可樂，入口其實跟可樂沒有太大分別，只是顏色上的錯覺﹔而山梨桃梳打呈現淡淡迷人粉紅色，入口桃味重但卻不會一味死甜，吃

這家豚道樂是一次捐血後發掘到的，店子小小的，充滿日本風味。相信店主是熊本熊的迷，店內不同角落也能看到它的跡影，忍不住要捕捉這可愛的小玩意。手機沒電的也沒關係，這裡有充電插頭，免費充到飽喔。這裡吃的是特式拉麵，肉類只提供兩款 - 豬肩肉與豬腩肉，有各類湯底可供選擇，而當中最吸引我的是芥末味道。飲品方面點上了蘋果梳打，原支奉上喔。不愧是日本的出品，果味自然，不是那種怪甜的味道，蠻順喉好喝的。芥末湯底青BB的，連帶麵條也被染得青綠勻循。提醒各位記得預先攪拌才吃，否則會出現被突然嗆到的滴汗情境（本人已中地雷）。麵條有曲麵與幼麵，可自選普通至特硬，又可加搭配料，與日本的拉麵店很相像。我這碗是曲麵，樣子就跟公仔麵如出一轍，而味道質感當然是較高質的，是帶爽滑實在的麵質，選擇普通的軟硬度也不會有淋身的問題。整體有驚喜的。Wasabi是只攻眼攻鼻而不算得上辣，並成功地把麵條完全索滿，味道是吸引滋味的。碗麵中心放有芝士碎，湯底熱力把芝士溶化了，與芥末麵條頗相襯。這裡主打的豚肉怕油膩的可選上豬肩肉，渴求滿口油脂的豬頸肉恰如其分。兩者肉質皆相當嫩滑，有在日本吃到的感覺啊。相反友人幼身拉麵則較軟身一點。碗內伴隨

那天經住荃灣的同事推介而去了荃灣的舖頭試食了豚肉麵； 我們當晚大約6：30到，那時的人不多，但我們已被店鋪的裝潢而吸引著。。。因為很美很舒服。。。而且伙記亦很友善。。。每人也有一張點麵紙的，我拿著看時忍不住看了有那幾種豬肉可以挑選～最終揀了特上原味豬骨拉麵，有豬腩肉，青蔥，幼麵，及額外要了溏心蛋；而同事跟我要的剛剛是相反麵一來時忍不住飲了一口熱騰騰的濃湯～ 很好味， 不太覺得有味精，而且湯的濃度是適中，不會令你覺得過咸或過淡～ 我這次點的豬腩肉不算太厚的肉，但脂肪比例卻剛剛好，很有口感，不太肥膩；而麵的軟度亦剛剛好，但味道不屬太特別，亦很大碗，我一個女的這樣吃會覺得過多。。。但最令我感意外的是溏心蛋，非常美味，這種溏心是一入口亦融的感覺，而且不會令你覺得太多太飽～ 感覺非常滿足而且這個青蔥配上這豬腩肉及溏心蛋及麵也很好吃～ 很襯這個麵的味道～而我朋友點的京蔥也不錯，大家都吃得津津有味～ 雖然連飲品也要每人差不多付一百元，但都覺得很值得

假日閒時近近地到荃灣逛街，起床經已是中午，直接吃個午餐再逛，行經一間好評甚多的拉麵店。再看看門前的餐牌，發現當中有兩款拉麵屬期間限定，只在星期六日有售，時間剛剛好，正好可以一試一踏進店內，就看到牆身掛滿了日系掛飾。而天花上除了有著一把把似是吊扇的掛燈外，還倒吊著一個個懷舊小玩意，非常特別。然而店內環境不大，只有兩張長木枱及兩排牆邊高桌，幸好食客不多，無需等候就能入座跟一般日式拉麵店冇異，同樣有著一張點餐紙，同時亦有提供一本厚厚的餐牌。餐牌上圖文並茂的介紹著每腕拉麵小食及飲品而點餐紙上除了可揀選擇不同的拉麵款式外，還可選擇不同的肉類,蔥類,油量,辣度,麵條種類及軟硬度。另外亦可追加糖心蛋、紫菜、椰菜、芽菜、木耳等。至於小食，就有餃子、燒芝士豚肉、韓式蒜蜜味叉燒。而飲品就有一般的汽水及六款日本進口飲品山梨桃梳打 $19［分數：8/10］日本進口飲品有六款，招財貓汽水、波子汽水、抹茶可樂、蘋果梳打、山梨桃梳打及提子梳打。每款飲品的樽子各有特色，最後我就選了山梨桃。粉色的梳打入口帶淡淡桃香，甜度不會過高。邊吃濃味的拉麵，邊喝著梳打，令人舒服非常，但一小瓶的梳打很快就被我喝完了炙燒芝士豚肉 $1

早排凍凍地特別想整碗拉麵嘆下 佢有好特別既味道WASABI就引左我去食啦 但去到見到辣味拉麵都吾少 所以嗜辣既我地嗌晒辣既麵特上辛辣味噌拉麵 $93辛辣味噌有得揀普通辣定激辛 我地揀左激辛試下 我覺得真係勁辣😣 食左一勺啲辣勁係舌頭兩旁竄動👅 即刻要飲野降火😅 但朋友食得到甘辣覺得好爽 特上既拉麵真係咩都有 木耳叉燒溏心蛋紫菜 溏心蛋係偏甜好流心既 我幾鐘意依隻甜味辛味蕃茄芝士拉麵 $88 相反蕃茄芝士麵就無溏心蛋($10)同紫菜(4塊$8) 但我大食加左料🙈 不過蕃茄芝士麵其實吾加料都得 因為芝士量好多😈 吾止面頭鋪既 下面一路食麵食到下面都有 但我肚餓得滯就無影到芝士拉絲既效果😂 豬腩肉半肥瘦好正 邪惡得泥又令人停吾到口😳 個湯底都重茄味 微辣 炙熱芝士豚肉 $16小食嗌左兩個肉 炙熱芝士其實幾大塊🙈 因為有兩塊豚肉 加上面既咸香芝士😍 豚肉好瘦所以吾會肥膩但我prefer既係燒到啲油脂出晒泥 甘先夠惹味😎 加埋偏厚既紫菜煙煙韌韌 幾好😏 韓式蒜蜜叉燒(豬肩肉) $23而另一個肉就淡淡蜜糖味 少少蒜香🙆 但整體味道稍淡 揀左豬肩肉係瘦啲既 鐘意瘦肉既人岩晒👍招財貓汽水 $15山梨桃

遇正胖蕉在荃灣分行工作, 就接他下班一起晚餐記得之前經過過呢頭有拉麵吃, 果然無記錯, 真係有拉麵吃就入去搵到個面壁的位置坐低了,  想不到座位上有得充電, IPHONE和SAMSUNG都有, 又不擔心爭線用@@比較吸引我注目的是有幾隻KUMAMON係到, 很可愛令我諗起此圖(網上借圖)是時候看看MENU有什麼好吃了..有些特別的口味, 令胖蕉都很興奮然後就用點餐紙點餐, 原來就是一碗點一張既, 將自己的要求都圈上去我就飲普通汽水,但是餐廳內都有其他比較日式的飲料的最近愛上了黑蒜味,吃公仔麵都改了吃黑蒜, 所以選了特上特上黑蒜油拉麵, 有趣的地方不是黑色的, 一上枱黑蒜油係一邊, 變得好與材料很平均位置, 味道濃而帶出鮮咸味, 叉燒就偏肥, 切薄薄的但好有咬口,溏心蛋很好吃, 中間真的做到流心的效果, 甜甜的入哂味胖蕉說佢的哇沙米拉麵比較吸引特別, 下次要試試

今日約左朋友黎到哩間充滿日本風既特色拉麵店開餐，可能十二點未到食飯時間，一入去只有幾位人客，但十二點半過後就開始滿座喇好鐘意打橫坐既高櫈位，部分仲有掛勾位方便人客掛衫掛袋，而且店主仲好貼心， 設有手機充電線比人客叉電添😍😍iPhone Android一應俱全！黑蒜油拉麵… 拉麵揀左幼麵，豬骨湯底濃郁，黑蒜油味道超香！揀左豬腩肉，切得薄薄透光，真係有入口即溶既感覺辛辣蕃茄芝士拉麵…湯底好黏稠， 蕃茄味完全可以包住拉麵咁啜入口🍜 當日拉麵只得幼麵，掛湯能力極佳(湯底夠傑嘛…) 餐牌寫有一隻辣椒仔，唔食得辣既我都接受到，同埋辣味唔均勻時濃時淡… 叫左豬肩肉，肉味比豬腩肉濃，肉質尚算淋嫩，面頭仲散有芝士，試過係拉唔到絲既！望落好似好多，不過芝士味就食唔出喇😭 追加既溏心蛋，蛋黃超流心！而且仲整得入味，好好食灸燒芝士豚肉…芝芝芝芝士啊哩個豚肉燒得好香，肉味都幾突出，而且豚肉有兩片，雖然話係一人分量，但食完咁大碗拉麵，哩個可以同多個人share，咁就唔會太溜太飽喇！同沙律菜卷起一齊食，唔油膩之餘仲好好味！餃子…哩個餃子應該係即叫即煎，因為都等左好耐先黎到… 不過又唔錯喎，餃子皮可能加入左醬油，所以

某日到 荃灣大會堂 看兒童話劇 .... 途經這間門面頗有風格的拉麵店, 於是入內幫襯 ~Menu ~餐廳的樓底特高, 裝修滿有時尚的日式風格, 感覺新潮又有朝氣 ~Menu & 點單紙 ~特上黑蒜油拉麵 $ 93湯底是豬骨湯, 黑蒜油, 配料有 蒜粒、叉燒三片、黑木耳絲、京蔥、流心蛋、紫菜 ~呷一口湯 , 豬骨湯濃稠 , 膠質頗重 , 油份適中而不膩 , 黑蒜油味香濃 , 富層次感, 入口感覺順喉 , 鹹度適中 , 味道不俗 ~溏心蛋, 呈淺啡色, 流心的程度掌握得很好, 半熟呈橙黃色的蛋黃味道夠濃, 蛋白又香又滑, 口感一流 ~麵是偏向直身的幼麵, 掛湯力強 , 咬下Q韌而富彈性 ~叉燒不太厚身, 肉質偏瘦 - 是8分瘦2分肥, 肉味夠濃既入味又軟腍, 一口咬下, 頓感滿足 .... 若是肉質肥潤些許, 必定會更好吃 .... 我個人覺得, 叉燒就是肥的, 夠甘香豐腴, 才好吃 ~  本篇完 ~

今日晏晝無咩做就落街行下，跟住見肚餓了就即刻openrice搵野食，見呢間拉面店我未食過，於是就去左食下。一去到見到已經唔少嘅食客，可見間野都幾受歡迎。呢間餐廳係好日式風格嘅方式去叫拉面，客人可以根據自己嘅喜好黎叫拉面，咩都有簡架。我叫嘅係黑蒜拉面，入口好香蒜味，雖然睇落有頭小小油膩，但係食入口完全無呢啲感覺，而且我簡嘅係超硬面度，入口真係勁道十足，絕對無欺場架。面量亦都十足，真係認真抵食我另加了5蚊木耳，竟然有一小碗咁多真係令人驚喜芝士豚肉豚肉唔算肥，入口肉質又唔粗糙，同芝士夾埋一齊食，多了一重口感，令人更回味無窮。蘋果梳打食左咁多野緊係要喝番啲野喇，蘋果梳打令我消除食咁多野嘅油膩感，令人好舒暢，

豚道樂早已不是新店，有段日子在荃灣工作便常有經過，卻始終的不起心肝來吃。畢竟，八十至一百元的拉麵不難找，而且付這點錢，覺得物非所值的風險又是頗高，再者，荃灣是個食肆集中的地區，食物好吃而消費較低的食店往往更得到青睞。這天，冒着風和雨，心血來潮也就來了。黑蒜油是個大路的選擇吧，雖然得到的湯色討好，嗅上去也香，但意外地味道卻不覺特別的濃。這湯頭的質感是令我聯想到自開張時吃過一次就再沒去過的豚王，是一種不細滑的厚度，好像把搗爛的烚雞蛋黃混進了湯裡的感覺。麵條我也不很喜歡它白白幼幼的，它又不見得很會吃湯。兩種豬肉和那溏心蛋是比較得我歡心的部份，但也不至於能讓我愛上。或者，該點青芥湯底才更能欣賞到這裡的特色了。這裡算是坐得舒適的，景觀也開揚，麵碗也雅觀得體，另外，提供wifi及叉電位也是切合香港人需要的，一切配套都做足了，卻並不是我心目中的那碗拉麵。