莆田 (PopCorn 2)

營業中

休息中

想介紹下佢哋嘅特色小菜，首先個水晶豬蹄凍，呢個小菜食落口入口即溶，好似啫喱咁，加埋佢個特色醬汁，一啲都唔漏，如果大碟D就更好！一品醉蚶，用蒜頭同辣椒吊起海鮮嘅味道，識落好鮮味，而且有少少辣癖咗啲腥味蝦苗拌頭水紫菜，呢個真係好好食！因為酸酸地又夠凍，食完之後食慾大增👍🏻蒜蓉豆豉蒸鰻魚，呢個煮法最正路！食到鰻魚好肥美嘅感覺，啖啖肉，唔多唔少啱啱好！紅菇海鮮鹵麵，個面粉紅色，有少少搞笑，味道屬於正常，面質林身，老少咸宜，容易消化！風味麥片蝦，D蝦感覺新鮮嘅，加上香脆卜卜嘅麥片，幾特別！

餐館取名自中國福建省的沿海城市莆田市。餐廳將莆田清淡純樸、散發著濃郁鄉間風味和民族文化特色帶到香港，讓客人品嚐得到莆田菜的精髓 ── 新鮮、清淡，處處令人驚奇。精美四彩拼💰119🔸九轉小腸：九摺式包法既層層豬腸，醬汁調配不錯，食落爽口🔸水紫菜：酸酸的好開胃🔸一品醉蚶：辣到適中，鹹味適中, 蚶是生醃的🔸燜筍乾一品海蠣煎💰119🔸蠣餅煎到金黃色，放了好多蠔入去煎，煎得好香好脆酥糯芋香鴨💰99🔸外層是酥炸芋頭 內裡是鹵鴨肉切片，配上香菇醬汁，一甜一咸莆田扁肉湯💰22（位）🔸有紫菜蒜蓉，湯鹹微酸， 内有幾粒類似餃子，皮晶瑩煙韌，原來是用肉打出來

今晚同屋企人去咗莆田食飯，點左一個精美四小拼，家鄉炆笋干好入味，蝦苗拌頭水紫菜酸酸地好開胃，有陣時喺出邊餐廳會食到一啲紫菜會有沙，但係呢度啲紫菜冇沙好乾淨，九轉小腸有驚喜，好入味之餘一d都唔肥，亦都唔會好似豬大腸咁好大浸味，一品醉蚶我就唔敢食，家人表示新鮮，莆田嘅聖子最出名，而且有八種食法，所以我哋選咗鐵板鹽焗聖子，聖子透過鐵板用鹽焗嘅方式整熟，保留聖子原汁原味，聖子亦都鮮甜肥美，我好鍾意莆田嘅芋香鴨，因為我係一個超鍾意食芋頭嘅人，外脆內軟嘅芋香鴨真係值得推薦，不過莆田嘅價錢同份量唔成正比，所以咁差我覺得有啲貴

今日一行四人，午餐想食中菜，知道莆田蟶子菜式又返左嚟，於是揀左易泊車嘅popcorn。午市時間，相對易等，等左10分鐘左右，安排坐左喺窗邊，算靜，可以傾下計。主力想食蟶子，同出面無嘅野，我地叫左4款蟶子煮法，鹽焗一定唔走得，跟住叫左酒煮、紅菇湯同蒜蓉開邊蒸。個人覺得紅菇湯最能夠保留蟶子鮮味，酒煮都係，蒜蓉蒸就...... 係考師父刀功，細蟶子開邊，放蒜蓉其實變左肉太薄，雖然唔過火，但都食唔到隻蟶子嘅味道。監焗就我一向食都覺得係招牌菜，比起第一次試嘅其他三款煮法，已經無咩特別驚喜了，不過唔係唔好食。跟住都有叫其實野，芋鴨太肥了，唔係好啱注重健康嘅人仕，蠔餅同炒米粉都足料，叫埋扁湯共8碟，配菊花茶，呢個午餐大滿足。

中午時段去到Popcorn，間間餐廳都排長龍😟，見到莆田唔使等位，二話不說即刻入坐🤣🤣今次叫咗個莆田午市頭等餐$198，個餐有🦐蝦苗拌頭水紫菜、大白菜燉軟豆腐、傳統海蠣煎、莆田主食三揀一就叫左紅菇海鮮滷麫、甜品就蓮子紅棗雪耳糖水，另外我哋仲散叫左個扁肉湯$22😁蝦🦐苗拌頭水紫菜：味道酸酸地，做頭盤幾開胃👍🏻扁肉湯🥣：個湯就一般，但小雲吞幾好食😋大白菜燉軟豆腐：味道一般，無乜特別，配料有豆腐、旺菜、芹菜、蔥頭、青口、豬肉傳統海蠣煎：幾好味，唔會腥，好似蠔仔餅咁，但又冇蠔仔餅咁煎炸，不過如果配埋汁醬就更好啦紅菇海鮮滷麫：我自己幾鍾意，個味道好特別，蜆肉幾甜，配料都多，特別鍾意可以自己另加紫菜，不過朋友就麻麻地，因為d麫太淋蓮子紅棗雪耳糖水：好普通一碗甜嘅糖水兩個人盛惠$222.2，午餐咁多嘢食，餐廳又好坐，性價比高😋

今晚是蒲田外賣。 以往食過幾次銅鑼灣分店，今次試下將軍澳分店外賣。睇下質素如何。二人晚餐， 份量 啱啱夠-小食：鹹香酥脆黃花魚$59， 雖然係外賣，但都保持到魚皮脆，魚肉嫩。 但魚的鮮味，就-兩個小菜：1) 蒲田荔枝肉 $89味道好味 酸同甜嘅味道 平衡得好好 。皮鬆脆肉質保持到有肉汁。2) 芋香鴨$99呢個麻麻， 可能係外賣 ，返到屋企食時候，已沒有冇芋香，而且鴨肉冇味。份量8塊，我個人認為，可以供2至4人份量的小食。二人食， 好滯，而且口感一般。今次二人晚餐外賣$198, 整體食物滿意。 都係覺得， 堂食好味啲，同埋碟頭份量，我覺得好似多啲

之前喺將軍澳分店堂食了幾次，但限聚令，所以今次叫外賣返屋企食，味道依舊，但始終外賣，所以部分煎炸食品已經唔香脆了今日叫咗興化炒米粉($88)，紅菇海鮮滷麵($108)，鹹香黃花魚($59)，脆皮蒜香雞($148)，另外外賣有9折興化米粉係比平時的米粉更幼身彈牙，基本上我每次都會點呢個炒米粉紅菇海鮮滷麵就第一次叫，湯汁係比較少，海鮮份量亦比較少，味道一般黃花魚煎得好香，鹹魚味剛好，但肉就比較薄，如果條魚厚肉d就好啦脆皮雞嚟到個陣已經唔脆了，但皮依然香，肥瘦適中，而且有蒜香搭救，仍然好味少少建議，外賣盒係用膠盒，如果可以喺盒度剪個窿疏氣，d香脆食物就無咁容易淋，更能保持原汁原味最後，外賣會附送一個莆田袋，都幾靚

疫情期間冇得返鄉下，唯有嚟呢度食家鄉菜解下鄉愁今次除咗叫佢個招牌興化炒米粉之外，仲叫咗好多其他嘢例如精美四小拼，扁肉湯，南乳雞等等，全部都好有水準個四小拼係包括有蝦苗伴頭水紫菜，水晶豬蹄凍，滷水燉豆腐同九轉小腸，樣樣都招牌菜至於個扁肉湯係呢度必食嘅菜式之一，湯底鹹鹹地好惹味，飲完一碗想再叫多碗

上星期六突然好懷念莆田蟶子，於是打電話 book 位食 dinner。因為週末關係，用餐時間為90分鐘。去到，見到今期係做鰻魚。。。。原來蟶子係4-8月才有，蠢咗。既然嚟咗，都要食。今期文旦柚當造，莆田為咗推廣，每人送1片品嚐，又真係幾甜又 juicy，真的有衝動想買盒回家跟住侍應拎住3袋嘢過來，話20週年，所以每位客人送1樽辣媽醬。嘩。。。。正呀，我超 like 佢地既辣媽醬，用來蘸粉麵係好好味架!上次幫襯時，係要侍應斟茶，我係勁飲茶既人，所以有d 5 方便。但今次係放1個保溫壺俾我地，方便好多~我地叫咗5餸：1. 荔枝咕嚕肉：跟以前一樣，味道無變，仍然好味2. 扁肉湯：太耐無叫呢個餸，水準仍跟以前一樣3. 芋香鴨：今次 d 鴨乾咗d 又韌咗 d，口都攰。同埋無咩味，我要靠辣媽醬才能吃得下4. 鹵麵：材料“削“咗d5. 鹹香黃花魚：睇相片以為係起肉炸，點知係將黃花魚切條，連骨炸，所以無乜肉食，份量又少，5值我只期待蟶子的季節。。。。

第一次去莆田食午餐，有頭等餐、愛吃魚、愛吃肉套餐，款式多樣化，份量雖然不多，但剛剛好。今次點選了「愛吃肉」套餐，包括蝦苗拌頭水紫菜、馬來風光、莆田荔枝肉、莆田滷麵、2碗燉湯及單點了一份細的扁肉湯。水紫菜甜甜酸酸十分醒胃，馬來風光香味濃，莆田荔枝肉有啲太肥膩，反而更欣賞荔枝肉及其他配菜，莆田滷麵麵質適中，湯底亦好，配上蝦仁，鮮味可口！另外，燉湯是西洋菜陳腎煲豬展，合時清潤。不過我最愛都是扁肉湯，小小的餛飩配上鮮味肉湯，一口可以食3、4粒。

呢個蠔餅, 唔係我中意個款做法呢個係超好味, 係超超好味莆田有個奇妙之處，係平平無奇的外表下食得到超出預期的美味同家鄉感唔怪得有michelin呢個湯又係好好味呢個魚又係好好好好味完全係非常中意呢個我唔中意咁冰呢個冇咩驚喜, 都好味

中午二人去食左個午市頭等餐，價錢相對較吸引，食物都較岩個人胃口。荀乾不會太乾，甜甜的，還有小火令食物不會變冷，暖暖的，如送飯一流，或留一些來送米粉。扁肉湯是我最愛！ 😍細細粒，皮是煙煙韌韌的，連湯吃，口感更豐富呢～荔枝肉完全俾佢個名fake左，全碟好慶幸地有一粒荔枝肉咁多，全是肉，都不太吃到荔枝肉的香味。炒米粉是愛人最愛，我就覺得普普通通的，可再炒得更有穫氣。苦瓜是略微煎過，不太苦，挺好吃的。甜品簡簡單單，清甜，好吃！整體來說不錯，價錢比以前散叫抵食，份量都夠飽，尚算滿意。

只係用外賣app order左2個炒米粉套餐，但都竟然可以落左單，由2個米粉變為2個粥套餐，打電話落餐廳要求更改，親自落去更換，換返黎竟然變左1米粉1粥，再次換來一肚氣。現今疫情，難道叫人取外埋時還要每樣食物打開黎check一次嗎？接咁少order都可以做錯真係令人難以理解！（返到屋企睇返貼於袋邊的單據，app print出黎的單與餐廳自己打的單，完全唔一樣！打單嘅打錯單，執食物嘅唔核對單，完全係不知所謂！）

想食左好耐既莆田終於有機會食，中午有set, $68包前菜三小碟、主菜同湯，價錢合理。兩個人食，點了兩個set，一次過食晒六小碟。紫菜酸酸甜甜，好開胃。豆卜亦不錯。不過豬肝就有點乾同硬，有少少失望。興化炒米粉好幼身，但不會黐埋一堆，炒得不錯。蜆亦新鮮爽口。個人認為最正就係老黃瓜排骨燉湯，無味精味，用料十足！可以的話想飲兩碗。另一值得讚的是這裡坐得舒服，坐位寬敞，整間店用色都是以淺色為住，感覺好舒服。

星期六同女友喺將軍澳搵食，佢突然話想食莆田，我見佢個二人餐幾抵食$198，於是叫左個豆腐湯套餐黎試試！頭盤個蝦乾紫菜賣相非常好，不過味道就比較難接受，因為佢應該係溝左一d酸醋，所以味道相當重酸味！至於個炸饅頭同煎蠔餅相當唔錯，我地都覺得呢兩味非要好食，呢兩味我地加佢分既，但係個餐就寫明豆腐湯煲咁既，於是我地以為主菜應該好大煲或大碟，點知道只係兩小碗，一人一碗，呢個有少少失望啦，至於味道就ok既，湯都幾清。最後個福建麵就非常之正宗同好吃，湯夠熱，麵亦夠彈牙，個甜品亦都好潤喉可口，基本上莆田可以話保持水準！