蟹仙海鮮蒸氣鍋 (龍崗道)

營業中

休息中

依到既套餐有每位$298.$398.$498.$688,不等, 價錢豐儉由人任君選擇,但係咁多個套餐都有一個共通點,就係每個餐都已經可以食到好多款海鮮!!!今日同朋友一行二人,選左個每位$398既套餐!!一開始店員放一個粥底,裏邊有南瓜同豬骨,醬油方面就有得加蒜蓉同辣椒!!!起初啲嘢食嚟到準備開動之制,原來呢度會有店員埋黎代勞為客人蒸埋,每樣食物都會用計時器計時拿捏到最佳既蒸煮時間,蒸好分畀客人食 ...鮑魚海蝦貴妃蚌生蠔龍躉大蟶子!!!其實用一個字已經可以形容曬依碟野!!就係一個字"鮮"好新鮮!!! d蝦爽彈,蝦頭又有膏!!!一邊係越南頂角蟹一邊係菲律賓大黃蟹,有圖有真相,d黃d膏多到咁,好滋味,最緊要係真係好新鮮!!!野生瀨尿蝦依隻係野生嘅瀨尿蝦而且好大隻佢嘅size係我半個手瓜,佢呢度嘅食法呢已經係蒸好咗攤凍,即係好似潮州打冷蟹咁嘅食法,又唔腥喎食起黎,原先都冇酒意㗎冇諗住飲酒就係食咗呢隻瀨尿蝦突然間好想隊番杯!!!食到有黑啤,唔係到到有呀!!!正!!!飲飲下酒送咗碟炸魚皮畀我食,哈哈!!!呢度嘅人好熱情,當晚都見到有啲熟客仔係到同店員傾計,個炸魚皮脆卜卜送酒一流!!!呢隻澳洲青

蒸氣海鮮近年係香港成為潮流，而因為清蒸既關係，食材質素顯得格外重要。而今晚去到九龍城食既蟹仙，就係以直銷海鮮作金漆招牌。我地兩人每人點了一個共十款海鮮既套餐。先小試牛刀蒸大蝦!蒸籠一般都交俾餐廳操作，由佢地決定清蒸時間，當夠鐘後就會嗶嗶咁響就算食得啦～蒸海鮮非常重要係全熟，而隻蒸蝦時間就掌握得好好。食落肉身爽彈，蝦頭非常多汁。接住落黎，再蒸既有大元貝，龍躉片，韓國慶南蠔，蟶子，貴妃蚌同鮑魚。非常難得貝殼類清洗得好乾淨，餐廳都將內臟剪走左，清蒸後鮮味猶在，濃濃海水味豉油都唔落了~接住黎其中一道重頭戲~野生琵琶龍蝦!呢種琵琶龍蝦出名難養，所以一食一定係野生!琵琶龍蝦開邊蒸十多分鐘~看到透明肉身變做雪白色，食得~琵琶龍蝦比一般龍蝦size細一d, 頭比例都細d, 不過肉身質地爽彈，蝦膏清甜而不膩，個人幾喜歡~琵琶龍蝦之後就係澳洲龍蝦~一樣係開邊蒸~對比之下，澳洲龍蝦味道比較濃，金黃色蝦膏味道就更明顯。先食琵琶龍蝦確實係有心思安排，有輕至濃。肉質方面澳洲龍蝦更為結實。而同場另一重頭戲就係頂角膏蟹 同大黃奄~!橙色及綠色膏呢一隻就係頂角膏蟹，據聞呢個品種既蟹主食係綠海草，所以爆膏都係綠色，味道超

小妹最喜歡吃海鮮，海產集鮮、甜、甘、咸，味道層次複雜，無論用任何烹調方法，都能夠帶出海鮮精粹。不過若果你問我，新鮮海鮮當然以原汁原味為首要烹調方法為佳！最近食左間好正嘅蒸氣海鮮餐廳，九龍城區小店，但來頭一點也不弱，老闆是食材買手，亦係行家，親自同挺家取貨，所以食材品質有保證！今晚試一試$398海鮮粥底蒸氣鍋套餐，有蟹、蝦、貝殼類，單單係蟹已經用上越南頂角糕蟹、菲律賓大黃奄，對於蟹痴來講呢兩種蟹係極品，而且非一般餐廳會入貨！既然店名叫蟹鮮，蟹一定要生猛新鮮，因為蟹一死，肉質就會發霉，尤其是用蒸煮嘅方法，點都露出真面目，所以一定要用新鮮活蟹。已$398嘅套餐來講，小妹覺得絕對超值，足足有10款食品，當中舊款係海鮮類，自己買都買唔到呢個價錢，而且用蒸煮嘅方法一定要夠火喉同埋時間蒸得啱啱好，响呢度食有專人服侍，而店員好親切，久唔久會問吓我哋啱唔啱食，或者介紹吓海鮮俾我哋認識，其實我幾鍾意呢佢係有心嘅小店，同食客交流一番！除咗鞋之外，呢度亦有一種叫琵琶龍蝦嘅罕有海產，野生琵琶龍蝦處於深海同埋石隙之間，比較難捕獲，呢度講明食野生琵琶龍蝦，果然肉質彈牙鮮味，我自己都係第一次食！食足九樣海產食材，每樣

一直都好鍾意食海鮮，友人帶路話九龍城開咗間蒸氣海鮮鍋店，一定要試啦！老細係做海鮮批發，啲魚蝦蟹保證新鮮。唔好睇少呢個海鮮拼盤，食完再食埋個粥係超級飽。每樣海鮮都好大隻好新鮮，店員又會幫手蒸，好食又好服務。越南虎蝦 - 肉質結實又彈牙蠔 - 蒸完冇縮水，又有海洋鮮味，好juicy鮑魚 - 好結實，好鮮甜蟶子 & 貴妃蚌 - 彈牙魚片 - 係60斤大龍躉深海龍蝦 - 因爲生活喺水底，要用力活動，肉特別結實琵琶蝦 - 第一次見，雖然其貌不揚，但係野生的，肉都特別好食，真係好正奄仔王 - 又係好正，啲膏好多好滑。好多肉，唔會水汪汪，絕不欺場。食完一輪海鮮，要食蔬菜平衡返。粟米好甜。最後就要食埋吸收哂海鮮精華嘅南瓜粥，食完男女都一定會覺得飽。成餐都食得好開心，因為真係好好食。

友人好鍾意食海鮮，上網搵咗呢間餐廳同佢一齊嚟試下食。海鮮係由做海鮮批發嘅老闆親自揀，所以質素好有保證。我哋揀咗$398嘅海鮮套餐，另外如果當日提供嘅海鮮比較細嗰陣會有個較平嘅餐選擇。員工會幫手蒸同介紹返每一款海鮮，服務同態度都好好！第一份嚟嘅海鮮拼盤。虎蝦長過隻手指，蝦肉鮮甜肉厚，口感厚實。貴妃蚌口感爽脆，味道好鮮甜。蟶子好肥美，入口爽脆有口感。元貝大大粒好肥美，味道香濃清甜。鮑魚口感嫩滑有嚼勁。蠔蒸完無縮水，味道鮮甜嫩滑，仲有淡淡嘅海水味。龍躉片係來自60斤嘅深海大龍躉，口感細膩幼滑好有魚味。第一次食琵琶蝦，雖然外表有啲奇怪，但味道超級鮮甜，咬落爽口彈口，好好食！澳洲野生龍蝦雖然味道無琵琶蝦咁鮮甜，肉質較結實啖啖肉，仲有香濃嘅蝦膏都好正。最後一款海鮮係員工力讚嘅招牌奄仔王，蟹膏滿滯味道香濃鮮美，蟹肉唔腥勁鮮甜有層次，果然好味！蔬菜籃清淡夠健康，仲可以解下膩。最後飲埋吸咗咁多款海鮮精華嘅粥，完成好味滿足嘅一餐！

一心想試$298餐。一到店店員解釋因為休漁期$298餐暫時沒有供應，細心看看餐牌，發現$298餐和$398餐的差別是多一款海鮮，奇怪為何沒有$298餐供應，堅持下店員說有貨供應。明顯地，硬銷食客光顧$398餐，這很反感。說說食物質素，除了蟹和龍蝦，其他海鮮並不新鮮，明明是泰國海蝦，店員說是虎蝦，有雪味，不彈牙。青口、鮑魚、蟶子均無鮮味，說不上是海鮮。另收醬料和加一。最後的粥底也不值一提，由於海鮮不新鮮，粥底沒有鮮甜口味，水份太多，吃不下。糖水贈送的也沒嘗一口。整體而言，性價比低，店員不老實，不會再光顧。

慶祝中秋節，約左家人一齊食蒸氣海鮮。餐廳用左竹帽外形既蓋黎蒸海鮮，冇咁容易俾個竹籠燙親，有侍應會serve你，幫你睇時間，覺得幾好。餐廳裝修簡單，一分錢一分貨，俾既錢去哂食物度，都有八人大枱，所以一家人黎食都岩。店員說他們的老闆每天都會親自揀貨，我都冇佢地咁識揀喇，因為每隻都好新鮮生猛，特別係蝦同蟹。二人情侶套餐好抵，我地今次食左了$398/位海鮮套餐，包括越南頂角膏蟹、澳洲青年龍蝦、翡翠九孔鮑魚、日本大元貝、越南貴妃蚌、泰國海中蝦、深海龍躉片、紐西蘭青口及有機蔬菜籃，到最後有南瓜排骨粥和木瓜雪耳糖水。我食到龍蝦果個位已經覺得好飽喇，仲有蟹同龍蝦，粥同糖水未食。 今餐最正係材料新鮮，同家人一齊食，慢慢拆蟹好過癮。 懶尿蝦家人未見過咁大隻懶尿蝦，啖啖肉韓國蠔： 見到都仲想食海中蝦都好厚肉，入口鮮甜，日本大元貝，鮑魚，蟶子 琵琶龍蝦見到似蝦，食落似龍蝦越南頂角膏蟹係今餐戲肉，實在太正喇，蟹味勁鮮甜，蟹膏滿瀉澎湃澳洲青年龍蝦d肉好結實 ，就係呢度食到我飽

蟹仙既海鮮非常新鮮，根據海鮮大細分開蒸，有專人服務你，幫你蒸同夾俾你。食梗一兩種海鮮，再蒸另一種，好似食自助餐咁食唔停口，又新鮮蒸出黎唔會凍左。比起食九層塔海鮮更好，因為九層一齊蒸食到尾有d太熟。野生懶尿蝦有成隻快子咁長，預先蒸好，店員幫係拆殼同切件。澳洲青年龍蝦，琵琶龍蝦，大蝦，韓國蠔，元貝都很鮮味。我地食得好滿足。大家最愛是越南的頂角膏蟹，呢隻蟹有好多橙紅的蟹膏，量多鋪滿至蟹蓋的尖角，十分肥美飽滿。食一隻等於食人地三隻咁多膏。套餐更有蔬菜和甜品，惟欠了自家製飲品。覺得呢間物有所值，最重要係唔駛自己搬自己洗刷海鮮，呢度既海鮮好乾淨冇沙冇泥。更加唔駛自己去揀海鮮，街市好少有咁大隻既海鮮，通常都係細小d既。

尋日同朋友一行九人去飯聚朋友介紹呢間幾好食，果然冇失望食物非常新鮮，樣樣都爆膏！不過有大食男友人略嫌食物不夠飽老闆好好人，送左碟小食請我地食晚飯又有糖水食，而且糖水不太甜非常岩女仔食！

朋友買左新車，決定去九龍城食海鮮，擦餐勁既好爽。餐廳有幾個set, 又可以散叫，餐位每位$298至 $688都有，豐儉由人。我地揀左398呢款，餐廳話因應來貨，大隻海鮮就俾左398個餐度，細隻會去左299果度，所以要睇返果日有冇食神。今次每款海鮮好新鮮又大隻，我懷疑係因為過左休魚期冇耐所以特別大？翡翠九孔鮑魚vs日本大元貝越南海虎蝦vs韓國慶南蠔野生花尾龍𧄌片vs越南貴妃蚌vs韓國慶南蠔澳洲青年龍蝦越南頂角膏蟹野生瀨尿蝦野生琵琶龍蝦有機蔬菜籃娃娃菜, 生菜, 南瓜, 粟米南瓜粟米咸肉粥甜品精華盡歸粥內，如果個餐包埋飲品就prefect喇

第一次同朋友去食 D蝦大大隻 蝦肉又鮮嫩 非常可口蟹膏亦多而鮮甜 一食難而忘懷其他仲有林林總總珍奇海鮮 當中琵琶蝦 相貌其特 但一食落口 卻為味覺帶來嶄新既衝擊仲帶好多好多難以細數最後粥底 成為幾粒海鮮既精華所在有如帝王饗宴

我好鍾意食海鮮，所以蒸氣海鮮好岩我，今次同大帝同先生黎食，叫左每人$398海鮮餐，好豐富。揀左半隻頂角膏蟹，半隻奄仔蟹，象拔蚌刺身，大蟶子，韓國慶南蠔，仲有每人半隻澳洲青年龍蝦，九孔鮑魚，泰國海中蝦，韓國油蚌，龍躉片，菜籃。每款海鮮都好新鮮，鮮甜，有專人幫忙計時蒸各款海鮮。尤其2款蟹都好正，奄仔蟹膏軟滑香甜，肉嫩帶甜。頂角膏蟹真係滿滿硬膏，2款蟹都好肥美。，食蒸海鮮最緊要新鮮，蟹仙就好新鮮，老板娘亦熱情健談，送即炸魚皮請大帝食。

前排小妹迷上食海鮮蒸氣鍋決心要食晒全香港既海鮮鍋先係壹蒸鍋、鍋心，然後就蟹仙本來我條list仲有幾間想去，點知食完蟹仙，返唔到轉頭，我就無法去第二間，連食咗3次！我推介398套餐 & 298套餐 （每位）海鮮好靚好新鮮，老闆係選貨高手！仲平過去街市自己買！398 比 298 多隻勁巨型、鮮甜賴尿蝦王店員可代為剥殻，非常貼心！一次食有羔，一次食全肉，都正！主角係隻越南頂角羔蟹，真係正到不得了爆糕爆到成隻都係羔，橙羔甘香、黃羔香甜！甘香可口！啖啖羔食半隻都好足夠！拆開睇，蟹身同蟹殻全。部。都。係。羔！（我食過3次，每次都一樣爆羔！）澳洲青年龍蝦：好好味，真係澳洲龍蝦，味道比波士頓好吃好多，仲要有羔，掂！其他海鮮都鮮甜好味食完海鮮仲有蔬菜 同埋 粥底仲送甜品養生燕窩木瓜糖水（第一次食之前怕唔飽，點知飽到粥都未必食得落）店員好好，會細心介紹各種海鮮總括好掂！不愧為「蟹仙」！100分推介！一定要試！Ps 要book枱呀！

海鮮用嚟蒸係嘅最佳煮法，有見及此，市面上就越來越多蒸氣海鮮食店，呢個簡直係一大發明呀九龍城蟹仙老闆係做海鮮批發，香港大部分嘅蟹都係經呢個蟹仙老闆出售的，既然老闆有第一手靚貨當然要益下食家啦，所以蟹仙每日嘅蟹都係經老闆精挑細選的，就咁講已經好期待今晚嘅靚蟹啦呢個係$398/位套餐共十款海鮮越南頂角膏蟹有圖有真相，睇下呢隻膏蟹爆晒膏呀完全唔會水汪汪，蟹身好肥美多膏、橙黃色嘅蟹膏顏色，好邪惡呀。呢度有專人幫我地控制時間蒸野，只需幾分鐘就蒸好了。蟹膏好似流緊出嚟咁呀，啖啖蟹膏，食落滑溜，濃郁鮮甜甘香蟹膏。野生琵琶龍蝦琵琶龍蝦好多肉呀，蝦頭都有膏好鮮甜，肉質好彈牙，好味呀當然仲有海蝦、鮑魚、帶子、龍躉、蟶子、生蠔九孔鮑魚好彈牙，好鮮味蟶子蒸得恰到好處，爽彈鮮甜除左蒸海鮮，又點會小得刺身呀，象拔蚌刺身真係好好味呀鮮甜爽口，絕對吸引一眾海鮮迷炸魚皮送酒之選，香口脆卜卜最後仲有蒸氣鍋嘅精華，仲有加啲南瓜粒、咸骨加海鮮汁滴晒落去，食埋就剛剛好啦。仲有糖水食添呀

終於完成人生大事 一身鬆自然要食嘢本來目標是高級自助餐 大擦生蠔海鮮想起自己減肥後小鳥胃 都係食靚嘢好身為蟹痴 找到這間口碑超好蒸氣海鮮超級驚喜呀 好食到下次要捉哂全家嚟-選了 $398 一位的海鮮餐 有十款海鮮職員會幫忙蒸及介紹海鮮 服務幾週到環境正常重點係食物 準備看千字文啦-（以下按我個人喜好順序）🦀越南頂角膏蟹 & 菲律賓大黃奄未蒸已見超爆膏 但只爆半隻深感奇怪對不起我是我煩膠 不懂就問增長知識原來是鴛鴦拼 令食客試齊奄仔同膏蟹據職員講老闆是批發商 挑了卅年海鮮香港七成蟹經佢手 每天選最靚二百隻留在自己店 其他全部賣去各高級食府蒸嘢食材最講究 信心十足便賣蒸海鮮講到咁巴閉 萬一唔好食小心被打臉喔點知一食真係無話可說 超級無敵正呀膏蟹的硬膏厚實又夠香 拍得住大閘蟹蟹蓋能挖出大塊膏 而蟹肉亦結實鮮甜以前覺得媽咪街市買蟹蒸都得 抵好多原來唔係 因為靚蟹根本不會流入街市好食到詞彙匱乏 總之齋食超甜超新鮮另一邊蟹是大黃奄 因胖兔沒偏愛硬膏偷食少少似乎蟹肉更甜更多 各有風味-🦞澳洲青年龍蝦龍蝦睇上去唔算好大 但味道一樣驚人據講是深海的水壓高 所以運動量特多咬落 的確比其他品種龍蝦更爽口彈牙