蟹慶 (已結業)

朋友請食生日飯，大家都想食蟹，立即諗起SOGO隔離嘅蟹慶，坐低見到依家蟹慶會席由 $1976減到 $1776兩位，好豐富，就叫了這個。前菜三點分別有蟹肉沙律、螢光魷魚和牛蒡，食完好開胃精選廚師發板刺身4點唔止4點，係5點，有深海池魚，金目鯛、帶子，蟹肉刺身，牡丹蝦，新鮮肥美蟹肉蒸蛋蒸蛋內有一絲絲嘅蟹肉、三文魚子、菇同銀杏，鮮香濃郁，仲好滑蒸毛蟹呢個係我全晚嘅最愛，用嘅係毛㙰，全隻蟹上，原汁原味，廚師好細心，已經剪好晒，食得好方便，就咁食已經好鮮甜，點埋個由廚師自家製嘅水雲蟹醋，蟹肉更鮮甜，簡直係錦上添花，當然仲有好鮮甜嘅蟹膏。浜燒蟹腳一人選一款，分別有松葉蟹腳同鱈場蟹腳，兩款都多肉鮮甜，如果喜歡海水味嘅可以選擇鱈場蟹海鮮天婦羅盛合有，蟹腳、蝦、南瓜、茄子，食完好滿足甲羅燒 松葉蟹膏加鵪鶉蛋放响蟹甲上燒，蟹膏味出晒，乾乾哋，放在蝦片上，好香口，比多幾片包我都仲得松葉蟹斧飯一絲絲嘅蟹肉，加上蔥花、芝麻、黑松露個飯真係好香口，好野味，仲有少少焦香添最後飲個湯，仲有食埋個蕨餅同綠茶布丁做作甜品，呢餐蟹宴就完滿結束了