蟹仙海鮮蒸氣鍋 (龍崗道)

營業中

休息中

📍蟹仙海鮮蒸氣鍋九龍城龍崗道2-4號地下海鮮蒸氣鍋 有三間分店 店舖係做海鮮直銷 所以全部都好新鮮好靚！有幾款套餐比大家揀 我就揀左💰$399一人既套餐有10款海鮮 最尾仲有鮮甜嘅粥底 份量好多 每人食到2碗 會加菜圃同蔥 粥底冇平時食d粥甘綿 比較結身一粒粒 幾飽肚海鮮🦞全部都好新鮮鮑魚 龍躉片 瀨尿蝦 琵琶龍蝦 龍蝦🦞 大虎蝦 蠔 刀背蚌 大元貝一人半隻蟹 (膏蟹/奄蟹)雖然膏蟹好多膏 但肉質比較結實 膏都較硬 奄蟹肉質較鮮甜嫩滑🤤絕無添加仼何調味 海鮮最後仲有個有機蔬菜盤🥬一樣好新鮮🌽服務好好 又送甜品同壽包 甜品仲要係椰汁燉燕窩 好味👍🏻每一款海鮮都有時間制🕐每一款蒸幾分鐘就食得 一響即刻有人尼為你服務👅環境就較普通 坐近門口位個路口較窄 有人經過就比較逼 要讓一讓 整體雖然中高價位 但都值得一試🙌🏻

我看過一篇報導， 聽說蒸海鮮除了美味之外， 因為原汁原味不加調味不加鹽， 對健康很有益。有個朋友是食肉獸， 所以我今晚特意訂這家蒸海鮮餐廳和她一起試。因為朋友有選擇困難症， 所以我便提議吃套餐， 餐廳有一個398的套餐共有九款海鮮加一份蔬菜藍， 價錢相宜。九款海鮮包括有：越南頂角膏蟹、野生瀨尿蝦、澳洲青年龍蝦、翡翠九孔鮑魚、越南大虎蝦、深海龍躉片、紐西蘭刀貝蚌、日本大元貝、韓國慶南蠔。在等海鮮期間，店家奉上炸魚皮， 是service，炸魚皮是新鮮在餐廳炸， 熱辣辣，而且質地特別薄脆， 美味。蒸海鮮一般都是有人serve，所以不必擔心蒸煮時間，可以放鬆心情慢慢享用。這麼多海鮮中，我個人最喜歡爽脆彈牙又厚肉的鮑魚及虎蝦。另外蟹一吃就知分別， 是正宗海蟹，肉質特別鮮甜，而且不會粘殼。龍蝦多膏厚肉。吃飽海鮮， 吃一點清菜更健康， 有機蔬菜很爽甜。海鮮吃著新鮮， 但想不到最後的粥底更是鮮甜好味， 連我也忍不住吃了兩大碗。套餐還有糖水附送，是香濃的椰子露，非常香甜。

來到這𥚃，各樣呈上來的海鮮都是新鮮美味。首先出場的是大蝦，肉質鮮嫩可口。之後鮑魚，青口，元貝，大蜆，樣樣也是份量十足，鮮甜美味，味道逕留良久，回味無窮，膏蟹更顕示她的本領把滿溢的紅膏儘興展示出來，肉質不可而語，㳮尿蝦的姿態更上一層樓，令人回味。總結，鮮味無窮，值得回味。

為左健康， 為左瘦身， 我最近都唔敢食太多， 亦盡量嘗試食得清淡點。有人推介吃蒸海鮮，吃到原味之餘又比較健康， 於是我就跟她去試一次。我本身唔係特別好海鮮， 但朋友就超級鍾意。咁我就一於點餐廳嘅套餐， 唔使諗唔使煩就可以一次試足九款海鮮。如果我地兩個人散點，最多都只係試到兩三樣。我地揀左膏蟹、瀨尿蝦、澳洲龍蝦、鮑魚、虎蝦、龍躉片、刀貝蚌、元貝同埋蠔，跟餐仲有有機蔬菜藍。呢度啲海鮮都幾新鮮， 聽講因為老闆本身是做海鮮入口批發， 所以因利成便。我地先點一個脆魚皮， 係餐廳自己新鮮炸嘅， 唔知用左咩魚嘅魚皮呢， 特別薄脆的，好好味！咁多款海鮮我最鍾意係虎蝦同蠔，虎蝦彈牙，蠔鮮甜。朋友就超鍾意膏蟹，因為隻蟹真係好靚好新鮮喎，啲肉結實得嚟好甜，肉質紋理分明。另外鮑魚都好爽脆。食完海鮮再食碗粥， 個粥吸收哂海鮮嘅湯汁，鮮甜無比，我忍唔住食左兩大碗😋。

伏店！店舖唔老實，飲品多收咗錢🤬（回家才發現賬單有問題）服務一般！一行5人，叫咗個$398套餐，第一輪叫咗3罐可樂，2罐王老吉，第二輪叫咗3罐可樂，1罐王老吉，兩輪共9罐飲品。回家發現賬單共收12罐飲品價錢，勁嬲🤬！食物除了蟹之外，其它海鮮一般般，份量亦極少，蒸海鮮時間又過長，令海鮮變韌，唔好食！其次，收加一服務費，但服務勁差，D海鮮蒸熟了，響鐘都冇店員主動幫，要主動開口叫人，服務費比得好唔值得！！唔再去！

天氣涼了，食粥底蒸鍋最好。一來此際天時正當蟹靚蝦肥，二來粥底蒸鍋暖身得來又唔會咁熱氣。我地叫左十款餸的海鮮餐套餐包粥底，由生料開始煮起，有米底、南瓜粒、豬骨仲有兩片薑，幾足料。等食之際，梗係啤啤先。店員首先送上瀨尿蝦，已預先蒸好。都幾大隻，亦幾好肉地。然後就開始蒸蒸蒸，全程落鍋、計時、上碟均有專人主理，仲逐一介紹各海鮮的來源地和食法。我倆只負責食食食，招乎真的一流。首先介紹一下呢個貝類拼盤，一共六款：來自紐西蘭的刀貝蚌，好鮮甜，好大隻，蒸兩分鐘左右即可。而鮑魚亦好新鮮和厚肉，點辣椒豉油就夠惹味。越南大虎蝦的蝦頭就好多膏，冇黑頭，而且肉質夠實淨。韓國慶南蠔就充滿海水鮮味，我冇點醬，亦唔覺腥，食得出係靚野。深海龍躉片是厚切的，肉質都幾滑，而且魚味夠濃。日本大元貝係大過我手掌的 XXL size, 好鮮甜，好驚喜。KO 左一眾貝類海產，終於到主角出場。就是越南頂角膏蟹，呢個天時正係食靚蟹的季節，隻隻都夠肥夠多膏。呢隻蟹應該係我食過最爆膏的一隻，認真誇張。邊食邊聽店員講故事，原來佢老細以前係艇家，現在發展埋飲食業。而老闆對蟹情有獨鍾，所以全部靚蟹都會留返自己餐廳做招牌菜，難怪D蟹咁出色。除左蟹

話說有朋友介紹。。話佢早排食左d香港好小地方有得食到既海鮮，叫我有機會要去試。咁我今日就同女友人去左佢九龍城呢間分店度試下啦。佢鋪仔細細但就五臟俱全， 每個位都有個好特別既蒸籠蓋，好有漁村風味。我地今晚點左個每位398既刁鑽海鮮套餐，有好新鮮既鮑魚，大虎蝦，瀨尿蝦，龍燉片，龍蝦，勝子，奄蟹同膏蟹。 多到不能盡錄但就份量岩岩好， 尤其是佢d蟹類， 有別於坊間常見既蟹種，佢地比較海水味重同埋d膏多得黎又又唔會好實。個龍蝦直頭不得了，超厚肉彈牙兼多膏。 以呢個價位食到呢種龍蝦同蟹算係唔錯，講真小弟對海鮮唔算有d咩大既認識，總之食落唔腥就ok. 而成餐整體黎講所以海鮮都無好腥既情況出現，所以全部材料都好新鮮。 最後食左個粥係由咁多款海鮮汁蒸熟滴漏而成既， 我個人覺得係喊味同鮮味既混合精華。 都幾好食。 整體黎講友人算無介紹錯。

同老友慶生，佢係蟹怪，所以我地去左蟹仙。主打是粥底蒸鍋，有三、四個套餐可以選擇，豐憸由人。望左一陣，我地決定要 $398 的刁鑽海鮮套餐。呢個套餐都幾多野食，有成十款，幾乎全部靚海鮮都可以一網打盡，諗起都興奮。聽店員講，原來佢老闆入行以久，識得好多艇家，可以第一手拿到不少靚海鮮。尤其是蟹，收到最靚最當造的都會第一時間送來呢到。所以佢地既海鮮真係好過外面好多。越南頂角膏蟹 / 罕有大黃奄蟹硬膏的是頂角膏蟹，橙黃的硬膏，啖啖咸香。硬膏的口感真的超級好，越食越有滿足感。而另一邊淡黃的是軟膏，食落蟹肉比較鮮甜。兩者實在各有千秋。你樣你睇，完全爆膏的靚蟹，外面真係難尋，好味到呢澳洲青年龍蝦連龍蝦都要爆膏，真的超驚喜。好大隻，每人半隻都好夠食。肉質鮮嫩，火候控制好好，唔會 over 彈牙又啖啖肉，真的感動了野生瀨尿蝦 大隻又厚肉，仲有專人幫忙拆殼，食得更方便。通常瀨尿蝦都係椒鹽食，今次清蒸都幾得喎，應該夠新鮮先至可以咁煮。野生琵琶龍蝦第一次試的新野，質感似龍蝦，但比龍蝦更爽口，味道亦較清甜。紐西蘭刀貝蚌刀貝蚌好大隻，由於蒸到緊緊熟，食到爽脆的口感。鮮甜又有淡淡的海水味，好 like ! 翡翠九孔鮑

講起蒸氣鍋，吾知大家會諗起咩？新鮮？鮮甜？我想介紹大家去呢間叫蟹仙既蒸氣鍋，食完，會發現另一返風味😍提一提大家，有得訂位嫁👍🏻 同埋只收現金👍🏻佢地而家做緊特價，有兩個餐選擇，可以睇下面張圖。而我同女朋友就選擇左$398果個餐😍坐左一陣，店員就會先為我們整好粥底，都好多料，有排骨，南瓜同埋姜👍🏻開始熱下個鍋，準備蒸海鮮了，全程都係由店員幫手，服務非常之好👍🏻海鮮會一次過放向枱面，每一次食完，都會有店員幫你將殼處理佢，好細心👏🏻先講下呢一碟，新鮮，鮮甜就吾駛講，係一定嫁啦，我想講既係，佢個元貝，蒸完之後，個殼上面既汁，好好味，真係無得輸，我強調，我全程無落過醬料😂我先飲左佢啲汁，好鮮味，再食個元貝，蒸得岩岩好👍🏻👍🏻好食好食😍重點黎啦，呢隻叫琵琶蝦，係野生嫁，吾係人養果啲，所以特別鮮甜。👍🏻👍🏻套餐重有龍蝦，都好好味好新鮮。但我比較鍾意琵琶蝦，因為佢既肉質比較有彈性，多啲肉汁，第一次食到呢個口感，非常好味。另一個重點又黎啦，黎蟹仙食蒸氣鍋，點可以無蟹食。門口已經有活生生既蟹放向到，我地就係食佢地啦🤣老板娘介紹，蟹係佢地重點推介，因為佢地既蟹，出面食吾到，就算食到，都會好貴好貴。點解咁講呢

之前見到個朋友食蟹仙，已經將呢個名記左入腦，今日去開九龍城就要試下佢，去到餐廳見到坐滿人，都好擔心會冇位，好彩等左10分鐘左右就有位餐廳有唔同嘅套餐供應，最後我哋揀咗$398嘅套餐，總共有九款海鮮首先就梗係呢度既主角，蟹！有兩款蟹可以選擇，一款係越南頂角羔蟹，羔較硬身口感似蛋黃，另一款係大黃奄蟹，店員介紹佢有另一個名叫黃帝蟹，因為佢真係好少有，係肉蟹但又有好多腍身既羔，蟹仙既老闆係有30幾年經驗嘅海鮮分銷商，蟹仙既蟹都係由老闆從船家手上直接攞貨，送到舖頭既每一隻蟹都係由老闆親自揀選當中最靚既之後先再分銷出去，唔怪得出面好少食到咁靚既蟹！除左蟹正之外，蟹仙有另一款食材又係出面好少有得食，就係野生琵琶龍蝦，唔係養殖場養出黎，肉質較爽口彈牙，味道有少少似我地平時食緊既龍蝦其他海鮮都好鮮味，食完海鮮之後緊係要食飯個粥，粥先係個精華所在，加入埋菜甫，莞茜同蔥，正！最後仲會送埋糖水，非常滿足

見到好評多多，就同男胖子黎試下啲海鮮係咪真係咁正先～店內感覺好乾淨，店員介紹我地食398套餐，總共有10款野食，當中有唔少時令海鮮，全程坐定定就有專人幫我地蒸，店員又會逐款介紹，感覺似食omakase 咁。越南大虎蝦，好多膏！肉質都算彈牙，美中不足係有腸腸未挑出黎。黎自深海嘅龍躉片，魚油十足，好滑。蚌，蟶子同蠔都好鮮甜，蒸得恰到好處。鮑魚好彈牙，好味。大元貝果然大粒，鮮味十足。炸魚皮好脆，係餐廳自己炸，好新鮮，正。黎到重點-蟹，一邊膏蟹一邊肉蟹，各有特色，滿滿嘅蟹膏食得男胖子好滋味。野生瀨尿蝦，蒸完後仲幫我地剪開，好貼心，肉質非常彈牙。龍蝦啖啖肉。最後食埋什菜同粥，粥底好鮮甜，加少少胡椒鹽好正。糖水無落糖，係木瓜官燕，好養顏。

食海鮮除了要到西貢鯉魚門外，坊間都有很多食肆可以食到的；就如今次我來到九龍城就有一間海鮮蒸氣石煱就可以品嘗各式美食。所有海鮮皆由 老闆親自挑選直接入貨所以價錢經濟實惠。而 整個過程中皆由專業服務員控制火候， 無需客人操心可盡情地享受。食肆有幾種套餐可供選擇，或散叫亦可。我們揀選了$398/人的刁鑽海鮮套餐，內裏包含有十欵美式。越南頂角膏蟹隻蟹唔單止大隻仲好多膏添，肉質結實。野生瀨尿蝦目測有十吋長，腳仔還不停地撐著；味道鲜甜。野生琵琶龍蝦平時很少見到琵琶龍蝦出售，不能錯過。見其外表雖則其貌不揚，但食落確實唔錯。澳洲青年龍蝦鮮甜得嚟仲係啖啖肉，好有口感。翡翠九孔鮑魚肉質煙韌彈牙有嚼口。越南大虎蝦肉質結實又彈牙。深海龍躉片深海嘅魚D肉質係唔同，鮮甜結實。日本大元貝很有睇頭，味道甜美。紐西蘭大蟶子蟶子大隻又厚肉，入口爽脆。韓國慶南蠔初嘗韓國蠔，肥美嫩滑；還有些少海水味。有機蔬菜籃在整個蒸焗過程中，所有海鮮的精華完全滲漏入煱底；混合埋原先服務員擺放了些材料變成美味鲜甜的海鮮粥，雖則大家都很飽但都忍唔到要食多一碗。最後餐館還送上雪耳木瓜燉官燕才結束。

咁多種海鮮既烹煮方法入面👧🏻最中意就係清蒸，因為無添加任何其他調味料就最能夠食到海鮮既原汁原味，蒸氣海鮮鍋就完全滿足到👧🏻既要求啦😊同👧🏻一樣有選擇困難症既朋友仔唔洗擔心，餐廳本身就有配好既套餐，無論中意食魚、蝦、蟹、龍蝦定鮑魚都好，呢到都一應俱全，而且每樣海鮮都有店員幫手蒸，完全唔洗怕會唔知時間蒸唔熟或者蒸過籠😉蒸出黎既海鮮款款都鮮甜多汁，👧🏻最中意既分別係蠔、鮑魚、龍蝦同蟹，平時通常都係食開生蠔或者炸蠔，估唔到蒸既蠔都可以咁juicy而且完全無腥味，鮑魚同龍蝦既肉質都好爽口彈牙，鮮甜到唔洗點醬料都已經好好味，最後就要介紹👧🏻最愛既蟹，店員有教👧🏻分辦奄仔蟹同膏蟹既分別，真係估唔到食餐飯都學到野，袋到錢落袋呀，👧🏻就鐘意食膏蟹多啲，因為結實而充滿油香既蟹膏雖然邪惡，但係個陣香味可以揮之不去，加上肉質都結實啲，對🦀沒齒難忘呀。每次都會透過以下6大方面評分(滿分:30分)味道 : 4.5 / 5環境 : 4.25 / 5外觀 : 4 / 5價錢 : 3.25 / 5服務 : 5 / 5 回頭率 : 4.5 / 5總分 : 25.5 / 30性價比如果用二三百蚊既價錢自己去街市買海鮮、烹煮

期待咗成個星期既海鮮蒸氣鍋今晚終於可以食啦😍 我地今次就揀左$398一位果個Set😬一共有成十款來自唔同產地嘅海鮮，真係抵到爛🥳係蒸海鮮之前，侍應哥哥先幫我地將粥底放落個蒸鍋到😶等蒸晒所有海鮮之後，就會有新鮮滾熱辣嘅粥食啦！值得一提，呢度既侍應哥哥超好service又健談，傾下傾下，佢話我地知，原來呢度既海鮮主要係由菲律賓、越南、泰國、日本、澳洲進口，而呢度嘅老闆每朝早都會去機場揀貨，所以呢度嘅海鮮特別生猛又大隻👍🏻⚠️野生賴尿蝦王可能我孤陋寡聞😂呢個真係我人生中見過最大隻嘅賴尿蝦（蝦身同隔離個鉗一樣長 lol），唔好睇佢咁大隻就以為佢啲肉會好實，但其實肉質仲係好鮮嫩，仲有好多膏添啊🧡⚠️澳洲野生深海龍蝦澳洲龍蝦比新西蘭龍蝦更有名氣，因為得天獨厚的自然環境孕育咗世界頂級的美味龍蝦🤩 今晚呢個深海龍蝦肉質細嫩、滑脆而有彈性，真係停唔到口🤤好記得當晚侍應哥哥問我地食唔食蠔，本來我都有啲抗拒，但憑佢講一句「信我，你哋一定會鍾意食」😎果然冇令我失望，呢個韓國慶南蠔味道鮮甜，肉質都好Creamy🤩⚠️翡翠九孔鮑魚平時食鮑魚最驚就係太un咬唔開，呢度嘅鮑魚絕對冇呢個問題，一咬即分離，肉質彈牙！⚠️越南頂角

前一兩年潮興蒸氣海鮮，以時令嘅海鮮，採用蒸的方法，務求保持海鮮的原汁原味。熱潮過後又靜止了好一段時間。最近發現九龍城有一間新增成員，主打即曰到港的，蒸海鮮。永遠快速行動的我約了友人前往試吓。刁鑚海鮮套餐膏蟹， 賴尿蝦，琵琶龍蝦，澳洲龍蝦，鮑魚，大虎蝦，龍躉，元貝，蟶子， 慶南蠔，有機蔬菜。材料豐富，淨睇都會流口水。每種海鮮都有蒸製時間，店員代勞將每一種海鮮蒸煮恰到好處。不會過老，鮮嫩無比。其中最喜歡頼尿蝦，真係好鮮甜，那種海洋味表露無遺，正！膏蟹也不錯，蟹膏甘香，肉質結實甜美，無得輸。海鮮的精華滴漏於下層的粥內，粥底變得金黃，味道鮮甜，完美的句號。