蝦麵店 (荃新天地) (已結業)

一入到鋪頭已經聞到好香海鮮味。鋪面都好闊落，近窗仲有partition既private dining area（仲有得睇出面燈景添）主食既環境，味道都唔錯，價錢亦都好公道。唔同湯底唔同辣度任君選擇，我地唔食得辣所以揀左唔辣喇沙同海鮮湯底。啲豆卜索晒啲喇沙湯真係好好味 ，秘製湯底既味道仲好有以前係馬來西亞食喇沙果隻香魚皮勁脆，必食！腐乳通菜既醬唔係撈晒落去，方便食得清淡既人自己調味。仲叫左個椰汁糕，但就麻麻喇，佢係粉狀唔煙韌，仲粉紅色既添

🦐馬來西亞蝦店🦐辣味蝦湯底蝦肉肉骨麵 ($78)個湯夠濃，啲油麵浸左落去好入味，而且啲蝦好鮮🦐肉骨吸哂湯底的味，作為店鋪的招牌湯底都真係唔錯，不過食唔到辣既要留意下，因為真係好辣🔥👅味道：7/10🧘🏻‍♂舒適度：8/10💸性價比：6.5/10👀回頭率：6.5/10咖哩叻沙湯底海鮮麵 ($74)個叻沙湯底幾吸晴，椰香味重，但個叻沙味偏辣，食落唔油膩又香，重點係叻沙湯底配油麵好吸引，唯一美中不足的係海鮮配料唔多，如果再多啲就更上層樓😋👅味道：6/10🧘🏻‍♂舒適度：8/10💸性價比：6.5/10👀回頭率：6.5/10

之前有去過馬來西亞留學一段時間，有時都幾掛住個邊嘢食地道嘅風味🤤 今次咁啱經過一間食馬來西亞嘢嘅餐廳，一於試試佢，睇下有冇當日嘅味道！-辣味大蝦蝦湯麵 ($72) 湯底呈紅色，偏甜。好濃蝦味，感覺擺左好多蝦頭蝦殻去煲依個湯底😍真係鮮味十足！辣味反而唔重，但都有淡淡嘅辣椒味，唔食得辣嘅朋友仔仲可以叫少辣添！至於隻大蝦係新鮮嘅，肉質都算爽口。另外一個主角咖哩喇沙雞絲雞蛋麵($64) 加墨丸(+$7) 湯底充滿椰奶同香料味，黃薑味最為突出🌟 飲落厚身濃郁。唯獨墨丸麻麻，口感有啲粉。大家可以用炸魚皮浸1-2下個湯泥食，等啲魚皮可以索下啲汁，食落脆口得黎仲掛滿喇沙湯汁❤️

今日去到荃灣搵嘢食，見到一間食蝦麵店好似幾特別試試佢， 豬骨雞湯冬菇雞絲麵 （7分）， 蝦肉肉片麵羹（7分），好大碗好飽肚，沙嗲醬魷魚翼 （7分），😋整體（7分），人均約$100 @蝦麵店地址： 荃灣楊屋道1號荃新天地一期1樓108及110號舖

有日晏晝，係荃灣搵野食，諗唔到食乜之際，見到呢間新開既蝦麵店，都幾多人食，都以就入左去試吓。一入到間餐廳已經聞到幾香既蝦湯味，所以叫左一碗黎試。招牌辣蝦湯麵，湯底既蝦味濃郁，而且辣辣地都幾惹味。我揀左海鮮麵，配料都幾豐富，有蝦，魷魚翼，青口，腐角同蟹柳，個魷魚翼爽口彈牙，好味！ 而個麵底我就揀左摻摻，混合油麵同米粉，口感更多層次～ 咖哩叻沙海鮮湯麵最鐘意叻沙既豆卜，因為可以索晒啲汁，特別好食。但個湯底唔算得別好味，椰香唔夠，又冇乜其實香味，一般般。白胡椒肉骨油條胡椒味好出，排骨都好入味，但係啲肉唔夠淋！

星期二既晚上完全唔駛等位仲可以俾你揀坐邊打開MENU全部都係蝦加麵 😂😂 😂但你可以揀咩湯底同埋加咩餸湯底可以揀辣味蝦湯底, 咖哩叻沙湯底, 豬骨雞湯底, 福建滷麵嗜辣既我當然揀左辣味蝦湯底果然無揀錯!! 少少辣 但湯底都幾惹味!餸原本想揀肉骨既但又懶得咬… 揀左普通魚蛋但係都俾想像中出色! 爽口彈牙的比較失色既係個蝦.. 量多既 但太薄片無乜質感.. 不得不提個秘制參巴辣醬!好惹味又辣! 原本唔夠膽加咁多落碗麵度但後味愈食愈好味就狂加 哈哈總括而言 係好味既!值得一試!!!

不久前行商場見到蝦麵店開了分店，十分喜歡叻沙的我，必然要試一試星期三晚上，只得三、四枱客。我和朋友揀了窗口位，看著外面的雨景。我們沒有揀福建麵，卻不約而同選了咖哩叻沙湯底。服務員很快便送上食物。湯味濃，有少少辣，咖哩味沒有蓋過濃郁的椰汁蝦湯。我的蝦肉肉片摻摻，蝦和肉都切成細薄片，味道一般；反而朋友的貢丸魚片較彈牙，加魷魚翼有咬口蝦麵店不是我食過最好的馬來麵食店，但論味道、食材都是中上，麵算是大碗，除配上芽菜、豆腐卜外，亦有青菜。如果我們再飲埋飲品，就太飽了！

平時睇飲食節目見到檳城最出名的蝦麵，一直都好想試，但原來香港有得食😍我試左里兩個❤️辣味蝦湯底-蝦肉肉片麵（傳統福建麵）河粉同❤️辣味蝦湯底-蝦肉魷魚翼麵 米粉首先講返個面底，我比較中意配米粉，因為食落更能帶出鮮甜的蝦湯味！。辣味蝦湯底，自己就覺得唔夠辣，下次可以加辣。因為辣味都唔係太出，反而蝦嘅甜味就好出！。另外會配上乾蒜，不過勝在係放喺匙羹上，所以大家可以選擇要唔要落起我面入面。。蝦肉不要期望是完整的一隻，每一隻蝦都被分成一半了。不過蝦肉尚算合格。。魷魚翼，味道鮮甜因為吸收了湯的精華，不過份量較少而且size也是切得比較細塊。。肉片是豬肉，半肥瘦， 而且厚薄適中！

真係好好味，蝦湯無得輸，係好鮮味、但又唔係一味靠濃味果隻，而係越食越鮮味😋😋我估應該係用左好多蝦煲成的湯底！如果叫蝦肉的話，係真係好足料，啲蝦多到好似食極都食唔晒咁！其實真係幾抵食！個咖喱湯又係非常唔錯，佢唔屬於好大浸椰奶果隻，因為我都唔鍾意食椰奶，所以正合我心意！個湯底好濃厚，個豆卜浸落去真係非常惹味😋同埋個炸魚皮，浸一浸落個湯度食，更加惹味！仲有佢個辣醬，不得了呢排成日都心思思想食佢，超正！有機會試埋佢個滷麵先，見到都好似唔錯，幾正宗

朋友有日帶我去食荃灣新開既蝦麵店 見到有店舖既蝦湯底就叫左碗蝦肉墨魚麵 店舖嘅招牌菜係蝦肉湯底 我本身係怕食辣嘅 所以我將個湯底叫咗小辣 而職員都好好咁提醒我 如果小辣的話 個蝦湯底就會冇咁濃 而事實上食落真係冇咁濃 但蝦肉係好足料食到落底都仲有而我都試左朋友嘅咖喱叻沙湯底海鮮麵 個湯好濃郁 同出面食嘅喇沙又唔同 我個人會比較喜歡咖喱叻沙湯底多啲 佢啲海鮮都比得多 唔吝嗇 有蝦 魷魚翼 青口等等...唯一我覺得有一樣野 就係蝦麵既價錢貴左少少 而叻沙湯底都尚算合理

放假訓到自然醒，到咗下午茶時間，第一時間諗起喺附近新開嘅蝦麵店，週末大排長龍成日食唔到，平日終於有機會食喇！叫咗個蝦湯底蝦肉四寶麵，未放到上枱已經聞到好濃烈嘅蝦味！飲一啖湯，果然係鮮甜，又唔太辣，即刻諗起喺檳城食嘅蝦麵，味道甚至比檳城嘅大部分蝦麵好！一個下午茶真係有啲唔夠喉！值得一提嘅係杯凍檸茶，茶香味道甘澀，好有層次！以前喺港島返工曾經幫襯過灣仔本店，今次喺分店食味道依舊。又諗番起以前嘅同事了，要再約佢地去灣仔食蝦麵哈哈

先前在灣仔吃過同一間的馬來西亞蝦麵，除了有點辣，其實印象也是不錯的。剛好於網上看到荃灣新開一間，又恰巧走過路過，便又給一次機會，看看和高水準的灣仔本店有沒有不同。未吃東西前留意到的反而是在店舖外所聞到的味道，是新鮮生蝦的味道，但帶著一股不是所有人都能接受的生腥味。開心的是知道蝦麵的湯頭是用生蝦熬製出來，無奈的是可能有人怕了這股味道。說回食物，蝦麵的湯頭一樣的香濃，帶辛辣。不過辣度沒灣仔這麼強反而更能嚐清楚蝦的味道，我個人是挺喜歡的。店裡把蝦肉片開了兩邊，看到大部份也是有蝦膏，十分吸引。配料方面有一些完全吸收了蝦湯味道通菜在裡面，也是不錯的。午市$68，加一服務費，也算是很不錯了～

見開咗間新野，今晚去咗食，個麵 (油麵加米粉) 都幾好食。馬拉盞通菜係水烚的，撈埋嗰pat馬拉盞醬其實咸咗小小，建議撈少啲，其實都OK，同埋碟菜都只係$20。整體嚟講幾好，可以一試

今天與愛人的幸福時刻在荃灣度過在荃灣廣場一帶要行街睇戲公園等等拍拖活動都應有盡有，就是餐廳總是差一點點，不夠南豐一帶優秀，所以經常在西鐵站附近活動後到地鐵站附近覓食今天愛人剛好在fb上看到介紹，所以打算中午一嚐，可是太多人了，隨便轉到另一間，可是質素也不想再提了與愛人歡度半天後，預先用排隊apps看看，發現冇人等待，終於可一嚐先來一個雞絲蝦湯麵，由於愛人和我都怕辣，所以要少辣，辣度我們都接受，建議不特別怕辣就無需少辣一嚐湯底，可試得出用料十足，是用鮮蝦滾湯的獨有味道用料也非常大方，主要有蝦和雞絲，蝦是一隻橫切三片，蝦肉有鮮味不在話下，有些還帶蝦糕材料似乎是專人採購回來，不知會不會是從旁邊街市買來，雖然鮮蝦並不昂貴，但對餐廳營運並不方便，存放和處理都不簡單，但這麵店卻可以讓我們一啖又一啖的吃到最後還發現碗底剩下不少蝦肉雖然成了配角，但雞絲也不錯的另外點了一個肉片滷麵，香味像碗仔翅，湯裡充滿蛋花，為湯底加分，肉片類似日式叉燒，鬆鬆軟軟的非常不錯，配料同樣有蝦肉這家麵店真的面一試再試，簡直想與愛人每個星期都來一次，享受荃灣幸福時光

荃新天地新開了這間蝦麵店，二話不說前往一試虛實。店鋪裝潢簡約，座位間格寬闊，吧台位更面對著開揚園景，在此用餐感覺舒暢。每張枱均附有檸檬清水任客人享用，而且為免客人被湯汁濺污衣物，更提供紙圍巾給客人使用，安排頗為貼心。此店主打馬來西亞檳城蝦麵，按湯底劃分不同選擇，由於是次一心想試個究竟，因此首選招牌蝦肉肉片麵，飲品方面本來點選凍豆寇試試，但可惜沒有供應，唯有選自家製冰糖檸檬薏米水。侍應很快送上飲品，由於標明少甜沒冰，所以能飲到原汁原味，頗為清新潤喉。接著蝦麵來到，湯汁呈深紅色，想必是蝦膏紅油色澤而非辣椒顏色。首先聞到濃厚的蝦味，再呷一口濃郁的蝦湯，就感受到此湯底用了許多鮮蝦的頭和殼熬煮而成，味道香濃，又帶少許辣味，但絕不是嗆喉那種，反而能提升鮮味，貨真價實。麵質我選了摻摻，即是油麵加米粉，兩者配合濃厚蝦湯，濃淡相襯，再吃啖蝦肉片及肉片，更覺滿足，真使人吃到檳城的正宗味道。