莆田 (港威商場)

營業中

休息中

莆田每個季節都可以品嚐到當季特色食材，金秋時節，梗係食大閘蟹同文旦柚子嘅最好時間啦！福建特產度尾老樹文旦柚，樹越老，果越甜。果肉清香爽口、甜酸適度而且基本冇籽。港威商場嘅呢間莆田環境超好，樓底高有氣派吊燈，坐位之間很有空間感，好適合一家大細飯聚或者同客食飯。正值週年慶，贈送辣媽有蝦醬的辣椒醬，真開心😚足五兩大閘蟹夠新鮮，蟹肉肥美，勁多蟹膏！味道非常鮮甜！侍應會提供埋剪刀同工具及蟹醋，食用時要留意將蟹心、腮、腸、胃取出，蘸上加入薑絲嘅蟹醋，除咗可以驅寒仲會提升蟹的鮮味。食完後侍應會送上一杯薑茶來驅寒解毒，非常貼心。脆皮蒜香雞(半隻）💰168HKD雞肉表面烤至金黃酥脆，每一口咬落去都可以聽到脆脆嘅聲音。大量炸蒜勁香口惹味，雞肉肉質保持鮮嫩，份量亦都很滿足。黃金荷葉包（片）💰38HKD餐廳提供手套，食起上嚟更方便，將肉絲同洋蔥塞入荷葉包內，布滿芝麻嘅荷葉包，口感似炸饅頭，非常香口。金湯浸菠菜💰88HKD超鐘意呢道菜，咸蚕黃雞湯底鮮味突出，勁濃郁嘅咸蛋黃湯非常邪惡，但好好味！菠菜嘅嫩葉經過金湯浸泡，保持住嫩綠嘅色澤同嫩滑嘅質感。加上皮蛋同蒜頭，提升咗風味層次。