蘇山雞飯

營業中

休息中

進駐太子無耐已經聽到好多好評, 下午茶時間肚餓就試試佢, 週末2點至6點都設下午茶, 難怪吸引唔少街坊招牌海南雞飯配輕怡排骨茶 - 雞肉嫩滑去脯啖啖肉, 皮肉中間有啫喱,  雖然話係油飯, 但一啲都唔油膩而且係乾爽粒粒分明, 足味食得出乾蔥黃薑班蘭, 配埋三色醬感覺正宗肉骨茶都足胡椒味, 新加坡白水style星洲叻沙摻摻 - 驚艷程度同雞飯比下去, 不過都有濃郁海鮮味而且仲有秘製辣醬,  配料有2隻大蝦同2隻青口, 魚蛋、魚片、豆卜、半隻蛋, 就算少粉都夠食鮮油咖央多士 - 另外加多呢個小食, 因為我地係被佢吸引而嚟, 多士烘熱搽大量咖央醬再夾埋大大舊鮮牛油, 超邪惡恐龍美綠 - 跟餐加12蚊升級, 感覺少貴但非常足料唔會過甜, 仲要加埋把傘幾有海邊風情下次再嚟會試埋獅城芽菜走地雞

蘇山雞飯 (太子).太子都開埋蘇山雞(˶‾᷄ ⁻̫ ‾᷅˵)環境靚左舒服左，食物就同長沙灣總店一樣.▪️巴東牛肉飯配江魚仔椰漿飯 ▪️.今次試下呢到個巴東牛肉，勁腍身又入味，配上平日零食嘅脆魚仔同花生，好香口！ 本身係跟椰漿飯，但爸爸唔太喜歡，所以都係轉油飯！呢到嘅油飯又係好香！.▪️ 海南豬扒咖哩併烤餅▪️.咖哩同烤餅真係好夾，一大碗真係幾個人share一人試兩啖就好💚豬扒偏肥.▪️ 鮮油咖吔多士▪️.呢個真係招牌必叫，同港式嘅鮮油奶多奶似，但煉奶就轉左椰味香嘅咖吔.▪️招牌海南雞▪️.黎到蘇山雞必食雞，呢到嘅雞肉雞皮都好嫩，仲有三樣醬汁比你沾💜我地四個人叫半隻share.▪️Susan豬手飯▪️.豬手勁腍身，又入味，豬手配油飯💚 真係無牙都咬得到！.📌 蘇山雞飯 (太子)太子彌敦道759-761號藍馬之城地下2-3號舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

久唔久就想飲肉骨茶🤭🤭有種特別嘅味道😍輕怡排骨茶($48)味道：🌕🌕🌕🌕🌘評價： 份量唔算好多，不過味道唔錯，有兩舊肉 。一人份量，岩晒啲樣樣都想試既朋友仔脆炸鳳尾蝦春卷（4件）($32)味道：🌕🌕🌕🌕🌑評價： 脆卜卜，口感豐富，蝦蝦都幾爽口拿手三寶飯 （豬手、滷水蛋、海南雞）($93)味道：🌕🌕🌕🌕🌗評價： 一次滿足三個願望，豬手偏甜少少，好淋好入味，海南雞飯配有三個醬汁，我自己偏好甜醬油🥰雞肉好滑身滷水蛋比較硬身，但好入味😂配上油飯，雖然邪惡啲，一餐半餐冇事嘅🤪巴東牛肉飯配魚仔配油飯 ($89)味道：🌕🌕🌕🌕🌘評價： 第一次嘗試巴東牛肉飯，比想像中好食，整到啲肉軟身，入味，勁惹味揀套餐嘅時候可以揀普通飯或者配油飯😚自由度比較大魚仔就好硬，要慢慢食順化炭燒豬肉串（3串) 跟餐+$20味道：🌕🌕🌕🌕🌗評價： 有炭燒香味，肉質軟身，啖啖肉之選。跟餐比較抵食😌雪糕班蘭奶茶 跟餐+$12味道：🌕🌕🌕🌘🌑評價：點餐嘅時候甜度冇得選擇，不過第一次飲，班蘭味正常發揮，但加雪糕好吸引🥰順帶一提佢點餐都係用QR code自己落單😌

🐓 Susan chicken (Prince Ed)My third time at Susan chicken! Super affordable and delicious Singaporean food. A must go!! We all know I love their bu keh tek and hainanese chicken but this is my first time trying their pig hands!! Their pig hands are soaked in sauce and super moist and tender 🤤🤤 one of the best I’ve had. They also come with some pickled veggies that are crunch. The flavour kick is unreal! Their Chinese naan ( 烤餅 ) was also surprisingly good. It was buttery and crispy at the same t

近期愛上東南亞菜，前排行街，見到蘇山雞飯原來太子都有分店，價錢平民貼地唔算貴👍🏻，又好食，性價比高😚！星洲龍蝦叻沙摻摻🦞 $128$128嘅叻沙摻摻都勁巨大🤩，叻沙湯底龍蝦大小大概係一隻手掌左右😚🖐🏻，仲有埋邪惡極致嘅鮮油咖央多士，中間嗰層牛油十分厚大😍，食完都有啲罪惡感🫣招牌海南雞飯🐔 $85份量唔少有半邊雞，肥美的雞隻帶點黃油🤤，肉質較軟滑🤭，呢個薑黃飯特別之處，除咗有雞油外，仲有斑蘭味道，配咗個雞雜冬瓜湯，湯頭有淡淡地嘅雞油😗清清的也不太膩😚脆炸鳳尾蝦春卷🦐 $32外面嘅網面包住甘荀絲同原隻鮮蝦，香脆可口並有層次感😛。蘇山雞飯 (太子)太子彌敦道759-761號藍馬之城地下2-3號舖😋味道: 7.5/10🤑價錢: 8/10✨環境: 6.5/10🧹衛生: 8/10👷🏻‍♂️服務: 7/10#hkig#hkiger#hkfood#hkfoodie#foodie#hkgirl#food#hk#hongkong#hongkongfoodie#hkfoodblogger#foodiehk#food#yummy#eat#tasty#food#hkigable#hkeat#hkfoodstagr

太子旺角呢頭不嬲都多嘢食，次次去到都選擇困難症。今日咁岩經過蘇山雞飯，記得之前係長沙灣食過佢啲雞幾好食，咁岩朋友未食過，所以就帶佢食🥰😂朋友好鍾意食肉骨茶啲味，所以佢叫咗走地雞飯配白胡椒排骨茶餐我就叫咗拿手3寶飯，因為樣樣都好想食😂選擇困難症發作，所以三寶飯就最啱我啦，齊晒滷水豬手、海南雞、滷水蛋，一次過滿足晒三個願望😂我個人最鍾意海南雞，因為健康得來又好味，另外碗肉骨茶嘅味都好正宗，好正🫶🏻反而朋友最鍾意係滷水豬手，佢話滷水老得好入味！而呢個走地雞啲雞肉都好滑😍好豐富！另外，仲叫咗個炒通菜，好惹味☺️鳳尾蝦春卷都酥脆好食成餐飯淨係用咗$300但係食咗勁多野好豐富，令人感覺好抵玩！呢度連閒日都坐滿人，就知咩料啦！ 下次會再嚟幫襯☺️

走地雞肉質都幾嫩滑 油飯都幾出色 不過我覺得呢個地段賣呢個價錢有啲貴 平翻少少個CP值會高啲😅星洲龍蝦叻沙摻掺 老實講唔係好夠味 椰奶可以重手啲 不過呢啲gimmick嘢影相好靚咁😂😂

🍲 蘇山雞飯 (太子) 🍲✨一間會係咁再食嘅餐廳✨-· 獅城芽菜走地雞飯配輕怡新加坡白胡椒排骨茶 - - - $95Dinner Set都抵食😝份量好多而且十分嫩滑❤️個油飯真係十級正😍重有個白胡椒排骨茶入面有2條骨胡椒味重重有小小中藥味👍🏻· 拿手三寶飯入邊有豬手、海南雞同埋滷水蛋🥚豬手已經起晒骨😋食落啖啖肉💕海南雞都係一舊骨都冇😋肉質嫩滑😋個飯好好食💕油飯粒粒入味😋仲有得揀多飯小飯🥰超級貼心我地加左雪糕班蘭奶茶❤️奶茶入面有班蘭味 好特別🥰· 次次嚟呢間食都一定會叫鮮牛油咖央多士😂超好食但係超邪惡😿次次都忍唔住叫😂一上枱熱辣辣一定要即刻食！·脆炸鳳尾蝦卷入邊真係原隻蝦👍🏻仲有紅蘿蔔😍食落口感豐富，值得一試👍🏻-Total: 300(2ppl)推介指數：8/10———————————————🔺 蘇山雞飯 (太子) 🔺 太子彌敦道759-761號藍馬之城地下2-3號舖-----------------------

🇸🇬太子海南雞星馬菜新店🇲🇾最近好想食喇沙 於是就去咗呢間喺彌敦道嘅有少少打卡feel嘅星馬菜店😂-🐣獅城芽菜走地雞飯走地雞肉質都幾嫩滑 喺皮同肉之間仲有少少啫喱 配埋三色醬 風味十足😚 油飯都幾出色 唔會太油淋淋 但係充滿着雞油香同少少斑蘭葉嘅味😉-🐷輕怡新加坡白胡椒排骨茶叫晚餐嘅話仲可以食埋佢個肉骨茶 佢嘅肉骨茶係偏新加坡風味 主要係胡椒味較重 後勁先會食到少少甘甜藥材味😚 仲有排骨兩大舊 我就鍾意用埋三色醬嘅甜醬油膏同蒜蓉 配埋原本湯底嘅胡椒辣味 送飯一流😋-🍜星洲龍蝦叻沙摻掺呢個賣相真係好適合打卡 每一碗都有一隻切好咗一半嘅龍蝦🦞 再加上芽菜豆卜等等嘅材料 都幾大碗㗎 如果湯底椰奶同花生味再重啲就更加好🤣 不過要剝殼嘅時候要小心啲 唔好彈到周圍都係喇沙😂-🍞鮮油咖央多土呢個一件應該會爆卡路里 不過為咗佢跑多10個圈都OK 㗎🤪 牛油好厚好大片 加上熱辣辣嘅多士 真係好邪惡😎-🥟小食拼盤拼盤有春卷 魚餅 滷蛋同雞翼尖 跟餐只係需要$35 可以叫嚟同朋友share-🍢順化炭燒豬肉串豬肉肥瘦都幾適中 有淡淡的炭燒味-📍蘇山雞飯 (太子)太子彌敦道759-761號藍馬之城地下2-3號舖

上次係深水埗行去旺角見到有間蘇山雞飯，記得上次係長沙灣個邊食過，個肉骨茶幾正，見咁岩經過分店，當食埋個晚餐先走。點左一份獅城芽菜走地雞，套餐會包一碗飯，同埋我地夢寐以求嘅新加坡白胡椒排骨茶，走地雞肉質勁滑，而吸晒精華嘅芽菜，味道更豐富，肉骨茶湯頭勁濃，材料十足。Susan豬手飯豬手份量十足，滷得好夠味，配菜重有花生、甜酸菜，為豬手減減油膩感。順化炭燒豬肉串一碟有3串，豬肉串燒得岩岩好，唔會太乾身，保留到肉質嘅嫰滑。参巴辣蝦醬通菜有時食菜好怕太濃味，因為食多幾啖會開始覺得好鹹，但依碟通菜炒得幾惹味，但入口唔會太鹹，不錯。最後當然要點飲品，仙草椰奶冰和雪糕班蘭奶茶，個人幾鍾意佢個班蘭奶茶，唔會太甜，但班蘭勁濃，岩晒我口味。

太子新開的蘇山雞飯✨🫶🏻🦥很久以前到過長沙灣那間蘇山雞飯，已經覺得食物性價比高，又夠正宗，有著新加坡的傳統風味！現在太子更開了分店，食物同樣是出色，且環境更寬敞舒適，大力推薦！💕《星洲龍蝦叻沙摻摻》$ 140華麗的龍蝦叻沙摻摻，大大隻龍蝦，龍蝦更是充滿著蝦膏和蝦子，啖啖肉的龍蝦肉，令人吃得很滿意。此外，叻沙摻摻的油麵和米線，傳統正宗，湯底亦很香濃入味，深橙色的湯底配搭微微的辣味，吃得開胃。而晚餐配有鮮油咖央多士，飲品有多款選擇「桔仔菠蘿梳打水」，開胃十足，清新爽口。《招牌海南雞》$130半隻的份量，雞的烹調方式是用上日本花菇、元貝和廿多種香料，十分入味，雞肉亦很鮮嫩，雞皮亦厚實有彈性，雞肉啖啖肉，吃得惹味非常。《檳城黑豉油叉燒油飯》$ 117正宗傳統的檳城黑豉油叉燒，外層被黑豉油塗滿，叉燒肉質鮮嫩，加上特製的油飯，色香味俱全，香味撲鼻，而晚餐配有魚丸湯，加個小食參巴醬通菜也只需$20，參巴醬帶有甜甜的味道，很惹味！飲品方面選了清新的凍金裝柑桔蜜，清新怡人。《輕怡排骨茶》 $48另外散叫了一碗排骨茶，很適合一人份量，排骨肉質半肥瘦，易離骨，有咀嚼感，入味！喝第一口時會感到胡椒味，比較清淡

人氣星馬菜餐廳 — 蘇山雞飯 喺太子開分店啦🥳🥳餐廳主打多款新加坡同馬拉菜，包括海南雞飯、肉骨茶同叻沙等～好多選擇！！晚市有提供dinner set，好抵食！質素都唔錯呢❤️❤️🍱豐盛海南雞飯(半隻) $138✨黎到一定要試佢地既招牌海南雞🐥！！雞肉皮薄爽脆，肉質嫩滑、好入味！份量都好多🤩🤩醬料有黑醬油、酸辣醬同薑蓉，我最鍾意蘸酸辣醬～味道辣辣地，十分惹味🌶️🌶️另外套餐會配油飯同雞雜冬瓜湯，整體豐富👍🏻👍🏻🥘娘惹咖哩牛筋腩併烤餅 $90✨娘惹咖哩味道濃郁，唔辣～～裡面既牛筋腩大大舊，咬落好軟腍！！烤餅都好香脆，蘸咖哩汁食最正❤️❤️🍤脆炸鳳尾蝦春卷(4件) $32✨春卷炸得酥脆，內裡蝦肉好爽彈～～食落唔會太油膩，同朋友share啱啱好😋😋🍞鮮油咖吔多士 $28✨一直都好掛住佢地既咖吔多士🤤🤤多士外脆內軟，裡面夾住咖央醬同厚切牛油，超邪惡！！🍹桔仔菠蘿梳打水 (+$18)✨梳打味道清甜，帶點桔仔香氣🍊🍊裡面仲有啲菠蘿粒，咬落好juicy！飲完好解膩～～

這是一間非常正宗香港人一定喜歡的餐廳招牌海南雞淨係望落去雞肉嘅細紋非常細緻已經知道雞肉係非常滑溜 走晒雞骨 柔軟嘅雞皮雞油雞肉 少許嘅軟骨同根肉位置 雞味鮮味實淨柔滑配上三種唔同嘅特色醬汁 海南雞豉油 酸辣汁同埋薑汁 絕對係招牌 強烈建議一定要叫輕怡排骨茶這是一種好地道新加坡馬來西亞嘅味道喜歡嘅人會喜歡到不得了 一種濃烈嘅肉骨茶味道配上一支已經煮得你使骨嘅排骨肉可以話係一種地道嘅新加坡美味星洲龍蝦叻沙摻龍蝦雞蛋魚片魚蛋芽菜粉面集中在一個喇沙湯底入面 各種嘅鮮味配合得天衣無縫濃烈嘅湯底加埋龍蝦嘅鮮味配上已經煮得入晒味嘅魚片魚蛋雞蛋芽菜嘅分別入面爽口彈牙所有口感習於一碗配鮮油咖央多士兩舊厚厚嘅新鮮牛油 加上咖央醬用兩塊脆口到不得了嘅多士夾住口感非常過癮甜美鮮味 絕對係一種既簡單又豐富令人有深刻印象嘅甜品檳城黑豉油叉燒大大嚿叉燒 燒得柔軟亦都有濃嘅口味唔會太肥唔會太瘦 食落去有一種滿足亦都有一種情懷 聞得到嘅香味食得到嘅美味配上油飯這種充滿着魅力嘅油飯兩者加埋簡直係絕配加配魚丸湯 清湯口感美味魚丸夠晒爽口彈牙參巴醬通菜新鮮嘅蔬菜配上任何醬料都會顯得一種新鮮嘅美味 當然加上參巴醬 還吃到一種

🍽️蘇山雞飯 📍地址: 太子彌敦道759-761號藍馬之城地下2-3號舖😋👉🏻鮮油咖吔多士 $28推介‼️同朋友仔見到都忍唔住流口水 第一件事就食佢先 兩片超邪惡嘅鮮牛油 配埋咖吔 再加埋多士嘅脆口OMG 唯有食埋今餐先再減肥👉🏻招牌海南雞飯配雞雜冬瓜湯 $85推介‼️天氣轉涼，先飲碗熱辣辣嘅冬瓜湯當中有啲雞雜，雞腎都幾爽口招牌嘅海南雞又點可以唔叫呢？非常之滑身，配埋個醬非常之有新加坡味道😋😋👉🏻星洲龍蝦叻沙摻摻轉米粉配鮮油咖吔多士 $128巨型龍蝦響隻碗度橫行，俾佢個巨size嚇親龍蝦肉質非常之結實，勁新鮮 仲有勁多蝦膏超正個湯都非常之野味 好出色👉🏻參巴醬通菜 跟餐+$20特別嘅參巴醬 主要將辣椒、蔥、大蒜同蝦醬搞勻配搭通菜成件事非常之夾👉🏻仙草椰奶冰 跟餐 +$12味道還好👉🏻超冰凍椰青 跟餐+$28推介‼️跟餐只係需要加$28又點可以唔叫隻椰青冰凍之餘仲超級鮮甜 解渴一流唔止啲椰子水清甜 仲要連椰子肉都勁厚 太正了吧 好味指數: 4/5 性價比: 4/5 無加一環境: 3.8/5

/高質素星馬風味海南雞飯🐔🐔今日係同我老公結婚周年紀念😝所以特別安排咗你都啱啱新開冇耐嘅蘇山雞飯！其實呢間餐廳已經喺香港嘅第二間分店/另一間分店喺長沙灣 食物質素絕對有保證！今日專程嚟到位於太子既分店 裝修非常闊落企理，我哋晏晝嚟到坐喺窗邊位好有放假好寫意嘅感覺！食物方面我哋叫咗招牌海南雞飯配冬瓜湯 +恐龍美祿 海南雞飯雞肉好滑 雞肉唔會太肥 油脂分布都好平均 一個下午茶餐 $65蚊連飲品 都幾有質素保證㗎！而我先生就叫左星洲喇沙摻摻 呢個湯湯底好濃郁 充滿住海鮮味 有大蝦兩隻 魚蛋魚片豆卜 再配合埋佢哋嘅秘製醬汁 真係好食到連湯底都飲埋！😎正小食方面我哋就叫咗咖吔多士 熱辣辣嘅多士 夾住一個凍冰冰嘅牛油 真係冰火交融超好食！最後我哋encore左多一份😝實在太好味啦！如果大家有興趣不妨book枱試吓啦！▶️好味程度😋4/5▶️環境⭐️4.2/5▶️服務4.8/5▶️回頭率5/5📍 蘇山雞飯 (太子)太子彌敦道759-761號藍馬之城地下2-3號舖質素星馬風味海南雞飯🐔🐔今日係同我老公結婚周年紀念😝所以特別安排咗你都啱啱新開冇耐嘅蘇山雞飯！其實呢間餐廳已經喺香港嘅第二間分店/另一間分店喺長沙灣