蜜庵本膳 (已結業)

近呢幾年，越黎越多素食主義既餐廳，素食兩個字尤其吸引一眾女仕們前黎，今日黎試試既就係呢間都有點名氣既蜜庵本膳。蜜庵本膳位置開係尖沙咀既赫德道，人流非常多既小街，大門外睇到裏面都幾廣闊，黃色既燈光特別顯得柔和舒服。蜜庵主食為定食同埋甜品，今次就只係衝住甜品黎，原先係諗住試下好評多多既開心果pancake，但由於情人節將近既關係，多岀了一份限定甜品。Strawberry baileys valentines pancake $158山長水遠黎到尖沙咀食個pancake，緊係有係佢既特別價值啦，履行素食既原則pancake捨棄麵粉既原材料，反而用上米粉製作，口感食起黎會無咁淋身，但味道同平時用既麵粉pancake基本上相同。加入baileys既味道，pancake感覺特別有feel，滲岀微微既酒精香，我個人係幾喜歡的，但整體上都唔算係太突岀，能未至於超級好食。

今日黎到尖沙咀，行經赫德道，發現左一間唔錯既餐廳，坐落於酒吧區附近，佢就係♥蜜庵本膳♥！佢個環境好舒服，有啲似無印風既感覺，主要都係以木色為主，不禁令人覺得好小清新，文青既感覺呢！呢到設有BAR台，可以好寧靜地享受。餐牌上見到可以自己配搭唔同既主食，分別可以自己揀冷盤、炸物、鍋物，每款都幾吸引～佢仲有唔同既野飲同埋甜品，當然唔少得就係呢到特別既班戟啦！自選三主菜定食 $128 （田舍煮茄子＋花魚一夜干＋季節野菜鍋）呢到既定食比想像中細份，不過慢慢食，其實都會飽肚的。首先食左個田舍煮茄子先，佢個茄子好FRESH既感覺，一啲都唔油，佢個汁有少少酸酸甜甜，幾開胃既！開左個胃之後，就食埋個花魚一夜干，個名幾特別的，佢個感覺似係鯖魚，配上檸檬汁，今次個味道會係咸咸酸酸的，同樣佢一啲油既感覺都無，煎得剛剛好，條魚都唔會好乾，雖然唔算大份，但小食多滋味！黎到佢個主菜就係季節野菜鍋，聞起上黎都已經幾香，入面啲料都幾豐富，有菜、洋蔥、羅白，荷蘭豆、芋絲、仲有幾片牛肉。佢個湯底咸咸地又帶點清甜，配埋個飯食就岩哂啦！佢呢個餐仲會配埋沙律同埋一碗餐湯（麵豉湯），仲有一份開胃小食（蓮藕），所有小吃前菜都好好食，

同密友食過晚飯，意猶未盡，繼續去搵甜品店，想食pancake, 但去開的店已經last order. 在寶勒巷附近徘徊，密友發現這家日式pancake店，就是這樣同米漿pancake相遇上。黑糖甘栗咖啡抹茶紅荳米漿pancake個名好複雜，米漿pancake是原味的，配上黑糖糖醬，紅荳蓉，甜甜甘栗，咖啡忌廉和抹茶粉末。Pancake軟綿綿的，沒有雞蛋味和發粉味，幾特別，好食的其他配料正常野。店內除了pancake也有正餐供應，有機會會再來開餐

年近歲晚，今天到尖沙咀辦年貨， 不知不覺已行到下午三、四點，有點兒肚餓，朋友一向嗜甜吃， 提議到此店嚐一嚐。此店出名是米粉班戟，我們點了和牛咖哩班戟、Strawberry Baileys Valentines Pancake 和日本天然山楂蘇打。和牛咖哩班戟，我是第一次吃鹹的pancake， 感覺新穎，上菜時已聞到香濃嘅咖哩味， 賣相也不錯， 咖哩汁惹味，和牛牛味濃郁， pancake配上咖哩汁一起吃配搭新穎，味道也出奇地匹配，伴菜也不馬虎， 有蕃茄、脫水紫薯片和菠蘿片和牛肉嫩牛味濃郁Strawberry Baileys Valentines Pancake顧名思義是一個甜吃，外形討好，奶味及酒味同樣香濃，口感軟滑，再配上士多啤梨和朱古力醬，真是無得輸，另外很貼心地插上一支Baileys，讓客人隨個人喜好添加。Pancake共有六層，味道層次分明山楂蘇打，感覺清新，既健康又消滯整體食物質素不錯，尤其喜歡和牛咖哩班戟，咖哩惹味和牛味美

平日下午來，不用排隊，地方不是太大，除了pancake還有其他食物，不過下午茶時間我哋就試最出名的pancake開心果士多啤梨pancake $138 好味不太甜不太滯，兩個人分享一份最好薑檸蜜 $38 也不太甜朋友叫了薄荷茶，也OK

在寶勒行逛著找地方開餐，來到本膳門前被吸引著了，門面光鮮亮麗。它中選了！裝修簇新 ，氣氛悠然，最適合拍拖融融細語。點了草莓百利甜蜜戀人 $158，多層 pancake 組成，外面加上醬汁。草莓本身味道很好，還營造出浪漫的效果。原來這個是季節限定，期限是2月14日。so romantic 💕同行朋友選了柚子溫泉雞佐蜂蜜香辣汁 $98，雞件口感不鞋，亦有調過味，去皮不肥膩，配以帶甜品的辣汁及麵豉湯，實惠晚餐。本身很喜歡吃飯，加上這碟飯底質地軟綿，不用餸菜也能吃掉一大半。混入麵豉湯做湯飯也是不錯選擇。沉默的搖籃曲 $32，小二妹妹提示要等一下，好讓茶泡出味道，在恬靜環境下看著等著，確有搖籃的效應😴😴😂😂日本天然山楂梳打 $38，梳打口感相對激點，山楂酸 may may，醒神飲品；跟搖籃茶形成強烈對比。

睇到媒體報導尖沙咀新開了一間日系風店舖 主打米粉班戟和一些日本特色丼 對飯都興街不大 反而對佢既甜品好有興趣 所以今日同女友人食左小小野 就黎到這兒食甜品啦我地點左2杯飲品 同一個米粉班戟 因為我黎個時大約20:00左右 暫時冇下午茶咁多班戟選擇 不過有我想食既可選擇已足夠了 就是開心果士多啤梨班戟（期間限定）不過再望望餐牌 其實選擇都幾多 除左丼外 有湯 有沙律🥗 有芭菲🍨 有刨冰🍧 而其實飲品都有幾頁字😅沒法一一拍照下再上傳 就讓大家自己去了解一下吧先先到既係日本天然山楂梳打（$38）一杯梳打但卻有各種功效 如通便 抗氧化 降膽固醇等功效 但當然我唔會預期一杯可以身體健康🤣 但至少減低罪惡感😙😙漸變既效果令到我不停為佢拍照📷剛好店應該新開張不夠 桌上有小小的花做裝飾 令到我好似幫佢影緊新店食物相咁😂😂講返佢個味道 梳打氣好強 好解渴 再配上山楂都酸甜 令人一口一口飲下去😌而另一點是點了抹茶甘酒拿鐵（$48）一開始點我以為係有酒精架 但8掛問了店員 原來係完全冇酒精成份 係一種日本係美容神器 好多日本既護膚品都會加入成份內 而其實佢係用米+米麴發酵釀造的 開頭飲的第一口 我沒有攪拌

晚餐唔想食得太heavy, 揀咗呢間主打日式米粉班戟嘅蜜庵本膳。唐揚炸雞腿 $128(配他他醬、米粉班戟配加拿大100%有機楓樹糖漿) 雞腿外層炸得金黃可口, 炸粉唔會太厚, 內裏肉質保持嫩滑。米粉班戟, 味道樸實自然, 質感柔軟, 淋上楓糖, 經典美味。楓糖班戟配搭炸雞, 出奇地沒有違和感, 值得一試。和黃牛漢堡丼 $158漢堡扒選用熊本產A5和黃牛, 肉味香濃出眾。漢堡扒上看似鹹蛋黃嘅係日本蛋黃醬油漬, 鹹香鮮味, 再加自家製嘅漢堡牛肉汁, 伴飯一流。焙茶梳打梳打加入焙茶, 為原來古板嘅茶味增添新鮮感。

呢間位於尖沙咀嘅蜜庵本膳已經唔係第一次嚟, 見近期出左新meun, 相約好姊妹一齊嚟試試。炸三文魚柳拌芝士菠菜濃汁 ($108)三文魚飯嘅食材同調味十分簡單, 但味道卻意想不到地出色, 三文魚柳油分充沛, 輕炸後形成薄脆面表層, 內層保持原汁原味, 配上明太子醬 同芝士菠菜忌廉汁, 除咗為整碟飯增添色彩之外, 亦提味不少。唐揚炸雞腿 ($128)朋友點嘅炸雞班戟, 一脆一軟, 一鹹一甜, 係充滿對比嘅驚喜配搭！熱烘烘嘅焙茶就飲得多, 冰凍嘅焙茶梳打真係第一次試, 飲落味道甜甜地, 帶淡淡茶香, 令人耳目一新。

就在一個晚上，與姐妹食完晚飯，又唔捨得走住，就去左食甜品，呢間專賣米粉pancake, 細細塊，幾過癮！兩人share左個雙茶蜜米粉班戟，total有6小塊pancake, 另外有3個醬汁：抹茶，焙茶同黑蜜，食落其實味道同普通嘅差唔多，但都係我中意嘅質感同味道，可能用米粉整會健康少少XP試晒3個醬汁，最中意都係焙茶，比較特別d! $98一份加一，價錢唔算平，但一試都無訪。 夜晚9點去到，唔多人，靜靜地傾下計，都幾舒服

同朋友係尖沙咀唱完k想搵間餐廳坐下經過見到呢間餐廳幾靚幾舒服就入左黎見到佢啲主食好似幾得意幾特別諗住下次可以黎食主食今次就食住甜品先啦～餐廳環境其實幾舒服人唔算多可以慢慢傾下計我地叫左個甘酒紅豆甜湯 兩個原味pancake 一個士多啤梨pancake 同一杯蜜檸薑其實睇落真係好靚好適合打卡不過pancake份量其實好細味道非常一般我地一致認同m記果啲應該好食過佢加上價錢實在唔平呢～至於甘酒紅豆甜湯除左好甜唔知講咩好😝可能日本甜品始終都係甜啲不過唔係好食到酒味而且$58唔係好值可能都係比錢食環境～而杯蜜檸薑係無咩甜味同薑味即係得酸味😝整體黎講 環境係幾舒服不過甜品質素真係麻麻地呢

係尖沙咀赫德道除左可以去happy hour之外，宜家仲有間新開既日本和食店進駐左。呢間日本和食店以淺木色做主調，設計簡約，環境舒服整潔。Menu呢度既主打係米粉班㦸，即係以米粉代替麵粉去做既日式班戟，除左米粉班㦸之外，仲有多款日式甜點同定食tim。開心果士多啤梨米粉班㦸$138呢個米粉班㦸係期間限定既，材料就選用左西西里農場既開心果醬，同日本產既新鮮士多啤梨，仲有用紅酒煮既生果。班㦸即叫即做，外型係扁身既，食落蛋味香濃，口感鬆軟而且綿密，食完仲好有飽肚感午夜伯爵$32呢杯其實係用有機阿薩姆黑茶做茶底，加薰衣草、黃薑粉、日本胡椒薄荷，調配到好似earl grey咁，但係味道唔會太濃而且仲可以消滯解膩tim

早前於雜誌見到有介紹這間餐廳以「米粉班戟」作招來，適合過敏人士食用，而且賣相唔錯，於是便跟友人來試試。一進餐廳好有日本的風格，燈光柔和，裝修簡潔，給人一種小清新的感覺。跟友人看過餐牌後，點了一份甜的一份咸的pancake。這間餐廳飲品餐牌還會寫上該飲品的功效，而我剛好有點感冒，於是點了杯熱茶。沈默搖藍曲($32)，用上菊花、薑、洋金菊、甘草及有機金盞花，有助舒緩咳嗽、喉痛及感冒症狀，絕對岩我呢個時候飲用。待2分鐘左右，等茶包味道散出來便可飲用。飲落去有淡淡的甘草味，令喉嚨頓時感到舒適，薑味也漸漸滲出。開心果士多啤梨米粉班戟($138)，顏色十分漂亮，用來影相打卡一流。用上淨色的粉紅碟，再把士多啤梨等伴碟排得很美。所有材料都是來自日本的，班戟的原材料、士多啤梨等，班戟上淋了開心果味的cream，有淡淡的開心果味，不會太甜，而且班戟食落很有質感，唔會好似平時食到的空氣班戟一樣!總括黎講，餐廳環境舒適，是跟朋友傾計的好地方。下次要再黎試下其他味道!

今天跟朋友來到位於尖沙咀赫德道的甜品店。餐廳以日本家庭風格為主，很簡潔。我們點了一份咸、一份甜的米粉pancake，還點了飲品。飲品餐牌上會寫著該飲品的功效，這幾天假期吃得太油了，於是點了日本天然山楂梳打($38)解解膩。這杯飲品酸酸地，唔會好甜，好適合與甜品一起享用。唐揚雞腿肉米粉班戟($128)，上菜時好有日本風的感覺，餐具很簡潔乾淨。食物賣相也很美。炸雞上有類似拔絲的糖絲，炸雞不會很乾，還有雞的肉汁，配上沙律醬一齊食很惹味!米粉pancake跟平時食到的不同，較有質感，配上蜜糖或檸檬醬一齊食另有一番感覺。下次會再來吃其他口味。

香港從未有一間日本餐廳好似蜜庵本膳咁，俾人一種家的感覺，無論裝修同食物都令人感到窩心。餐廳以木材為主，加上顔色有灰有粉紅色，營造出舒適感覺，另外樓底高，坐得舒服，無壓迫感。餐廳lunch set 從冷盤主菜、燒物主菜同鍋物菜可3選1，飯有白飯同十穀飯選擇，亦附送餐湯，甜品。最近無咩精力，所以叫左杯活力人參，非常甘香。Lunch set有3個主菜，唔會咁單調。燒物主菜方面，我叫左沖繩紅鹽燒三文魚，外皮燒得香脆，魚肉幾鮮嫩，調味亦足夠。冷盤主菜叫左合鴨醬油煮，煮得非常甜嫩，凍食口感一流。最後一款主菜係牛肋肉，燘得非常軟稔。雖然細分量但都有5大粒牛肋肉，另外蕃茄湯唔會過酸。十穀飯更有咬口，聽講非常健康。最後仲有甜品，就係無奶無蛋成份嘅軟雪糕，豆乳味特別濃郁，質感剛剛好。能夠一邊食軟雪糕雪糕雪糕，一邊望下街邊大多人與車，特別寫意。整體主菜偏向清淡，但味道仍在。大家屋企人都會成日話唔好成日出街食，多味精，大家可以介紹蜜庵本膳俾你屋企人。