蝦麵店 (荃新天地) (已結業)

蝦麵店推出一人套餐, 包括一碗麵、兩款小食, 仲有一款甜品或飲品, 價錢都係一百蚊多啲, 對比返散叫一碗海鮮叻沙都要$74喎, 套餐抵好多呀！咖哩叻沙海鮮摻摻叻沙湯底香濃鮮味, 咖哩香氣突出, 帶有微微辣味同椰香, 海鮮配料豐富。小食+$15揀咗秘製囉吔, 個名好特別, 原來係馬來西亞式沙律, 特色係喺鮮果上加上鹹味蝦膏醬, 再灑上花生碎, 一鹹一甜, 呢個食法好有新鮮感！腐乳通菜 橘子香茅凍 香茅凍加入蜜糖, 甜美清新。朋友叫多碗麵同我share小食就已經好夠飽。福建海鮮麵羹 摻摻 $68 (扣底-$2)湯羹十分掛麵, 令麵條口感更加順滑。冰糖檸檬薏米水$18 檸檬可樂$18

之前見到灣仔的蝦麵店在荃新天地開店，想試好耐但都沒有機會。在復活節假期的第一天偶然經過，立即入去試下。晚上七時許，全店差不多滿坐，因一人關係，亞姐堅持我只可坐面向窗的吧枱位。ok, 沒關係，明白你要做生意，但帶位都唔帶，當時全部吧枱坐位已有人佔用，咁亞姐你想我趕你d客定點呢？擾攘了一陣，終於可坐低。雖然是吧枱，但坐位尚算寬闊。坐低後，亞姐放低一個空杯。斟水餐具請自助。點了海鮮咖哩叻沙配摻摻（即油麵加米粉）。有叻沙味但不算特別香濃，少許辣，但湯底吃得出有蝦味。而且食曬成碗麵後都不會覺得很口渴，表示不是味精湯底，這個值得一讃

今天中午在荃灣，知道蝦麵店新出了二人套餐，便來到了。二人套餐$248 ，有六款食物：1. 包兩款細份麵食，蝦肉肉片米及蝦肉肉骨摻摻(另加$10)，兩碗的辣味蝦湯㡳，蝦味濃郁，辣度適中，份量雖然是細份，不過吃完其他食物，已經很飽。2. 小食，馬來香炸雞翼三件＋馬來沙嗲雞肶肉串兩串。香炸雞翼外脆內軟。沙嗲雞肶肉咖哩味道十足。3. 白胡椒肉骨油條。胡椒肉骨的胡椒味很重，吃完感覺胃部有股熱流，配合油條，吸收了胡椒湯，味道更佳。4. 五香脆炸豆腐豆卜。豆腐豆卜夠香脆，點些泰式酸辣醬，減少了油膩感。5. 冷熱飲品或汽水：檸檬菜蜜，檸檬🍋和菜蜜比例適中，喝完感覺很滋潤。馬來西亞白咖啡加$10，椰香的香味加上咖啡內，又是另一情懷。6. 甜品兩份：摩摩喳喳，即是芋頭喳喳，甜度適中，口感嫩滑。亞參脆多士半份，亞參的味道很像果醬，甜中帶點酸。

下午茶時間去到雖然唔使排隊，但係店什面都坐左唔少人，MENU都算簡單，除左面食，都有唔少小食選擇。叻沙湯底蝦肉肉片面一睇個色就知個湯有幾濃，岩晒我重口味面底要左「摻摻」，即係油面加米炒，不過其實因為油面真係粗過米粉太多，所以食落米粉口感真係唔太明顯。呢度嘅面全部都有蝦肉，作為呢度嘅主打，對佢都有D期望，不過食落有D失望，一D都唔彈牙，仲冇米蝦味，口感有D"梅"馬拉雞拼盤 (炸雞翼4件+沙嗲雞脾肉4串)雞翼炸得岩岩好，表面干身，內里仲係滑嘅。雞脾肉串比起平時食嘅雞肉串食起嚟更加有啖啖肉嘅感覺，係一個令人有滿足感嘅一個菜。鐘意濃味叻沙嘅朋友不妨一試，價錢味道都OK，不過如果想追求新味嘅朋友就未必達到要求。

一直都有食開灣仔同鰂魚涌分店，估唔到最近行荃新天地時見到佢哋開左間分店喺呢度店鋪面積比其他鋪大，大檯細檯都有，環境保持一貫馬來西亞風味，7 點去到已經坐得滿滿，要開始等位了呢間分店除了喇沙同蝦麵外，竟然仲加入左其他小食同甜品，真係幾驚喜！我同朋友就叫左個$222 既2人餐食，真係驚喜一浪接一浪，真係估唔到咁豐富，先嚟既有4 寶喇沙(細) 雖然話係細麵，呢個麵既份量感覺上同正常份量無咩分別，份量十足，入面有魚蛋，魚片，魚腐，豆卜，貢丸等，最重要係香濃既咖哩湯底，既甜且辣，食完又唔覺點口渴！ 摻摻麵底用上彈牙既油麵配上米粉，吸埋湯汁嚟食，非常惹味！朋友叫左個蝦味十足既招牌蝦麵，香濃既蝦湯佢話同馬來西亞當地食到無咩分別！跟住出場既都係小食系列，真係幾多款！先嚟有炸到香脆豆香味十足既炸五香脆炸豆腐豆卜！再嚟有勁似星加坡風味肉骨茶既白胡椒肉骨油條，基本上除左個名唔係叫肉骨茶外，其他都同肉骨茶無分別，份量多，足足有4 條一字骨，一咬離骨， 香辣胡椒味非常惹味，又唔會太咸，強烈推介！跟住有沙嗲雞脾肉串，雞肉好有咬唔又嫩滑，唔錯！仲有炸得金黃香脆既馬來香炸雞翼！估唔到呢度除左馬來西亞食物種類選擇多外

之前一直聽聞這間蝦麵店，終於唔駛出到香港咁遠食啦，荃灣荃新天地都有分店，我係超級喜歡食叻沙，所以今日同老公一齊黎食蝦麵店主打馬來西亞湯麵，餐牌有幾款湯底可以選擇，咖哩叻沙湯麵、豬骨雞湯底、辣麵蝦湯底，福建滷湯底。我地選了檳城尋味二人套餐（$248），有小食、甜品，飲品，好抵食蝦肉肉片油麵（咖哩叻沙湯底）未食已聞到濃濃既叻沙味，咖哩叻沙湯底是自家制，湯底夠濃稠，帶著微辣的咖哩味，味道非常出眾，最後連湯都喝清，配料都入晒味。魚片四寶油麵（豬骨雞湯底）四寶有魚蛋、貢丸、腐角、墨魚丸，湯底味道清清地，帶點雞香味馬來香炸雞翼（3隻）雞翼炸到不會乾，帶一點點香茅味馬來沙嗲雞脾肉串（2串）雞脾肉嫩滑白胡椒肉骨油條油條非常脆口，吸盡湯汁，湯汁有白胡椒濃郁既香氣，肉骨不柴口。腐乳通菜亞參脆多士酸酸甜甜，味道又幾特別桔子香茅凍不太甜，清清地，淡淡的桔子香茅味熱美祿&凍咖啡

來到荃新天地打算搵d 平時少有嘅食肆，選擇咗蝦麵店，午市時間都唔多人，但叫落單都要等好耐。落好單點咗碗喇沙湯四寶檬粉，碗粉黎到太餓唔記得影相，湯望落好濃郁咁，可惜飲落雖然係好有喇沙香料味但無鮮味無肉味又無乜椰奶香味，湯只係濃香料但味道係唔會令人回味...唔得...四寶丸更好一般，唯一一塊腐角味道比較有鮮甜味其他都係一般水準嘅丸。然後我碗粉食到一半問佢跟餐個小食未上，原來佢溜落單，正常應該快d 上番比客人，但佢溜咗單結果再落就要重新排過（無語），結果食晒碗粉先上到，小食個賣相係超乾炸豆腐粒一隻雞翼一串串燒，雖然跟咗碟醬，點知沾串燒個沙嗲醬勁水勁淡（人生未試過咁差嘅醬）完全唔會覺得係沙嗲醬仲要間舖雖然係商場入面，竟然係無冷氣

今日同朋友去左荃新天地蝦麵店食晚飯.好快就有位可以入座了我們點了個套餐點選了辣蝦湯少辣蝦肉肉片麵摻摻,辣蝦湯蝦肉魷魚摻摻,白胡椒肉骨油條,馬來沙嗲雞脾肉串,五香脆炸豆腐豆卜,亞參脆多士,桔子香茅凍,美祿,冰糖檸檬意米水,馬來香炸雞翼,魷魚串燒辣蝦湯少辣蝦肉肉片麵摻摻-只有少少辣味,配合埋料好好食辣蝦湯蝦肉魷魚摻摻-又唔算好辣,非常醒胃白胡椒肉骨油條-肉骨唔算好硬,胡椒味超過香口,刺激到味蕾馬來沙嗲雞脾肉串-都幾香口好味道,雞肉入晒味五香脆炸豆腐豆卜-脆脆的,有咬口又香口亞參脆多士-酸酸甜甜食落都好開胃馬來香炸雞翼-雞翼都好脆口,入晒味桔子香茅凍-甜甜地都幾得意好味魷魚串燒-爽口彈牙美祿-食左辣野飲少少甜野都唔錯冰糖檸檬意米水-少少甜意米水都幾清新

之前曾聽過灣仔有間馳名既蝦麵店，雖然一直都好想試，但奈何路程遙遠，估唔到而家喺荃灣都可以食到啦！一共有幾款湯底可以選擇，咖喱喇沙湯，福建滷麵底，豬骨雞湯底都各有特色，但難得黎到就一定要食返佢最出名嘅辣味蝦湯底！呢個湯底有得選擇少辣，食量比較少嘅人仲可以選擇扣底(-$2)。雖然叫咗小辣，但蝦味依然濃郁，集香，辣於一身，而辣度亦都唔難接受。湯底每日用蝦頭、蝦殼、豬骨和多種香料鮮製成，蝦味十足。墨魚丸粒粒飽滿，實在。一人限定小食拼盤，有齊串燒，雞翼，椒鹽豆卜。最後甜品係桔子香茅凍，味道清新，如果香茅味再濃啲就更好。

下午去了荃灣逛街，有時間順道到大會堂看看有甚麼公演，久不久去找不同的消遣，有助減壓，足夠休息也是很重要的。之後途經商場看到有叻沙店，又勾起我條筋去吃，原來是吃過的食店的另一分店，這裡多了不同款式的食物，而且有套餐供應，計落好像更平宜。檳城尋味二人套餐 $248魚片四寶咖哩叻沙檬粉這是我第一次試檬粉配叻沙，檬粉吸收咖哩湯後比較腍，湯頭味道濃，不會太稠，我仍是選丸丸吃，魚蛋、貢丸、墨魚丸與腐角，墨魚丸沒有墨魚碎粒，但好有墨魚香味，魚蛋與腐角彈牙。蝦肉魷魚咖哩叻沙米粉果然叻沙配米粉是最完美，米粉吸收咖哩湯後仍爽韌，魷魚彈牙，蝦略細，豆卜吸收了湯汁當然好味，豆芽爽口。白胡椒肉骨油條清清的芽菜胡椒湯，排骨夠腍，軟骨有咬口，想多吃其他肉的我們便點了這一碗。香脆炸豆腐豆卜炸得香脆，不油膩，吃到食物的原味，也可點一同端上的甜醬汁。炸雞翼與馬來沙嗲雞脾肉雞翼脆口，雞脾啖啖肉，不是太大碟的小吃。熱美祿自家製冰糖檸檬薏米水(熱 +$10)味道略淡，少甜，如多一兩片檸檬會更好。亞參脆多士半份帶酸味的亞參果，是馬拉特色，甜度適中。摩摩喳喳芋蓉甜品，裡面除芋頭，還有紫薯、黃薯、香蕉，有充足的植物澱粉質，下次會點兩

在港島區有兩間店舖的蝦麵店，在荃灣都有分店了，那麼九龍人和新界人便不需要長途跋涉去尋找馬來西亞的美食了。從荃灣地鐵站的接駁天橋直達荃新天地商場，一入商場就馬上被一幅有兩層高的海報吸引著，海報上正正就是一碗蝦湯麵。跟著海報上一層，便看到蝦麵店。檳城尋味二人套餐($248)這個是二人的全日套餐，包括任選兩款細份麵食，四款小食，冷熱飲品兩杯和甜品兩份。除此以外，還有一人套餐或可以散叫。辣味蝦湯底-蝦肉魷魚麵👍👍👍👍👍辣味蝦湯麵在檳城傳統稱為福建麵，湯底以蝦殻、洋蔥、辣椒等材料，加入少量肉骨熬煮七小時以上，湯底充滿蝦的香氣和鮮甜味道。麵底有油麵、米粉、河粉、檬粉和摻摻，可供選擇。這碗蝦湯麵我選了油麵配蝦肉魷魚，蝦肉已起肉並開邊，肉質鮮美，魷魚爽口彈牙。福建滷湯底-蝦肉肉片👍👍👍👍滷麵的湯底以蝦、豬骨、雞等材料熬製，再加入多款調味和蛋漿而成。入口濃稠的滷湯底有如湯羹一般，配合黑醋風味倍添。這碗福建滷麵我們選配了油麵、蝦肉和豬肉片，蝦肉已開邊，肉片切至薄片，麵條和配料都掛滿濃稠的滷湯。馬來香炸雞翼三隻👍👍👍👍這款小食是馬來香炸雞翼，雞翼炸至金黃香脆，帶有絲絲香茅的味道，如果喜歡酸甜味，還可以點一些

同MY BOSS初嚐檳城菜黎到荃灣嘅蝦麵店我叫左個辣味蝦湯 海鮮麵配摻摻 ($72)未入口已傳來濃香的蝦味入口辣勁十足配上檳城風味的摻摻(油麵跟米線混合) 惹味十足👍🏻👍🏻MY BOSS 則點了福建滷麵 蝦肉肉片麵羹 ($62)外表跟港式碗仔翅相像入口濃綢、順滑 味道帶甜🤗另外點左個馬拉雞拼盤 ($70)肉汁還有 配合酸辣汁食 肉味更突出至於亞參脆多士 ($28) 酸酸甜甜 味道特別😉_________________________裝修環境：✨✨✨✨✨服務態度：✨✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

最近荃新天地開多了幾間新餐廳，午飯時段非常很肚餓又想試不同款式的食物，見到餐廳新開，加上餐廳門前的餐牌寫著檳城尋味2人套餐覺得非常吸引，$238可以有9款食物！覺我挺抵的～套餐包2碗細湯麵，但份量其實都很足夠。可選擇不同湯底配自選配料和麵底～辣蝦湯配蝦肉肉骨滲滲麵因為怕辣叫了小辣，不過湯底蝦味依然足夠，配上片片蝦肉和大大塊肉骨，滲滲麵底則是由米粉、油麵組成。咖哩叻沙配海鮮和油麵海鮮份量都幾多有蝦，青口及魷魚等等，咖哩不太辣，所以可以啖啖湯飲入口。海鮮吸收夠咖哩叻沙味特別濃郁同開胃，非常適合香港人口味。小食馬來沙嗲雞脾肉串，肉串燒得剛好，充滿肉汁。馬來香炸雞翼白胡椒肉骨油條湯底非常清，可以清一清剛食完辣蝦及咖哩叻沙味蕾，肉骨份量挺多，再配上脆油條。馬拉盞通菜榴連咖央多士榴連和椰子🥥味香，雖然細細塊但醬味夠濃，而且多士烘底夠脆。亞參脆多士亞參醬第一次食，感覺酸甜中帶微辣，味道挺特別。跟餐飲品2杯或者可加$10轉特飲總共有8款食物加2杯飲品都只是2百多元，又平又多款，非常滿足。雖然套餐一份，但款式多，可任意配搭同選擇，幾適合個人口味，最緊要夠飽肚。

食物價錢都算親，店鋪不大，店內沒什麼特別裝潢，寬廣、舒適！咖哩叻沙湯底 海鮮麵 ：份量好足，有海鮮、大蝦、魷魚、青口, 仲有腐角同蟹柳等配料，相當豐富。其中大蝦好鮮甜，拆開仲有蝦膏添！叻沙湯底椰香味濃郁，辣度適中，惹味十足另叫左清清地的豬骨雞湯米：另加左豆卜同蟹柳，令其更豐富！其豬骨好林，湯好清甜！好健康腐乳通菜：通菜既份量好足, 唔會油淋淋的，腐乳、通菜是分開上，唔洗驚調味過重，夠健康。價格十分親民，料足。

我一向都是一位蝦控，所以知道荃新天地裏開了一間「蝦麵店」就忍不住前來試試。蝦肉四寶麵 (辣味蝦湯底)點了餐不消一會兒，他們便呈上蝦肉四寶麵。這碗麵的賣相都不錯，蝦肉被切片，配上魚蛋、貢丸、墨魚丸和腐角，看上去十分足料! 蝦肉的味道亦相當鮮甜，口感亦見爽口彈牙。雖然這些蝦跟新鮮的蝦有點分別，但是吃上去還是不錯! 至於其餘的「四寶」則中規中矩，沒有什麼特別。湯底方面帶微辣，配上整個蝦肉四寶麵是不錯的，但是湯底的甜味有點怪怪，好像加了不少糖而弄成的，所以我不是十分喜歡湯底。熱華田這杯熱華田的味道尤如學清水一樣，沒有什麼味道，真的非常失望!其實單是說蝦肉四寶麵味道是可以的，但是熱華田真的令我非常失望，希望他們能夠改善一下!