莆田 (PopCorn 2)

營業中

休息中

尼間野晚市食過一次，好好味！但價錢偏貴唔捨得食。近來發現佢假日都有推出下午茶set，仲要$50-$60咋，又冇人等位，即刻衝左入去！尼到係三個人既點心份量，非常精緻😍每樣野既分量唔多，但勝在可以試多幾款嘛！推介酥炸莆田篇肉，炸得好香，配埋酸汁，送飯一流😋蝦苗拌頭水紫菜都唔錯，好香既蝦米味。水晶豬蹄凍都係必叫咖！硬度適中，唔會一夾就散，而且好好味！中間係甜品：紅棗冰糖雪耳😍😍唔會太甜，再配上紅棗，清甜又可口🤤仲有主食咖，不過太肚餓一黎到冇影相就食左lu..😂個人最喜歡食紹興炒米粉😉如果唔太肚餓，一定要試莆田既tea set!!唔會後悔！

上年食過鐵板蟶子、蟶子炒蛋，覺得5夠喉。事隔幾個月，想去再食，才知有季節限定。今年7月中路過時，見到蟶子回歸，於是昨晚3條女去開餐。而家做緊蟶子優惠，任叫2款蟶子只需 $198。不過我都係最愛蒜茸開邊蒸及鐵板，呢2款散叫，每款都係 $99，所以 $198優惠價對我來講係無得益今次我地叫咗。。。。蒜茸開邊蒸蟶子：入味，蟶子夠肥美，成碟排到似花，睇得又食得 鐵板蟶子：真係好燙口，要小心食。隻隻蟶子都好肥美，果種脹卜卜感覺好正，可惜有少少沙 荔枝肉：有2粒荔枝，其他係肉。芡汁好味，肉也稔，保持過往的水準酥炒芋心：今次差咗啦，無乜蜜糖味，口感又硬咗媽祖麵線：配合檯上的“辣媽“醬食，真係好好味，正今餐都好滿足，超飽~員工有禮又勤快。但檯與檯就逼咗d問過侍應，蟶子做到8月中或下旬就無。。。。要食就快手

閩菜是中國八大菜系之一，根據地域分為福建菜，如果說在香港食福建菜的話我第一時間會想起「莆田」，因為短短幾年它的分店已經遍佈全港而且這裡的手工菜頗有特色...但今次我們是衝著「莆田」嘅蟶子節而黎呢，首先我是非常喜歡吃蟶子的其次知道福建地處東南沿海、盛產多種海鮮，所以呢度嘅蟶子菜式係值得期特的。最就腳既「莆田」對我來說就是將軍澳區知道周末去食實要排長龍，所以今日決定平日去食餐廳位於PopCorn商場2期，地鐵站行去好方便又易搵...入到去差幾張枱就幾乎滿座了...喜歡餐廳的裝修，用上白色、藍色及木為最主要的原素，有點歐美又帶點中式，兩樣加埋挺有摩登風格。坐低後店員禮貌地讓我們先飲杯茶...好 好 飲！超 級 喜 歡 啊！！！！餐廳供應的是菊花茶，氣味芬芳，有清熱明目之效，成餐飲了非常多杯喔翻開餐牌基本上有很多福建特色小菜或小食既選擇...而我就即點了最新推廣哆頭＄198「任選兩款蟶子菜式」既套餐店員話我知「哆頭」原來係解福建哆頭村的哆頭蟶亦係蟶子嘅養殖地！揀了鐵板鹽焗蟶子同埋冰爽酒糟蟶子因為都係聽朋友同店員推介，僗話最受歡迎係呢兩款咁就試試吧先黎一碟小食頭水紫菜紫菜很爽啊！可能是炸過既關係

因為呢間餐廳是米芝蓮，所以一直想試下，今日終於有機會啦！見餐牌介紹咁多蟶子，又得獎又銷售冠軍，一於試下。🔸蝦苗拌頭水紫菜好少係其他餐廳食到呢到菜！紫菜好正好爽好甜，本身我鍾意酸甜口味，呢碟紫菜酸酸甜甜，一個人可以食曬成碟啊！🔸冰爽酒糟蟶子用酒浸住蟶子，食落幾好食，蟶子唔算細隻，肉質幾飽滿。🔸鐵板鹽焗蟶子用鹽焗蟶子真係好特別，食落又唔會好鹽，不過就要快d食，因為加熱左既鐵板會令蟶子愈來愈乾。🔸百秒黃花魚呢條魚好甜美，魚肉夠滑夠甜，正！🔸興化米粉同平時食既米粉唔同，好特別下！因為米粉好似發菜咁幼，但又好彈牙，而且食落都不會好乾，我幾鍾意食！🔸酥炒芋芯其實炒芋頭粒，外面包糖，食落幾香口。原來福建菜都幾岩我食，哈哈哈！

小女子父母都是福建人，自幼吃著媽媽烹飪的福建菜長大，對福建菜多了一分情意，一分執著。這家餐廳光顧了數次，因為媽媽喜歡吃的中菜，附近的選擇實在不多呢！晚上7點到達，餐廳已經幾乎滿座，生意不錯呢！翻開餐牌，除了海蜇頭、炒芋頭、煎黃花魚等菜式，原來4月10至8月10有各式蟶子菜式供應呢！餐廳供應的茶是菊花茶，清熱解毒。還有一小碟黑木耳，酸酸的，很開胃。⭐️蝦苗拌頭水紫菜這碟紫菜是我最喜愛的菜式之一，送入口，紫菜很爽，很嫩，配搭蝦苗，蝦苗沒有搶走紫菜的味道，反而將紫菜的甜味引出來。⭐️鐵板鹽焗蟶子這盤鐵板鹽焗蟶子把蟶子放在預熱的鹽裏，把蟶子焗熟，所以放久了蟶子就會變乾，因此要儘快吃，所以過了一會兒店員便特意幫我們把蟶子挾出放在碟子上。店員還特意幫我們把蟶子挾出，免得放得太久。經過鹽焗的蟶子入口嫩滑鹹香，味道恰當，如果沙粒處理乾淨完美了！⭐️冰爽酒糟蟶子蟶子肥美，爽口彈牙，餘韻有酒香在口裡迴盪，不過吃下去有沙粒，影響口感。⭐️百秒黃花魚黃花魚小小一條，魚肉非常嫩滑，口感清新，連魚湯也十分清甜呢！⭐️興化米粉第二道喜歡的菜式就是炒米粉，配料有蛋絲、紫菜乾、肉末、花生和菜。米粉極幼而彈牙，加上餐廳特製的辣椒醬

身為將軍澳地膽既為食Chloe 見到將軍澳任何新推出甚至新推廣既美食都會一試, 實行食盡將軍澳每一角落呀。之前都試過莆田，呢間餐廳為米芝蓮，已經一試愛上，環境又坐得舒服今次見到有一個叫哆頭蟶子節就緊係唔會錯過啦。超中意食海鮮既我，不男食開既蟶子都幼幼長長，而今次第一次食福建蟶子，係比較短身都肥肥的。鹽焗蟶子熱辣辣整隻蟶子都吸收了鹽腌的味道十分入味。我好中意。冰爽酒糟蟶子就另外一種風味，冷食更食到蟶子既鮮味黃花魚之前已經想食, 但之前同朋友食時佢唔中意食魚，今次要試下你先。因為 係用100秒來製成一條魚，所以肉質超嫩滑，唔會整得過老呀。唔錯唔錯。不過好多細骨，大家食既時候要小心呀最後叫多一碟興化米粉好多配料係入面呀，而且米粉好鬆軟，唔同平時食開個d 口感。

將軍澳食好味中菜嘅選擇唔多，大部分都係啲連鎖或者大集團式嘅酒樓、 餐廳，比較少有好味嘅中菜館，雖然呢一間莆田都算係連鎖式嘅集團 ，但係佢嘅感覺就比較精緻， 坐得都幾舒服。而就算星期日嘅下午茶嚟講，都唔算好多人。 我同朋友各叫咗一份下午茶，我就叫咗糯米丸同埋扁肉， 主菜就係炒米粉， 再加埋甜品銀耳羮， 作為一人份量嚟講其實都幾多幾豐富。扁肉即係迷你嘅炸雲吞仔 ，我就建議點佢枱面上嗰一罐酸酸甜甜嘅辣椒醬，非常開胃。而炒米粉嘅米粉都非常幼細，炒得都乾身， 仲有一啲炸紫菜同埋蜆肉，撈埋一齊都幾好食。而糯米丸就好似擂沙湯圓， 入面有芝麻餡， 但係唔會太甜，而且皮都幾薄，好食。銀耳羮就雪得夠曬凍，夏日炎炎食佢就最啱，但如果大碗少少就更加好啦。

上次 o黎食過鐵板 o個個蟶子依家有個蟶子 combo 呢, 左邊都幾吸引~中意依度 ge 裝修好新派連包濕紙巾都有哂 design 前菜係花生同紅豆, 整得好入味~茶係菊花杞子茶, 聞到好香 ge 菊花味朋友問點解 d 蟶子 o甘短身我笑佢識 ng 識 ga 依隻係哆頭蟶子, 比平時食開 o個 d 厚肉好多係福建特產 o黎~冰爽酒糟蟶子涼浸浸, 充滿酒香, 但唔會太重酒味我專登一次過剝哂 d 殻 o黎食, 好正 ard 蟶子好新鮮呢 必食 ge 鐵板鹽焗蟶子將 d 蟶子插哂落鹽再焗, 好神奇地 ng 會整得好咸依隻蟶子就乾身少少, 鮮味出 d百秒黃花魚真係燜一百秒 o甘整, 好得意魚腩位切開攤開條魚, 易 d 夾某 d 位都多細骨, 要小心少少食不過魚肉好嫩滑, 簡簡單單都已經好鮮甜興化炒米粉係我另一必食 ge依隻米粉特別幼身細韌都係福建莆田 ge 特式食物

最近去咗將軍澳朋友屋企作客，到晚餐時段落咗樓下食飯，朋友話之前去咗呢間餐廳食個紫菜湯，好正，今次又出咗新產品，一於同朋友去試吓扁肉所用嘅材料非常簡單，鮮肉，再用薄薄既皮包住我哋叫咗幾碟餸我個人幾鍾意呢碟嘅炒米粉，邊有多種材料蜆肉，蝦，紫菜等，粉絲質感又細，吸晒所有材料嘅味道用上湯煮左條黃花魚，肉質鮮甜，結實，一定要沾上魚湯，倍加鮮味腸頭，滷水得非常入味，非常有咬口，每一啖都係精華越簡單嘅食物，愈顯出食物的原汁原味，師傅將皮壓到非常非常之薄，再將肉和其他材料包住，配上獨家嘅上湯，令人有一種家嘅感覺

其實這間莆田已開業了一段時間，但一直也好像深得街坊歡迎，經常有不少人門外等侯，不過小妹就仍未抽空來吃。是夜，機會來了，家人紛紛提出到這餐廳來晚餐，可一嚐莆田了。雖然是星期五，但幸好等待的客人不算多，只需2至3分鐘就能入座。莆田是一間主打福建菜的餐廳，香港不是度度也有得吃這類型的菜式呢。先來九轉小腸/$79，是由逾十多款的香料滷製而成，而每件豬腸也是一層層捲起，可提升口感。食落頗開胃，而相信小腸也清洗得乾淨，咬落帶點爽口，不過吃多幾件就覺得有點鹹。這碗傳統扁肉湯/$28位挺出色，價錢又不太貴。小妹起初看到像雲吞般也十分抗拒，不過吃落帶煙韌質感，肉包肉，味道有點似魚皮餃，比預期中不錯。最重要的是，由於湯底加了少量醋，酸酸的，呷一口挺胃口十足。酥炒芋芯/$89，小妹認為這道菜是全晚吃過之中最佳，雖然一碟的份量並不算多，四人而言只好少食多滋味了。出色的在於芋芯外層炸到微脆，咬落感覺內脆外軟，而不得了的地方就是在於外層塗上一層蜜糖，甜滋滋帶脆口，實在令人停不了，極力推介啊。這裡挺有名的百秒黃花魚/$69，來到時大家也急不及待地起筷，最終拍了一條吃過的魚XD黃花魚肉超級滑，由於魚骨尚算多，故吃的時

某日行完山，腳程失曬預算，原本食午餐已經延後至變成下午茶！見莆田靚靚仔仔一於試試啦，睇個樣好似幾輕盈健康咁。（莆田好似係福建菜）以地段同裝修黎計，下午茶唔算貴既，選擇都幾多，於是叫兩個下午茶set。上碟都幾美觀精緻，小食分別係：蝦苗拌頭水紫菜、滷水豆腐、燜荀乾、豬蹄凍；甜品雪耳糖水小食味道都幾高質，每樣都各有特色，唔係hea做，不過份量偏少。主食就係興化炒米粉同包菜飯，飯就無乜特別，米粉值得一讚，非常幼滑，味道清新總括來講，味道、裝修、格調都屬於有水準之作，而且價錢唔算太貴，可以回頭

經過睇到呢間餐廳主打特色中菜，有d 餸係其他地方唔易食到，於是就抱住試試心態，走入去。作為前菜我地叫左上面呢碟紫菜，酸酸甜甜，應該係用左某種醋醃過。d紫菜浸冧晒，加上我本人唔鍾意食酸野，所以只係食左少少。依碗雲吞個湯底有櫻花蝦煮成，ok ge炒芋頭，表面脆卜卜，黐住d糖漿，好好食，我會推薦其他人叫。呢個豬大腸好潮式，我本身都鍾意食豬大腸，所以ok ge呢個浸黃花係佢地招牌菜。黃花d 肉煮到冧晒，配埋個魚湯，好食。最後碟炒粉絲有海鮮，普通啦總括黎講，d野唔算大碟，唔係話好抵食，但算有特色，如果平日食得多普通酒樓，試下呢間都ok ge。

This place is very nice indeed. We ordered chicken and 2 sets and everything was very tasty. I would definitely recommend this place to anyone who likes 閩菜

一直都係呢間餐廳既常客，開業至今光顧至少十多次了，感覺是餐廳的食物味道鮮味，福建菜亦較有特色。餐廳環境雖說不上太寬敞，但也算舒適。 一坐下，侍應就送上前菜和菊花茶。前菜是紫菜，脆香鹹甜，少許厚身，挺有口感。菊花茶微甜甘香。一人點了一碗篇肉湯，是餐廳招牌菜，扁肉湯底加了醋，特別顯得鮮甜開胃。扁肉充滿嚼勁，肉香滿溢。百秒黃花魚也是餐廳招牌菜，魚肉極為嫩滑，湯底鮮甜，配有薑蔥，不會覺鯹。九轉小腸好耐沒吃！卻覺得進步了！小腸層次分明，厚薄均一，一咬下去充滿層次感，溢出的是鹹甜適中的滷水汁。很有驚喜！推介！興化炒米粉一直是我的至愛！米粉幼細，卻仍然乾身爽口，不會黏牙。配料除了有新鮮海鮮，亦有紫菜、花生、乾蔥、唐芹，味道、口感也十分豐富。吃過這樣鮮味得一餐，已期待下次再臨，光顧其他菜式了xd

莆田是來自星加坡的福建菜，在香港是米芝蓮一星食肆。餐廳裝潢簡約，感覺寛敝舒適。小吃炸紫菜很香脆但有點油膩，每位客人都送一個枇杷果，菊花杞子茶清新潤喉。九轉小腸 以九摺式用大腸一層一層套小腸，足足有九層，是複雜的心機菜。以滷水烹調，一點內臟腥味和肥膩感也沒有，口感煙靱彈牙，連不吃腸類的hubby也吃得到，端上桌時下面還有小爐保持熱度。百秒黃花魚 只用100秒來燜熟新鮮的黃花魚，所以魚肉很嫩滑鮮甜。以簡單的烹調方式才能吃到黃花魚的原汁原味。傳統扁肉湯 每客$28，外皮很薄，雖然中間的餡是肉，但又不會覺得很膩。興化米粉 幼身的米粉炒得很乾身，一點也不油膩，配料也很豐富。