蝦麵店 (荃新天地) (已結業)

最近男小編同朋友去荃灣行街，之後係citywalk見到喱間鋪頭，有男小編好鍾意食嘅叻沙😍😍好耐之前係鰂魚涌見過都好想食，今次終於有機會食到了😎#咖哩叻沙海鮮麵 ($74)😋好味指數：(7/10)一開始飲咗啖湯，飲落都好香同埋有少少辣😗大蝦食落唔算好新鮮，而且得一隻😣青囗又係得一隻，食落冇咩特別😦腐角,蟹柳同魷魚份量就多，而且魷魚都幾爽口彈牙🤔麵嘅份量都正常，唔算大食嘅都應該夠😎不過個湯真係好香好濃，飲落唔會好頸渴，所以加返唔小分😗#蝦肉肉骨麵 ($68)😋好味指數：(7/10)個湯飲落豬骨味道偏淡，反而雞湯味反而更出😣今次就揀咗摻摻，米粉食落幾爽口，食落去口感唔錯😎蝦肉可能切片切得太薄嘅關係，所以試唔真個味🤔反而豬骨有驚喜😳個豬骨應該都煲左一段時間，所以夠哂入味，而且肉質好軟淋淋😍#馬來沙嗲雞脾肉串 (6串 $65)😋好味指數：(7.5/10)配沙嗲花生醬可能擺咗一陣先食，所以就唔算熱🤔不過肉質都幾淋，唔會好乾身😎點埋啲醬食落更加惹味😗#榴槤咖央多士(全份) ($28)😋好味指數：(5.5/10)個樣望落都幾吸引😆就咁聞落去都唔太重榴槤味🤔食落去就唔算脆，而且榴槤味都真係唔太重🤔不過過

今日嚟到荃灣覓食，都唔知食咩好，難得見到有間馬來西亞風味嘅餐廳，諗諗下好似都好耐冇食過，一於入去品嚐，裝修新穎簡單，又乾淨，侍應都係後生仔後生女，充滿活力啊。頭盤我哋叫咗個亞參脆多士，條邊微烘，我哋叫咗分大份，麵包微脆，上面塗滿特製嘅醬，酸酸甜甜特別開胃，食完呢個餐前小食，胃口大開呀。沙嗲全消，用嘅係雞俾肉，淨係睇過買相，都已經流晒口水，食落口果然係雞俾肉，爽口又彈牙，而且火候控制得啱啱好，唔會好乾身，再點埋個沙嗲醬，果然正呀。好啦主角嚟啦呢個係豬骨雞湯蝦肉肉骨麵，個湯係唔辣嘅，但係有濃濃嘅豬骨同雞味，蝦肉爽口彈牙，呢一個肉骨就真係正呀，大大件，唔會好鞋，而且中間夾住啲軟骨，又唔會好淋，入口有咬口，大大嚿！正！五香脆炸豆腐豆卜，你一個炸豆腐真係唔可以睇小，見佢個樣平平無奇，但係點上甜酸醬，入口份外滋味，最緊要係唔會覺得佢好油。呢一個摩摩渣渣，真係必食推介，見到佢個顏色已經覺得好特別，原來係用芋頭同椰奶造成嘅，入口充滿香芋味，而且中間仲會有啲芋頭肉同埋香蕉，入口份外滋味，食完一碗仲想要多碗啊

某次從朋友閒談中得知有間在灣仔的檳城麵店在荃新天地開了分店，見好評如潮，便在週末去試試。他們在2000年開業，有接近二十年歷史，餐牌主打麵食，提供四款湯底，以蝦湯底比較出色。我先點了蝦湯肉片麵，據餐牌上說是比較辣的湯底，而朋友則點了咖喱喇沙海鮮麵。個人認為蝦湯比較出色，蝦味不但突出，而且湯底很鮮甜，建議另外加底以品嚐整碗鮮湯。湯麵內的肉片份量也不少，很有檳城風味。辣度與鮮蝦湯十分配襯，不建議少辣/走辣。另外值得一提的是他們有自家製的參巴辣醬免費提供給堂食客人，這醬與蝦肉最為適合。小食點了馬來沙嗲雞脾肉串，最欣賞串燒的沙嗲醬，花生碎粒令串燒添了不少口感。而最後甜品則點了亞參脆多士作結，這多士味道似是酸梅醬塗上多士上，酸甜非常突出，配上咖啡也是不錯的組合。

放假同女友去荃灣行街，經過門口見到主打檳城喇沙既蝦麵店，女友話好想食下係唔係檳城既蝦麵味！ 咁我哋就入去食！店内裝修有馬來西亞色彩，黃白對比非常有活力非常吸睛，環境舒適！辣味蝦底湯蝦肉肉片麵：上枱時熱辣辣，滿滿一大碗，挺吸引。麵料有一隻蝦，體積中等，有大量蟹柳，青口新鮮，豆卜 和腐角索盡湯汁，魷魚翼亦新鮮彈牙。咖喱叻沙湯底海鮮麵：喇沙湯底是全碗麵的靈魂，稀稠度適中，湯身帶有紅油。椰香味十足，繼而慢慢滲出香辣味，不嗆喉，配搭檬粉，每一口都沾上濃郁的湯汁。魷魚秋葵樂樂拼盤：魷魚很嫩，有三種醬料任你撘配，秋葵清甜，三醬以沙嗲醬惹味又開胃娘惹參巴咖喱番薯葉：這個菜鮮嫰味道較濃，不太肥膩，健康又惹味之選馬拉白咖啡：馬來西亞馳名的白咖啡，白咖啡系經低溫烘焙，味道純正，芬芳!

呢間哈麵店，之前喺灣仔已經食過一次，覺得味道好好味，連朋友都話係灣仔已經好出名，難得今日經過荃灣，估唔到咁快就殺左入嚟荃灣啦，咁我就梗係快啲入去食返碗先啦，呢度面最出名嘅就梗係佢嘅湯底啦，我朋友話連蔡瀾食過都讚好啊。咖喱叻沙蝦肉肉片米粉充滿馬來西亞嘅風味，個湯底絕對係呢個面嘅精髓，真係喺其他地方想食都食唔到，充滿蝦嘅香氣，我叫咗有蝦肉同肉片，蝦肉都好多，食落口爽口彈牙，好食到不得了，聽人哋講呢度嘅湯底係用蝦頭、蝦殼、同豬骨，制成，估唔到入口令人回味，不過好可惜，可能我晏左黎，已經冇晒河粉，不過食米粉一樣咁出色。白胡椒肉骨油條個湯底真係一絕，充滿龍龍嘅護照香氣，肉骨入口嫩滑，充滿肉汁香氣，最重要嘅係有我最鍾意食嘅軟骨，唔會主導好林生，而且充滿湯嘅精華，真係啖啖肉淡淡滋味。脆香魚皮魚皮入口鬆化，而且新鮮，唔會覺得好硬身，而且睇得出魚皮白雪雪，感覺啲油比較乾淨，真係食完一碗仲想買多碗啦。榴槤加映多士多士上海嘅時候仲熱辣辣，入口鬆化，而且充滿着榴槤同咖映嘅香氣，充滿馬來西亞嘅風味，覺得好有特色，

又係食午飯既時候，見到有喇沙湯麵，正，就食呢個啦。坐低睇下有咩好食先。蝦肉肉骨麵， 個麵嚟到，第一時間試下個湯底，真係好重蝦味，好似飲緊蝦湯咁。 仲有兩件大排骨，唔韌又多汁，河粉夠滑夠爽。海鮮麵，呢個喇沙湯底好香，仲有少少咖喱味，每款海鮮都有少少，越食越開胃。叫咗個蠔油生菜食下。雞肉串燒，雞肉燒得唔錯，點埋嗰醬汁更惹味。榴槤咖央多士，有小小榴槤味，甜甜地都幾得意，個多士放到好似掛8號風球信號甘，哈哈！

(辣味蝦湯底)蝦肉魷魚翼油麵麵：-無叻沙湯底咁辣-蝦肉夠新鮮彈牙好味指數：3.5/5.0 (咖哩叻沙湯底)雞絲雞蛋檬粉：-有之前去馬來西亞果陣食叻沙既味道！-雞絲好多好味指數：4.0/5.0整體：-分量十足，兩碗三個人食都得-湯底濃郁足料

2019.02.23 😊【全新形像走進荃灣大家庭 - 蝦麵店】食在荃灣認識到蝦麵店是在灣仔杜蘭街 始於2000年其蝦麵及福建麵在區內名聲甚噪📣✨不少食客都慕名而來 當年小妹亦如是還記得店鋪裝潢簡潔 卻不失南洋風味最近就以全新形像走進荃灣裝潢亦一改前風 大膽用上鮮黃色為主調💡想必是為了配合荃灣這個充滿活力的大家庭吧辣蝦肉肉片麵 $66蝦麵 在檳城又稱福建麵是二戰時期當地人充飢及補充能量的重要食物在他們眼中的地位舉足輕重蝦麵店的皇牌湯頭是吸引人的精髓以蝦殼、洋蔥、辣椒及肉骨熬煮7個小時而當年初嚐小店的湯已留下深刻印象辣中帶鮮 辣得過癮🌶️是次專乘來碗少辣口味 不太好辣的朋友亦可接受惟蝦味就會較淡🦐炒過的蝦仁及肉片切成薄片 加上炸蔥、蝦殼、通菜配菜使其配料更容易吸收湯的精華加上一口接一口的摻摻(油麵加米粉) 想像自己就在檳城渡假福建滷麵海鮮麵羹 $68麵羹是類似湯羹的湯底外表跟港式碗仔翅相像 亦可加入黑醋稍作調味這道料理入口濃綢、順滑 對比前者更討我歡心由於以蝦、豬骨、雞等材料熬成 味道帶甜🍲當中加入了大量海鮮: 大蝦、魷魚、青口、腐角、蟹柳等不論視覺 還是味覺亦感豐富五香滷肉配一口脆豆腐 $

「蝦麵店」始於2000年在香港灣仔蘭杜街開業，現在已經有19年歷史，麵店剛在荃灣楊屋道荃新天地第一期開了第二分店。今次就來到荃灣分店幫襯一下，看看麵店的水準是否跟總店質素一樣。主打必定要食的辣味蝦湯底，餸菜就點了“蝦肉肉片”配上摻摻，摻摻是什麼，其實就是米粉拼油麵。先來自看一下湯底是滿滿的紅色，蝦肉及肉片也一樣被湯的顏色感染到紅色的。味道方面必先呷一口湯，果然是惹味鮮甜，有很香濃的蝦味，還有辣中帶甜，湯底非常好。蝦肉及肉片也浸透了湯的惹味，令肉味更增添層次。油麵及米粉也掛上蝦湯的味道，不論湯、麵及餸菜也一樣如此滋味。另外咖哩喇沙湯底也不會輸蝕，湯底也非常香口，香濃的咖哩中帶椰香及辛辣味，再配上彈牙爽脆的魚旦及足料的墨魚丸，簡單冇得輸。仲有加埋炸魚皮，再將魚皮放上湯，索滿湯的魚皮都好好味。來到檳城餐廳見到有榴槤食品又點可以錯過，半份的 榴槤咖央多士，三塊三角形的麵包， 塗上榴槤蓉及咖央醬，味道超正，先嗅到榴槤香隨後入口甜甜地，好美味啊～飲品方面也不錯，青檸梳打是可以飲到滿口鮮青檸汁，不是出面一般的普通青檸梳打水。整體上食物及飲品也能保持總店的水準，沒有令人失望的感受，下次可再來荃灣分店也

行行下商場見到呢間就決定入黎食下啦，不過感到失望既係衞生比較差，食物質素就一般了，沒有下次了。衞生差原因係因為一坐落黎就比左杯我地自己加水，有隻杯頂杯邊有長漬，可能係清不乾淨了，另一隻杯就有黑色粒粒係個杯入邊，杯有漬，唔知咩黎，所以就沒飲水了。食物方面，冬菇雞絲麵，一般，冬菇都切到比較薄身，雞絲份量還可以，但味道沒有特別，湯底都真係幾清下，沒有甚麼值得回味既地方。環境方面，可算是寬敞。總結衞生較差，食物一般，沒下次。

Weekend 同屋企人出去食lunch見到citywalk開左蝦麵店 之前都有食過灣仔分店竟然開到黎荃灣 就入去試下環境都幾開揚光猛餐牌選擇仍然有好多仲可以按自己既胃口調較麵底既份量咁就唔會浪費五香滷肉配一口脆豆腐豆腐鬆脆 都幾入味肉骨茶 食落較重胡椒味 好香 夠哂暖胃飲幾啖就已經成身好暖肉既份量都幾多我要左咖哩叻沙海鮮麵咖哩+叻沙湯底真係好少試 上一次起灣仔食過都覺得特別 今次再試麵條可以掛到湯汁 食起黎會有濃濃既叻沙同咖哩香屋企人食得辣 要左辣味蝦湯底海鮮麵佢話辣度正常 食得好滋味豬骨湯底海鮮麵即使係唔辣既湯底都表演出色

呢間係新加坡蝦麵店，叫了碗米粉加油麵，招牌湯底，個湯溶入了蝦味，湯清甜到想飲晒佢！湯底出色！但蝦就切到好薄片，得幾片，太少了，配料就加咗D芽菜丶蛋絲，肉片，每樣有少少，不錯！

咁啱要去荃灣做嘢，所以就決定係附近搵餐廳食埋先走。經過呢間蝦麵館，話係主打檳城風味的蝦麵，好似幾得意咁就試下。其實都唔知有咩好食，所以就點左招牌辣蝦湯麵🦐🍜，諗住招牌菜應該都唔會差得去邊既。嘩～第一眼真係嚇死😱，成碗麵紅到呢😵 餐廳標榜正宗檳城風味，檳城人咁食得辣架咩?!不過我未去過檳城，正宗檳城風味係點就唔知，不過食落就真係好有東南亞風味🌴同埋發覺俾d紅色呃左，原來碗麵唔係好辣架ja～ 裡面料都幾多，不過樣樣都係正常無咩特別好食。

一到冬天就好鐘意食辣野😆 黎到荃灣食返個檳城辣蝦麵～同男友揀左兩個唔同湯底，辣味蝦湯底同咖哩叻沙湯底😋 。🔅海鮮麵 - 辣味蝦湯底🔅湯底飲落辣度適中，好香蝦味～麵底揀左摻摻(油麵+米粉)，口感幾特別，配料好豐富同新鮮！有大蝦，魷魚翼，青口，腐角同蟹柳，另外仲有芽菜同豆腐卜，大大碗好滿足😋。🔅海鮮麵 - 咖哩叻沙湯底🔅男友都係揀最豐富嘅海鮮麵😆 湯底咖哩味比較重，但好香好好飲，忍唔住係咁飲😂再另加左肉骨，大大件唔靭好嫩滑，吸哂湯底好入味～。叫左份沙茶醬魷魚翼，沙茶醬味道好濃郁好正，如果魷魚翼份量多返啲就好啦👍🏻 飲品推介青檸水，酸酸甜甜中和返湯麵嘅辣味，正～

臨近農歷新年，大家都很忙碌， 難得今天來個小聚，決定相約到荃新天地的蝦麵店。 癲姐爸爸是半個馬拉人，孩童時代在檳城渡過，所以順理成章，癲姐都有馬拉身分證。每一次到檳城，蝦麵一定是我的早餐，二十年前外賣是用膠袋扎住的。好，說回正題！晚上時間尚早，我們是第一枱客人。餐廳裝潢主要是黃白色調， 光線充足。麵分了幾個湯底，當然必點招牌辣味蝦湯的蝦肉肉骨， S小姐不嚐辣，所以點了個豬骨雞湯的蝦肉肉骨。招牌辣味蝦湯的蝦肉肉骨 $78-有90% 像檳城的蝦麵 ！！ 好驚喜， 竟然在香港食到 ！ 蝦湯濃，辣味足，配菜還有炸蒜頭，香味爆燈。麵底一定要選摻摻， 基本上在檳城食到的都是摻摻 ， 摻摻即油麵和米粉的結合，兩種口感，而且更加能吸收湯底，正！ S 小姐的豬骨雞湯底， 一樣是叫摻摻， 豬骨跟我的一樣，腩排炆得算淋啊！而且有淡淡香料味～好！不過湯底略淡，略嫌無味。馬來沙嗲雞髀肉串（2串） $22雞脾肉滑，有肉汁， 沙嗲醬是偏甜的那種，有好多花生粒粒😋榴槤咖央多士 $18 多士是冷的，榴槤和咖央味比較淡，幾乎聞不到 ， 但食落都有榴槤味的，可能遷就一般香港人？ 青檸梳打$17 是S小姐的我小試一點， 青