影片
開飯介紹
長沙灣人氣新加坡菜餐廳的分店，其招牌海南雞飯標榜一份有半隻雞，而且嫩滑富肉香。裝修糅合懷舊及優雅風格，如以採用不同類型的吊燈及西式餐椅。
繼續閱讀
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
相關文章
今日喺太子呢邊上完堂，約朋友喺附近呢間比較多人排隊嘅馬來西亞餐廳試試，心心念念咗好耐嘅肉骨茶終於有得飲下啦！肉骨茶呢度嘅肉骨茶係傳統嘅胡椒風味，亦都係我個人偏鍾意嘅style，大量嘅原粒白胡椒同排骨去熬煮湯底，白胡椒嘅清香充滿住整個湯，但飲落並唔會太辣，啱曬啲鍾意聞落香而唔係太食得辣嘅朋友。黑白雞飯（海南雞+醬油雞）呢度嘅黑白雞飯即係海南雞同醬油雞兩種，雞件比較肥美，個人比較鍾意海南雞，點上特調醬汁食真係幾惹味，醬油雞都唔錯，皮滑肉嫩。娘惹咖哩牛筋腩干撈老鼠粉娘惹咖哩夠曬地道，出面比較少有乾撈老鼠粉，今次我專登點嚟試一試，老鼠粉即係市面上嘅銀針粉，咖哩調味恰到好處，濃香而唔辣，牛筋腩炆得好淋，配上呢種咁香濃嘅咖哩夠曬入味，令本身唔鍾意食太多澱粉質嘅我都一啖接一啖停唔到口呀！參巴辣蝦醬通菜濃郁嘅參巴醬同通菜一齊炒簡直天衣都無縫，通菜夠曬入味，帶微辣香氣，而且份量都唔少，兩個人share啱啱好。特色小食拼盤包括有雞翼、泰式魚餅、脆炸鳳尾蝦春卷、豬肉串。個人覺得最特別嘅係脆炸鳳尾蝦春卷，外皮係網狀脆紙卷成，入面係彈牙嘅蝦肉混和豬肉等食材製成，食落非常之香脆，而且市面較少食到。另一個係豬肉串，其實佢類似豬肉卷嘅感覺，用咗唔同嘅香料配搭豬肉混合製成，食落充滿東亞風味。夜市沙嗲串燒串燒拼盤共6串，包括有雞肉、牛肉各3串，每串都充滿住香茅同其他香料味，再配上特製沙爹醬，層次非常多，十分推薦俾鍾意濃味小食嘅朋友。開心果椰子奶昔呢個奶昔夠真材實料，開心果果仁嘅味道突出，估唔到椰奶嘅味道非常之match到開心果嘅味，飲落比較surprise可以做到咁濃香。菠蘿冰原個菠蘿打成嘅冰，完全飲得出冇加額外嘅調味，例如糖水或奶，100%整個菠蘿攪拌而成，原汁原味，而且份量十分多，用原隻菠蘿裝住全部菠蘿冰，個人覺得性價比非常之高，會嚟再飲呢個特飲。
繼續閱讀
之前喺長沙灣食過蘇山雞飯，今次就試吓太子分店嘅質素啦！🔖叉燒香辣蝦麵💰70呢碗麵除咗有兩大嚿大大嚿嘅叉燒之外，亦都有兩隻蝦同兩舊豆卜㗎~湯底就比想像中辣，不過都幾惹味🤓💫推薦指數: 8/10🔖星洲喇沙海南雞米粉💰80食新加坡菜又點少得要食喇沙！湯底唔算話好濃稠，但係對於我嚟講味道方面亦都幾符合到我個人嘅口味，因為相對會比較溫和🤗至於海南雞方面，肉質嫩滑，雞味濃郁🐥而且脂肪嘅佔比亦都好少👍🏼💫推薦指數: 8.5/10🔖馬拉盞椰菜苗💰29 (套餐加配價)第一次試椰菜苗，發現質感原來有啲爽脆🌱加上馬拉盞之後，食落去鹹鹹香香，而且份量都比想像中多😛💫推薦指數: 8.5/10🔖脆炸鳳尾蝦春卷💰20炸到鬆脆嘅網狀春卷包裹住鳳尾蝦，入口非常之鬆化，再點上醬汁一齊食，味道會更加昇華😋鍾意食香口小食嘅你哋就一定要試吓啊😌💫推薦指數: 8/10🔖砂拉越菠蘿冰💰48呢個菠蘿冰過嚟打卡就啱晒😍從來冇諗過菠蘿冰可以用呢個方式呈現🤣飲落去夠晒清甜，最後仲可以食埋菠蘿肉，夏天一定要試呢一款飲品🍍💫推薦指數: 9/10🔖開心果椰子奶昔💰32餐廳利用近期大熱嘅開心果製作成飲品😌再加上椰子，變成一款適合夏天飲用嘅特色飲品☀️飲落去有好濃郁嘅椰子香味，相對上開心果味就比較弱🙈不過整體味道都唔錯🫶🏻💫推薦指數: 7/10-溫馨提示👉🏻長沙灣義華大廈設有分店
繼續閱讀
每次想吃海南雞的時候，就會想到這間小店，雖不是什麼名廚主理的，但這裡的海南雞也是非常出色，還周不時有新菜式的推出，真挺有驚喜的！招牌海南雞飯（８５元）這裡必食之一的海南雞，一個套餐就包了這裡的特色油飯和雞雜冬瓜湯，還可以用優惠價來加配小食，非常划算！海南雞拿到雞腿加雞翼的組合，口感非常滑嫩，吃起來帶有淡淡的雞味，而且肉質有彈性，再配上這裡的海南雞醬汁，就更惹味了！另外油飯也是這裡的一大賣點，經過炒製，特別特別香濃惹味，單吃飯就很好吃了！雞雜冬瓜湯的雞雜也很多，味道清甜！香蔥海南豬扒飯（７８元）這個應該是新出的，不過也挺有驚喜，豬扒的份量很足，而且肉很厚，再經過煎香，再配上大量的蔥油，吃起來蔥味特濃，豬扒味香，特別下飯！鮮油咖央多士（跟餐１５元）每次來這裡也必吃這個的，更重要的是跟餐才半價，性價比超高！超厚切的牛油加上香甜的咖央，再配烘得外脆內軟的多士，真的很邪惡！砂拉越菠蘿冰（４８元）用上原個菠蘿來打碎，菠蘿味特別香濃，質感有點像奶昔的，味道香甜，還帶點果肉。咖吔油條配薄荷朱古力雪糕（３８元）整條炸得外酥內軟的油條中間加上了甜甜的咖吔醬，味道挺特別，再加上清爽的薄荷朱古力雪糕，真的挺有夏天的感覺，吃起來又不會覺得油膩。
繼續閱讀
💈熊妹成日經過彌敦道，發現太子警署對面街開咗呢一間《蘇山雞飯》都有好一段時間，今日終於可以等到愛吃海南雞飯的卡肥得閒一齊去試下。📌店舖環境都好大，有好多張四人卡位枱，枱與枱之間好闊落，唔會話好壓迫。裝修格局就懷舊風味🎞，天花板掛著草騰吊燈💡，牆身有懷舊黑白墨水畫，成個感覺有一點馬拉冰室的味道。📌主打新加坡菜，當然少得招牌海南雞🐣，仲有星洲叻沙，巴東牛肉、胡椒排骨湯、娘惹咖喱飯等等，價錢非常親民，大概$70以上包飲品，午餐或者下午茶嚟就仲平啲，仲要唔使加一，晚上就要加入一。招牌海南雞飯配冬瓜雞雜湯，$65首先，卡肥當然點佢最愛的海南雞飯。竟然係隻脾位連雞翼，即刻心心眼左😍。海南雞飯要做得好味，工夫真係唔惹少。當中浸入冰水的過冷河程序就係食到雞精華一隻啫喱狀的關鍵。呢個雞髀位雞肉好嫩滑，脂肪位極少，有少少啫喱狀雞精華，就咁食已經好夠雞味，雞皮滑嘟嘟，入口肥美，點上薑蔥蓉酸辣汁或者黑醬油就多點醬汁嘅味道。雞油飯粒粒分明🍚，用雞油撈飯趁熱食，好香雞油味，但用油撈飯脂肪含量真係頗高，都係少食多滋味為妙。星洲叻沙摻摻，$58一碗正宗喇沙摻摻面底係米粉撈油面兩溝，入面配料有好多，有豆卜、魚片、魚蛋、蝦、芽菜、通菜、青口同半隻雞蛋，咁多配料成為大雜麵，就咁睇個賣相已經色彩繽紛啦🎨。叻沙湯底就係用椰奶撈咖喱汁，帶少少辣醬 🌶，所以有少少辣味之餘，又有椰奶嘅中和，唔會太辣。米粉同油面兩溝嘅食法好特別，食食吓好幼嘅米粉又會食到好有咬口嘅油麵質地，可以滿足到人一次過兩個嘅慾望。鮮油咖央多士，$30食完兩個主食梗係要幾個小食啦！咖央多士🧈從來係星馬菜入邊必食之選，因為咖央醬喺新加坡嘅特產。兩片烘底白麵包🍞中間塗上咖央醬同一塊厚厚的鮮牛油，咖央醬味道甜甜地，加埋淡淡的鹹香牛油味，就係想帶出甜鹹嘅效果。麻辣玻璃魷魚通菜，$50熊妹食咗咁多嘢，梗係要有啲菜落下肚分解返啲油膩。玻璃魷魚🦑都有好多舊，食落去好爽口，冇煮到過老，通菜🥬撈上麻辣汁，好滋味。泰式魚餅（四件），$38魚餅本身已經帶點微辣味，再點跟上嘅酸辣汁，更為惹味，係唔錯嘅一款小食。即磨炭燒厚椰乳咖啡，跟餐價，加$5新加坡菜好鍾意用椰奶代替牛奶，沖咖啡都唔例外。用上炭燒咖啡豆仲出嚟嘅咖啡，咖啡味好出之餘，仲有一份炭燒香味🔥好特別，即是放涼一陣，炭燒味嘅味道依然久存，椰奶沖出的咖啡☕️又有少少椰奶味，呢款係非一般的咖啡口味，可以一試。拮仔菠蘿梳打水（左），跟餐價，加$12卡肥就揀咗呢個菠蘿特梳打水，因為想gur下去。味道唔係好甜，飲的主要係有氣泡，仲有浸住粒拮仔帶少少酸味，係好解渴的夏日特飲🌞。雪糕班籣奶茶（右），跟餐價，加$12熊妹喜歡食雪糕🍦，飲品加埋雪粒真係好開心。雪粒係椰子味，裡面有椰絲，奶茶味道偏甜，驚喜地飲到淡淡的班蘭味🍃，本身班籣味道好難出，可能用上糖漿🍯所以咁有味。📌兩個人食左三個下午茶餐，加一碟菜同一款小食，埋單都唔洗$300。環境大又坐得舒服，今時今日，香港地真係好難食到呢個價位。
繼續閱讀
朋友對星馬泰菜情有獨鍾，今日就約埋一齊食😋蘇山雞飯主打星馬泰美食，以親民價受一眾街坊青睞，當中肉質嫩滑的無骨海南雞飯更是人氣之選，新推出火焰茅台椰子雞煲，原只椰子及香醇濃郁的茅台酒相互配合，深受客人喜愛☺️😍⋄⋄====—====—====—====—✦ 招牌海南雞 ✦🐥招牌海南雞飯（$85）海南雞果然名不虛傳，肉質非常嫩滑，份量又夠多，還配上一碟三款的醬料包括姜茸、辣醬、豉油，配在海南雞上非常好吃😋👍🏻配上油飯非常好吃有嚼口，還有一碗鮮甜美味的雞湯😎🍚跟油飯，奉送冬瓜湯可改：輕怡肉骨茶＋$10/星洲迷你叻沙＋$15—可加配：小食/蔬菜一律半價（只限一款）🥬麻辣玻璃魷魚通菜（$25/半價）魷魚通菜配上麻辣醬非常香口，惹味非常😝⋄✦ 叻沙 ✦🍜🦐星洲叻沙摻摻（$73）豆卜｜魚片｜魚旦｜海蝦｜青口｜芽菜｜通菜｜蛋配料相當豐富，浸在在濃郁惹味的湯底上份外惹味😆主食預設是油面拼米粉，但由於個人不喜歡吃油面關係，所以轉成米粉🥹湯底方面，味道濃郁惹味，是我喜歡的叻沙味道，最後一滴不漏全都掃清了🥰🥰—可加配：小食/蔬菜一律半價（只限一款）🐤醬油雞腳（$14/半價）雞腳一份6只，浸在秘制醬油上非常滋味😙 ⋄✦ 夏日Summer ✦🍍砂拉越菠蘿冰（$48）菠蘿獨特的香味和營養豐富的果糖令它成為果中之王，選用時令的原只菠蘿取肉攪拌，保證一個菠蘿只做一杯，原汁原味，呈現一個不能抗拒解渴的飲品😋—🥥🌴開心果椰子奶昔（$32）結合左開心果和椰子奶的香濃口感，入口順滑，滿滿椰香😍====—====—====—====—.📌店名：蘇山雞飯’📍地址：太子彌敦道759-761號藍馬之城地下2-3號鋪
繼續閱讀