莆田 (港威商場)

營業中

休息中

今晚在尖沙咀港威商場經過一間餐廳，做緊鰻魚節菜式，用鰻魚做了幾款不同的菜式。正合我鐘意食鰻魚。餐廳裝飾很時尚，座位寬敞，燈光明亮。我點了-普寧豆醬炆鰻魚 用了普寧豆醬烹調，配菜有很多洋蔥和炸蒜粒炆鰻魚，醬汁十分濃郁，結果要多一碗白飯來撈醬汁一齊食，十分惹味。-金湯佛跳牆原盅上，內有原隻鮑魚，花膠，松茸，竹笙，瑤柱，海参，鵪鶉蛋和雞肉，湯料十分豐富，湯汁濃郁。-芥蘭豆皮炒芥蘭豆皮，味道很有層次感-黃金荷葉包 炸得金黃香脆的包，夾埋洋蔥和炒牛柳絲餡料一齊食，很美味。

小妹同老公經開尖沙咀，比呢間店內精緻光亮吸引咗😍 以珍珠形狀吊燈配上湖水綠主色為主調，打卡一流🤩環境好闊落，坐得好舒適，絕對係傾偈或飯聚好去地方😋🍵每枱均有壺菊花茶，味道幾清香，一路食一路飲幾解油膩👍🏻🐟山泉水煮活鰻魚鰻魚營養好高，仲含有好多不飽和脂肪酸、大量膠原蛋白及維他命等多種營養素😚而呢款用山泉水煮，湯底🥣好清澈透明💦呈現少少魚油，飲落覺得好滋補，鰻魚仲甘香肥美，冇感覺腥味，但食落有少細魚骨🤭🐥芋香鴨呢款芋香鴨用咗芋泥包著d鴨肉，炸得香脆可口，每件切件非常平均，外層鬆脆，中間非常軟綿、內層鴨肉有咬口😚不錯～🧄蒜蓉蒸海蟶每嚿都好多蒜🤣雖然好多蒜，但絕對能食到蟶子鮮甜味道，非常鮮甜爽口😍🍝興化炒米粉份量適中，當中有2隻爽口鮮蝦🦐蜆肉、蔬菜絲🥬花生🥜等，好足料🥳 米粉較濕潤，易入口，炒得好香，且乾身唔會覺得好油膩，層次豐富😆🍐桂花陳皮燉雪梨好有驚喜🥳 竟然以原個去芯及去核雪梨🍐，燉至腍身，再配以桂花及陳皮，每啖都洋溢著淡淡嘅桂花香及陳皮嘅香味，除咗令人垂涎欲滴，仲感覺滋潤養生😌餐廳環境舒適，職員好有禮貌，菜式多元化，性價比高，總會適合唔同人既口味。如果想靜靜地用膳，呢間適合不過🥰

位於海港城港威商場地下呢間莆田，裝修非常氣派，珍珠形狀吊燈配上湖水綠主色，令人感到舒適好坐。餐廳主打福建菜式，勁多選擇，侍應態度很親切，坐低就奉上餐前開胃小菜。福建代表菜-金湯佛跳牆佢個名係傳說中香氣吸引咗寺廟中的和尚跳牆去品嚐。金湯佛跳牆的食材非常豐富，包括鮑魚、海參、瑤柱、松茸竹笙、花膠、和鵪鶉蛋。湯底口感濃郁而層次豐富。鐵鍋包菜飯原煲鐵鍋上，份量十足，另外配有蔥花、花生碎、蝦米、西芹粒，店員會幫手撈埋米飯同配料，有好多椰菜，口感豐富。底層仲鋪有塊荷葉，充滿清香。芋香鴨賣相唔錯，外皮炸得勁酥脆，芋頭蓉包住鴨肉，很有特色。芋泥細膩，啖啖鴨肉質感嫩滑，炸得香口。甜品都很有驚喜，薄荷枇杷凍，將枇杷熬汁成凍，酸甜爽口，好適合夏天食。莆田 尖沙咀廣東道3-27號海港城港威商場地下G103號舖（港鐵尖沙咀/尖東站 L5 出口, 步行約8分鐘）

為慶祝莆田第100間分店開業，依加做緊兩個推廣🎉🎉🎉 1️⃣ 每天逢第100張單會會免費（100、200如此類推）及 大紅袍、辣媽禮品送贈 推廣2️⃣ 每單可享8折優惠（套餐/禮盒及其他優惠不能同時使用推廣日期: 7/8/2023-13/8/2023 ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱ 😃 當晚我去就見證到當日第100枱收到餐廳嘅免全單同禮品驚喜！好登佢地開心！👏🏻👏🏻👏🏻雖然我無份，但我有全單8折優惠👾都好好呀！ 新店新淨光猛又舒適，樓底高有空間感～嚟到必食蟶子 🌟9種吃法💲219點2款🌟揀咗《 夏日冰爽酒糟蟶 》 及《 莆田農家蟶溜湯 》～ 蟶子一定鮮嫩無沙，用蒜蓉蒸嘅好香口，湯煮既仲特別肥美🤭 🌱🦐《 蝦苗頭水紫菜 💲58 》有蝦米乾、帶酸，爽口開胃係曾獲<米芝蓮一星🌟>嘅推薦菜式!🦆《 芋香鴨 💲98 》外皮炸得薄脆不油膩，芋泥炸得鬆軟棉密，鴨肉軟嫩完全不乾澀～入口先有芋泥嘅香甜，接著有清香肉甜，層次豐富～🐟《 鹹香黃花魚 💲88 》黃花魚不留肉嫩易散，所以用煎一定最可口～呢款加咗鹹香更是我杯茶～🍚《 鐵鍋包菜飯 💲118 》喺莆田人家嘅家常燘飯，材料

莆田又再舉行海蟶節，入夏是品嚐肥美哆頭蟶的最好時間，而且仲有任選2道的優惠價就更加抵食。👍😋必點連續六年銷量冠軍之選的鐵板鹽焗蟶子，這道菜使用了新鮮的蟶子，並在鐵板上用鹽加熱烹製，完全保留蟶子本身的原味道，夠哂鮮甜多汁。😋另一道選了蒜蓉蒸蟶子，以新鮮的蟶子加上了蒜蓉和蒸的方式烹製。蒜蓉和蟶子的組合非常開胃。😋百秒黃花魚，黃花魚肉質鮮嫩，口感極佳。😋芋香鴨使用了芋泥夾著滷鴨肉炸製而成。芋泥和鴨肉的搭配非常完美，鹹香的口感非常適合當作下酒菜。😋椒鹽豬手，用豬手製作的上了椒鹽調味。豬手經過炸製後，外脆內嫩，搭配椒鹽調味非常 惹味。😋莆田荔枝肉是莆田的傳統名菜之一，以荔枝和猪肉為主要食材。荔枝和猪肉的組合非常獨特，酸甜口感非常開胃，是一道非常受歡迎的莆田美食。😋福建海鮮滷麵使用福建特有的麵條，配上各種海鮮如蝦仁、蟶乾、花蛤、海蠣等，再加上滷汁燉煮而成。麵條Q彈有嚼勁，海鮮的鮮味和滷汁的香氣融合在一起，非常美味。😋最後一定唔少得我哋至愛的桂花陳皮燉雪梨！😍

米之蓮推介之一嘅甫田成日地鐵站廣告都見到佢，食物款式多，味道水準出色，令我一訪再訪，最近仲遇正——🌟甫田🌟慶祝第100間分店開業有以下優惠，由今日起至到13/8/2023🤩唔好錯過呀！🌟🌟🌟🌟🌟💖推廣 1️⃣ 每天逢第100張單會會免費（100、200如此類推）及 大紅袍、辣媽禮品送贈💖推廣2️⃣ 每單可享8折優惠（套餐/禮盒及其他優惠不能同時使用推廣日期: 7/8/2023-13/8/2023🌟🌟🌟🌟🌟._.｛$219兩道蟶子｝｜蒜蓉蒸海蟶｜｜椒鹽哆頭蟶｜蟶子都有成九種煮法，今次試呢兩種，兩種都勁好食，蒜蒸好香味道鮮甜，而椒鹽勁香口又惹味😋而且 $219有兩道蟶子菜式，幾抵食！·｜鮑魚辣椒小炒肉｜豉椒炒過好惹味，係濃味道嘅一款菜式·｜經典南煎肝｜豬膶味重，軟腍，用南乳醬汁，好入味·｜芋香鴨｜外層酥脆，裏面芋泥包著鴨肉，好特別味道好夾·｜煮出來的冬瓜薏米水｜夏天祛濕必備，好清甜解渴._.@hkputien🇭🇰甫田📍分店 : 銅鑼灣 / 鑽石山 / 荃灣/ 將軍澳 /元朗 / 尖沙咀

最近去咗尖沙咀港威商場嘅莆田食嘢，環境舒適，位置寬敞👍🏻喺尖沙咀行攰咗就可以過嚟食好西～蒜蓉蒸海蟶 $129蟶肉好鮮甜，蒜蓉嘅味道剛剛好，唔會太濃烈，可以突出蟶肉嘅鮮味。如果你鍾意食海鮮嘅話，呢道菜真係值得一試！石鍋滑豆腐 $98豆腐好滑嫩，加上石鍋燉煮嘅方式，味道更加鮮美。食落去好暖胃👍🏻送飯食一流脆皮蒜香雞 $168半隻口感酥脆，香氣四溢，每啖都令人回味無窮😋酥炒芋心 $98呢道菜真係好驚喜，芋心好香脆，外皮酥脆裡面軟糯，好好味✨總括而言，係一間值得一試嘅中式餐廳。佢哋嘅菜式好豐富，而且味道幾正宗👍🏻

我同老公尖沙咀行街及 lunch，去左行海港城，就去咗港威的「莆田」食福建菜，之前同朋友嚟過覺得幾好食，就帶老公來，而家做緊蟶子節，有九種吃法，一次點2樣，優惠價$219，梗係要嗌返兩款聖子，仲嗌咗其他鐘點美食，這間餐廳環境光猛，座位舒服，食物有質素， 下次要帶埋屋企人試下。九層塔海蟶煲鮮甜海蟶和九層塔，酥炸香口，蟶子好肥美 ，淋上特製醬汁燜燒，好惹味。莆田農家蟶溜湯當地特色農家做法，蟶子夠鮮甜，蟶湯加咗醋，好開胃。精美四小併傳統工藝九轉小腸，好香口；加埋蝦乾的蝦苗頭紫菜，幾美味；以肉汁燜足八小時的家鄉燜筍乾，好惹味及秘方醬汁的阿溜土筍凍，有特色。福建特色海蠣煎必吃特色福建菜，雞蛋味濃好滑，海蠣又嫩滑。鐵鍋包菜飯用鐵鍋原煲上菜，店員即時幫你撈埋配料，配料好足，包菜、滷肉、蝦米、香菇、蟶乾和乾貝， 好入味。

經常喺地鐵見到莆田嘅廣告, 係星加坡連鎖店福建菜嚟香港開設嘅分店, 店內菜餚都幾有特色, 一直都期待想試下土筍凍土筍係生長喺海裏面嘅星蟲🐛, 因為含有豐富嘅膠質, 煮的過程令膠質融入湯裏面, 放涼之後就會變成啫喱狀, 之前一直唔敢試😬, 今日終於鼓起勇氣食咗, 有驚喜🥰！土筍爽脆彈牙, 雪凍嘅"啫喱"滑嘟嘟, 配上豉油、醋、蒜蓉嘅醬汁, 作為前菜好開胃九轉小腸呢個都係功夫菜, 要將豬小腸清洗乾淨, 再一層一層地套進去, 一共套九轉, 但蒲田呢個小菜可能要喺清洗或除臭方面再花啲功夫, 因為味道好"腥"😖特色海蠣煎味道不過不失, 海蠣都好多, 但唔係我心中想食嘅脆口蚵仔煎香芋鴨芋頭蓉裹著鴨肉外層炸得酥脆可口, 芋頭蓉香口軟綿, 但鴨肉比較乾身, 整體來說都不錯跳跳魚撞豆腐係一個跳跳魚煮豆腐湯, 味道ok, 但魚湯嚟講唔夠鮮味百秒黃花魚這個菜有點失望, 黃花魚毫無鮮味😅金湯時蔬金銀蛋煮豆苗, 鹹蛋黃醬落得比較多, 所以好好味😋, 同豆苗都好夾酥炸冰心榴槤外層炸得非常脆口, 包住榴槤糯米糍, 外脆內軟, 外熱內凍, 還放有芒果汁點綴, 口感層次滿分😍

唔知大家有冇同我一樣，成日搭地鐵嗰陣見到蟶子廣告，都忍唔住好好奇個味道👅今日終於去試吓！原來呢度主打福建菜，裝修就西式路線，環境都幾優雅，睇返價錢原來都幾大眾化，就叫咗幾款菜品。⭐️蒜蓉蒸海蟶👉🏻第一時間一定係要試吓聖子，基本上蒜蓉蒸一定穩陣，味道好，聖子比想像中厚實有肉，食起嚟係鮮甜喎！老公都話好鍾意食呢個！⭐️福建特色海蠣煎👉🏻原先以為平時煎蠔餅咁，原來福建嘅特色係唔一樣，蠔仔同埋蔬菜切碎攪拌之後，加埋蛋漿整出嚟好似蛋餅中間咁嘅餡料，口感係軟綿綿嘅，食起嚟有啲似Pizza添，都幾得意，幾好食！⭐️金湯佛跳牆👉🏻呢款係升級推薦菜，少少哋試咗一人份量，都落足料，有齊鮑魚、海參、瑤柱、松茸、花膠和鵪鶉蛋，湯底非常杰身而且味道濃郁，感覺好滋補！⭐️滷水豆腐👉🏻非常欣賞用小火爐，一路用高湯煮住個滷水豆腐，所以食起來特別鬆軟入味老鄉濃郁。

每年5-7月海蟶最當造同最肥美既季節，唔止當造仲可以用超值價食！😍今次我同屋企人shopping 完黎到靚靚裝修既尖沙咀蒲田分店，用優惠價$219 / 任點9款其中2款既海蟶黎試試！🧄蒜蓉蒸海蟶 最傳統，而且最保留到原汁原味既食法！排得整整齊齊既海蟶上面佈滿蒜蓉，面頭再淋上香噴噴既油！勁開胃！🔥鐵板鹽焗海蟶 最簡單但最鮮味的食法。簡單用鹽同海蟶一齊焗至小小乾身，簡單又好味。另外我地仲點埋每次都必點既百秒黃花魚，興化炒米粉等等！超滿足！莆田 (港威商場) (尖沙咀)尖沙咀廣東道3-27號海港城港威商場地下G103號舖

自從同媽咪食過莆田荃灣分店媽咪就對哆頭蟶念念不忘今次就帶媽咪去尖沙咀分店試試任何兩款海蟶菜式$219ꔐ九層塔海蟶煲打開蓋超濃九層塔香氣海蟶炸到外脆而裡面仲好肥美鮮嫩惹味香濃，用來拌飯很不錯ꔐ蒜蓉蒸海蟶用清蒸方法，更突顯海蟶的鮮甜蒜蓉磨到好細令蒜香更濃郁更突顯海蟶鮮甜ꔐ金牌脆皮蒜香雞（$148/半隻）上面舖滿蒜粒，雞皮非常香脆配搭蒜粒一齊食，香濃惹味可惜雞肉稍稍乾左啲ꔐ海鮮福建滷面 ($138)最愛菜式之一，每次都會encore滷面份量好多，湯汁非常鮮甜麵條掛滿湯汁，每啖都好鮮！ꔐ上湯時蔬（$88）金銀蛋莧菜，湯汁加入咸蛋黃調製味道很咸香莧菜很嫩，配湯汁食好好吃

今日去咗海港城買嘢，經過呢一間藍色鋪面，寫住米芝蓮餐廳，吸引咗我同朋友嘅目光，決定成為今晚晚飯嘅聚腳點。見到餐廳做緊蟶子菜式嘅推廣，梗係唔執輸叫咗一道九層塔海蟶煲，廚師用上大量的九層塔同紅蔥頭去爆炒海蟶，食落非常香口，蟶子肉質鮮甜。另外，呢款金湯佛跳牆即係巧手小菜，屋企煮唔到，唯有出街品嚐一下。湯底裏面全部都係真材實料，有曬鮑魚、海參、花膠、瑤柱，飲落清甜，滿是濃郁。然後叫咗芋香鴨呢碟功夫菜，兩個人而言，份量都幾多，芋泥同鴨肉混埋一齊，入口有層次感，而且外皮香脆。最後叫左一道比較少見嘅白切羊肉，顏色好白徹，食落臊味唔重，皮下冇咩脂肪，食落有肉汁。而且特別鍾意佢嘅環境好寬敞，又夠光亮！唔知下期又有乜嘢菜式嘅推廣呢？

上星期六，我同老公食餐中菜撐枱腳發現午市2人套餐好抵食加上遇到蟶子節，仲可以飽嚐肥美的蟶子。九層塔海蟶煲一開蓋已經滋滋聲，熱辣辣，九層塔的香味四溢，海蠣的外層是炸漿，非常酥脆。椒鹽哆頭蟶子蟶子經過酥炸後，外脆內軟，不會太乾身，蟶子水份仍能保持鮮美，外層灑上椒鹽粉，香口又惹味。蝦苗拌頭水紫菜清爽的前菜，蝦苗幼小有口感，紫菜量多，而且拌有醋香，酸酸微甜。酒香竹筒蝦蝦隻爽口彈牙，吸收了酒香，以竹筒上菜很等別，不妨一嚐湯底，很清甜。黃金荷葉包貝殼形的麵包炸至金黃，切開後，可以將濃味洋蔥汁肉絲夾著一齊食，肉絲切幼，肉質味美。金湯時蔬莧菜新鮮，金湯是有香滑皮蛋湯，濃郁味醇。興化炒米粉米粉極幼身，炒至乾身，材料豐富，有鮮味的蟶子，爽口的鮮蝦，仲有香菇，紫菜，花生，甚有口感。福建連雪耳湯熱糖水很潤肺，紅棗補血，白蓮子鬆化，雪耳柔滑，女士必食。薄荷琵琶凍天氣甘熱都要食下冰涼的甜品，琵琶果潤喉，我成日用聲帶，食左覺得很舒服。果凍滑溜，有果香，仲有清香薄荷，很清涼。

莆田 -- 米芝蓮一星餐廳，海蟶節現已開鑼，新鮮肥美蟶子有9種不同既烹調方法，仲以優惠價 $219 享用兩款海蟶菜式，每款都別具特色，岩晒鍾意食海鮮既你。百秒黃花魚原條黃花魚連煲上，黃花魚肉質超級嫩滑，新鮮香甜，湯汁既能帶出魚的鮮味，但進食時，因黃花魚較多細骨，需倍加小心！蒜蓉蒸海蟶 肥美飽滿既海蟶，海蟶鮮甜不韌，已蒜蓉清蒸，完美帶岀海蟶之鮮，非常滋味鐵板鹽焗聖子 必食！蟶子雖是鹽焗，但並沒有過咸，原汁原味，反而更能保持蟶子的鮮味，每顆蟶子都非常清甜多汁，比起蒜蓉蒸的更能嚐到蟶子本身的鮮味。莆田荔枝肉 每次到訪必食菜式！外層皮薄炸至香脆，而內裡肉質鬆軟，即叫即弄，口感豐富，豬肉肥瘦適中，肉腍入味，味道酸酸甜甜，十分醒胃。再配搭荔枝肉、青椒、紅椒、蕃茄，滿足！興化炒米粉 興化米粉是全手工製成的，不含糯米成份，是以純大米製成。米粉炒至乾身，不油不膩，配料十分豐富，以香菇、海蝦、蜆、蝦乾、蔬菜、紫菜、花生 。口感相當豐富，米粉如絲般幼嫩，好吃香甜金錢粿今次終於可以品嚐金錢粿，金錢粿口感煙韌，軟糯配上黑白芝麻、花生粒，非常香口莆田📍尖沙咀廣東道3-27號海港城港威商場地下G103號舖