蝦麵店 (荃新天地) (已結業)

真係好好味，蝦湯無得輸，係好鮮味、但又唔係一味靠濃味果隻，而係越食越鮮味😋😋我估應該係用左好多蝦煲成的湯底！如果叫蝦肉的話，係真係好足料，啲蝦多到好似食極都食唔晒咁！其實真係幾抵食！個咖喱湯又係非常唔錯，佢唔屬於好大浸椰奶果隻，因為我都唔鍾意食椰奶，所以正合我心意！個湯底好濃厚，個豆卜浸落去真係非常惹味😋同埋個炸魚皮，浸一浸落個湯度食，更加惹味！仲有佢個辣醬，不得了呢排成日都心思思想食佢，超正！有機會試埋佢個滷麵先，見到都好似唔錯，幾正宗