蝦麵店 (荃新天地) (已結業)

在上年9月尾，跟男朋友經過荃灣荃新天地，由天橋一走入荃新天地，見到大大個 <蝦麵店> 招牌， 位於1樓的 <蝦麵店> 新分店圍板，9/30 開張！記得早前去過鰂魚涌分店，意想不到！在荃灣開了分店！幾十蚊一碗特色湯麵都值得一試！聽他講，趁新開張買一送一優惠，平日他跟媽媽一起去食午餐，他兩母子卻覺得，質素如此差，就算買一送一約 $40/碗都唔抵食！Oh！真的嗎？由於，當晚飯局取消咗，OT 放工後，我一走去幫襯這間 <蝦麵店>，看看其質素如何？！平日晚上來到，意想不到的多人！面對荃新天地內園景，環境舒適！福建滷湯蝦肉肉片麵羹 $62湯羹濃稠，蝦有蝦腸，肉片唔夠熱之餘，仲有成陣雪藏味，油麵係鹼水麵，攪到湯底都成陣鹼水味！成碗得條菜最掂咋！點了熱飲，落單後很快便送上，卻送錯凍飲！熱自家製檸檬薏米水 $14 (微糖)大約有半杯薏米，真材實料！入口微甜微酸！

岩岩去快閃完新加坡, 我仲未食夠新加坡美食所以返到香港之後, 即刻約朋友去食新加坡野朋友就介紹D間蝦麵店, 話又抵又好味, 咁梗係即去啦入到去已經坐爆晒, 好彩岩岩有人走, 咁我地就入到去啦炸雞翼-$35/5隻炸得好香脆, 好香口, 但入面仲保持到好多肉汁, 35蚊有5隻, 超值蝦肉肉骨麵-$78+轉叻沙湯底+$9叻沙湯底係超香濃, 好好味! 可以免費轉摻摻, 又抵又正宗, 而料方面都幾多, 肉骨都幾好味, 唔錯蝦肉魷魚麵-$69D個係辣味蝦湯底, 幾惹味下, 同叻沙平分秋色! 魷魚同蝦肉都有唔少, 正呀魚皮-$20因為湯底實在太正, 所以我地就叫左份魚皮去沾湯食, 魚皮夠晒鬆脆!榴槤咖央多士(半份)-$18D個榴槤必叫, 榴槤味好香, 而且唔會過甜, 唔錯總結係星馬正宗黎, 幾好味, 朋友介紹得冇錯!

今日黎到荃灣，一出地鐵，行條行人天橋，馬路都唔使過，就可以去好多地方，好鬼方便～咁方面就行左黎依個商場、依間餐廳😆榴槤咖央多士咖央多士成日食，加左榴槤既我第一次見，老公咁鐘意食榴槤梗係要點啦～榴槤同咖央加埋好香呀！多士又脆！五香脆炸豆腐豆卜脆野係我既飛佛，仲有陣陣既五香，好惹味！再點佢地個梅子醬、yummy~海鮮麵（大蝦/魷魚/青口/腐角/蟹柳）咖哩叻沙湯底加豆卜，要摻摻麵好重椰奶味，正呀！魷魚好爽好彈牙！青口新鮮又彈口。好細心呀，佢留返個頭同尾既殻之外，幫你拆左殻，一咬就係肉勒！老公咁鐘意食辣，當然揀蝦肉肉片麵辣味蝦湯底要油面。湯底好香，因為用左蝦殻、洋蔥同辣椒去煮7個鐘。青擰梳打食辣野梗係飲返杯有特色既青檸梳打中和下，爽晒熱自家製冰糖檸檬薏米水好清甜，好香薏米既味道～

荃灣美食食唔哂之今日食左馬來西亞菜。門口香氣撲鼻，係喇沙同咖哩嘅混合。蝦麵店個名初頭聽到以係食海鮮，原來係麵為主嘅新馬菜。叫野食先要揀左個湯底，再揀要咩配料。蝦味清雞湯底拼河粉，清香唔咸，蝦肉好咬口，量一d都唔少！鹵肉味湯底有d似碗仔翅濃濃嘅汁，所以碗麵好入味，滲滲即係2撈麵，油麵米粉一次食2種質感。小食係脆多半份，脆口上面加左好似麥芽糖咁嘅果醬，卜卜脆！飲品是青檸梳打同薏米水，味道一般，可以再大杯d

係荃新天地見到間蝦麵店, 好似都幾多人, 就入去試一試心大心細既我地想要埋小食但又驚食唔晒, 好彩佢地有得簡麵既分量, 細食既人唔怕會浪費食物, 驚唔夠食既人又可以加底, 正!我地最後叫左辣味蝦湯 蝦肉肉片麵 ($64)叫得蝦麵店, 緊係要試下佢地既招牌湯底!個湯好重豬骨味, 再加埋蝦香同辣味, 清清地又唔會太辣。仲有好多塊肉片同蝦片朋友簡左摻摻麵底, 係米粉加油麵, 口感幾特別, 唔會油膩👍🏻咖哩叻沙海鮮麵 ($72)湯底好濃郁, 好重咖哩叻沙味仲帶有椰香簡左油麵, 比較爽口有好多海鮮, 個蝦已經剝左殼, 好貼心檳城小食拼盤 ($98)朋友想食沙嗲雞脾肉, 我就想食炸豆腐豆卜, 所以決定叫個小食拼盤😂都幾大份, 有五香滷肉, 馬來炸雞翼, 沙嗲雞脾肉同五香豆腐豆卜五香滷肉用腐皮包住豬肉, 香芋等去炸, 有咬口得黎又啖啖肉沙嗲雞脾肉配埋個沙嗲醬, 幾惹味炸雞翼豆腐豆卜就好香脆冰糖檸檬薏米水 (+$18)好多薏米, 檸檬味好fresh, 可以清一清岩岩食果D濃味野馬來白咖啡 (+$18)口感順滑, 去除到咖啡既酸味

今日要去荃灣接男朋友放工，當然又要搵新野食啦～雖然成日會去荃新天地，但今日都係第一次來呢間「蝦麵店」。來得「蝦麵店」，當然要試下佢地嘅招牌－－辣味蝦湯底我揀左最豐富的海鮮麵，$72一碗有齊大蝦， 魷魚，青口，腐角，蟹柳，咁多種海鮮配埋一齊，鮮味十足，再加上洋蔥同埋辣椒調味，想唔惹味都難～如果覺得唔夠辣，仲可以問店員拎辣醬，有秘製參巴辣醬免費提供。至於麵底就揀左個名好特別的「摻摻」，其實即係油麵加米粉，兩種麵條加埋一齊，口感好特別。男朋友揀左個平實Ｄ的組合，咖哩叻沙湯底－魚蛋魚片麵$62呢個咖哩就冇咩辣味，偏甜一點，帶點椰香，大概適合大部分人的口味。魷魚秋葵樂樂併盤＄62同平時Ｄ串燒併盤唔同，今次呢個併盤竟然係烚的，比較健康，雖然本身較清淡，但點上醬汁也是不錯的。亞參梳打＄17熱亞蔘蜜茶＄14兩杯飲品都是羅望子的酸甜味，很解渴。整體是不錯的，可以一試~

今日和友人行經荃灣廣場shopping完，朋友提議試試蝦麵店。內有窗口位還可以對著荃新天地的花園呢！主打四款湯底分別係辣味咖哩喇沙豬骨雞湯和福建滷麵近來吃得太濃味了，所以今日叫碗清清地豬骨湯豬骨雞湯貢丸魚片加蛋米粉 $54米粉爽滑 馬來沙爹雞髀肉串 $45芝士肉嫩滑，特別個沙爹醬有好多花生粒粒很有咬感。魷魚串燒 $35魷魚切得細細片出奇地軟熟生菜 $20抵食咖哩喇沙墨魚丸魚片河粉 $62趕唔係招牌湯底， 最重要食落唔油膩 . 但減肥要注意呀！因為太重口味了，一定不自覺一滴湯都不會剩。青檸梳打 $17酸甜度剛剛好的一杯青檸梳打

個人黎講對麵都非常喜好, 最近就試左荃灣蝦面店, 店最出名係馬來西亞辣味蝦湯底麵, 真係跟足馬來西亞風味, 果湯底的確係好濃有蝦味之餘, 配埋油麵食, 真係不得了!另外佢仲有個湯底好正既!就係豬骨雞湯底,唔想食咁濃既, 呢個一定岩口味, 清清甜甜又有肉味, 唔要油麵, 米粉一樣出色, 因為夠索!除左個麵了得, 小食都令人大開眼界!我地叫左脆魚皮, 沙爹醬魷魚同甜品椰汁糕! 脆魚皮真係脆, 就咁食都唔覺油, 浸2下湯仲正, 一樣咁脆! 沙爹醬配魷魚非常惹味! 最後由充滿椰香既椰汁糕作總結!餐廳黎講, 佢都算有好多細心位, 簡簡潔潔以白為主。有紙圍巾俾客人用, 原來係用黎防止客人食麵時唔小心滴汁落衣服度! 服務方面都算快速, 好快就到齊哂!價錢又唔貴, 就可以試到咁正宗既馬來西亞菜, 係低既!

今個星期六肥妹仔同肥媽去咗呢一間蝦麵店度食午餐。辣味蝦湯米粉呢一個蝦肉肉骨麵配料有魚蛋，墨魚丸，魷魚，選擇種類都幾多。 先講個湯底唔算太辣，但係有食到好香濃嘅蝦味，不錯。魚蛋墨魚丸嗰啲中規中矩，魷魚都幾爽口。豬骨雞湯蝦肉肉骨麵配冬菇呢一個湯底比較清，不過都幾香豬骨味。冬菇夠大粒，咬落去啖啖肉。馬來沙嗲雞髀肉串呢一個雞髀肉串好惹味，沙爹醬好濃味，雞肉都算嫩滑，不錯。馬來白咖啡好香咖啡味，甜甜地，鍾意飲甜咖啡嘅人可以一試。

同朋友喺荃新天地行完街，覺得肚餓就順道喺嗰度搵地方食飯，經過呢間《蝦麵店》畀佢白色同黃色嘅裝修吸引住，門口嘅餐牌又介紹係檳城秘方蝦麵，就決定係度開餐。餐廳裝修以白色同黃色為主調，清新得嚟略帶異國風情。呢度主打四款都需要用多個小時熬制而成嘅湯底，辣味蝦湯底、咖喱叻沙湯底、豬骨雞湯底同福建滷湯底。蝦肉肉片摻摻配辣味蝦湯底 ($66) - 用蝦仁片、肉片、通菜……等做配料，呢碗麵最精彩嘅部分在於湯底，湯底蝦味香濃又帶少許肉骨嘅鮮味，味道豐富又有底蘊，摻摻口感順滑帶少許爽口，索咗湯底嘅味道之後，香口好食。魚蛋魚片麵配咖哩叻沙湯底 ($62) - 魚蛋魚片滑溜彈牙有魚味，咖哩叻沙湯底香口中帶有適量嘅椰奶香，飲落味道香濃，口感順滑，摻摻食落滋味唔油膩。娘惹參巴咖哩蕃薯葉 ($52) - 以香口嘅咖哩及辣中帶鮮嘅參巴做sauce，番薯葉及薯仔粒辣得嚟得非常香口滋味。五香脆炸豆腐豆卜 ($25/S) - 豆腐豆卜炸得香脆鬆化，配上酸梅醬，忍唔住食完一嚿又一嚿。魷魚串燒 ($35/2串) - 魷魚爽口鮮味唔會韌，配上沙爹花生醬及酸梅醬，惹味好食。凍馬來白咖啡 (跟麵食$11) - 香味有層次甜度適中。凍

蝦麵店係灣仔不嬲好出名，但小妹都一直未試過，最近居然係荃灣開左間分店，咁近我屋企，當然要試下啦。兩人叫左辣味蝦湯底海鮮摻摻、豬骨雞湯底蝦肉肉骨摻摻、五香滷肉、馬來沙嗲雞脾肉串、青檸梳打同阿參冰茶。辣味蝦湯底海鮮摻摻 （$72）蝦麵店最最出名既招牌菜，超入味既蝦湯底小小辣，但個辣度岩岩好，超級惹味，配合油麵加米線混個既摻摻粉，米粉吸收湯汁，而油麵則比較爽口，兩者一齊食絕對令你上癮，配有滿滿的海鮮料包括大蝦、魷魚、青口、腐角同蟹柳，令人好滿足，小妹大推薦，真係好好食！豬骨雞湯底蝦肉肉骨摻摻（$68）賣相看似普通，但食落有驚喜，豬骨雞湯底味道清甜，絕對唔係味精湯，肉骨啖啖肉唔鞋夠滑口，比起蝦湯底佢冇咁濃味，岩哂想食清淡d唔鐘意食辣既朋友。五香滷肉（$55）以五香混入新鮮豬肉、香芋、荸薺、洋蔥等多種食材，咬落有口感亦唔會膩，再配埋三種醬汁酸梅醬、青檸汁同滷湯食用，好特別好好食。馬來沙嗲雞脾肉串（$22）雞脾肉非常嫩滑，配自家製沙嗲花生醬，非常惹味。青檸梳打（$17）阿參冰茶（$17）阿參冰茶冰涼酸甜，青檸梳打冰涼清爽，食完惹味既食物醒胃消滯一流。

荃新天地最近開左呢間蝦麵店今日終於得閒黎試下 周日黎到都見到差唔多滿座咖哩叻沙海鮮摻摻摻摻即係米粉加油麵 呢個配搭都唔錯呢個咖哩叻沙湯底唔會好辣 就算我唔食得辣都接受得到湯底好濃郁叻沙味比咖哩味重 唔會蓋過D摻摻掛哂湯咁食好正海鮮有蝦 青口魷魚等等份量都幾多之後就叫左個招牌既辣味湯湯底湯既蝦味極濃一聞會聞到好香友人話都偏辣 要食得辣先好叫呢另外叫左幾串串燒 馬來沙嗲雞脾肉串燒火候十足 燒得岩岩好肉醃得好入味好有係馬來西亞食既風味值得推介肉骨茶胡椒味偏重 較辣

朋友係灣仔食過呢間咁出名嘅蝦麵店知道佢荃灣開咗分店 就帶黑洞一戰餐廳裝修用上鮮豔黃色 十分光猛感覺置身馬拉一樣咁有活力餐廳有四大駐名湯底黑洞叫咖哩叻沙湯底海鮮麵用料豐富 有蟹柳 腐角 魷魚 青口 蝦湯底濃厚 香氣十足而且完全唔辣反而有淡淡椰香 濃而不膩所有配料 特別係豆卜吸收晒湯汁朋友叫咗個福建滷面 揀左摻摻底 即係油面加米粉相對來講呢款湯底蝦味更濃淡淡都好似食緊蝦既精華一樣鍾意重蝦味嘅話必試呢款至於青口都幾鮮甜大隻小食叫咗馬來西亞雞脾肉串肉質超嫩 加埋自製沙嗲花生醬兩者十分配搭鍾意食榴槤嘅朋友好錯過咖央榴槤多士榴槤味唔算好濃 咖央醬夠惹味多士即整夠脆口飲品黑洞要冰糖檸檬薏米水超級推介 完全唔甜 去水腫夠健康朋友仔個杯馬來白咖啡都好正咖啡味重 口感濃厚整體食物質素好高 而且價錢合理去開荃灣嘅朋友不妨一戰

香港其實不算很多星馬菜，而我骨子裡愛吃馬拉菜，之前在網上看到，原本在灣仔的「蝦麵店」已經開分店到荃灣，今天順路路過就試試。辣味蝦湯蝦肉墨魚丸米粉$60，蝦湯的鮮蝦味，經過長時間的熬製，配上辣湯，讓味道充份發揮，令人忍不住先喝幾口，才開始吃米粉。而蝦肉吸收了蝦湯的鮮味，好像畫龍點睛般的，讓蝦味提升到另一層次。墨魚丸內有碎的墨魚粒，令嚼勁和味道都增加了不少。豬骨雞湯蝦肉肉骨摻摻麵$68，豬骨雞湯味道清甜，湯頭清澈，肉骨帶著白胡椒的味道，加些秘製參巴辣醬，更可以為湯頭，加上一點點不同凡響的生氣。因為秘製參巴辣醬的辣味中，帶著蝦醬的香氣，又是馬來的特色。白胡椒肉骨油條，油條很硬，要放在胡椒湯內一段時間，吸收了湯的香味，味道才可以發揮得淋漓盡致。肉骨帶著白胡椒的香味，不過仍然保持肉的香味，令人忍不住吃完肉骨，還要喝完這碗湯。青檸梳打跟餐$17，不像泰國的青檸梳打，味道像青桔，喝完覺得很開胃。馬來白咖啡跟餐$17，椰糖的甜味，令咖啡不用加糖，這個是馬來西亞獨有的味道。榴蓮咖央多士(大)$28，榴蓮味道比咖央強，首先進入味蕾是榴蓮味，之後咖央味才出現，合併後有點像貓山榴蓮的味道，可當餐後甜點，這個可

特地來試試這間灣仔起家的蝦麵店，主打的是福建蝦麵 以及其他喇沙，咖哩等食品。 我們兩人各點了一個麵， 分別是蝦肉肉片福建麵和蝦肉肉片福建滷麵 還叫了一個咖哩蕃薯葉。蝦麵先上，感覺湯的份量非常之多，可能是我點了少辣的原因。 因此湯底味道亦不算濃郁，只帶一點辣味。特地把湯都搬出來才看到肉片。滷麵的湯底是比較稠的，有如湯羹一樣，味道則偏鹹。材料除了有肉片和蝦肉之外，亦有蛋絲。麵底選了摻摻，其實就是油麵加米粉，吃下去會有雙重口感。另外還點了參巴醬咖哩蕃薯苗，不過非常的辣，能吃辣的朋友可以挑戰。