莆田 (PopCorn 2)

營業中

休息中

難得有日平日放假，求其見到莆田有位，就走入去食返個下午茶先。$59嘅下午茶，2小食+主食+甜品，喺將軍澳站黎講，抵啦 ！小食可以揀兩款，主食揀一款，甜品冇得揀，但次次黎食都係紅棗雪耳糖水。主食揀咗芥菜粥，個粥煲得好綿，但啲芥菜又唔會煲到爛晒，粥裡面仲加咗啲蝦米同肉碎，入味得黎又唔會好濃，好味！小食揀咗滷水自製豆腐同蝦苗拌頭水紫菜，豆腐略嫌咸咗小小，紫菜裡面有啲蝦米仔，好有蝦米味，都好正。糖水係紅棗雪耳，唔好預有好重紅棗味，但清清哋又唔會太甜。$59蚊有咁多嘢食，而且樣樣都咁好味，好抵食！整體上都好滿意，會再encore! 👍🏻

第一次食係 12月20日，食完都覺得麻麻，唯獨個自製豆腐好D，但入面個冬菇食兩次，兩次都酸，諗住再試多次，叫其他野，今次食酥炒芋頭同海䘈，個芋頭芯無味，又乾，海䘈一D都唔新鮮，仲有D臭，仲有個農家擦粉，入面有殻。

平安夜黎咗呢度食，其實⋯⋯本身唔係首選，因每每女友最後先會揀中餐食😆 唔⋯⋯不快事件忘記佢就算🤨 反而黎呢度食有意外驚喜😃在等位時已睇咗餐牌，因為之前睇戲已經晏咗食，跟住又被之前間日本餐廳再攪晏啲⋯⋯所以要快揀，睇到有我好鐘意食嘅馬鮫魚😃㨂! 又睇到有個蟹肉豆腐紫菜羮😃揀! 跟住就入得喇，夜咗關係，有張四人枱坐，好舒服😁😁 再睇一睇，揀多樣菜，攪掂！等食😝😝 茶到了，係清清地嘅菊花，好香好清新😌 成個人順翻哂😆😆 打開茶蓋望一望，原來唔只菊花，見到有紀子添，有茶袋袋住一包仔😊 後尾埋單睇翻，茶錢都只係九蚊，我哋覺得好抵😃紫菜羮到先，好香喎，但豆腐就少咗啲，蟹肉雖然都唔多，但都接受嘅，至於豆腐⋯⋯平價嘢吖嘛，其實可以放多少少，咁就會開心啲😝跟住金湯時菜都到埋，好可惜，樣靚但味唔夠，唔知係咪無調味呢🤔 如果咸翻少少，一定好味好多，因為啲豆苗都好鮮好靚。嘩！我碟魚到喇，賣相好靚，亦好香，食落都好好味呀！我本人真係好鐘意食呢隻魚🤤配埋佢個蒜醋汁，仲好味，好夾🥰👍🏼 但鐘意食滑滑魚嘅你就未必啱你喇😅

放工約左舊同事食飯，諗左好耐最後決定試下食莆田。我地四個人但店員都俾左張圓枱我地，所以坐得好舒服~~叫左幾個餸，但先黎既竟然係個湯麵。呢個麵聲稱係店舖既招牌菜，每一枱都必點，只不過食落又唔太特別，餸菜不太多，得兩隻蝦，而麵都普普通通。荔枝咕嚕肉: 成晚覺得最好食既，咕嚕肉炸得好好，咬落去脆脆地，酸甜汁調較得唔錯。煎蠔餅: 有好多蠔仔，不過一夾塊蛋餅就爛，同埋煎得唔脆身荔芋酥鴨: 有好重芋頭味，鴨肉都好大件，不過整體配合度不太高，一般

莆田之前吃過多次，味道不錯，略嫌價錢貴些，現時星期一至五都有午市套餐推出，今天去了將軍澳的分店，由於習慣早吃，11點半已到店內就坐，$68確實優惠價，先來一壼菊花茶，再奉上薑茶一杯和餐前小吃，看看套餐牌，有頗多選擇，我㨂了三款前菜，分別冰浸涼瓜片、蝦苗紫菜和鹵水豆腐，叫了興化海鮮炒米粉，特別一提還有一個類似琵琶豆腐耶菜花湯，因免加一，兩人合共$136埋單，較快餐店的價錢不遑多讓。

平時星期六日經過都見有人排隊, 一直想試. 今日早出門, 唔使排。星期日都有正常套餐, 唔錯。本身點A餐, 但有樣餸無, 改咗要B餐。豆腐OK:芋香棒好好味, 又唔油。黃花魚都OK. 自選1係扁肉湯(位上), 以為係雲吞, 但係好細, 真係要當湯。扁肉味道幾好, 口感好, 皮薄, 只係太細粒。個湯——唔啱我口味。自選2係炒米粉, 一般, 不過不失。自選3蓮子銀耳湯 (位上). OK 啦, 蓮子有D硬。另外:開頭上菜慢咗D.D餸唔算熱, 我啱, 因為我食太熱嘢唔OK. 

今次試咗個 漁民紫菜燜飯、三小碟 都係點咗滴水嫩豆腐、蝦苗拌頭水紫菜 同埋 試咗水晶豬蹄凍，例牌星期四湯係 大白菜燉軟豆腐～ 燜飯都幾香，可以一試～好飽！豬蹄凍一啲都唔凍～希望有進步空間星期一至五 會有唔同嘅湯每檯客都有一壺 菊花杞子茶 唔好錯過～

今日慶祝人生日，一行7人，好彩提早訂枱，否則一定冇位，全場爆滿呢本人之前食過莆田，覺得味道一般，但身邊有啲人覺得好好食，成日食，所以我都係抱住陪食既心態呢到特別既地方係可揀好多唔同既茶，茶葉種類比較特別！不過晚茶每人茶錢9蚊，每碟（小食）芥都要9蚊。黃金荷葉包 （每件$29）個包好似炸饅頭咁，好鬆脆，入面可以包附帶嘅肉同埋洋蔥，算得上幾好食！蟹肉豆腐紫菜羹呢個湯味道比較淡，唔算得上好好飲黃花魚燜飯雖然顏色能吸引，但係味道夠，幾好食，不過食唔到有黃花魚豆腐炆豆腐唔食，因為，唔係邊滑嗰種，係鞋口，又有啲肉碎砂鍋紅糟雞呢個個樣嚇親人，不過味道不過不失，係南乳雞咁九轉小腸呢個係佢出名嘅菜，不過我唔食內臟，所以冇食，其他食過嘅人都話好食另外，仲叫咗風味松鼠魚（$239），個賣相好靚，而且味道都好好味，好似糖醋魚塊咁，不過有成條魚個樣仲有個莆田滷面（ $82 ），呢個味道都唔錯，可以試吓！

其實都唔明點解我會揀莆田做下午茶因為真係好唔抵食而且味道一般般，我同老婆一人叫咗一個下午茶，最後賣單（加埋一）要成百幾蚊。個賣相確係幾精緻幾吸引，不過D份量真係一少份一少份，就連碗粥都係碗大份量少。 呢碗芥菜粥個味道都唔錯嘅，幾野味，有肉碎粒+芥菜粒+蝦毛仔，唔多似我地平時食開果D粥，佢似泡飯多D，D米係一粒粒，而且水多過米。 而於D少食就直係攞黍睇好過攞黍食，佢個蕃薯包𥚃面冇饀唔緊要，但可唔可以唔好甘實，又實又乾又完全冇蕃薯味，至於其他都係一般般嘅甜點。

今日叫左個2人set, set入面有魚，咕嚕肉，鹵水豆腐，炒米粉，紫菜湯同埋糖水條魚好味，都幾脆口咕嚕肉好似好少同細舊，味道還可鹵水豆腐普普通通炒米粉都冇咩味，好淡紫菜湯好好飲糖水一般總結，一般

蟶子專門店莆田嘅蟶子同我哋平時出面食嗰啲比， 比較短身， 但係啲肉全部都超級肥美 我成日諗， 咁多人食聖子 會唔會食到佢絕種㗎叫咗蒜蓉蒸蟶子， 炒蜆， 同埋荔芋鴨( 好似好唔關事㖭，不過我鍾意食) 蟶子同蜆嘅肉都超肥美， 味道惹味得嚟唔會太濃烈， 仲保留到佢嘅鮮味！！！ 而且份量真係好多， 好似食極都食唔完咁， 超抵食！荔芋係我近期好鍾意食嘅嘢， 任何加咗芋頭嘅嘢都好好味 呢隻荔芋鴨， 炸得非常鬆脆， 但係一啲都唔油膩， 食哂成碟都冇問題！ 下次要試埋佢個招牌麵先

不嬲都鍾意食莆田，最好就係星期日都有下午茶，可以揀兩款小食，一款主食，仲有甜品添！前菜有冷盤雲耳，有啲辣但都幾開胃小食就揀咗苦瓜，紫菜，豆腐，豬蹄主食要個爆醬湯麵，好濃郁，麵又滑

新鮮的蟶子只要簡單的烹調已經能夠吃出其獨特的鮮味口感，而將軍澳popcorn既莆田正正能夠達到此水準。1. 蒜蓉蒸蟶子隨著店內大肆宣傳的蟶子推廣，讓我也忍不住要試試！經典的食材當然要選用最簡單的烹調，蒜蓉清蒸算是最簡單直接。點菜後約15分鐘已到，蒜蓉香味已經撲鼻而來，第一口的蟶子入口香甜，與蒜蓉配搭算是一流，肉質肥美，更重要蟶子已吐沙，夾口彈牙，絕對無誘張。2. 莆田荔枝肉打破傳統梅肉炒菠蘿的配搭，莆田選用荔枝肉替代菠蘿，避過菠蘿較酸的缺點，增加豬肉甜度，甜酸醬味道香口，配搭白飯一流。3. 咸蛋黃莧菜除了肉類、海鮮，我地特別叫了普通的蔬菜- 莧菜苗，以上湯浸方式煮制，老人家必愛。4. 黃金京粿及金錢粿主食享用後，當然不少得點選幾款福建甜品，黃金京粿類似中式黃糖年糕，以油煎方式煮至兩面金黃，入口煙韌，別具特色！金錢粿則與潮洲花生糖糯米糍相似，但味道相對較淡，入口太黏牙，不太推薦。PS: 值得一提是枱面的「辣媽醬」，同行朋友忍不住加添於少許於蟶子上共享，酸酸辣辣，味道出奇地夾，我亦忍不住買了一樽回家，慢慢品嚐。

話說上星期岳父來探我們，並想試一試莆田這人氣餐廳，怎料真的大排長龍⋯等了差不多半小時-45分鐘才可以入座，比想想中多人。岳父喜歡吃魚，老婆喜歡吃紫菜，今餐鮮味無窮！⭐️滷水嫩豆腐偏甜，但豆腐很香很滑，吃了2件便停了⭐️漁民紫菜燜飯老婆喜歡吃有味飯，這飯裡除了紫菜之外，還有蠔，非常好吃的絕配，不妨試一試。⭐️咸香黃花魚到來的時候，明顯是碟子大而餸少⋯只有5件左右是真的有肉，其餘是頭頭尾尾。不過，炸得很好，魚夠嫩滑。⭐️莆田滷麵這個普普通通。附送的龍眼是核大少肉，不過免費就是這個質素。期間小情人突然扭計大喊，莆田變出了扭扭氣球，這區沒有一些氹小孩的法寶真的不行。

莆田雖然已經在香港開了幾年時間，但人流一直未有減少過，餐廳外總是有一大群食客等待。今次是為朋友慶祝生日，因為我們都有十幾人，便預早打了電話訂座。我們準時到達，也就準時入座了，不用在餐廳外等。因為其實我們比較少吃福建菜的經驗，又不太懂得點菜，我們便點了套餐，額外加了時令推介的蟶子。套餐每道菜都叫人喜出望外，全部都是大大碟，很美味的，賣相也相當吸引。眾多菜式之中，我們特別喜愛以下幾款：蒜蓉蒸蟶子 - 這碟才$99 的蒸蟶子非常足料，蟶子還非常鮮甜，是必食之選莆田荔枝肉 - 看似普通的咕嚕肉，但烹調得非常好，啖啖肉沒有骨的，炸得非常香脆。另外，莆田聚寶盆 ，風味麥片蝦，家鄉燜豆腐都是一樣非常足料和值得一試。今天朋友生日，餐廳有特別的慶祝方式和禮物，給了朋友一個驚喜而愉快的晚上，實在太美滿了。