豚道樂 (大河道) (已結業)

對荃灣區唔算十分熟識，不過係街上見到呢間拉麵店門外排滿人，吸引左我去試試佢嘅風味。餐牌上主打嘅都係各種拉麵，而咁啱今日係星期日，有得揀選呢個特上海老湯拉麵，我當然就要食啦。濃濃嘅湯底，有著濃郁海鮮嘅味道，再配上數量都幾多嘅海老，夠晒真材實料。而配菜溏心蛋做到流心嘅感覺，豬腩肉脂肪比例均衡，肉嫩，豬肩肉有咬口，肉味香濃!而呢客嘅小食餃子，賣相吸引，外皮煎得金黃，肉汁豐盛。最後以呢支日本直送嘅蘋果汁作結，感覺夠滿足。

今日係星期六，又係時候周圍覓食！嚟到荃灣區，見到有一間幾多人讚嘅鋪頭，諗住喺度試一試！今次選擇嘅係日式嘅拉麵小店，大家睇睇個餐牌先！拉麵方面，佢有唔同嘅湯底，另外又有幾款小食，怕唔夠飽嘅，可以叫埋小食就啱啱好。唔同嘅拉麵，都可以自己選擇曲面直面、面嘅硬度、湯底辣度同埋走唔走䓤。係嘢食嚟到之前，我哋周圍望吓，見到裏面嘅裝修都好有特色！抬頭望望，上面有舊式風扇形狀嘅燈，同埋一啲倒吊住嘅劍球，都幾有趣！旁邊嘅係開放式嘅廚房，上面亦都有兩塊日式嘅傳統怪獸圖案嘅布。窗邊嘅吧枱，每個位置都有充電線，嚟食拉麵可以順便充充電！返返去食物方面，先來介紹一下小食。韓式蒜蜜味叉燒（$25）味道幾好，蒜嘅香味加上甜甜嘅蜜糖味，幾開胃。而肉既質感都唔錯，中間嘅油脂分布得幾均勻，有少少油甘日式餃子（ ＄30 )煎得幾香，每隻都大大隻，肉汁都幾夠灸燒芝士豚肉（ ＄18 ）芝士控一定唔可以錯過，豚肉上面鋪滿厚厚嘅芝士，上面亦都加左香草同埋辣粉作調味，感覺唔會太漏。特上黑蒜油拉麵（＄93 )呢款拉麵有好香濃嘅黑蒜味，上面亦加左蒜粒，都幾香口！特上海老湯拉麵（$98）呢個海老湯係周末限定，逢星期六日黎到先至有得食，一嚟就

餐廳不大，地面位置大約十來個，其餘是吧桌面壁或向店外座位。部份位置好像還有差電位提供，吾等坐地面桌，桌下亦有掛鈎供客人掛袋。特上原味豬骨拉麵，包括半隻糖心蛋、一片肩肉、一片腩肉、木耳、荵花。品嚐一下湯底，熱燙出煙，濃郁豬骨味麵條未算特別，但粗麵起碼較粗，口感較佳，本人選吃特硬，軟硬度則剛好，嗜硬麵者齊來選特硬！小食韓式蒜味蜜味叉燒，不太肥僅少許肥肉，甜甜的蜜糖在肉面頭，更添滋味。同行人士最喜愛日式煎餃子，儘管一試，意料之外的皮薄而內裏餡料不少，不錯首嚐抹茶可樂，原味可樂配上淡淡抹茶香氣，既特別又有香氣，值得一試。白提子梳打，淡淡提子香的汽水般，喜抹茶的本人大喝一句：「我嗰個好味啲」！特上海老拉麵，不算太熱，蝦味香濃。

呢晚準時收工出荃灣食飯! 由地膽朋友帶路到大河道嘅豚道樂食拉麵 地鐵站行去大概10分鐘，大前提係要識路~ 我當然交比朋友帶路由於我地6點半去到，walk-in仲有好多位，7點後陸續有人入座好快full ~店入面嘅裝潢都幾特別，牆上掛滑板掛飾，天花上係一D日式玩意~仲有紅色貨櫃 & 鎢絲燈，充滿型格工業味! 另外，店員 & 廚房師傅都好young，感覺係新派有活力嘅拉麵店信州白提子梳打$21 + 信州蘋果梳打$21雖然檯面有自助水壺，但我地就想試下D特飲我叫的白提子梳打，好味又唔會太甜 ~友人的蘋果梳打，comment 一般 ~特上原味豚骨拉麵 $85我地不約而同叫同一款拉麵 朋友話係推介!一碗有哂豬腩肉、豬肩肉、紫菜同糖心蛋 ~拉麵有得揀粗幼，我認為識食一定係食粗麵，有咬口 & 口感正D拉麵一上檯賣相好靚，隻碗仲印有豚道樂 !先試一啖湯底，豬骨味濃郁 ~叉燒大塊而且好嫩滑，豬腩肉厚身D，有油香 ~溏心蛋一咬落去就有流心蛋黃，蛋香充斥整個口腔~ 拉麵好好味 & 我一定會encore 日式餃子 $30呢碟煎餃子係出乎意料地好食! 我直情可以一個人食晒成碟餃子皮薄餡多， 餡料好結實 ，外面煎

同友人到荃灣閒逛，上次都係食呢間門口有兩三人等候，大約十分鐘就安排入座Bar枱位置有得叉電，都幾細心飲品先到我叫咗白提子梳打，唔太甜又夠氣，幾好友人則點了此綠茶可樂，一開就聞到大大陣綠茶味，隔兩日友人到便利店再飲其他牌子綠茶可樂，表示此綠茶可樂較佳友人點了原味拉麵，湯底夠香濃我就點了特上櫻花蝦拉麵，頭啖湯有濃濃蝦鮮味，櫻花蝦數量多得驚人推介大家食粗麵，爽口彈牙，掛湯能力高無需用匙羹都可以做到一啖面一啖湯嘅境界仲追加咗呢個肉，味道甜而不膩，用蜜糖燒又可減少油膩，大讚餃子控嘅我，點都要食餃子，皮薄，肉好多點咗餃子汁去咗油膩感成餐拉麵一d都唔油膩但係唔小心發覺友人原來係個油膩男

好耐無分享美食啦😆近排忙返工，都無乜時間分享。。。今晚終於有時間去我喜愛、久違了的拉麵店😍小食-炙燒芝士豚肉第一次食，覺得挺特別！將豚肉鋪滿芝士輕輕烤過，香味十足，一拉，芝士餡多，好吸引，入口芝士香連豚肉肉香，邪惡得黎又滋味餃子皮薄，外脆，吃下去還有肉汁主食係驚喜！平日限定的鰹魚拉麵！一般拉麵店都是主打豚骨湯，但這裡有少見的魚湯呢！一上枱就聞到很香的魚香湯味呢！先喝一口感受一下，骨膠味重，似乎用料很足，吸收了不少精華呢！我很怕吃軟淋淋的拉麵，所以我選了硬的麵質，水準亦掌握得很好，因為本身拉麵湯底夠熱的話，亦可以令麵質慢慢軟下來，所以這方面值得一讚！伴麵的豬肩肉亦很高質，脂肪和肉的比例剛好，不會吃下口一口肥膏的感覺，不錯！飲品還點了特色飲品，信州提子汁，令呢餐感覺更豐富價錢大眾化，令人可享用超正點拉麵留意返開店時間，就唔會白撞啦！

是日午餐決定來吃日本拉麵坐下便奉上低於室溫的冷水十分貼心但的還是喜歡全透明的玻璃杯我點了平日限定的特上魚介豚骨拉麵鰹魚味相當突出但豚骨味卻較淡我想是兩者比例上失了平衡十分喜歡他們的豚肉豬肉味濃郁肥瘦相宜敗北點在於其筍子沒有筍香之餘更帶酸味朋友點了特上黑蒜油拉麵   特上黑蒜油拉麵的特上即是多了溏心蛋和豚肉溏心蛋富醬油味及蛋香溏心效果足豚肉大片偏薄相對地易於咬開咀嚼肉味濃且數量算多黑蒜油湯底非常濃厚稠度堪比沾麵充足油香麵就選了硬直麵份量頗多濃湯底很適合大口大口地吃麵已掛足油和湯可以盡情享受一口氣吞食的滿足感。灸燒芝士豚肉感覺很韓風的食法不過味道很夾餃子大隻飽滿餃子皮煙韌內有肉汁夾開前要注意檯的充電線可以免費充電相當貼心店家又提供加錢加湯加麵的服務

今日約咗朋友食晏，朋友話去豚道樂食拉麵，我第一次去，坐得都幾闊落，唔會好迫，裝修好有日本feel，仲有好多日本公仔擺設，好特式。朋友推介特上黑蒜油拉麵，有兩款麵比你揀，有曲麵同直麵，而我自己本身鍾意直麵多D，鍾意佢幼幼地，而且掛湯力又高，個麵都好多餸，有豬肩肉，豬腩肉同半隻溏心蛋，都好豐富。溏心蛋雖然細少少，不過味道幾好，蛋黃金黃色，所以忍唔住，一啖食佢先，好好食。豬肩肉薄薄地一塊，好鬆軟又吾靱。豬腩肉就好大塊，厚切少少肥肥地，不過食落又唔會好油，口感唔錯。其實食餸都飽咗一半，加埋木耳絲，芽菜同埋蔥，真係飽晒，仲有一定要讚嘅佢地嘅黑蒜豬骨湯底，入口好香蒜味，又有濃厚豬骨湯味，但又唔會好鹹，真係一流。朋友個特上豚骨拉麵，其實同我碗差唔多，係少咗黑蒜，所以入口豬骨味會濃D，而佢叫咗曲麵，D麵粗D，朋友話好爽口彈牙，攪到我下次都想試下。食拉麵一定會叫埋日式餃子，熱辣辣新鮮即煎，面層煎到金黃色，好香好脆，而裡面又好juicy，點埋餃子汁，好正。韓式蒜蜜味义燒，有肩肉同腩肉揀，我就揀咗肩肉，香蒜炸過放係喺面，入口好香口，又甜甜地，一啖食晒，啱啱好。炙燒芝士豚肉，燒溶咗嘅芝士喺面，少少濃濃地，同埋

作為荃灣一粒小地膽，過往談及荃灣拉麵，擺得上檯面的好似得一間。仲要排餐死。終於今日多一間，豚道樂。位於大河道近鱟地坊，天橋下去走幾步就到了。裝修新淨，座位頗多，這天剛好一批吃完後了，於是不用排隊。有面壁高檯有低檯，坐得不算迫。侍應招呼亦殷勤有禮，吃完也沒有被趕的感覺。事前看一看，很多人推介Wasabi拉麵，我就反其道而行，吃別的！（大家講來講去都一樣，有咩意思呢？）看中這一個：特上魚介豚骨拉麵($98)因為另一間都有，那就可以對比一下。（實情又係「限定」２字的情意結……）可以自選加配菜和拉麵的種類，分了九州風直麵和札幌風曲麵，其實餐牌上已寫明啥配啥較好。相當細心。我選了較彈牙的曲麵。特上魚介豚骨拉麵($98)上檯一刻，溫度夠熱，配料十足，賣相不錯。呷一口湯底，濃淡相宜，粉感近乎零。香濃豬骨味，而膠質不算厚，算是飲得比較舒服無負擔。拉麵質感果然彈牙，富蛋香，掛湯力亦不俗，配上魚介豚骨湯底是match的!（寶寶果然沒有揀錯喔～）不算硬，但有嚼口。而且吃得出拉麵頗新鮮。溏心蛋非常好，多一分太熟，少一分太生，香甜，好！整體來說，雖然談不上是「非常驚喜」，但整體幾balance，沒有大扣分位，算

週二晚上, 同細佬來到荃灣 刷動漫Cafe... 隨便把晚餐解決!!! Openrice一下, 附近有拉麵, 六時多來到豚道樂, 剛好不用排隊入面很有日式風格, 環境簡潔, 有吧檯/有6人拼桌...熊本熊筆😍畫都畫得開心d啦我同細佬一人點了一個特上拉麵吃...特上係包左青葱、木耳絲、紫菜，豬肩肉，豬腩肉同溏心蛋 (呢d全部都可以散點;另加的)適合食量不大，但又想樣樣都試d的我地^0^我㨂左 - 特上黑蒜油拉麵大大碗拉麵熱辣辣上枱... 黑蒜油豬骨拉麵 好香好濃的黑蒜味!上面仲灑上香脆嘅蒜乾，鍾意蒜香的人會好喜歡。湯底濃郁偏咸，豬骨味就唔太突出; 拉麵我選了特硬幼麵，煮得剛好, 質感不太軟身亦算彈牙, 不錯 我最欣賞溏心蛋，溏心蛋醃得好入味，蛋黃半熟 都算幾流心，外層蛋白沾有淡淡的醬油香，入口滑溜 同埋,, 加左半隻蛋仲可以突出左碗拉麵ge造型，可以用錦上添花尼形容，所以食拉麵記住點la!!!豬腩肉肥肉較多，望落有點肥，但油膩感也是可接受的範圍，入口爽口 有咬口，好食！豬肩肉肥中帶瘦，肉質鬆化, 相當不俗的細佬㨂左 - 期間限定ge 特上雞豚白湯拉麵拉麵佢選了硬曲麵貪可以掛湯咁話wor…

約左荃灣friend食午餐，佢話帶我去食拉麵，我都以為係普通野，應該係港式個種，冇咩expectation，點知原來咁日式，有驚喜！店舖雖小，但係佈置得十分精緻，有好多傳統日式擺設，日本氣息濃厚。高座仲有得免費充電，好啱我呢D電話成日唔夠電的人。店內有個紅色貨櫃箱和燈飾既特別又新潮，一D都唔老土。仲有熊本熊筆俾你用！飲品十分有特色，忍唔住要點山梨桃梳打($21)和靜岡抹茶可樂($20)，peach味濃郁，好味道 ;抹茶比較清，夾可樂，真係未飲過。期間限定的特上雞豚白湯拉麵($95)有豬肩肉和腩肉、蘆荀、大量芽菜、紫菜2塊、糖心蛋半隻和葱，配札幌風曲麵，非常有質素的拉麵。一般的ramen都係配厚身或薄切叉燒，好少用豬肩用，而且係炙過的，肉質嫩滑香口，又唔會肥。特上海老湯拉麵($98)都好推介，橙紅色的湯底好吸引，帶濃郁的蝦味，配九州風直麵最適合不過，可以掛到更多湯汁。櫻花蝦配糖心蛋，口感一流。另一名物非糖心蛋莫屬，超級好味，橙黃色的蛋黃質感控制得好好，軟中帶點結身，但唔係未熟流蛋汁個種，令我再三回味。韓式蒜蜜味叉燒($25)可以揀豬肩肉或腩肉，個人覺得肩肉比較有特色，蒜味香，蜜味甜，豬肩

豚道樂 荃灣大河道 63 號 地鋪喺荃灣區一間拉麵店 以拉麵店黎講算大 有一搬長枱坐位亦有對牆坐位 同傳統拉麵店一樣 有好多醬料 好似葱 辣粉 仲有大杯凍水俾客人用特上海老湯拉麵 93 蚊直麵 特硬度 有葱 有辣醬 配上豬肩肉 豬腩肉 溏心蛋半隻 同紫菜外表顏色鮮豔 有綠色既葱 白色既芽菜 勁多粉紅色既櫻花蝦令到麵好好口感 當然最有口感係佢既超硬直麵 麵好煙靭彈牙 充滿麵香 豬肩肉 好爽滑 肥瘦適中 而豬腩肉切成圓形好肥味 充滿豬油香 而糖心蛋好香甜香滑 最正係將上面所有材料浸落 海老湯入面 , 湯底好香濃蝦味 落足料 整體好出色 !特上辛辣味噌拉麵 93 蚊曲麵 普通硬度 有葱 有辣醬 配上豬肩肉 豬腩肉 溏心蛋半隻 同紫菜以木耳 芽菜 黑芝麻做裝飾 上面放左脆紫菜 香甜糖心蛋 肥味豬腩肉 同煙靭豬肩肉 湯底好香濃 密度好高 一飲落去有好香濃既辣味 辣得黎帶點甜味 , 鍾意食辣既朋友可以試下 而曲麵同 辣湯底都幾襯 麵身完全吸哂 湯既辣味 而且同燒過既叉燒味都幾match 都幾惹味 整體唔錯日本汽水山梨桃梳打 21 蚊粉紅色既汽水 梳打味既泡偏多所以飲落有口感 桃味香濃 唔錯

似在日本食到的味道@豚道樂 早幾日趁上堂前有少許時間,便同同學在附近食點東西。同學帶路下到了大河道豚道樂 聽同學講平時豚道樂有好多人食，門口不時出現等待的人龍！可能時間尚早，人不萛太多 六點半左右餐廳半滿，食客以年輕人居多～ 半自助式服務，自己下單，之後自己拿餐具和調味料 冰水供應這點非常讚，在日本據說用冰水去招待客人是表達尊敬的心意，而且食熱辣辣的麵，喝冰水真是很舒服 這裡的拉麵不同日子都會推出限定，原本我想食在ＯＰＥＮＲＩＣＥ好多人讚的上海海老拉麵，但原來只會在星期六日才供應，那我唯有點其他啦～ 跟據自己喜好去點單，喜歡硬一點軟一點，又或是想要走青等，一一由自己決定 不夠飽也可以點小食，只有三款供應，有日式餃子，韓式蒜蜜味叉燒和火灸芝士豚肉，始終拉麵才是主打吧 飲料有除了汽水外還有很多特式日本直送飲料，我點了信州白提子梳打＄２１ 味道好香甜，入面有果汁成份，而且夠凍，很可口呢 加湯＄１０ 多蔥＄３ 加麵＄１２（送湯）男士不夠飽加底其實頗抵食的 不一會兒就到了，即叫即整熱呼呼的 我點的魚介豚骨拉麵$８５ 看到名就知道是魚味的豬骨拉麵啦，喝一口湯，味道超鮮甜，而

Mr. Richardson黎左香港，記得當年佢係我既師傅，成日好好心咁教我做野，今次佢黎香港，我梗係要盡下地主之誼招待下佢啦！佢一直澳洲生活，西餐佢就無乜興趣架啦！佢住係如心酒店，所以就係荃灣搵食啦！行經間拉麵店，日本野澳洲比較少食到，於是就入去試下。宜家既拉麵店都係細細間，呢間都唔例外，師傳話好有日本feel，一如以往，都係自己寫紙叫麵，師傳揀左雞豚白湯拉麵，係一期一會，限定架！而我就揀左特上黑蒜油拉麵。我地都分左一小碗比對方食，先試左師傅個雞豚白湯，本人覺得雞味較重，豚味較少，雞味似係新鮮雞煲既味，飲落唔似係有味精，曲麵煙靭彈牙！黑蒜油味好特別，一開始食時我以爲係出前一丁麵豉味，好濃，先係湯已經味濃，濃厚既豬骨味，另外黑蒜味亦好重，食落好似wasabi咁攻上鼻咁，蒜味好香好重，除左湯有蒜，連麵面都有好多蒜粒，如果你係喜歡蒜既人，一定會喜歡！麵內都有好多配料，叉燒，溏心蛋，木耳，紫菜等等，叉燒有分肩同腩，腩肥肉較多，都算大，有等隻手掌咁大塊。除左拉麵，我地仲叫左小食同飲品，小食有三款，餃子即叫即炸，入面餡料只有豬肉，無菜，餃子皮厚有肉汁，一咬必晒肉汁。灸燒芝士豚肉只係一人份量，熱融

This is quite a decent Japanese Ramen place in Tsuen Wan. The interior design is quite impressing. There are around 20 seats, with some high chairs. And there are cables for you to charge your phones if you are eating alone on the high chair or your phone or other gadgets happen to have low battery. Let's talk about the ordering procedures. They offer cute pens for you to take the orders. But the way of taking orders is rather not  environmentally friendly. They require you to order every ramen